Элит ОЧЛ. «Насаф» «Ал-Ваҳда»га ҳам мағлуб бўлди
Натижада Рўзиқул Бердиев шогирдлари турнир доирасида қаторасига 4-ўйинда ҳам мағлуб бўлди.
Фото: Насаф ПФК
Элит Осиё Чемпионлар лигасининг 4-туридан ўрин олган "Насаф" – "Ал Ваҳда" учрашуви якунланди.
Унда меҳмонлар 2:1 ҳисобида ғалаба қозонди. Дастлаб Сардорбек Баҳрамов супергол билан ҳисобни очди.
Танаффусдан сўнг меҳмонлар икки маротаба “аждарлар” дарвозасини ишғол қилиб, ғалабани илиб кетди.
Натижада Рўзиқул Бердиев шогирдлари турнир доирасида қаторасига 4-ўйинда ҳам мағлуб бўлиб, минтақада сўнгги ўринда бормоқда.
Элит ОЧЛ. Ғарб минтақаси. 4-тур
Насаф — Ал-Ваҳда 1:2
Голлар: Сардор Баҳромов (43) — Иниека Огбу (52), Кайо Канедо (89).
Розикжон Султонмуродов
Журналист