Дьёкереш ва \"Спортинг\"нинг муносабатлари ёмонлашди — манба
Ҳужумчи Виктор Дьёкереш ва “Спортинг” ўртасидаги муносабатлар сезиларли даражада ёмонлашди, деб хабар беради Реcорд.
Манбага кўра, футболчи "шерлар"га ултиматум қўйган: у олдиндан келишилган нархда сотилмаса, майдонга тушмайди. Аввалроқ швециялик футболчи ўтган мавсум олдидан Португалия клубида қолишга рози бўлгани, сотиб олиш тўлови 100 миллион евро келажакда амалга оширилиши мумкин бўлган трансферга тўсқинлик қилмаслигига рози бўлгани хабар қилинганди.
“Спортинг” раҳбарияти футболчи учун унчалик қулай бўлмаган таклифларни кўриб чиқишга ваъда берди, аммо айни дамда клуб раҳбарлари яна потенциал трансфер нархини оширишга ҳаракат қилишмоқда.
Швециялик ҳужумчига "Манчестер Юнайтед" жиддий қизиқиш билдирмоқда. Футболчи Чемпионлар лигасининг кейинги мавсумида иштирок этмайдиган клубга ўтиш масаласини кўриб чиқишга тайёр. "Манчестер Юнайтед" бу келишувни муваффақиятли якунлаш имкониятига эга.
Ўтган мавсумда Дьёкереш барча турнирларда 52 та ўйин ўтказиб, 54 та гол урди ва 13 та голга ассистентлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.Трансфермаркт порталида берилган маълумотларга кўра, футболчининг бозор қиймати 75 миллион еврони ташкил қилади.