Дьёкереш: «Францияни мағлуб этишимизга ишонишимиз керак»
Швециялик форвард бўлажак баҳс олдидан фикр билдирди.
ФОТО: Getty images
Виктор Дьёкереш 2026 йилги жаҳон чемпионати 1/16 финалида Францияга қарши бўладиган учрашув олдидан ўз фикрлари билан ўртоқлашди.
«Биз майдонга ғалаба қозонишимизга ишонч билан чиқишимиз керак. Агар кунимиз омадли келса, ажойиб ўйин намойиш эта оламиз, деб ўйлайман. Биз бизни қандай рақиб кутаётганини жуда яхши биламиз», — деди Швеция ҳужумчиси.
Маълумот учун, Швеция гуруҳ босқичида 4 очко жамғариб, F гуруҳида учинчи ўринни эгаллади ва энг яхши учинчи ўрин соҳибларидан бири сифатида плей-офф йўлланмасини қўлга киритди.
ЖЧ-2026 1/16 финали доирасида Швеция 1 июль куни Францияга қарши майдонга тушади.