Доннарумма: «Италия терма жамоаси ЖЧга йўлланма олади»
"Мовий гвардия" саралашда ўз гуруҳида 2-ўринни эгаллаб турибди.
ФОТО: Getty images
Италия терма жамоаси дарвозабони Жанлуижи Доннарумма жамоанинг ЖЧ-2026га чиқиш истиқболлари ҳақида гапирди.
“Бу Италия терма жамоаси албатта жаҳон чемпионатига чиқади. Менда бунда ҳеч қандай шубҳа йўқ. Ортига қараб, Гаттузони ҳис қилсанг — у ҳар дақиқа сени қўллаб-қувватлаб тургандай бўлади. Бизнинг мураббийимиз мулоқотни яхши кўради. Женнаро биз билан кўп гаплашади, ҳаммасини тушунтиради. У жуда тезлик билан жамоамизга кучли жамоавий руҳни қайтарди”, — дея Доннарумманинг сўзларини La Gazzetta dello Sport келтирди.
Эслатиб ўтамиз, "мовий гвардия" саралашда ўз гуруҳида 2-ўринни эгаллаб турибди.
