«Динамо» бразилиялик легионери билан хайрлашди
Майкон умумий ҳисобда "шерлар" учун жами 25 та ўйинда 1 та гол урди.
Фото: Динамо ПФК
Самарқанднинг "Динамо" клуби ярим ҳимоячиси Дуглас Майкон эркин агент сифатида жамоани тарк этди. Бу ҳақда клуб матбуот хизмати хабар берди.
2024 йил ёзида самарқандликлар сафига келиб қўшилган футболчи жорий мавсумнинг иккинчи даврасини жиддий жароҳат сабаб ўтказиб юборди.
Майкон умумий ҳисобда "шерлар" учун жами 25 та ўйинда 1 та гол урди.
Аввалроқ клуб Маҳмуд Маҳаммаджонов билан хайрлашганди.
Розикжон Султонмуродов
Журналист