«Дибба Ал Фужайра» Абдулла Абдуллаев трансферини эълон қилди
Фото: Dibba.fc
Тошкентнинг "Пахтакор" клуби таянч ярим ҳимоячиси ва сардори Абдулла Абдуллаев фаолиятини Бирлашган Араб Амирликларида давом эттиради.
Терма жамоамизнинг 27 ёшли футболчисини "Дибба Фужайра" ўз сафига қўшиб олганини эълон қилди. Шартнома шартлари ҳозирча номаълум.
Абдуллаев "шерлар" сафида жорий мавсумда жами 14 та ўйинда майдонга тушди. У гол ёки голли узатма амалга оширмади.
У илгари ҳам БАА чемпионатида тўп сурган эди.
Розикжон Султонмуродов
Журналист