Дембеле: «Ўзим орзу қилган клубда ўйнаганман»

Франция миллий жамоаси ва «ПСЖ» клуби ҳужумчиси Усмон Дембеле «Барселона»даги фаолиятини ёдга олди.

«Барселона» шаклланишимга ёрдам берди. Майдонда ва унинг ташқарисида янада яхшироқ бўлдим, бир умрлик дўстлар орттирдим. Ўзим орзу қилган клубда ўйнаганман. «Барса»га 20 ёшимда, профессионал фаолиятимни бошлаганимдан бир ярим йил ўтиб қўшилдим, бу осон бўлмади. Жароҳатлар борасида омадим келмади, аммо барибир ривожландим», – деди футболчи.

Маълумот ўрнида, Усмон «кўк-анорранглилар» сафида жами 6 йил, яъни 2017–2023 йиллар оралиғида тўп тепган.

Иброҳим Жалолов

Редактор