Де Йонг Нидерландия терма жамоаси йиғинини тарк этди
ФОТО: Getty images
Нидерландия терма жамоаси ярим ҳимоячиси Френки Де Йонг жароҳати сабаб клуб ихтиёрига қайтди. Бу ҳақда Нидерландия қироллик футбол ассоциацияси хабар берди.
28 ёшли футболчи ЖЧ-2026 саралаши доирасидаги Польшага қарши ўйинда (1:1) жароҳат олганди. Текширувлардан сўнг у терма жамоа лагерини тарк этган. Футболчи 7 сентябрга белгиланган Литва билан ўйинни ўтказиб юборади.
Эслатиб ўтамиз, Френки Де Йонг терма жамоа сафида 60 ўйинда майдонга тушиб, 2 та гол урди ва 8 та голли пас узатди.
