Де Брюйне «Наполи»ни тарк этиши мумкин
Футболчининг Неапол клуби билан шартномаси 2027 йилнинг ёзигача амал қилади.
ФОТО: Getty images
“Наполи” ярим ҳимоячиси Кевин де Брюйне 2027 йил ёзда клубни тарк этиши мумкин. Бу ҳақда Sky Sports хабар берди.
Манбага кўра, бельгиялик 34 ёшли хавбек фаолиятини МЛСда давом эттирмоқчи. Унга океан орти жамоалари қизиқиш билдирмоқда.
Де Брюйненинг Неапол клуби билан шартномаси 2027 йилнинг ёзигача амал қилади. Шундан сўнг у МЛС клублари билан музокарага киришиши кутилмоқда.
Маълумот ўрнида, Кевин “Наполи”га ўтган йил июль ойида “Манчестер Сити”дан келиб қўшилганди.
Розикжон Султонмуродов
Журналист