«Челси» Мадуэкенинг нархини оширди
Фото: Getty Images
“Арсенал” клуби “Челси” футболчиси Нони Мадуэкени сотиб олишни режалаштирмоқда.
Инсайдер Николо Скиранинг хабарига кўра, 23 ёшли футболчи "Арсенал" билан 2030 йилгача бўлган шахсий шартнома шартларини келишиб олган.
Бироқ Лондоннинг икки клуби футболчининг трансфери бўйича келиша олгани йўқ. “Канонирлар”нинг 45 миллион евро ва бонуслар таклифи "кўклар"га маъқул келмади.
"Челси" Нонининг трансферидан камида 65 миллион евро ишлаб олишни режалаштирган.
Мадуэке Клублар ўртасидаги ЖЧда 5 ўйинда майдонга тушди.
Баҳром Бобонов
Редактор
