\"Челси\" йигирма ёшли марказий ҳимоячи учун олтмиш миллион евро товон пули тўлашга тайёр
Photo: gettyimages
Лондоннинг "Челси" клуби "Борнмут" марказий ҳимоячиси Дин Хёйсен учун курашда устунликка эришмоқчи.
20 ёшли футболчига Мадриднинг "Реал," "Бавария," "Ливерпуль" ва бошқа Европа грандлари қизиқиш билдирмоқда. Журналист Николо Скиранинг маълум қилишича, "Челси" аллақачон истиқболли испаниялик футболчи бўйича музокараларни бошлаб юборган. Футболчининг шартномасида 60 млн евро миқдорида товон пули белгиланган.
Transfermarkt портали Дин Хёйсеннинг нархини 42 млн евросга баҳоламоқда. Марказ ҳимоячиси АПЛнинг жорий мавсумида 29 та ўйин ўтказиб, 3 та гол урди.
Иброҳим Жалолов
Редактор