“Челси” Фабиан Руис учун 70 миллион евро таклиф тайёрламоқда
“ПСЖ” ярим ҳимоячиси Фабиан Руис фаолиятини Англия Премьер-лигасида давом эттириши мумкин. 30 ёшли испаниялик футболчига “Арсенал”, “Манчестер Юнайтед”, “Ливерпуль” ва “Ньюкасл” қизиқиш билдирмоқда, бироқ ҳозирча энг жиддий даъвогар “Челси” экани айтилмоқда. Бу ҳақда El Nacional нашри хабар бермоқда.
Манбага кўра, “Челси” бош мураббийи Хаби Алонсо Руисни ўз жамоасида кўришни истамоқда. Лондон клуби қишки трансфер ойнасидаёқ футболчи бўйича амалий қадам ташлашни режалаштирган ва унинг трансферини ярим ҳимояни кучайтириш учун муҳим вариант сифатида кўрмоқда.
Le Parisien маълумотига кўра, “Челси” январь ойида “ПСЖ”га Руис учун 70 миллион евро таклиф қилишга тайёр. Испаниялик футболчи ўтган мавсумда Париж клуби билан Чемпионлар лигасида ғолиб чиқди, ёзда эса Испания терма жамоаси сафида жаҳон чемпионлигини қўлга киритди.
Маълумот учун, Фабиан Руис жорий мавсумда “ПСЖ” сафида барча мусобақаларда 7 та учрашув ўтказиб, 1 та гол ва 2 та голли узатма қайд этган. Ҳозирча “Челси” томонидан расмий таклиф юборилгани ҳақида маълумот йўқ ва гап футболчига бўлган трансфер қизиқиши ҳақида кетмоқда.
