Бундеслига. «Боруссия»лар тўқнашувида Дортмунд клуби устун келиб, 2-ўринга кўтарилди
Германияда 15-тур учрашувлари старт олди.
ФОТО: Getty images
Дортмунднинг "Боруссия" клуби Германия чемпионатининг 15-турида Менхенгладбахнинг "Боруссия" клубини мағлуб этди - 2:0. Ўйин "Сигнал Идуна Парк" стадионида бўлиб ўтди.
Голларга 10-дақиқада Юлиан Брандт, 90+7-дақиқада Максимилиан Байер муаллифлик қилди.
Шундай қилиб, Дортмунднинг "Боруссия" клуби очколарини 32тага етказиб, Бундеслига турнир жадвалида 2-ўринда бормоқда. Менхенгладбах жамоаси 16 очко билан 11-поғонадан жой олган.
Бундеслига. 15-тур
20 декабрь, 00:30
Боруссия Д - Боруссия М - 2:0
Голлар: Брандт, 10 (1:0). Байер, 90+7 (2:0)
Розикжон Султонмуродов
Журналист