Бугун Суперлигада 2 та ўйин бўлиб ўтади
Турнинг сўнгги икки учрашуви 21 август куни ўтказилади.
Фото: UzPFL
Суперлигада 18-тур ўйинлари давом этади. Бугун ҳам тур доирасида икки беллашув ўтказилади.
Куннинг дастлабки баҳсида "Бунёдкор" ўз майдонида "Қўқон-1912"ни қабул қилади. Учрашув соат 19:00 да бошланади.
Кейинги беллашувда эса "Хоразм" Урганчда "Локомотив" билан куч синашади. Ушбу баҳс 20:00 да старт олади.
Турнинг сўнгги икки учрашуви 21 август куни ўтказилади: Унда Наманганда "Навбаҳор" — "Насаф" беллашади. Тошкентда эса "Пахтакор" — "Сурхон" билан ўзаро ҳисоб-китоб қилади.
