Бруно Женезиу «Марсел» бош мураббийига айланади
Француз мутахассиси Бруно Женезиу «Марсел» билан 2028 йилгача шартнома имзолади, деб хабар беради инсайдер Санти Ауна ижтимоий тармоқларда.
Манбанинг хабарига кўра, Женезиу «Марсел»ни бошқаришга розилик берган, ҳар икки томон аллақачон шахсий шартнома шартларини келишиб олишган. Ушбу келишув икки тўлиқ мавсумга, яъни 2028 йилнинг июнига қадар мўлжалланган. Шартномага, шунингдек, ҳамкорликни яна бир мавсумга узайтириш опцияси ҳам киритилган.
Хабар қилинишича, барча расмийлаштириш ишлари яқин орада ҳал қилинади. Ҳужжатлар имзоланиши билан клуб янги тайинлов ҳақида оммавий равишда эълон қилади. Женезиу Лига 1'да ишлаш тажрибасига эга бўлиб, у аввалроқ «Лилл» бош мураббийи лавозимида фаолият юритган ва ушбу жамоани 2026 йилнинг май ойида тарк этган эди.
