“Боруссия” клуб тарихидаг энг қиммат трансферни амалга ошириши мумкин
Дортмунднинг “Боруссия” клуби “Кёльн” вингери Саид Эл-Малани ўз сафида кўриш учун катта маблағ сарфлашга тайёр. Манбага кўра, дортмундликлар 19 ёшли футболчи учун тахминан 55 миллион евро таклиф қилишни режалаштирмоқда.
Агар ушбу трансфер амалга ошса, Эл-Мала “Боруссия” тарихи давомидаги энг қиммат янги футболчига айланади. Ҳозирги рекорд Усмон Дембелега тегишли — Дортмунд клуби уни 2016-йилда “Ренн”дан 35 миллион евро эвазига сотиб олган эди. Қизиғи, Дембеле ҳам ўша пайтда 19 ёшда бўлган.
“Боруссия” раҳбарияти Эл-Малани катта салоҳиятга эга футболчи сифатида кўрмоқда. Ёш вингер ўтган Бундеслига мавсумида “Кёльн” сафида 34 та учрашувда майдонга тушиб, 13 та гол урди ва 5 та голли узатма амалга оширди.
Ҳозирча клублар ўртасида якуний келишувга эришилгани ҳақида маълумот йўқ. Бироқ “Боруссия” 55 миллион евролик таклиф билан чиқса ва трансфер амалга ошса, бу Дортмунд клуби тарихи учун янги трансфер рекорди бўлади.
