Бьелса Уругвай терма жамоасини тарк этиши мумкин
Аргентиналик 70 ёшли мутахассис келажаги борасида Уругвай футбол ассоциацияси раҳбарияти билан учрашади.
ФОТО: Getty images
Уругвай терма жамоаси бош мураббийи Марсело Бьелса тез орада лавозимидан кетиш эҳтимоли бор. Бу ҳақда Pasesuruguay хабар тарқатди.
Манбага кўра, аргентиналик 70 ёшли мутахассис келажаги борасида Уругвай футбол ассоциацияси раҳбарияти билан учрашади. Бироқ унинг жамоада қолиш-қолмаслиги маълум эмас.
Эслатиб ўтамиз, Уругвай ЖЧ-2026 саралаш босқичида 28 очко тўплади ва тўртинчи ўринни эгаллади. Улар келаси ёзда АҚШ, Мексика ва Канадада бўлиб ўтадиган Жаҳон чемпионатига йўлланма олган.
Розикжон Султонмуродов
Журналист