Бельгия терма жамоасининг Жаҳон чемпионатидаги ғалабасиз серияси тўртта ўйинга етди
2-турда бельгияликлар Эрон билан дуранг ўйнади.
ФОТО: Getty Images
Бельгия терма жамоаси ЖЧ-2026 2-турида Эрон миллий жамоаси билан дуранг (0:0) ўйнаб, Жаҳон чемпионатларида кетма-кет тўртинчи ўйинда ҳам ғалаба қозона олмади. Ушбу муваффақиятсиз серия ўтган жаҳон биринчилигидан буён давом этиб келмоқда.
2020-йилда Қатардаги гуруҳ босқичида бельгияликлар Марокаш терма жамоасига имкониятни бой беришган (0:2) ва Хорватия билан учрашувни дуранг (0:0) билан якунлашган эди. Амалдаги турнирда ҳам ғалабасиз серия давом этди: 1-турда Бельгия терма жамоаси Миср миллий жамоаси билан дуранг ўйнади (1:1).
Олдинда жамоани ЖЧ-2026 гуруҳ босқичининг сўнгги тури кутмоқда. Унда Бельгия терма жамоаси 27-июнь, шанба куни Ванкувердаги «Би-Си Плейс» («BC Place») стадионида Янги Зеландия миллий жамоаси билан тўқнаш келади.
Насрулло Каримов
Журналист