«Бавария» Мануэл Нойерга ўринбосар топди
Мюнхеннинг «Бавария» клуби 40 ёшли тажрибали дарвозабон Мануэл Нойер фаолиятини якунлашга қарор қилган тақдирда, унинг ўрнини эгаллаши мумкин бўлган номзодлар рўйхатини шакллантирмоқда. Мюнхенликлар назарига «Брайтон» клубининг 21 ёшли нидерландиялик посбони Барт Вербрюгген тушган.
TEAMtalk нашри хабарга кўра, Германия гранди ёш дарвозабонни келажак учун асосий номзодлардан бири сифатида ўзининг қисқа рўйхатига киритган. Шу билан бирга, Вербрюггеннинг вакиллари «Бавария»нинг якуний қарорига қарамасдан, келаётган ёзги трансфер ойнаси учун бошқа вариантларни ҳам фаол ўрганишмоқда.
Нидерландиялик иқтидор эгасига нафақат «Бавария», балки Англия Премьер-лигасининг бошқа клублари ҳам қизиқиш билдирмоқда:
«Тоттенхэм»: Лондонликлар Вербрюггенни жамоага Роберто Де Зерби келишидан аввал ҳам кузатиб боришган. Мураббий эса футболчи билан «Брайтон»даги фаолияти орқали яхши таниш.
«Ньюкасл»: «Қарғалар» ҳам дарвозабонлар чизиғини ёшартириш мақсадида ушбу трансферга қизиқиш билдиришган.
Маълумот ўрнида, Барт Вербрюгген жорий мавсумда «Брайтон» сафида ишончли ўйин намойиш этиб, Европанинг энг истиқболли ёш дарвозабонларидан бири сифатида эътироф этилмоқда. Унинг трансфер нархи ва келажаги Мануэл Нойернинг Мюнхендаги қарорига кўп жиҳатдан боғлиқ бўлиб турибди.
