«Барселона» Франко Барезининг вафоти муносабати билан ҳамдардлик билдирди
«Барселона» клуби афсонавий италиялик ҳимоячи, «Милан» ва Италия терма жамоаси собиқ сардори Франко Барезининг вафоти муносабати билан расмий баёнот эълон қилди. Каталония клуби футбол афсонасининг оила аъзолари, яқинлари ҳамда «Милан» клубига чуқур ҳамдардлик изҳор этди.
Клуб баёнотида Франко Барези Италия футболининг энг буюк ҳимоячиларидан бири ва «Милан» тарихидаги уну тилмас сардорлардан бири экани алоҳида таъкидланди. «Барселона» унинг футбол тарихида қолдирган беназир мероси ҳеч қачон унутилмаслигини қайд этди.
«Барселона» ўз мурожаатини «Тинч ухланг, Франко» («Rest in Peace, Franco») сўзлари билан якунлади. Испания гранди шу тариқа футбол оламининг энг буюк ҳимоячиларидан бири хотирасига ҳурмат бажо келтирди.
Франко Барези 66 ёшида вафот этди. Унинг ўлимидан сўнг дунёнинг кўплаб клублари, федерациялар ва футбол арбоблари афсонавий ҳимоячи хотирасига бағишланган ҳамдардлик баёнотларини эълон қилмоқда.
