«Астон Вилла» ҳужумчиси Маркус Рэшфорд келажакдаги фаолияти борасида қарор қилди
Футбол
Бакрадзе Иман
Редактор
Расм: gettyimages.com Маркус Рэшфорд
Give Me Sport портали хабар беришича, инглиз клуби «Астон Вилла» ҳужумчиси Маркус Рэшфорд ҳали ҳам «Барселона»га ўтиш умидини сақлаб қолмоқда. Манбага кўра, Рэшфорд учун кейинги жамоаси УЕФА Чемпионлар Лигасида иштирок этиши жуда муҳим. Шунингдек, у «Манчестер Юнайтед»га қайтиш ниятида эмаслиги қайд этилган.
Эслатиб ўтамиз, Маркус Рэшфорд жорий мавсум охирига қадар «Астон Вилла» сафида ижара асосида ўйнамоқда. У бирмангемликлар таркибида 17 та ўйинда майдонга тушиб, 4 та гол урди ва 6 та голли пас муаллифи бўлди. Унинг «Манчестер Юнайтед» билан шартномаси 2028 йил ёзигача амал қилади.
