«Arsenal»да иккита янги мутахассислар иш бошлади
«Arsenal» ушбу ёзда клубнинг тиббий ва техник штабда амалга оширилаётган кенг кўламли ўзгаришлар фонида академик тиббиёт бўлимига иккита янги физиотерапевт билан мустаҳкамлади.
Илгарироқ «Crouch End Clinic»да фаолият юритган Санчес Дэвис ўз ижтимоий тармоғидаги саҳифасида шундай ёзди: ««Arsenal» академиясига академик физиотерапевт сифатида қўшилганимни эълон қилишдан мамнунман! Англия чемпионлари таркибида бўлишдан фахрланаман».
Аввал «Brentford» клуби орқали Премьер-лигада тажриба орттирган Омар Магҳуб ҳам академиянинг ярим ставкадаги физиотерапевти лавозимига ўтганини тасдиқлади ва буни «клуб, унинг маданияти ҳамда «Arsenal» йўлининг бир қисмига айланиш» имконияти деб атади.
Иккала тайинлов ҳам асосий жамоага тўғридан-тўғри таъсир кўрсатиши кутилмаяпти, бироқ улар раҳбарият ва асосий штабдаги муҳим қайта қуришлар ортидан амалга оширилди.
Янги самарадорлик бўйича раҳбар (Head of Performance) Антонио Гомес аллақачон Микел Артета жамоаси билан ишлашни бошлади. Шу билан бирга, Арналдо Абрантес доктор Заф Иқболнинг ўрнига «Aston Villa»дан «Arsenal»нинг тиббиёт ва самарадорлик бўлими раҳбари сифатида келиб қўшилди, Энеко Ангуло эса «Real Betis»дан клубнинг реабилитация бўйича янги раҳбари этиб тайинланди.
