Арбелоа Трент ҳақида гапирди: «У ажойиб ўйин кўрсатмоқда»
Мадриднинг «Реал» клуби бош мураббийи Альваро Арбелоа жамоа ҳимоячиси Трент Александр-Арнолднинг спорт формаси ҳақида ўз фикрлари билан ўртоқлашди.
«У ажойиб даражадаги ўйин кўрсатмоқда. Унинг маҳсулдорлиги шубҳа уйғотмайди ва айни дамда у майдонга тушишга тўлиқ лойиқ. У ўйнамаган вақтларда унинг ўрнини Карвахал эгаллади ва у ҳам ўз вазифасини аъло даражада уддалади. «Реал Мадрид» ҳар бир ўйинда ғалаба учун курашади, мен ҳам худди шундай.
Ҳар сафар қайсидир футболчини майдонга туширганимда, унга шубҳасиз ишонишим керак. Кўпинча одамлар мураббий футболчини танлашининг сабабини тушунишмайди — аслида мураббий у бунга лойиқлигига ва энг муҳими, айнан шу ўйинчи билан жамоа ғалаба қозонишига чин дилдан ишонгани учун уни танлайди. Мен шунчаки дақиқаларни тақсимламайман; таркибда ўзи олаётганидан кўра кўпроқ ўйин амалиёти беришни истаган футболчиларим бор», — деди Арбелоа.
Испания чемпионатининг 32-туридан сўнг Мадриднинг «Реал» клуби 73 очко жамғарган ҳолда турнир жадвалида иккинчи ўринни эгаллаб турибди.
