АПЛ. «Ливерпуль» мавсумдаги илк мағлубиятини қабул қилиб олди
Слот жамоаси мавсумдаги илк мағлубиятини қабул қилиб олди.
ФОТО: Getty images
Англия Премьер-лигасининг 6-турида амалдаги чемпион “Ливерпуль” Лондонда “Кристал Пэлас” меҳмони бўлди.
Баҳс 2:1 ҳисобида “бургутлар”нинг ғалабаси биланя кунига етди. Исмаил Сарр 9-дақиқада ҳисобни очди. 87-дақиқада захирадан майдонга тушган Федерико Кьеза мувозанатни тиклади. 90+7-дақиқада Эдди Нкетиа мезбонларнинг ғалаба голига муаллифлик қилди.
Бу ғалабадан сўнг Гласнер шогирдлари 12 очко билан 2-ўринга чиқди. “Ливерпуль” 15 очко тўплаган ҳолда ҳамон пешқадам.
АПЛ. 6-тур
“Кристал Пэлас” 2:1 “Ливерпуль”
Голлар: Сарр 9, Нкетиа 90+7 – Кьеза 87
Розикжон Султонмуродов
Журналист
