Англиялик Манчестер Юнайтед ҳимоячиси Гарри Магуайер Лион устидан қозонилган ғалаба ҳақида фикр билдирди
Англиянинг «Манчестер Юнайтед» клуби ҳимоячиси Гарри Магуайер Европа Лигаси чорак финалида Франциянинг «Лион» жамоасига қарши 5:4 ҳисобидаги ғалабадан сўнг ўз таассуротлари билан ўртоқлашди. Ушбу ўйинда Магуайер ғалаба голи муаллифи бўлди. УЕФАнинг расмий сайти англиялик футболчининг учрашувдан сўнгги интервюсини эълон қилди.
Қуйида Гарри Магуайернинг сўзлари келтирилган:
«Агар мен “жингунамлик” сўзини тавсифлашим керак бўлса, бу ўйин идеал намуна бўлар эди. Ақлбовар қилмас ўйин бўлди, ва бундай натижага эришганимизга ишониш қийин. Биз мухлисларимизда унутилмас хотиралар қолдирдик. Биз уларни хурсанд қилдик ва уларга яхши ва ёмон томонлари билан кўп мавзулар беришга муваффақ бўлдик.Мухлислар биз билан бўлиши жуда муҳим эди. Қўшимча вақтда 2:4 ҳисобида ортда бўлган пайтимизда улар бизга қарши чиқиши мумкин эди, аммо биз билан қолишди. Биз учинчи голни урдик, ва ҳамма яна ишонди. Бу ажойиб ўйин бўлди ва мен мухлисларимиз уйларига кенг табассум ва улашадиган хотиралар билан қайтишаётганидан жуда хурсандман».
Гарри Магуайернинг жорий мавсумдаги Европа Лигаси статистикаси: 5 та ўйин, 2 та гол ва 1 та голли узатма.
