«Андижон» етакчиларидан бири билан хайрлашганини эълон қилди
Футболчи “Динамо” клубига трансфер қилинганини маълум қилади.
Фото: Андижон ПФК
“Андижон” шарафини икки йил давомида муносиб ҳимоя қилган ярим ҳимоячи Бектемир Абдуманонов жамоамиз билан хайрлашди.
Футболчи “Динамо” клубига трансфер қилинганини маълум қилади.
Абдуманонов 2024 ва 2025 йилги мавсумларни “Бургутлар” сафида ўтказди. Умумий ҳисобда у “Андижон” либосида 73 та учрашувда майдонга тушди. 9 та гол урди ва 20 та ассистни бажарди.
“Биз Бектемирга жамоамизга қўшган ҳиссаси учун миннатдорчилик билдирамиз ва кейинги фаолиятига омад тилаймиз”, — дейилади клуб хабарида.
Розикжон Султонмуродов
Журналист