Аморим «Милан» бош мураббийи этиб тайинлангач, илк фикрларини билдирди
Италиянинг «Милан» клуби 16-июн, сешанба куни Рубен Аморим жамоанинг янги бош мураббийи этиб тайинланганини расман эълон қилди. Мутассадди клубдаги янги фаолияти борасида ўз таассуротлари билан ўртоқлашди.
«Милан» – бу катта масъулият ва шараф
«Ҳар бир мураббийнинг фаолиятида амалга ошишини кутaдиган орзулари бўлади, «Милан»га устозлик қилиш эса менинг айнан шундай мақсадларимдан бири эди. Бу клубнинг тарихи, нуфузи ва бутун дунё бўйлаб миллионлаб жонкуяр мухлислари борлигини жуда яхши биламан.
Бу – мен фахр ва катта иштиёқ билан қабул қиладиган чақириқ. Ушбу ранглар қанчалик аҳамиятли эканини тўлиқ англаб турибман. Ишни бошлашни ҳамда «Милан»ни олдинга етакловчи ўша ўзгача иштиёқни ҳар куни ҳис қилишни интиқлик билан кутяпман», — дея таъкидлади Аморим клуб расмий сайтига берган интервьюсида.
Рубен Аморимнинг тайинлови «россонерилар» мухлислари орасида катта қизиқиш уйғотди ва клуб келажаги учун янги давр бошланиши сифатида баҳоланмоқда.
