Аморим: «Мен ўйинларни, айниқса “City”га қарши охирги учрашувларни қайта кўриб чиқдим»
«Мен ўйинларни, айниқса “City”га қарши охирги учрашувларни қайта кўриб чиқдим ва жароҳатларни ҳисобга олиб, турли хил воқеалар ривожини ўйлаб кўрдим. Бу оддий халқаро танаффус эди, дам олиш кунларини болаларим билан ўтказдим, лекин барибир кейинги ўйин ҳақида ўйладим».
Ижобий статистика ҳақида:
«Уни футболчиларнинг ўзларига кўрсатиш муҳим. Ўйлайманки, биз “Fulham”га қарши бироз яхшироқ ўйнашимиз мумкин эди. Биз ҳали ҳам Лига Кубоги учун курашишимиз керак ва бу ҳақида жамоа билан гаплашяпмиз, улар ҳали олдинда қилинадиган ишлар кўп эканини тушунишлари учун. Биз мухлисларимиз учун бу ўйин қанчалик муҳимлигини биламиз. Биз барча маълумотлар ва метрикалардан фойдаландик, футболчиларга тараққиёт борлигини кўрсатдик, лекин бизга голлар керак. Дастлабки ўйинларда бизда шу муаммо бўлди».
Жароҳатлар ҳақида:
«Диогу Далот — танаффусдан жароҳат билан қайтган ягона футболчи. Қолганлар жуда яхши ҳолатда қайтишди, энди уларни кейинги ўйинга тайёрлашимиз керак. Бу жуда оғир ўйин бўлади, лекин биз анча яхши ўйнаяпмиз ва бу бизга ғалаба учун зарур бўлган ишончни беради, шунинг учун биз уларга қарши тўлиқ тайёрмиз».
Жамоа кайфияти ҳақида:
«Бизнинг мақсадимиз — “City”га қарши ўйинга худди “Grimsby”га қарши ўйиндаги каби кайфият билан чиқиш. Ҳар бир ўйин биз учун муҳим ва бир хил руҳда ўтиши керак. Бу шунчаки навбатдаги ўйин, аҳамиятли, лекин у ҳар ҳафта “City”га қарши ўйин каби бўлиши лозим. “City” кўп вақт тўпни назорат қилади. Улар ўйин давомида кўпинча тактикаси ўзгартиради, бу прессинг қилишда муаммолар туғдиради, лекин биз ўзимизга эътибор қаратамиз. Бизни турли тизимларга мослаша оладиган ҳимоя услубимиз бор. Шунингдек, биз тўпни назорат қилишимиз керак, бу жуда муҳим, охирги ўйинларда буни кўрсатдик. Биз “City”га қарши фақат ўтиш фазаларини ўйлаб ўйнай олмаймиз — йўқ, биз тўпни назорат қила оламиз ва айнан шуни қилишга ҳаракат қиламиз»,—деди мутахассис.
