Абдуқодир Ҳусанов Габонга қарши баҳсни ўтказиб юборади
Беллашув соат 19:00 да старт олади.
Фото: ЎФА
Ўзбекистон миллий терма жамоаси ҳимоячиси Абдуқодир Ҳусанов Габонга қарши учрашувни ўтказиб юборади.
Футболчимиз ноябрь ойида ўтказилган “Al Ain International Cup” мусобақасининг финалидан ўрин олган Эронга қарши беллашувда қизил карточка олганди. ФИФА регламентига мувофиқ, футболчимиз бугунги ўртоқлик учрашувида майдонга туша олмайди.
Маълумот учун, бугун Ўзбекистон терма жамоаси "FIFA Series" халқаро ўртоқлик турнири доирасида Габон билан куч синашади. Беллашув соат 19:00 да старт олади.
Розикжон Султонмуродов
Журналист