Аббосбек Файзуллаев: «Ҳужум қилаётган вазиятда гол уриш мумкинлигини ҳис қилдим»
У тарихий голга муаллифлик қилди.
Фото: ЎФА
Ўзбекистон терма жамоаси ярим ҳимоячиси Аббосбек Файзуллаев Жаҳон чемпионати — 2026 гуруҳ босқичининг 1-туридан ўрин олган Колумбияга қарши ўйиндаги (1:3) тарихий голи ҳақида фикр билдирди.
— Биринчи навбатда, голинг билан табриклайман.
— Раҳмат, раҳмат.
— Бу қандай содир бўлганини айтиб бер.
— Ҳужум қилаётган вазиятда гол уриш мумкинлигини ҳис қилдим. Ва, ўйлайманки, керакли жойда эдим, — деди Файзуллаев.
Эслатиб ўтамиз, Ўзбекистон гуруҳнинг иккинчи беллашувида Португалияга қарши ўйнайди. Бу беллашув соат 22:00да старт олади.
