Тайсон Фьюрига янги жанг таклиф қилинди
Британиялик боксчи аввалроқ фаолиятини якунлаганди.
ФОТО: Getty Images
Собиқ супероғир вазн чемпиони британиялик Тайсон Фьюрига навбатдаги жанг бўйича таклиф тушгани маълум бўлди. Бу ҳақда Sky Sports хабар берди.
Манбага кўра, Фьюри америкалик Брендон Мур (12-1, 9 KO) билан рингга чиқиши мумкин.
Эслатиб ўтамиз, Фьюри 2025 йил бошида карерасини якунлаганини эълон қилган эди. Унинг сўнгги жанги 2024 йил декабрида бўлиб ўтган ва унда у украиналик Александр Усик билан реваншда очколар ҳисобига кўра мағлуб бўлган. Британиялик боксчининг профессионал статистикаси: 34 ғалаба, 2 мағлубият, 1 дуранг.
