Наоя Иноуэ иштирок этган жанг муддатидан олдин якунланди — кейинги рақиб аниқ
Лас-Вегасда профессионал бокс кечаси бўлиб ўтди. Унинг марказий тўқнашуви супер енгил вазн тоифасидаги мутлақ жаҳон чемпиони Наоя Иноуэ ва америкалик Рамон Карденас ўртасидаги жанг бўлди. Япониялик боксчи саккизинчи раундда техник нокаут билан ишончли ғалаба қозонди.
Иккинчи раундда Иноуэ рақибнинг аниқ зарбасидан кейин нокдаунга учраган бўлса-да, тезда ўзига келиб, жангни назорат остига олди. Карденас бундан фойдалана олмади, ва саккизинчи раундда ҳакам жангни тўхтатишга мажбур бўлди. Бу Наоя Иноуэ учун кетма-кет 30-ғалаба бўлиб, у ҳалигача мағлубият ёки дурангга учрамаган. Рамон Карденас эса иккинчи марта мағлуб бўлди — унинг ҳисобида ҳозир 26 ғалаба ва 2 мағлубият мавжуд.
Кутилганидек, Иноуэнинг навбатдаги рақиби ўзбекистонлик Муроджон Ахмадалиев бўлади. Жанг жорий йил сентябр ойига режалаштирилган.
