Даҳшат! Жанги \"Tottenham Hottspur Stadium\"да ўтадиган икки британиликнинг гонорари эълон қилинди
Эртандан кейин, 26-апрел куни Буюк Британиянинг Лондон шаҳрида катта профессионал бокс турнири бўлиб ўтади.
"Тоттенхэм" клуби тегишли "Tottenham Hottspur Stadium"да ўтадиган оқшомнинг асосий жангисида икки британилик боксчилар - Крис Юбенк ва Конор Бенн ўзаро тўқнаш келади. Ўрта вазн тоифаси вакилларининг ўзаро жангига бўлган қизиқиш жуда юқори.
Крис Юбенк ва Конор Бенн фаолиятларидаги энг катта гонорарни ҳам айнан британ дербисидаги жангларидан олишади. Юбенк 13,3 млн, Бенн эса 10,6 млн АҚШ доллари миқдорида кафолатланган гонорарга эга бўлади. Бу суммага жуда кўп машҳур чемпионлар ҳавас қилади.
Эслатиб ўтамиз, Крис Юбенк ўзининг сўнгги жангини 2024 йилнинг октябрь ойида Камил Шереметга қарши ўтказиб, рақибини еттинчи раундда техник нокаутга учратганди. Бенн эса 2024 йилнинг февраль ойида Питер Добсондан очколар ҳисобига кўра устун келган эди.
