Бокс бўйича Осиё чемпионати. 21 апрел кунги натижалар ва 22 апрелга мўлжалланган чорак финал жадвали
Осиё чемпионатининг ўсмирлар ва қизлар ўртасидаги тўртинчи куни 22 апрел куни Иорданиянинг Амман шаҳрида бўлиб ўтади. 21 апрел - учинчи кун давомида Ўзбекистон терма жамоасининг икки нафар вакили рингга чиқди. Улардан бири ғалаба қозонди, иккинчиси эса рақибига имкониятни бой берди.
21 апрел кунги натижалар:
60 кггача: Аброрбек Шарипов – Санти Каевбунраунг (Таиланд) — ўзбек спортчиси учинчи раундда техник нокаут билан ғалаба қозонди.
66 кггача: Суннатбек Илҳомов – Кунимицу Хондзё (Япония) — Илҳомов очколар ҳисобида ютқазди.
22 апрел куни Осиё чемпионатининг чорак финал босқичи бошланади. Кун давомида Ўзбекистон терма жамоасининг олти нафар ёш боксчиси жанг қилади:
35 кггача: Сармат Шокаримов – Дауlet Тенелбай (Қозоғистон)
37 кггача: Мухриддин Ҳамиджонов – Ричард Пайла (Филиппин)
40 кггача: Камронбек Комилов – Атабек Ҳожиев (Туркманистон)
37 кггача: Сабинахон Камилжонова – Пей-Юн Чианг (Хитой Тайбэи)
46 кггача: Ойбек Алимжонов – Султон Шаннак (Иордания)
43 кггача: Райҳона Алимхонова – Хиао-Тинг Шао (Хитой Тайбэи)
Жанглар Тошкент вақти билан соат 14:00 да бошланади.