12 ёшли Ромина Кастан профессионал боксда дебют қилади
Эртага, 27 июл куни тонг саҳарда Мексиканинг Веракрус шаҳрида профессионал бокс кечаси бўлиб ўтади. Ушбу турнирдаги энг муҳокамага сабаб бўлаётган воқеалардан бири — 12 ёшли Ромина Кастаннинг дебютидир. У биринчи бор профессионал рингга чиқади ва 21 ёшли ватандоши Гвадалупе Мединага қарши жанг қилади. Медина ҳисобида 10 та ғалаба мавжуд.
Ромина 6 ёшидан бокс билан шуғулланади, саккиз ёшида эса ҳаваскор рингда жанглар ўтказа бошлаган. Шу вақтгача у 50 та жангда ғалаба қозонган. Унинг мураббийи — ўз отаси Исаак Кастан.
Таърихда ундан ҳам ёшроқ профессионал боксчи бўлган — британиялик Ниппер Пэт Дейли 1923 йилда 10 ёшида дебют қилган. У 7 йилда 119 та жанг ўтказиб, 1931 йилда, 17 ёшида рингдан кетган.
Ромина Кастаннинг кеча бокс тарихида навбатдаги ёш чемпионлар сафидан жой олиш эҳтимоли билан қизиқиш уйғотмоқда.
