Sergey Fomin Tbilisidagi turnirni ilk davradayoq tark etdi
Rasm: Gazeta.uz
Gruziyaning poytaxti Tbilisi shahrida tennis bo‘yicha M25 toifasiga kiruvchi xalqaro turnir bo‘lib o‘tmoqda.
12 may kuni, yurtimiz sharafini himoya qilayotgan Sergey Fomin musobaqaning birinchi davrasida kortga chiqdi. Mamlakatimizning ikkinchi raqetkasi 1/16 finalda Janubiy Afrika Respublikasidan kelgan Filip Henning bilan kuch sinashdi.
Afsuski, 67 daqiqa davom etgan bellashuvda 24 yoshli Henning katta ustunlik bilan — 6/3, 6/0 hisobida g‘alaba qozondi va keyingi bosqichga yo‘l oldi. Ushbu o‘yin Fomin va Henning o‘rtasidagi birinchi rasmiy uchrashuv bo‘ldi.
Bakradze Iman
Redaktor