Farg‘onadagi J200 turnirida ikki nafar o‘zbekistonlik finalga chiqdi</h1> <article> <h1>Farg‘onadagi J200 turnirida ikki nafar o‘zbekistonlik finalga chiqdi</h1> <p>Fri, 16 Oct 2026 22:27:13 +0500</p> <p>Farg‘onadagi J200 turnirida ikki nafar o‘zbekistonlik finalga chiqdi.ITF World Tennis Tour Juniors J200 turnirida Mahmudbek Beknazarov va Aleksandra Barmicheva final yo‘llanmasini qo‘lga kiritdi.Yarim finalda Mahmudbek belaruslik Ivan Samstykani 6:1, 6:3 hisobida mag‘lub etdi. Aleksandra esa turnirning birinchi raqamli tennischisi, o‘smirlar jahon reytingida 80-o‘rinda borayotgan rossiyalik Vasilisa Taranovani 3:6, 6:1, 6:2 hisobida yengdi.Finalda tennischilarimizga omad tilaymiz!</p> </article> <article> <h1>Mahmudbek Beknazarov J200 Fergana o‘smirlar turniri yarim finalida</h1> <p>Thu, 15 Oct 2026 18:07:00 +0500</p> <p>Mahmudbek Beknazarov J200 Fergana o‘smirlar turniri yarim finalida.O‘zbekistonlik tennischi chorak finalda turnirning birinchi raqamli ishtirokchisi, o‘smirlar jahon reytingida 126-o‘rinda borayotgan Aleksey Shibayevni 6:1, 6:0 hisobida mag‘lub etdi.Yarim finalda Mahmudbekka omad tilaymiz.</p> </article> <article> <h1>Polina Kudermetova WTA reytingida 102-o‘rinda</h1> <p>Thu, 15 Oct 2026 18:04:21 +0500</p> <p>Polina Kudermetova WTA reytingida 102-o‘rinda.WTA reytingining 12-oktabr kungi yangilanishiga ko‘ra, O‘zbekiston vakili Polina Kudermetova dunyoning 102-raketkasi hisoblanadi. Uning faoliyatidagi eng yaxshi natija — 2025-yil aprelida qayd etilgan 54-o‘rin.2025-yilda Polina Brisbane shahrida o‘tgan WTA 500 turnirida finalgacha yetib bordi. Turnir davomida u dunyoning o‘sha paytdagi 9-raketkasi Daria Kasatkinani mag‘lub etib, faoliyatidagi ilk Top-10 g‘alabasini qo‘lga kiritdi.2026-yilda Polina WTA 125 turkumidagi Oeiras va Canberra turnirlarida finalgacha yetib bordi. Hozircha u yakkalik bahslarida WTA turnirlarida chempionlikni qo‘lga kiritmagan.</p> </article> <article> <h1>Kamilla Rakhimova WTA reytingida 69-o‘rinda</h1> <p>Thu, 15 Oct 2026 18:01:48 +0500</p> <p>Kamilla Rakhimova WTA reytingida 69-o‘rinda.WTA reytingining 12-oktabr kungi yangilanishiga ko‘ra, O‘zbekiston vakili Kamilla Rakhimova dunyoning 69-raketkasi bo‘lib turibdi. Uning yakkalik bahslaridagi eng yaxshi natijasi — 60-o‘rin.2026-yil 7-fevral kuni Kamilla ispaniyalik Sara Sorribes Tormo bilan birgalikda Cluj-Napoca shahrida o‘tkazilgan Transylvania Open WTA 250 turnirining juftlik bahslarida g‘olib bo‘ldi. Finalda ular Xinyu Wang va Saisai Zheng juftligini 7:6 (9:7), 6:3 hisobida mag‘lub etishdi.Yakkalik bahslarida Kamilla WTA 125 turkumidagi Guadalajara-2024 va Angers-2025 turnirlarida g‘olib bo‘lgan.</p> </article> <article> <h1>Mariya Timofeeva O‘zbekistonning birinchi raketkasi</h1> <p>Thu, 15 Oct 2026 17:58:55 +0500</p> <p>Mariya Timofeeva O‘zbekistonning birinchi raketkasi.WTA reytingining yangi yangilanishiga ko‘ra, Mariya Timofeeva 63-o‘ringa ko‘tarilib, faoliyatidagi eng yaxshi natijani qayd etdi. Uning avvalgi eng yuqori ko‘rsatkichi 68-o‘rin edi.Mariya Pekindagi WTA 1000 turnirida saralash bosqichidan muvaffaqiyatli o‘tib, uchinchi bosqichga qadar yetib bordi. Ushbu natija unga 135 reyting ochkosini taqdim etdi va yangi shaxsiy rekordini o‘rnatishiga yordam berdi.Avval O‘zbekistonning birinchi raketkasi Kamilla Rakhimova edi. Yangi reytingda Kamilla 69-o‘rinni, Mariya esa 63-o‘rinni egalladi. Shu tariqa, Mariya O‘zbekiston ayollar terma jamoasining birinchi raketkasiga aylandi.</p> </article> <article> <h1>Toshkentda ilk bor stol tennisi boʻyicha Osiyo chempionati oʻtkaziladi</h1> <p>Sun, 11 Oct 2026 23:19:51 +0500</p> <p>Toshkentda ilk bor stol tennisi boʻyicha Osiyo chempionati oʻtkaziladi19-25-oktyabr kunlari poytaxtimizdagi “Olimpiya shaharchasi” stol tennisi boʻyicha Osiyo chempionatiga mezbonlik qiladi. Musobaqada mazkur sport turida kattalar oʻrtasidagi qitʼa birinchiligi mamlakatimizda ilk bor oʻtkazilayotgani bilan yanada ahamiyatli.Chempionatda 33 mamlakatdan 255 nafar sportchi ishtirok etadi. Reglamentga koʻra, bellashuvlar yakkalik, juftlik, aralash juftlik va jamoaviy dasturlarda tashkil qilinadi. Ahamiyatlisi, jamoaviy dasturda kelasi yili Qozogʻistonda boʻlib oʻtadigan jahon chempionati yoʻllanmalari oʻynaladi.Bahslarda Oʻzbekiston terma jamoasining 10 nafar sportchisi ishtirok etadi. Hamyurtlarimiz 12-oktyabr kunidan KXDR va Qirgʻiziston terma jamoalari bilan musobaqa oldidan soʻnggi tayyorgarlik yigʻinini boshlaydi.</p> </article> <article> <h1>Kamilla Rahimova Wuhan Open turnirida ishonchli g‘alabaga erishdi</h1> <p>Sun, 11 Oct 2026 23:07:51 +0500</p> <p>Kamilla Rahimova Wuhan Open turnirida ishonchli g‘alabaga erishdi.O‘zbekiston vakili Kamilla Rahimova Xitoyda o‘tkazilayotgan nufuzli WTA 1000 toifasidagi Wuhan Open turnirining saralash bosqichida muvaffaqiyatli start oldi.Tennischimiz ilk uchrashuvda tajribali va nomdor amerikalik tennischi Sofiya Keninni 6:0, 6:3 hisobida mag‘lub etdi.Sofiya Kenin — 2020-yilgi Australian Open chempioni, Roland Garros 2020 finalchisi va sobiq dunyoning 4-raketkasi.Kamilla uchrashuv davomida yuqori saviyadagi o‘yin namoyish etib, tajribali raqibasi ustidan ishonchli g‘alabaga erishdi.Tennischimizni ushbu g‘alaba bilan tabriklaymiz va keyingi uchrashuvlarda omad tilaymiz!</p> </article> <article> <h1>O‘zbekistonlik tennischilar Farg‘onadagi ITF J100 turnirida ikkita chempionlik unvonini qo‘lga kiritishdi</h1> <p>Sun, 11 Oct 2026 23:01:44 +0500</p> <p>O‘zbekistonlik tennischilar Farg‘onadagi ITF J100 turnirida ikkita chempionlik unvonini qo‘lga kiritishdi.Farg‘ona shahrida o‘tkazilgan ITF World Tennis Tour Juniors taqvimiga kiruvchi J100 Hayot Bank Cup xalqaro turnirida O‘zbekiston vakillari muvaffaqiyatli ishtirok etishdi.Yakkalik bahslarida Mahmudbek Beknazarov chempionlikni qo‘lga kiritdi. Finalda uning raqibi, turnirning birinchi raqam ostida saralangan Aleksandr Kunitsin sog‘lig‘i bilan bog‘liq sababga ko‘ra kortga chiqa olmadi. Natijada Beknazarov turnir g‘olibi deb topildi.Juftlik bahslarida esa O‘zbekiston vakili Daniil Kvasov belaruslik tennischi Ivan Samstika bilan birgalikda chempionlikni qo‘lga kiritdi. Ular finalda Kamal Faxretdinov va Roman Kulpin juftligini 7:6(5), 6:4 hisobida mag‘lub etishdi.Tennischilarimizni ushbu muvaffaqiyat bilan tabriklaymiz va kelgusi musobaqalarda yangi g‘alabalar tilaymiz!</p> </article> <article> <h1>Tennis kortlaridan daraklar: O‘zbekistonlik raketka ustalarining muvaffaqiyati</h1> <p>Wed, 07 Oct 2026 20:59:05 +0500</p> <p>Tennis kortlaridan daraklar: O‘zbekistonlik raketka ustalarining muvaffaqiyatiBir hafta davomida o‘zbekistonlik raketka ustalari turli darajadagi nufuzli musobaqalarda yurtimiz sharafini munosib himoya qilib, qator yaxshi natijalarga erishdilar.Humoyun Sultonov — Osiyo o‘yinlari sovrindori.Erkaklar o‘rtasida O‘zbekistonning ikkinchi raqamli raketkasi Humoyun Sultonov Yaponiyaning Aichi-Nagoya shahrida o‘tkazilgan XX Osiyo o‘yinlarining tennis bahslarida bronza medalini qo‘lga kiritdi.Humoyun yakkalik bahslarida yarim finalgacha yetib bordi. Hal qiluvchi bosqichda gonkonglik raqibiga imkoniyatni boy bergan tennischimiz turnirni bronza medali bilan yakunladi.Pekindagi WTA 1000 turnirida uch nafar vakilimizAyollar o‘rtasida esa Kamilla Rahimova, Mariya Timofeyeva va Polina Kudermetova Pekinda o‘tkazilgan WTA 1000 toifasidagi nufuzli turnirda muvaffaqiyatli ishtirok etdilar.Kamilla Rahimova dastlabki bosqichda ispaniyalik Bassols Riberani ikki setda — 6:4, 7:6 hisobida mag‘lub etdi.Ikkinchi bosqichda turnirning 23-raqamli raketkasi, kanadalik Leyla Fernandes ustidan uch setlik bahsda — 6:2, 4:6, 6:3 hisobida g‘alaba qozondi.Uchinchi bosqichda esa Kamillaga turnirning 10-raqamli tennischisi, amerikalik Iva Yovich raqiblik qildi. Ushbu bahsda Rahimova ikki setda — 6:1, 7:5 hisobida imkoniyatni boy berdi.Mariya Timofeyeva ilk bosqichda chexiyalik Darya Vidmanovani bir xil hisobda — 6:3, 6:3 mag‘lub etdi.Ikkinchi bosqichda esa jahonning 12-raqamli tennischisi, yaponiyalik Naomi Osaka bilan kortga chiqdi. Qizg‘in kechgan bahsda Timofeyeva uch setda — 3:6, 6:3, 3:6 hisobida mag‘lubiyatga uchradi.Polina Kudermetova ham Pekin ochiq chempionatida munosib ishtirok etdi.U dastlab xitoylik Yesin Maga qarshi bahsda irodali g‘alabaga erishdi — 6:7 (2), 6:3, 6:2.Ikkinchi bosqichda turnirning 32-raqamli raketkasi, daniyalik Klara Tauson ustidan — 6:4, 4:6, 6:4 hisobida zafar quchdi.Uchinchi bosqichda esa Polinaga jahonning 4-raqamli tennischisi, rossiyalik Mirra Andreeva raqiblik qildi. Bahsda Kudermetova ikki setda — 4:6, 1:6 hisobida imkoniyatni boy berdi. </p> </article> <article> <h1>Tennis. Qarshida ATF 12&Under Karshi Cup turniri yakunlandi</h1> <p>Wed, 07 Oct 2026 02:40:00 +0500</p> <p>Qarshida ATF 12&Under Karshi Cup turniri yakunlandi.Qashqadaryo viloyatida 12 yoshgacha bo‘lgan yosh tennischilar o‘rtasida ATF 12&Under Karshi Cup xalqaro turniri bo‘lib o‘tdi. Musobaqada O‘zbekiston, Qozog‘iston va boshqa mamlakatlardan yosh tennischilar ishtirok etdi.O‘zbekiston vakili S. Jalolitdinov o‘g‘il bolalar yakkalik bahslarida chempionlikni qo‘lga kiritdi. Finalda u hamyurtimiz Abdualiiy Azamatovni 6:0, 6:3 hisobida mag‘lub etdi.Juftlik bahslarida S. Jalolitdinov / S. Kizatbay (Qozog‘iston) tandemi ham g‘oliblikni qo‘lga kiritdi — final 6:2, 6:2 hisobida yakunlandi.Qizlar o‘rtasidagi bahslarda Qozog‘iston vakillari muvaffaqiyat qozondi: Medina Raiymbek yakkalikda, Dayana Zhanaeva / Medina Raiymbek juftligi esa juftlik bahslarida chempion bo‘ldi.Yosh tennischilarimizni munosib natijalar bilan tabriklaymiz va kelgusi musobaqalarda omad tilaymiz!</p> </article> <article> <h1>Aleksandra Barmicheva — J200 Istanbul turniri chempioni</h1> <p>Sun, 04 Oct 2026 19:50:18 +0500</p> <p>Aleksandra Barmicheva — J200 Istanbul turniri chempioni.O‘zbekiston vakili Aleksandra Barmicheva Turkiyaning Istanbul shahrida bo‘lib o‘tgan nufuzli ITF World Tennis Tour Juniors J200 turnirining yakkalik bahslarida chempionlikni qo‘lga kiritdi.Turnir davomida Aleksandra kuchli raqiblarni mag‘lub etdi. Ayniqsa, chorak finalda musobaqaning 1-raqamli saralangan tennischisi, jahon o‘smirlar reytingida 83-o‘rinda borayotgan turkiyalik Ayşe Bal ustidan 3:6, 6:3, 6:4 hisobida irodali g‘alabaga erishdi.Turnir oldidan Barmicheva ITF o‘smirlar jahon reytingida 278-o‘rinni egallab turgan edi. Istanbuldagi chempionlik unga 200 reyting ochkosi olib keladi va navbatdagi reyting yangilanishida sezilarli ko‘tarilish imkonini beradi. Aleksandrani yorqin g‘alaba bilan tabriklaymiz va kelgusi musobaqalarda ulkan zafarlar tilaymiz.</p> </article> <article> <h1>O‘zbekiston vakili Kamilla Raximova Pekinda o‘tayotgan WTA 1000 China Open turnirining uchinchi bosqichiga yo‘l oldi</h1> <p>Sat, 03 Oct 2026 19:40:00 +0500</p> <p>O‘zbekiston vakili Kamilla Raximova Pekinda o‘tayotgan WTA 1000 China Open turnirining uchinchi bosqichiga yo‘l oldiIkkinchi bosqichda Kamilla dunyoning 26-raketkasi, kanadalik Leylah Fernandezni uch setlik bahsda — 6:2, 4:6, 6:3 hisobida mag‘lub etdi. Fernandez faoliyati davomida WTA reytingida 13-o‘ringacha ko‘tarilgan va 2021-yilgi US Open finalchisi hisoblanadi. Ushbu g‘alaba evaziga Kamilla turnirda 65 reyting ochkosi va 61 865 AQSh dollari miqdoridagi mukofot pulini kafolatladi.Kamillaga keyingi bosqichda omad tilaymiz!</p> </article> <article> <h1>Saidaslam Farxodov — U14 Osiyo chempionati finalchisi</h1> <p>Fri, 02 Oct 2026 18:18:31 +0500</p> <p>Saidaslam Farxodov — U14 Osiyo chempionati finalchisi.O‘zbekistonlik yosh tennischi Saidaslam Farxodov Tailandning Nontxaburi shahrida o‘tkazilgan GSPDP Asian 14U Junior Championships 2026 musobaqasining juftlik bahslarida finalga qadar yetib bordi.Mazkur nufuzli musobaqa 14 yoshgacha bo‘lgan tennischilar o‘rtasidagi Osiyo chempionati bo‘lib, ATF tizimida eng yuqori — A+ toifasiga ega.Saidaslam suriyalik Muhamad Eyad Saleem bilan tandemda muvaffaqiyatli ishtirok etdi. Final bahsida ular Zi Che Chen / Cheng-en Tsai juftligiga 0:6, 1:6 hisobida imkoniyatni boy berib, musobaqani finalchi sifatida yakunladilar.Saidaslamni ushbu munosib natija bilan tabriklaymiz va kelgusi musobaqalarda ulkan zafarlar tilaymiz!</p> </article> <article> <h1>Tennis. Polina Kudermetova Pekindagi WTA 1000 turnirining uchinchi bosqichida</h1> <p>Fri, 02 Oct 2026 18:16:02 +0500</p> <p>O‘zbekiston vakili Polina Kudermetova Pekinda o‘tayotgan nufuzli WTA 1000 China Open turnirining ikkinchi bosqichida tajribali daniyalik tennischi Klara Tausonni uch setda — 6:4, 4:6, 6:4 hisobida mag‘lub etib, uchinchi bosqichga yo‘l oldi.Tauson faoliyati davomida WTA reytingida 12-o‘ringacha ko‘tarilgan. Hozirda u jahon reytingida 44-o‘rinni egallab turibdi. Ushbu g‘alaba evaziga Kudermetova Pekindagi ishtiroki uchun kamida 61 865 AQSh dollari miqdoridagi mukofot puli va 65 WTA reyting ochkosini kafolatladi. Uchinchi bosqichda Polina turnirning 4-raqamli saralangan tennischisi Mirra Andreevaga qarshi kortga chiqadi.</p> </article> <article> <h1>Tennis. Humoyun Sultonov — Osiyo o‘yinlarining bronza medali sohibi</h1> <p>Fri, 02 Oct 2026 18:13:42 +0500</p> <p>Humoyun Sultonov — Osiyo o‘yinlarining bronza medali sohibi.O‘zbekiston terma jamoasi vakili Humoyun Sultonov Aichi–Nagoya 2026 XX Osiyo o‘yinlarining erkaklar o‘rtasidagi yakkalik bahslarini bronza medali bilan yakunladi.Yarimfinalda hamyurtimiz Gonkong vakili Coleman Wongga qarshi munosib kurash olib bordi — 6:3, 3:6, 2:6.Humoyun, bu natija ortida katta mehnat, matonat va Vatan sharafini munosib himoya qilishga bo‘lgan intilish bor. Bronza medali bilan tabriklaymiz.</p> </article> </main></body></html>