Oʻzbekiston terma jamoasi Devis kubogi III guruhi Osiyo/Okeaniya musobaqasidagi ikkinchi uchrashuvini Filippinga qarshi oʻtkazdi</h1> <article> <h1>Oʻzbekiston terma jamoasi Devis kubogi III guruhi Osiyo/Okeaniya musobaqasidagi ikkinchi uchrashuvini Filippinga qarshi oʻtkazdi</h1> <p>Sat, 18 Jul 2026 00:36:37 +0500</p> <p>Oʻzbekiston terma jamoasi Devis kubogi III guruhi Osiyo/Okeaniya musobaqasidagi ikkinchi uchrashuvini Filippinga qarshi oʻtkazdi.Yakkalik bahslarida Sergey Fomin Alberto Limni 6:4, 6:2 hisobida magʻlub etib, jamoamizga muhim ochko keltirdi. Amir Milushev esa Eric Jr. Olivarezga 3:6, 2:6 hisobida imkoniyatni boy berdi.Juftlik uchrashuvida Damir Abdusamadov va Abdulaziz Usmonjonov tandemi Francis Casey Alcantara / Ruben Gonzales juftligiga qarshi kurash olib borib, tay-brek bilan yakunlangan bahsda 6:7(2), 4:6 hisobida magʻlub boʻldi.Natijada Oʻzbekiston Filippinga 1:2 hisobida imkoniyatni boy berdi.Guruh bosqichining hal qiluvchi uchrashuvida jamoamiz Iordaniyaga qarshi kortga chiqadi. Terma jamoamizga omad tilaymiz!</p> </article> <article> <h1>Aichi–Nagoya-2026: O‘zbekiston tennis federatsiyasida Osiyo o‘yinlariga tayyorgarlik muhokama qilindi</h1> <p>Thu, 16 Jul 2026 22:29:22 +0500</p> <p>Aichi–Nagoya-2026: O‘zbekiston tennis federatsiyasida Osiyo o‘yinlariga tayyorgarlik muhokama qilindiAichi–Nagoya-2026 yozgi Osiyo o‘yinlariga tayyorgarlik jarayonini o‘rganish doirasida Sport vaziri o‘rinbosari Shahrullo Mahmudov hamda MOQ raisi o‘rinbosari Sherzod Tashmatov O‘zbekiston tennis federatsiyasiga tashrif buyurdi.Uchrashuvda O‘zbekiston tennis federatsiyasi bosh kotibi Sardor Kamilov va federatsiya raisi o‘rinbosari Iroda Tulyaganova ishtirok etdi.Yig‘ilish davomida tennis bo‘yicha O‘zbekiston terma jamoasining Aichi–Nagoya-2026 yozgi Osiyo o‘yinlariga tayyorgarlik rejasi, sportchilar tarkibi, ularning imkoniyatlari, kutilayotgan raqobat hamda o‘quv-mashg‘ulot yig‘inlari atroflicha muhokama qilindi.Shuningdek, terma jamoaning tayyorgarlik jarayonini yanada takomillashtirish, sportchilarni Osiyo o‘yinlariga yuqori sport formasida olib borish hamda barcha zarur sharoitlarni yaratish yuzasidan tavsiya va topshiriqlar berildi.</p> </article> <article> <h1>O‘zbekiston erkaklar terma jamoasi Malayziyada o‘tayotgan Davis Cup III Osiyo/Okeaniya guruhi musobaqasini g‘alaba bilan boshladi</h1> <p>Wed, 15 Jul 2026 21:40:24 +0500</p> <p>O‘zbekiston erkaklar terma jamoasi Malayziyaning Kuala-Lumpur shahrida o‘tayotgan Davis Cup III Osiyo/Okeaniya guruhi musobaqasini g‘alaba bilan boshladi.Guruh bosqichining ilk uchrashuvida terma jamoamiz Singapur ustidan 2:1 hisobida g‘alaba qozondi.Yakkalik bahslarida Sergey Fomin Bill Channi 6:4, 7:6(5) hisobida mag‘lub etdi. Amir Milushev esa Jaden Dewandakaga 6:7(3), 0:6 hisobida imkoniyatni boy berdi.Juftlik bahsida Damir Abdusamadov va Sergey Fomin Bill Chan hamda Maximus Xavier Wong juftligini 7:5, 3:6, 6:2 hisobida mag‘lub etib, O‘zbekiston terma jamoasiga hal qiluvchi g‘alabani taqdim etdi.O‘zbekiston A guruhidan joy olgan bo‘lib, guruhdagi raqiblari Singapur, Iordaniya va Filippin terma jamoalaridir.</p> </article> <article> <h1>Nikita Gafurov Tojikistonning Dushanbe shahrida bo‘lib o‘tgan ITF World Tennis Tour Juniors J30 turnirining juftlik bahslarida g‘olib bo‘ldi</h1> <p>Sun, 12 Jul 2026 21:48:54 +0500</p> <p>Nikita Gafurov Tojikistonning Dushanbe shahrida bo‘lib o‘tgan ITF World Tennis Tour Juniors J30 turnirining juftlik bahslarida g‘olib bo‘ldi.Qirg‘izistonlik Atai Aseinov bilan birgalikda Nikita finalda pokistonlik raqiblarini 6:2, 7:6 hisobida mag‘lub etib, chempionlikni qo‘lga kiritdi.Nikita Gafurovni ushbu muvaffaqiyat bilan tabriklaymiz va yangi g‘alabalar tilaymiz!</p><p>Akmal Abdullayev Gruziyaning Telavi shahrida o‘tkazilgan ITF World Tennis Tour Juniors J60 turnirida muvaffaqiyatli ishtirok etdi.Tennischimiz yakkalik va juftlik bahslarida finalga qadar yetib borib, ikki karra kumush medal sovrindoriga aylandi.Akmal Abdullayevni ushbu natija bilan tabriklaymiz va kelgusi musobaqalarda omad tilaymiz!</p> </article> <article> <h1>Tennis. Saidaslam Farxodov Wimbledon U14 turnirida ishtirokini davom ettirmoqda</h1> <p>Sun, 12 Jul 2026 00:50:56 +0500</p> <p>Buyuk Britaniyada davom etayotgan Wimbledon 14&Under turnirida Oʻzbekiston sharafini himoya qilayotgan Saidaslam Farxodov guruh bosqichini yakunladi. Hamyurtimiz D guruhida uchta uchrashuv oʻtkazib, ikki gʻalaba va bir magʻlubiyat qayd etdi hamda guruhda ikkinchi oʻrinni egalladi.Guruh bosqichida Farxodov Xitoy vakili Li Yanruni 6/4, 2/6, 10:8 hisobida, Buyuk Britaniya tennischisi Kaleb Griffithni 7/6(4), 6/2 hisobida magʻlub etdi. Shuningdek, Shveysariya vakili Jonas Waeltiga 2/6, 2/6 hisobida imkoniyatni boy berdi.Musobaqa reglamentiga ko‘ra, Saidaslam endi Consolation Play-Off bosqichida ishtirok etadi. Navbatdagi uchrashuvda u Buyuk Britaniya vakili Oskar Laskovskiga qarshi kortga chiqadi.Saidaslam Farxodovga keyingi uchrashuvlarda omad va muvaffaqiyat tilaymiz!</p> </article> <article> <h1>Tennis. Margarita Xusanova Shveysariyadagi nufuzli U14 turnirida finalga chiqdi</h1> <p>Wed, 08 Jul 2026 00:11:46 +0500</p> <p>O‘zbekistonlik yosh tennischi Margarita Xusanova Shveysariyaning Montreux shahrida bo‘lib o‘tgan Tennis Europe Junior Tour U14 turnirida ajoyib natija qayd etdi.Ushbu musobaqa 14 yoshgacha bo‘lgan tennischilar o‘rtasidagi nufuzli xalqaro turnirlardan biri hisoblanadi. Unda Shveysariya hamda Yevropaning turli davlatlaridan kelgan kuchli va istiqbolli junior tennischilar ishtirok etishdi. Bunday turnirlar yosh sportchilar uchun katta tajriba maktabi bo‘lib, kelajakdagi xalqaro faoliyat uchun muhim bosqich sanaladi.Margarita turnir davomida bir nechta kuchli raqibalarni mag‘lub etib, finalga qadar yetib bordi. Hal qiluvchi uchrashuvda hamyurtimiz Shveysariya vakili Matilde Pozzaga qarshi kortga chiqdi. Qiziqarli va murosasiz kechgan final bahsida Margarita 3:6, 6:0, 6:7(2) hisobida imkoniyatni boy berdi.Shunga qaramay, ushbu natija O‘zbekiston tennisining yosh avlodi uchun katta muvaffaqiyatdir. Margaritani finaldagi ishtiroki bilan tabriklaymiz va kelgusi xalqaro musobaqalarda omad tilaymiz!</p> </article> <article> <h1>Mariya Timofeyeva Uimbldondagi ishtirokini ikkinchi bosqichda yakunladi</h1> <p>Fri, 03 Jul 2026 21:25:27 +0500</p> <p>O‘zbekiston sharafini himoya qilayotgan Mariya Timofeyeva Uimbldon turnirining ikkinchi bosqichida belgiyalik tajribali tennischi Eliz Mertensga 6:2, 3:6, 0:6 hisobida imkoniyatni boy berdi.Mertens — sobiq dunyoning 12-raqamli tennischisi, WTA turnirlarida 10 ta yakkalik chempionligi sohibasi hamda juftlik bahslarida 6 karra “Katta Dubulg‘a” g‘olibi hisoblanadi. U ko‘p yillar davomida jahon tennisining yetakchi vakillaridan biri bo‘lib kelmoqda. Shunga qaramay, Mariya turnir davomida yuqori saviyadagi o‘yin namoyish etdi. Birinchi bosqichda u sobiq dunyoning 10-raqamli tennischisi Beatriz Haddad Mayani mag‘lub etib, Uimbldonning ikkinchi davrasiga yo‘l olgandi.Mariyaga mavsumning navbatdagi musobaqalarida omad va yangi g‘alabalar tilaymiz!</p> </article> <article> <h1>Kamilla Rahimova Uimbldondagi yurishini yakunladi</h1> <p>Fri, 03 Jul 2026 21:22:43 +0500</p> <p>O‘zbekistonning birinchi raketkasi Kamilla Rahimova Uimbldon turnirining ikkinchi bosqichida Gretsiyaning tajribali tennischisi Mariya Sakkariga qarshi yuqori saviyadagi o‘yin namoyish etdi.Sakkari — sobiq dunyoning 3-raqamli tennischisi, Gretsiya tarixidagi eng yuqori reytingga ega tennischi hamda «Katta Dubulg‘a» turnirlarining ikki karra yarim finalchisi hisoblanadi.Kamilla uch set davom etgan murosasiz bahsda 3:6, 6:0, 6:7 (7:10) hisobida imkoniyatni boy berdi. G‘olib faqat hal qiluvchi tay-brekda aniqlandi va Rahimova kuchli hamda tajribali raqibga qarshi munosib o‘yin ko‘rsatdi.Kamillaga mavsumning navbatdagi musobaqalarida omad va yangi yorqin g‘alabalar tilaymiz!</p> </article> <article> <h1>Polina Kudermetova Uimbldondagi ishtirokini yakunladi</h1> <p>Wed, 01 Jul 2026 09:01:53 +0500</p> <p>O‘zbekiston sharafini himoya qilayotgan Polina Kudermetova “Uimbldon” turnirining birinchi bosqichida dunyoning kuchli tennischilaridan biri — rossiyalik Lyudmila Samsonovaga qarshi kortga chiqdi.Uchrashuvda Samsonova 6:3, 6:3 hisobida g‘alaba qozondi va keyingi bosqichga yo‘l oldi. Polinaga qur’a juda kuchli raqibni taqdim etdi. Lyudmila Samsonova — dunyoning sobiq 12-raketkasi bo‘lib, ayni paytda WTA reytingida 41-o‘rinni egallab turibdi. Reytingdagi pasayishga qaramay, u ayniqsa tez qoplamali kortlarda eng xavfli tennischilardan biri hisoblanadi. Polina Kudermetovaga mavsumning keyingi musobaqalarida omad va yangi g‘alabalar tilaymiz!</p> </article> <article> <h1>Tennis. Mariya Timofeyeva sobiq dunyoning 10-raqamini mag‘lub etdi</h1> <p>Wed, 01 Jul 2026 00:29:33 +0500</p> <p>O‘zbekiston sharafini himoya qilayotgan Mariya Timofeyeva Uimbldon-2026 turnirining birinchi bosqichida Braziliyaning tajribali tennischisi Beatriz Haddad Maiani 6:3, 6:2 hisobida mag‘lub etib, ikkinchi bosqichga yo‘l oldi.Bu g‘alaba Mariya uchun faoliyatidagi eng muhim muvaffaqiyatlardan biri bo‘ldi. Uning raqibasi Beatriz Haddad Maia sobiq dunyoning 10-raqamli tennischisi, Braziliya tarixida WTA reytingining Top-10 taligiga kirgan ilk ayol tennischi hisoblanadi. U faoliyati davomida WTA turnirlarida yakkalikda 4 ta, juftlikda esa 8 ta chempionlikni qo‘lga kiritgan.Haddad Maia 2023-yilgi Roland Garros musobaqasining yarim finalchisi, 2024-yilgi US Open chorak finalchisi hamda maysa mavsumida Nottingham va Birmingham turnirlari g‘olibi sifatida tanilgan.Ushbu g‘alaba evaziga Mariya Timofeyeva 70 WTA reyting ochkosi va 126 ming funt sterling (taxminan 166 ming AQSH dollari) miqdoridagi mukofot pulini kafolatladi. Mariya Timofeyevani yorqin g‘alaba bilan tabriklaymiz va keyingi bosqichda ham omad tilaymiz!</p> </article> <article> <h1>Tennis. Kamilla Rahimova Uimbldonda irodali g‘alabaga erishdi</h1> <p>Wed, 01 Jul 2026 00:26:10 +0500</p> <p>O‘zbekistonning birinchi raketkasi Kamilla Rahimova “Katta Dubulg‘a” turkumiga kiruvchi Uimbldon turnirining birinchi bosqichida dunyoning 66-raketkasi, ukrainalik Anna Kalinina ustidan irodali g‘alabaga erishdi.Uchrashuvning birinchi setida Kamilla 4:6 hisobida imkoniyatni boy bergan bo‘lsa-da, keyingi ikki setda ajoyib o‘yin namoyish etib, 6:4 va 7:5 hisoblarida g‘alaba qozondi.Ushbu g‘alaba evaziga Kamilla Rahimova ikkinchi bosqichga yo‘l oldi hamda 70 WTA reyting ochkosi va 126 ming funt sterling (taxminan 166 ming AQSH dollari) miqdoridagi mukofot pulini kafolatladi.</p> </article> <article> <h1>Toshkent shahridagi Respublika Olimpiya zaxiralari tennis maktabida Ochiq eshiklar kuni bo‘lib o‘tdi</h1> <p>Tue, 30 Jun 2026 23:04:39 +0500</p> <p>Toshkent shahridagi Respublika Olimpiya zaxiralari tennis maktabida Ochiq eshiklar kuni bo‘lib o‘tdi.Tadbir davomida yoshlar va ularning ota-onalari maktab faoliyati bilan yaqindan tanishib, tajribali murabbiylar ishtirokida o‘tkazilgan mahorat darslarida qatnashdilar. Ishtirokchilarga tennis mashg‘ulotlari, zamonaviy tayyorgarlik tizimi hamda sport infratuzilmasi haqida batafsil ma’lumot berildi.Respublika Olimpiya zaxiralari tennis maktabi mamlakatimizdagi eng yirik tennis bazasi hisoblanadi. Aynan shu maskan O‘zbekistonning ko‘plab yetakchi tennischilari yetishib chiqqan dargoh bo‘lib, xalqaro maydonlarda, ATP va WTA turnirlarida, shuningdek Devis kubogi hamda Billie Jean King Cup musobaqalarida yurtimiz sharafini himoya qilgan sportchilar o‘z faoliyatini aynan shu yerda boshlagan.Shuningdek, ushbu tennis markazida Tashkent Open, Tashkent Challenger hamda ITF taqvimidan o‘rin olgan nufuzli xalqaro turnirlar muntazam ravishda o‘tkazilib, dunyoning ko‘plab kuchli tennischilariga mezbonlik qilib kelmoqda.</p> </article> <article> <h1>Humoyun Sultonov Zagrebda chempion bo‘ldi!</h1> <p>Tue, 30 Jun 2026 23:01:32 +0500</p> <p>O‘zbekistonlik tennischi Humoyun Sultonov Xorvatiyada o‘tkazilgan ITF M25 Zagreb turnirida g‘oliblikni qo‘lga kiritdi.Hamyurtimiz musobaqa davomida kuchli raqiblarni mag‘lub etdi. Chorak finalda u turnirning 4-raqamli saralangan tennischisi, avstriyalik Sandru Korger ustidan g‘alaba qozondi.Yarim finalda esa Humoyun turnirning 1-raqamli saralangan tennischisi, Shimoliy Makedoniya vakili Oleg Prixodkoni 6:3, 6:1 hisobida mag‘lub etdi. Ta’kidlash joiz, Prixodko tajribali tennischi bo‘lib, ATP reytingida Humoyundan yuqoriroq o‘rinda turadi.Final bahsida Sultonov yana bir Shimoliy Makedoniya vakili Kalin Ivanovskiga qarshi kortga chiqdi va 6:4, 6:4 hisobida g‘alaba qozonib, chempionlikni rasmiylashtirdi.Tabriklaymiz, Humoyun!</p> </article> <article> <h1>Tennis. Kamilla Rahimova Wimbledon’dagi ilk uchrashuv oldidan tayyorgarlikni davom ettirmoqda!</h1> <p>Mon, 29 Jun 2026 15:54:45 +0500</p> <p>Kamilla Rahimova Wimbledon’dagi ilk uchrashuv oldidan tayyorgarlikni davom ettirmoqda!Bugun O‘zbekistonning birinchi raketkasi Kamilla Rahimova Wimbledon turnirining birinchi bosqichida ukrainalik Anhelina Kalininaga qarshi kortga chiqadi.Hozirda Kamilla WTA Live reytingida 65-o‘rinni, Kalinina esa 66-o‘rinni egallab turibdi. Muxlislarni yuqori darajadagi qiziqarli bahs kutmoqda.Kamillaga omad tilaymiz!</p> </article> <article> <h1>Tennis. O‘zbekistonlik juftlik Qozog‘istonda chempion!</h1> <p>Sat, 27 Jun 2026 20:33:13 +0500</p> <p>Qozog‘istonning Olmaota shahrida o‘tkazilgan ITF J100 Almaty Open – 2 turnirida O‘zbekiston vakillari Akmal Abdullayev va Danila Kvasov juftlik bahslarida chempionlikni qo‘lga kiritdi.Final uchrashuvida hamyurtlarimiz musobaqaning birinchi raqamli juftligi — rossiyalik Aleksey Frolov va Aleksandr Kunitsynni ishonchli tarzda 6:4, 6:4 hisobida mag‘lub etib, bosh sovrinni qo‘lga kiritishdi.Mazkur g‘alaba yosh tennischilarimizning xalqaro maydondagi navbatdagi muhim yutug‘i bo‘ldi. O‘zbekiston tennis federatsiyasi chempionlarimizni samimiy tabriklaydi va ularga kelgusi musobaqalarda ham ulkan zafarlar tilaydi!</p> </article> </main></body></html>