Green Hills Resort Masters 2026 yakunlandi: Nodirbek Yakubbayev — chempion!</h1> <article> <h1>Green Hills Resort Masters 2026 yakunlandi: Nodirbek Yakubbayev — chempion!</h1> <p>Wed, 02 Sep 2026 01:00:00 +0500</p> <p>Green Hills Resort Masters 2026 yakunlandi: Nodirbek Yakubbayev — chempion!Bo‘stonliq tumanida o‘tkazilgan $35 000 mukofot jamg‘armasiga ega xalqaro shaxmat turnirining Masters guruhi bahslari o‘z yakuniga yetdi.Rapid va blits partiyalari yakunida Nodirbek Yoqubboyev 15 ochko jamg‘arib, musobaqa g‘olibligini qo‘lga kiritdi!Masters guruhi yakuniy jadvali:1-o'rin. GM Nodirbek Yakubbayev — 15 ochko ($5 000)2-o'rin. GM Nodirbek Abdusattorov — 14.5 ochko ($4 000)3-o'rin. GM Vladislav Artemiyev — 13.5 ochko ($3 000)4–8-o‘rin sohiblarining har biri $1 000 dan mukofot oldi.G‘olib va barcha sovrindorlarni ajoyib natija bilan tabriklaymiz! </p><p>46-Butunjahon shaxmat olimpiadasiga 16 kun qoldi</p> </article> <article> <h1>VI Butunjahahon ko‘chmanchilar o‘yinlarida dastlabki oltin medalni kurashchimiz Noʻmonjon Radjabov qoʻlga kiritdi</h1> <p>Tue, 01 Sep 2026 23:20:00 +0500</p> <p>VI Butunjahahon ko‘chmanchilar o‘yinlarida dastlabki oltin medalni kurashchimiz Noʻmonjon Radjabov qoʻlga kiritdiQirg‘izistonning Issiqko‘l viloyatida VI Butinjajon ko‘chmanchilar o‘yinlari doirasidagi kurash musobaqalari yuqori saviyada tashkil etildi va murosasiz bahslarga boy tarzda yakunlandi.+90 kg vazn toifasida 22 mamlakat vakillari g‘oliblik uchun kurash olib bordi. Hal qiluvchi final bahsida O‘zbekiston vakili Noʻmonjon Radjabov tajribali eronlik sportchi, kurash bo‘yicha Osiyo o‘yinlarining 19 karra g‘olibi Sadegh Azarab ustidan kichik ustunlik bilan g‘alaba qozonib, oltin medalga sazovor bo‘ldi.VI Butunjahon ko‘chmanchilar o‘yinlaridagi kurash bahslari dunyoning turli mamlakatlaridan tashrif buyurgan sportchilarni bir gilam atrofida jamlab, uning boy merosi, yuksak qadriyatlari va xalqaro ahamiyatini yana bir bor namoyon etdi.Shuningdek, bugun Turkman kurashi boʻyicha oʻtkazilgan bahslarda yana bir sportchimiz Ilyosbek Mirzahmatov ham bronza medalini qoʻlga kiritdi.Kurash turlari boʻyicha gʻolib va sovrindorlarga mukofotlarni topshirish marosimimida Oʻzbekiston Respublikasi Sport vaziri maslahatchisi Sharifjon Momindjanov ishtirok etdi.</p> </article> <article> <h1>Voleybol. O‘zbekiston terma jamoalari Xitoyda</h1> <p>Tue, 01 Sep 2026 22:40:00 +0500</p> <p>Voleybol. O‘zbekiston terma jamoalari Xitoyda</p><p>O‘zbekistonning ayollar va erkaklar terma jamoalari Osiyoning yangi reyting tizimidagi ilk muhim musobaqada ishtirok etish uchun Xitoyga yetib bordi. Bugundan musobaqa start oladi!Mazkur turnir nafaqat qit’adagi kuchli jamoalar bilan bahs olib borish, balki Los-Anjeles-2028 Olimpiya o‘yinlari uchun muhim reyting ochkolarini qo‘lga kiritish nuqtayi nazaridan ham katta ahamiyatga ega.Vakillarimiz har bir uchrashuvda bor kuchini ishga solib, O‘zbekiston sharafini munosib himoya qilishga tayyor!Olimpiya sari yo‘l — bugundan boshlanadi!</p> </article> <article> <h1>FIDE reytingi yangilandi: Sindorov o‘rnini saqlab qoldi, Abdusattorov esa bir pog‘ona yuqoriladi</h1> <p>Tue, 01 Sep 2026 15:30:18 +0500</p> <p>Xalqaro shaxmat federatsiyasi — FIDE 2026-yil sentabr oyi uchun yangilangan jahon reytingini e’lon qildi. O‘zbekistonning ikki grossmeysteri dunyoning eng kuchli o‘n nafar shaxmatchisi qatoridan joy oldi. Javohir Sindorov 2778 reyting ochkosi bilan 4-o‘rinni saqlab qoldi. U avgust oyiga nisbatan yana bir reyting ochkosi qo‘shib oldi.Nodirbek Abdusattorov esa 2762 ochko bilan bir pog‘ona yuqorilab, jahon reytingida 7-o‘ringa ko‘tarildi. Reytingning kuchli uchligini Magnus Karlsen, Hikaru Nakamura va Fabiano Karuana tashkil etdi. Karlsen 2823 ochko bilan yetakchilikni davom ettirmoqda, Nakamura 2792 ochko bilan ikkinchi, Karuana esa 2789 ochko bilan uchinchi o‘rinda bormoqda.O‘zbekistonning yana uch grossmeysteri ham kuchli yuztalikdan joy oldi. Nodirbek Yoqubboyev 2685 ochko bilan 39-o‘rinni saqlab qoldi. Sobiq jahon chempioni Rustam Qosimjonov 2665 ochko bilan 52-o‘rindan 47-o‘ringa ko‘tarildi. Shamsiddin Vohidov esa 2654 ochko bilan 61-o‘rinni egalladi.Ma’lumot uchun, joriy yilning 15–27-sentabr kunlari Samarqand shahrida 46-Butunjahon shaxmat olimpiadasi bo‘lib o‘tadi. Nufuzli musobaqada dunyoning yetakchi shaxmatchilari va milliy terma jamoalari ishtirok etadi. O‘zbekiston terma jamoasi ham olimpiadada yuqori natijalar uchun kurash olib boradi.</p> </article> <article> <h1>O‘zbekiston Parataekvondo milliy terma jamoasi xalqaro musobaqaga yo‘l oldi</h1> <p>Tue, 01 Sep 2026 11:58:18 +0500</p> <p>O‘zbekiston Parataekvondo milliy terma jamoasi Koreya Respublikasining Mudju shahrida bo‘lib o‘tadigan GRAND PRIX G-6 xalqaro reyting ochkolari beruvchi nufuzli musobaqada ishtirok etish uchun jo‘nab ketdi.Quvonarlisi, mazkur musobaqada Namanganlik sportchi Zulfiya Bikbulatova ham O‘zbekiston milliy terma jamoasi safida ishtirok etadi. Zulfiya Bikbulatova ushbu turnirda Olimpiya o‘yinlari uchun muhim va qimmatli reyting ochkolarini qo‘lga kiritish yo‘lida bahs olib boradi.</p> </article> <article> <h1>Lausanne Grand Slam 2026. Terma jamoamiz 5 ta medal bilan 77 davlat orasida 6-o‘rinni egalladi</h1> <p>Mon, 31 Aug 2026 22:32:51 +0500</p> <p>Lausanne Grand Slam 2026. Terma jamoamiz 5 ta medal bilan 77 davlat orasida 6-o‘rinni egalladi</p><p>Shveysariyaning Lozanna shahri mezbonlik qilgan "Katta Dubulg‘a" turkumiga kiruvchi nufuzli turnir o‘z yakuniga yetdi. Uch kunlik murosasiz bellashuvlar yakuniga ko‘ra O‘zbekiston terma jamoasi 1 ta oltin, 2 ta kumush, 2 ta bronza medali bilan dunyoning 77 davlati orasida Top-6'talikdan joy oldi. Musobaqaning so‘nggi kuni jamoamiz uchun muvaffaqiyatli keldi. -90 kg vazn toifasidagi bellashuvlar dzyudochilarimiz benefisiga aylanib ketdi. Umar Bozorov sharafiga Shveysariya zaminida O‘zbekiston Respublikasi davlat madhiyasi yangradi. Bozorov faoliyatidagi uchinchi Grand Slam medalini qo‘lga kiritdi. U shu kungacha Tbilisi Grand Slam 2025'da oltin, Ulanbator 2025'da kumush medalga sazovor bo‘lgan edi.</p><p>Lausanne Grand Slam 2026 g‘olib va sovrindorlarimiz:Oltin medal-90 kg: Umar BozorovKumush medallar-81 kg: Arslonbek Tojiyev-90 kg: Nurbek MurtazoyevBronza medallar-60 kg: Samariddin Qo‘chqorov-100 kg: Ernazar Sarsenbayev </p> </article> <article> <h1>Xurshidbek Alimjanov —«Tatariston Respublikasi Raisi so’vrini» musobaqasining mutlaq g‘olibi</h1> <p>Mon, 31 Aug 2026 22:24:14 +0500</p> <p>Xurshidbek Alimjanov —«Tatariston Respublikasi Raisi so’vrini» musobaqasining mutlaq g‘olibi29–30 avgust kunlari Qozon shahrida, Tatariston Respublikasida ot sportining to’siqlardan sakrash (konkur) yo’nalishi bo‘yicha «Tatariston Respublikasi Raisi so’vrini» musobaqasi bo‘lib o‘tdi.Musobaqada O‘zbekiston terma jamoasi a’zosi Xurshidbek Alimjanov o‘zining Champions League laqabli oti bilan ishtirok etdi.Musobaqaning birinchi kunida, 29 avgust kuni, sportchimiz balandligi 135 sm bo‘lgan yo’nalishda eng yaxshi natijani qayd etib, 1-o‘rinni egalladi.30 avgust kuni esa Xurshidbek Alimjanov o‘z muvaffaqiyatini yana bir bor tasdiqladi. U balandligi 140 sm bo‘lgan yo’nalishda ham barcha raqiblarini ortda qoldirib, 1-o‘rinni qo‘lga kiritdi.Ikki kunlik musobaqa yakunlariga ko‘ra, Xurshidbek Alimjanov «Tatariston Respublikasi Raisi so’vrini» musobaqasining mutlaq g‘olibi bo‘ldi.Sportchimizni ushbu yorqin g‘alaba bilan tabriklaymiz va xalqaro sport maydonlarida yangi zafarlar tilaymiz!</p> </article> <article> <h1>O‘zbekiston VI Butunjahon Ko‘chmanchilar o‘yinlarida ishtirok etadi</h1> <p>Mon, 31 Aug 2026 00:01:00 +0500</p> <p>O‘zbekiston VI Butunjahon Ko‘chmanchilar o‘yinlarida ishtirok etadi2026-yil 31-avgustdan 6-sentabrgacha Qirg‘izistonda VI Butunjahon Ko‘chmanchilar o‘yinlari bo‘lib o‘tadi.Nufuzli xalqaro sport tadbirida 100 dan ortiq davlatdan 3 000 nafarga yaqin sportchi ishtirok etishi kutilmoqda. Musobaqalar dasturidan 43 ta sport turi o‘rin olgan bo‘lib, ular orasida milliy va an’anaviy sport turlari, ot sporti, kamondan otish, kurash va boshqa yo‘nalishlar mavjud.O‘zbekiston delegatsiyasi ham VI Butunjahon Ko‘chmanchilar o‘yinlarida ishtirok etadi. Mamlakatimiz sharafini ot poygasi hamda ot ustida kamondan otish yo‘nalishlarida sportchilarimiz himoya qilishadi. O‘zbekiston vakillarining ushbu nufuzli xalqaro musobaqada ishtirok etishi milliy ot sporti an’analarini dunyo miqyosida targ‘ib etish, sportchilarimizning xalqaro tajribasini oshirish hamda mamlakatimizning an’anaviy sport turlarini yanada rivojlantirishga xizmat qiladi.VI Butunjahon Ko‘chmanchilar o‘yinlari ishtirokchi davlatlarning boy tarixiy va madaniy merosi, milliy sport an’analari hamda zamonaviy sport yutuqlarini birlashtiruvchi yirik xalqaro maydonga aylanadi.</p> </article> <article> <h1>Ot sporti. Xurshidbek Alimjanov — «Tatariston Respublikasi Raisi so’vrini» musobaqasining ilk kunida g‘olib!</h1> <p>Sun, 30 Aug 2026 23:40:00 +0500</p> <p>Xurshidbek Alimjanov — «Tatariston Respublikasi Raisi so’vrini» musobaqasining ilk kunida g‘olib! 29-avgust kuni Qozon 🇷🇺shahridagi xalqaro ot sporti majmuasi «Kazan»da ot sportining to’siqlardan sakrash (konkur) yo’nalishi bo‘yicha «Tatariston Respublikasi Raisi sovrini» xalqaro turniri boshlandi. Musobaqaning birinchi kunida to‘siqlar balandligi 135 sm bo‘lgan yo’nalishda O‘zbekiston terma jamoa a’zosi Xurshidbek Alimjanov o‘zining Champions League laqabli oti bilan faxrli 1-o‘rinni egalladi.Shu tariqa, O‘zbekistonlik chavandoz turnirning ilk kunini oltin medal bilan yakunladi.</p> </article> <article> <h1>Uch nafar sambochimiz Butunjahon ko‘chmanchilar o‘yinlarida ishtirok etadi</h1> <p>Sun, 30 Aug 2026 23:20:00 +0500</p> <p>Uch nafar sambochimiz Butunjahon ko‘chmanchilar o‘yinlarida ishtirok etadi</p><p>Xabar berib o‘tganimizdek, ertaga Qirg‘iz Respublikasining Issiqko‘l shahrida VI Butunjahon ko‘chmanchilar o‘yinlari start oladi.</p><p>Ushbu o‘yinlar dasturidan sambo bahslari ham o‘rin olgan.</p><p>O‘yinlarda 3 nafar sambochimiz yurtimiz sharafini himoya qiladi:</p><p>-64 kg: Sardor Olimjonov-79 kg: Shohjahon Temirov+98 kg: Zufarbek Uralov</p><p>Murabbiy: Roman ShakirovJamoa rahbari: Alisher Alimov</p><p>Musobaqada sambo bellashuvlari 3 sentyabr kuni o‘tkaziladi.</p> </article> <article> <h1>Para kanoe: Azizbek Abdulxabibov va Shahzoda Mamadaliyeva Jahon chempionatining bronza medallariga sazovor bo'ldi</h1> <p>Sun, 30 Aug 2026 23:00:00 +0500</p> <p>Poznan shahrida (Polsha) para kanoeda eshkak eshish bo‘yicha Jahon chempionati o‘z nihoyasiga yetdi.Besh kun davom etgan dunyo birinchiligida O'zbekiston milliy terma jamoasi a'zolari 2 ta bronza medallariga ega chiqishdi. Erkaklar o'rtasida KL2 klassida 200 m masofaga kechgan bahslarda Azizbek Abdulxabibov marrani uchinchi bo'lib kesib o'tdi va Jahon chempionatlaridagi ikkinchi medalini qo'lga kiritdi:1-o'rin. Kyortis MakGreyt (🇦🇺Avstraliya)2-o'rin.Fernando Rufino de Paulo (🇧🇷Braziliya)3-o'rin.Azizbek Abdulxabibov (🇺🇿O'zbekiston).Bundan tashqari, ayollar o'rtasidagi VL3 toifasining 200 m masofaga mo'ljallangan bellashuvlarida terma jamoamiz vakilasi Shahzoda Mamadaliyeva bronza medaliga sazovor bo'ldi:1-o'rin. Xoup Gordon (🇬🇧Buyuk Britaniya)2-o'rin. Yongyuang Chong (🇨🇳Xitoy)3-o'rin. Shahzoda Mamadaliyeva (🇺🇿O'zbekiston).</p> </article> <article> <h1>Buxoro «Uzbekistan Judo Tour» g‘olib va sovrindorlari aniqlandi</h1> <p>Sun, 30 Aug 2026 22:20:00 +0500</p> <p>Buxoro tumanidagi sport majmuasi mukofot jamg‘armasi 300 million so‘mni tashkil etuvchi navbatdagi “Uzbekistan Judo Tour” musobaqasiga mezbonlik qildi. Jami oltita (4 ta erkaklar, 2 ta ayollar) vazn toifasida tashkil etilgan turnirda yangi nomlar kashf etildi. Oltita vaznning teng yarmida chempionlik shohsupasiga ko‘tarilgan Xorazm viloyati terma jamoasi umumjamoa hisobida birinchi o‘rinni egalladi. “Uzbekistan Judo Tour” turnirining tantanali ochilish hamda taqdirlash marosimida Buxoro viloyati hokimi Botir Zaripov ishtirok etdi. Musobaqa g‘oliblari 22 mln, kumush medal sohiblari 14 mln, bronza medaliga sazovor bo‘lgan dzyudochilar 7 million so‘m pul mukofoti bilan taqdirlanishdi.</p><p>“Uzbekistan Judo Tour” g‘olib va sovrindorlari:Ayollar. -57 kg vazn toifasi1. Zuhra Alimova (Xorazm)2. Dilnura Isroiljonova (Buxoro)3. Rayhona Mamatova (Jizzax)3. Umida Jumaniyazova (Qoraqalpog‘iston)-70 kg vazn toifasi1. Nigina Saparboyeva (Xorazm)2. Azada Metedbayeva (Qoraqalpog‘iston)3. Fotima Zokirova (Buxoro)3. Farangiz Redjepova (Buxoro)Erkaklar, -60 kg vazn toifasi1. Muhammadjon Masharipov (Xorazm)2. Kamoliddin Baxtiyorov (Toshkent shahri)3. Dilshod Karimov (Buxoro)3. Muhammadkarim Nosirov (Toshkent shahri) -73 kg vazn toifasi1. Nizomiddinxo‘ja Toshpo‘latov (Toshkent shahri)2. Zamohshariy Bekmurodov (Buxoro)3. Dilshod Hamroyev (Buxoro)3. Bahrom Asadov (Buxoro)-90 kg vazn toifasi1. Sherbek Rashidov (Qashqadaryo)2. Arslonbek Qodirov (Surxondaryo)3. Amirbek Aminov (Buxoro)3. Azamat Ablakulov (Samarqand)+90 kg vazn toifasi1. Islombek Ravshanqulov (Qashqadaryo)2. Rustam Shoraxmatov (Sirdaryo)3. Bahrom Sayitov (Buxoro)3. Muhammadali Tangriyev (Toshkent shahri)</p> </article> <article> <h1>Arslonbek Tojiyev Lozanna «Katta dubulgʻa» turnirida kumush medalga ega chiqdi</h1> <p>Sun, 30 Aug 2026 22:00:00 +0500</p> <p>Arslonbek Tojiyev Lozanna “Katta dubulgʻa” turnirida kumush medalga ega chiqdi</p><p>Dzyudo boʻyicha Oʻzbekiston terma jamoasi Shveysariyaning Lozanna shaharida tashkil etilayotgan “Katta dubulgʻa” musobaqasida ikkinchi medaliga sazovor boʻldi.</p><p>Bugun kechgan -81 kg vazn toifasidagi bahslarda yurtdoshimiz Arslonbek Tojiyev saralashda barcha raqiblarini magʻlub etib, finalgacha yetib bordi. Hal qiluvchi bahsda qozogʻistonlik Ablayxan Jubanazar bilan kurashgan yurtdoshimiz imkoniyatni boy berdi va kumush medalni qoʻlga kiritdi.</p> </article> <article> <h1>Taekvando. Shabbona Abduvaliyeva Tayyuan ayollar ochiq chempionati shohsupasidan joy oldi!</h1> <p>Sun, 30 Aug 2026 21:40:00 +0500</p> <p>Tayyuan shahrida (Xitoy) taekvondo WT bo'yicha ayollar o'rtasida nufuzli "Taiyuan 2026 World Taekwondo Women's Open Championships" xalqaro ochiq chempionati o'z nihoyasiga yetdi.Musobaqaning so'nggi kunida yana bir bronza medali hisobimizga qo'shildi.-57 kg vazn toifasida terma jamoamiz vakilasi Shabbona Abduvaliyeva sovrindorlar qatoridan joy oldi. Hamyurtimiz musobaqa yarim finaliga qadar yetib bordi, biroq ushbu bosqichda Tunis vakilasi Shayma Tumiga qarshi bahsda imkoniyatni boy berib qo'ydi. Shunday bo'lsa-da, Shabbona mazkur nufuzli turnirda terma jamoamiz hisobiga bronza medalini taqdim etdi.1-o'rin. Fadiya Xirfan (🇯🇴Iordaniya)2-o'rin. Shayma Tumi (🇹🇳Tunis)3-o'rin. SHABBONA ABDUVALIYEVA (🇺🇿O'zbekiston)3-o'rin. Yu Jin Kim (🇰🇷Koreya Respublikasi).Shu tariqa, ayollar terma jamoamiz "Taiyuan 2026 World Taekwondo Women's Open Championships" xalqaro ochiq chempionatini 2 ta bronza medali bilan nihoyasiga yetkazdi.</p> </article> <article> <h1>Toshkentda erkaklar va ayollar jamoalari o'rtasida Markaziy Osiyo suv polosi chempionati yakunlandi</h1> <p>Sun, 30 Aug 2026 21:20:00 +0500</p> <p>Toshkentda erkaklar va ayollar jamoalari o'rtasida Markaziy Osiyo suv polosi chempionati yakunlandi.</p><p>Oxirgi o'yin kunida hal qiluvchi bahslar bo'lib o'tdi, ularda g'olib va ikkinchi o'rin egalari aniqlandi.</p><p>Yakuniy kun natijalari:Ayollar turniriQozog'iston - O'zbekiston yoshlar jamoasi 8-6Qozog'iston - Toshkent viloyati 13-1O'zbekiston - Qozog'iston yoshlar jamoasi 13-9</p><p>Erkaklar turniriO'zbekiston yoshlar jamoasi - Qozog'iston 4-13Qozog'iston - Qozog'iston yoshlar jamoasi 15-5Turkmaniston - Atirau viloyati 0-5</p><p>Natijalar:</p><p>Ayollar turniri1-o'rin – O'zbekiston2-o'rin – Qozog'iston3-o'rin – Qozog'iston yoshlar jamoasi4-o'rin – O'zbekiston yoshlar jamoasi5-o'rin – Toshkent viloyati (O'zbekiston)6-o'rin – Turkmaniston</p><p>Erkaklar turniri1-o'rin – O'zbekiston2-o'rin – Qozog'iston3-o'rin – Atirau viloyati (Qozog'iston)4-o'rin – O'zbekiston yoshlar jamoasi5-o'rin – Qozog'iston yoshlar jamoasi6-o'rin – Turkmaniston jamoasi</p><p>Chempionat Markaziy Osiyoda suv polosini rivojlantirish uchun muhim platformaga aylandi, mintaqadagi jamoalarni birlashtirdi va sportchilarga qimmatli o'yin amaliyotini taqdim etdi. Ushbu turnir tajriba almashishga yordam berdi va Markaziy Osiyo mamlakatlari o'rtasidagi sport aloqalarini yanada mustahkamladi.</p> </article> </main></body></html>