Volkanovski Jastin Getjiga qarshi superjang o‘tkazmoqchi</h1> <article> <h1>Volkanovski Jastin Getjiga qarshi superjang o‘tkazmoqchi</h1> <p>Sat, 17 Oct 2026 14:03:13 +0500</p> <p>UFCning yarim yengil vazn toifasidagi chempioni Aleksandr Volkanovski yengil vazn chempioni Jastin Getjiga qarshi jang o‘tkazish istagini bildirdi. Avstraliyalik sportchi mazkur to‘qnashuv faoliyatidagi eng yirik janglardan biri bo‘lishi mumkinligini ta’kidlab, Getjining chempionlik kamari uchun kurashishga tayyorligini ma’lum qildi. Bu haqda MMA Fighting nashri xabar bermoqda.Manbaga ko‘ra, Volkanovski ‘‘Who The Fook Are These Guys?’’ podkastida Getji bilan ehtimoliy jang haqida gapirgan. Uning fikricha, har ikki sportchi faoliyatining yakuniy bosqichiga yaqinlashmoqda va ular o‘rtasidagi to‘qnashuv muxlislar uchun katta voqea bo‘lishi mumkin. ‘‘Tasavvur qiling, Getji va men yengil vazn chempionlik kamari uchun jang qilamiz. Bu ikkalamiz uchun ham faoliyatimizni yakunlash oldidan ajoyib superjang bo‘lardi. Shundan keyin ikkala vazn toifasida ham yangi davr boshlanishi mumkin’’, degan Volkanovski.Shu bilan birga, 38 yoshli avstraliyalik jangchi hozircha bor e’tiborini Movsar Yevloyevga qarshi bo‘lajak titul himoyasiga qaratgan. Volkanovski 24-oktabr kuni Abu-Dabida o‘tkaziladigan UFC 333 turnirida mag‘lubiyatsiz rossiyalik sportchiga qarshi oktagonga chiqadi. Chempion Yevloyevning kurashdagi ustunligini zararsizlantirib, jangni tik turgan holatda olib borishga va raqibini muddatidan oldin mag‘lub etishga ishonmoqda. Getji bilan ehtimoliy superjang esa 2027-yilda tashkil etilishi mumkin.Ma’lumot uchun, Volkanovski avvalroq ikki marta yengil vazn chempionlik kamarini qo‘lga kiritishga uringan, biroq har ikkala jangda ham Islom Maxachevga mag‘lub bo‘lgan. Jastin Getji esa 2026-yil iyun oyida Iliya Topuriyani mag‘lub etib, UFCning yengil vazn toifasidagi chempioniga aylangan. Ayni paytda ushbu vaznda Arman Sarukyan va Charlz Oliveyra kabi da’vogarlar ham chempionlik jangi uchun kurashmoqda. Hozircha UFC Volkanovski va Getji o‘rtasidagi ehtimoliy to‘qnashuv yuzasidan rasmiy qaror e’lon qilmagan.</p> </article> <article> <h1>PFLda yangi jahon chempioni aniqlandi — Jena Bishop sensatsion g‘alabaga erishdi</h1> <p>Sat, 17 Oct 2026 13:59:36 +0500</p> <p>AQSHning Chikago shahrida tashkil etilgan PFL turnirida yangi jahon chempioni aniqlandi. Musobaqaning markaziy jangida amerikalik Jena Bishop tajribali Liz Karmushni mag‘lub etib, ayollar o‘ta yengil vazn toifasidagi chempionlik kamarini qo‘lga kiritdi. Shu tariqa 40 yoshli Bishop PFL tarixida ushbu vazn toifasining ilk jahon chempioniga aylandi. Bu haqda MMA Fighting nashri xabar bermoqda.Manbaga ko‘ra, besh raund davom etgan bellashuvda Karmush dastlabki raunddayoq kuchli zarbalar bilan ustunlikka erishgan. Biroq keyingi raundlarda Bishop kurashdagi mahorati evaziga tashabbusni o‘z qo‘liga olgan. U raqibini bir necha bor parterga o‘tkazib, bo‘g‘ish usullari orqali jangni muddatidan oldin yakunlashga uringan. Yakunda hakamlarning barchasi 48:47 hisobida Bishopning g‘alabasini qayd etgan.Jangdan so‘ng oktagonga britaniyalik mashhur jangchi Dakota Ditcheva chiqib, yangi chempion bilan yuzma-yuz keldi. Tomonlar o‘rtasida qisqa muloqot bo‘lib o‘tdi va kelajakdagi ehtimoliy chempionlik jangi muhokama qilindi. Ditcheva 2024-yilda Bishopni mag‘lub etgan bo‘lib, endilikda undan navbatdagi g‘alabani qo‘lga kiritishni maqsad qilmoqda. Ularning chempionlik kamari uchun revansh jangi 2027-yilda tashkil etilishi mumkin.Ma’lumot uchun, Bishop va Karmush avval 2025-yil avgust oyida PFL turniri finalida to‘qnash kelgan. O‘shanda Karmush uchinchi raundda texnik nokaut evaziga g‘alaba qozongan edi. Bu safar Bishop revansh olish bilan birga, faoliyatidagi ilk yirik chempionlik kamariga ham ega chiqdi. Endilikda uning professional MMA rekordi 12 ta g‘alaba va 3 ta mag‘lubiyatni tashkil etmoqda. Karmush hisobida esa 26 ta g‘alaba va 9 ta mag‘lubiyat mavjud.</p> </article> <article> <h1>Sarvarjon Hamidov PFL turnirida raqibini birinchi raunddayoq nokaut qildi</h1> <p>Sat, 17 Oct 2026 13:56:33 +0500</p> <p>Tojikistonlik MMA jangchisi Sarvarjon Hamidov AQSHning Chikago shahrida tashkil etilgan PFL turnirida navbatdagi g‘alabasini qo‘lga kiritdi. 29 yoshli sportchi braziliyalik Rafael du Nasimentuga qarshi jangda raqibini birinchi raunddayoq nokautga uchratdi. Shu tariqa Hamidov professional faoliyatidagi 18-g‘alabasini qayd etdi. Bu haqda MMA Junkie nashri xabar bermoqda.Manbaga ko‘ra, 16-oktabr kuni ‘‘Wintrust Arena’’da bo‘lib o‘tgan jang o‘ta yengil vazn toifasida tashkil etilgan. Bellashuv boshidanoq Hamidov faol harakat qilib, raqibiga bosim o‘tkazgan. Birinchi raundning 1:49-daqiqasida tojikistonlik jangchi chap qo‘lda aniq zarba yo‘llab, braziliyalik raqibini nokdaunga uchratgan. Shundan so‘ng Hamidov parterda ketma-ket zarbalar berishni davom ettirgan va hakam jangni muddatidan oldin to‘xtatishga majbur bo‘lgan.Ushbu g‘alaba Hamidov uchun ketma-ket ikkinchi muvaffaqiyat bo‘ldi. Jangchi 2025-yilda Magomed Magomedovga qarshi bahsda professional faoliyatidagi ilk mag‘lubiyatini qabul qilgan edi. Shundan so‘ng u amerikalik Jastin Vetsellni bo‘g‘ish usuli bilan mag‘lub etib, g‘alabali yo‘lga qaytgan. Braziliyalik Rafael du Nasimentu esa ushbu jangga qadar ketma-ket to‘rtta g‘alabani qo‘lga kiritgan bo‘lib, Hamidov uning muvaffaqiyatli seriyasiga nuqta qo‘ydi.Ma’lumot uchun, Sarvarjon Hamidov professional MMA faoliyatida 19 ta jang o‘tkazib, 18 g‘alaba va bitta mag‘lubiyat qayd etgan. U oltita jangni nokaut, beshtasini sabmishen va yettitasini hakamlar qarori bilan yakunlagan. Dushanbedagi ‘‘55 Spirit’’ klubida tayyorgarlik ko‘radigan sportchi PFLning o‘ta yengil vazn reytingida oltinchi o‘rinni egallab kelmoqda. Hozircha uning navbatdagi raqibi va jang sanasi e’lon qilinmagan.</p> </article> <article> <h1>Ikki yillik tanaffusdan keyin Diyora Keldiyorova tatamiga qaytmoqda</h1> <p>Sat, 17 Oct 2026 10:05:00 +0500</p> <p>Bugun Qozogʻistonning Aktau shahrida dzyudo boʻyicha “Aktau Asian Open 2026” turniri boshlanadi. Ahamiyatlisi, mazkur musobaqada 2 yillik tanaffusdan keyin Parij-2024 yozgi Olimpiya oʻyinlari chempioni Diyora Keldiyorova ham ishtirok etadi.Hamyurtimiz avvalgidek -52 kg vazn toifasida tatamiga chiqadi. Shuningdek, 18-oktyabr kuni yakunlanadigan mazkur turnirda jami 25 nafar o'zbekistonlik sportchi medallar uchun kurash olib boradi.</p> </article> <article> <h1>Dzyudo. Toshkentda “Judo Sport Clubs Stars” xalqaro turniri boshlandi</h1> <p>Fri, 16 Oct 2026 22:44:27 +0500</p> <p>Toshkentda “Judo Sport Clubs Stars” xalqaro turniri boshlandiPoytaxtimizdagi Olimpiya shaharchasida O‘zbekiston, Qozog‘iston, Qirg‘iz Respublikasi, Tojikiston, Ozarbayjon va Belarusdan kelgan ikki mingga yaqin yosh dzyudochilarni birlashtirgan “Judo Sport Clubs Stars” xalqaro turniri bo‘lib o‘tmoqda.Musobaqaning birinchi kuni qizlar o‘z yosh va vazn toifalarida g‘oliblik uchun bahs olib borishyapti. Har yili o‘tkazib kelinayotgan ushbu turnir bolalar dzyudosini ommalashtirish, yosh sportchilarning mahoratini oshirish va klub tizimini rivojlantirish maqsadida tashkil etiladi.Musobaqa, shuningdek, xalqaro sport aloqalarini mustahkamlash va istiqbolli dzyudochilarni saralab olishga xizmat qiladi. Turnirning o‘tkazilishi O‘zbekiston Respublikasi Prezidenti Shavkat Mirziyoyevning dzyudoni yanada rivojlantirish, jumladan, ushbu sport turini ommalashtirish va yosh sport zaxirasini tayyorlashni takomillashtirish chora-tadbirlari to‘g‘risidagi qarorida belgilangan vazifalarni amalga oshirishga ko‘maklashadi.Musobaqaning sovrin jamg‘armasi unga alohida qiziqish uyg‘otmoqda. O‘zbekiston dzyudo federatsiyasi raisi Azizjon Kamilov tashabbusi bilan turnirning bosh sovrinlari sifatida ikkita avtomobil qo‘yildi. Ulardan biri jamoaviy bahslarda g‘olib chiqqan jamoaga, ikkinchisi esa “Eng yaxshi sportchi” nominatsiyasi g‘olibiga topshiriladi.</p> </article> <article> <h1>Dzyudo. Lasha Gudjedjiani qalamiga mansub "Sensey" ("Ustoz") kitobining taqdimoti o‘tkazildi</h1> <p>Fri, 16 Oct 2026 22:40:30 +0500</p> <p>Lasha Gudjedjiani qalamiga mansub "Sensey" ("Ustoz") kitobining taqdimoti o‘tkazildiDzyudo bo'yicha O‘zbekiston terma jamoasi bosh murabbiyi Lasha Gudjedjiani nafaqat murabbiylik, balki ilmiy tomonlama ham o‘zini namoyon etmoqda. Gruziya poytaxti Tbilisi shahrida u tomonidan yozilgan "Sensey" ("Ustoz") nomli kitobining taqdimoti o‘tkazildi. Unda murabbiyning do‘stlari, yaqinlari, shogirdlari, keng sport jamoatchiligi hamda ommaviy axborot vositalari xodimlari ishtirok etdi. Ushbu kitob yosh dzyudochilar uchun manfaatli bo‘lib, Lasha Gudjedjianining sportdagi hayot yo‘li, sport psixologiyasi, sportchilarni yoshlikdan psixologik tomondan to‘g‘ri tayyorlash kabi mavzularni qamrab oldi.Kitobda Gudgejiani dzyudodagi ko‘p yillik tajribasini umumlashtirib, sportchilarning ilk bosqichlardagi psixologik tayyorgarligiga alohida urg‘u beradi. Muallif psixologik holatni shakllantirish, yosh dzyudochilar bilan ishlash usullari va murabbiyning sportchi shaxsini tarbiyalashdagi o‘rnini tahlil qiladi.Tbilisidagi tadbirda terma jamoa menejeri Asad Zokirjonov hamda terma jamoamiz sardori, Olimpiya o‘yinlari sovrindori, jahon chempioni Davlat Bobonov ham ishtirok etdi.</p> </article> <article> <h1>Diyora Keldiyorova ishtirok etadigan Aktau Asian Open 2026 turniriga qur’a tashlandi</h1> <p>Fri, 16 Oct 2026 22:37:51 +0500</p> <p>Diyora Keldiyorova ishtirok etadigan Aktau Asian Open 2026 turniriga qur’a tashlandi17-18 oktyabr kunlari Qozog‘istonning Aktau shahrida dzyudo bo‘yicha Aktau Asian Open 2026 turniri bo‘lib o‘tadi. Avval xabar berganimizdek, aynan shu musobaqada ikki yarim yillik tanaffusdan so‘ng Parij-2024 Olimpiadasi chempioni Diyora Keldiyorova ishtirok etadi. Hamyurtimiz uchun bu Olimpiya o‘yinlaridan keyingi ilk turnir bo‘ladi. Keldiyorova Aktau Asian Open 2026 musobaqasining eng yulduzli ishtirokchisi bo‘lib, amaldagi Olimpiada chempioni sifatida tilla rang yozuvli kimonoda tatamiga chiqadi. Qur’a natijasiga ko‘ra, Diyora o‘z ishtirokini to‘g‘ridan to‘g‘ri ikkinchi bosqichda qozog‘istonlik Nuraylim Sarsenbekka qarshi uchrashuv bilan boshlaydi. Umuman olganda, Aktau turnirida 7 davlatning jami 182 nafar dzyudochisi medallar uchun bahslarga kirishadi. Ular orasida o‘zbekistonlik 25 nafar dzyudochi ham bor.</p> </article> <article> <h1>FEI ot sportining ot yo‘rttirish (viyezdka) testlariga 2027-yil 1-yanvardan kuchga kiradigan o‘zgartirishlar</h1> <p>Fri, 16 Oct 2026 22:22:43 +0500</p> <p>FEI ot sportining ot yo‘rttirish (viyezdka) testlariga 2027-yil 1-yanvardan kuchga kiradigan o‘zgartirishlarXalqaro ot sporti federatsiyasi (FEI) tomonidan ot yo‘rttirish (viyezdka) yo‘nalishi bo‘yicha barcha darajadagi musobaqalarda qo‘llaniladigan testlar har tomonlama qayta ko‘rib chiqildi.Ot yo‘rttirishni (viyezdka) strategik rivojlantirish bo‘yicha ishchi guruh tavsiyasiga muvofiq, so‘nggi 12 oy davomida testlarni ishlab chiqish guruhi amaldagi testlarni chuqur o‘rganib, taklif etilgan o‘zgartirishlarni baholadi. Yangilangan talablar Germaniyaning Varendorf shahrida amaliy sinovdan ham o‘tkazildi.O‘zgartirishlarning asosiy maqsadi — ot yo‘rttirish (viyezdka) yo‘nalishining yagona maqsad va tamoyillariga muvofiqlikni ta’minlash, shuningdek, otning egiluvchanligi, muvozanati va mustaqil harakatlanish qobiliyatini yanada yaqqol namoyon etadigan elementlarni testlarga kiritishdan iborat.Shuningdek, musobaqalarning turli darajalarida texnik murakkablik darajasini otni tayyorlash shkalasiga muvofiq belgilashga alohida e’tibor qaratildi.Yangi testlar qachondan kuchga kiradi?Qayta ko‘rib chiqilgan FEI ot yo‘rttirish (viyezdka) testlari 2027-yil 1-yanvardan boshlab barcha FEI musobaqalarida qo‘llaniladi. Ushbu sana Los-Anjeles-2028 Olimpiya o‘yinlarida ishtirok etish uchun minimal malaka talablariga (MER) muvofiq saralash davrining boshlanishiga ham to‘g‘ri keladi.Yangilangan testlar FEI rasmiy veb-saytining ot yo‘rttirish testlariga bag‘ishlangan sahifasida e’lon qilinadi.FEI Milliy federatsiyalarga yangi testlar bilan oldindan tanishib chiqish hamda sportchilar, murabbiylar, hakamlar va boshqa manfaatdor tomonlarni kiritilayotgan o‘zgartirishlar haqida o‘z vaqtida xabardor qilishni tavsiya etadi.</p> </article> <article> <h1>UFC chempioni faoliyatini yakunlash haqida o‘ylaganini tan oldi</h1> <p>Fri, 16 Oct 2026 16:09:35 +0500</p> <p>UFC chempioni Keyla Harrison og‘ir jarohatdan keyin sportdagi faoliyatini yakunlash haqida jiddiy o‘ylaganini ma’lum qildi. Amerikalik jangchi bo‘yin qismidan o‘tkazilgan operatsiya va uzoq davom etgan tiklanish jarayoni uning kelajagini so‘roq ostiga qo‘yganini tan oldi. Bu haqda Harrison Uncrowned nashriga bergan intervyusida aytib o‘tdi.</p><p>Manbaga ko‘ra, sportchining bo‘yin umurtqalari bilan bog‘liq muammolari uzoq vaqtdan beri davom etgan. Jarohat kuchaygach, Harrisonning qo‘lida uvishish va kuchsizlik paydo bo‘lgan. Shifokorlar unga operatsiya o‘tkazishga qaror qilgan.</p><p>Jarrohlik amaliyotidan so‘ng jangchi sakkiz hafta davomida maxsus bo‘yin moslamasini taqishga majbur bo‘lgan. Harrison tiklanish jarayoni nafaqat jismonan, balki ruhiy jihatdan ham og‘ir kechganini bildirgan. Biroq hozir o‘zini yaxshi his qilayotganini va yana oktagonga chiqishga tayyorligini ta’kidlagan.</p><p>Ma’lumot uchun, Keyla Harrison ikki karra Olimpiya chempioni hisoblanadi. U noyabr oyida UFC 334 turnirida Amanda Nunesga qarshi chempionlik kamarini himoya qilishi rejalashtirilgan. Harrison ushbu jangdan keyin faoliyatini yakunlash ehtimolini ham inkor etmagan.</p> </article> <article> <h1>PFL jangchisi chempionlik jangi uchun sochini oldirdi</h1> <p>Fri, 16 Oct 2026 16:08:19 +0500</p> <p>Amerikalik MMA jangchisi Liz Karmush PFL chempionlik jangi oldidan noodatiy qarori bilan e’tiborni tortdi. 42 yoshli sportchi belgilangan vaznga tushish uchun rasmiy vazn o‘lchash marosimi oldidan sochini butunlay oldirdi. Bu haqda MMA Fighting nashri xabar bermoqda.</p><p>Manbaga ko‘ra, Karmush 16-oktabr kuni Jena Bishopga qarshi vakant chempionlik kamari uchun jang qiladi. Sportchi vazn o‘lchash marosimida tavakkal qilishni istamagan va sochini oldirgach, tarozida aniq 125 funt natijani qayd etgan.</p><p>Uning raqibi Jena Bishop esa 124,6 funt vazn ko‘rsatgan. Shu tariqa, ikki sportchi ham chempionlik jangi uchun qo‘yilgan talablarni bajargan. Ularning avvalgi uchrashuvi 2025-yil avgustida bo‘lib o‘tgan va o‘shanda Karmush nokaut evaziga g‘alaba qozongan edi.</p><p>Ma’lumot uchun, Karmush Bellator tashkilotining sobiq chempioni hisoblanadi. U so‘nggi to‘rtta jangining barchasida g‘alaba qozongan. PFL Chicago turniridagi revansh esa ayollar o‘rtasidagi eng yengil vazn chempionlik kamarining yangi sohibini aniqlab beradi.</p> </article> <article> <h1>Sarvarjon Hamidov PFL jangidan oldin vazn o‘lchash marosimidan muvaffaqiyatli o‘tdi</h1> <p>Fri, 16 Oct 2026 16:04:41 +0500</p> <p>O‘zbekistonlik MMA jangchisi Sarvarjon Hamidov AQSHda tashkil etiladigan PFL Chicago turniri oldidan rasmiy vazn o‘lchash marosimida qatnashdi. Hamyurtimiz belgilangan vazn chegarasidan muvaffaqiyatli o‘tib, braziliyalik Rafael du Nasimentuga qarshi jang qilish huquqini qo‘lga kiritdi. Bu haqda PFL turnirining rasmiy vazn o‘lchash natijalarida ma’lum qilindi.</p><p>Manbaga ko‘ra, Hamidov tarozida 135,8 funt, ya’ni taxminan 61,6 kilogramm vazn ko‘rsatgan. Uning raqibi Rafael du Nasimentu esa 135,4 funt natija qayd etgan. Shu tariqa, ikki jangchining ham belgilangan talablarni bajargani tasdiqlangan.</p><p>Hamyurtimizning jangi Chikagodagi Wintrust Arena'da tashkil etiladigan turnirning asosiy kardidan joy olgan. Ushbu oqshomda Timur Xizriyev va Gabriel Braga o‘rtasidagi to‘qnashuv ham o‘tkazilishi rejalashtirilgan.</p><p>Ma’lumot uchun, PFL Chicago turnirining markaziy jangida Liz Karmush va Jena Bishop vakant chempionlik kamari uchun bellashadi. Hamidovning 16-oktabrdagi ishtiroki esa O‘zbekiston MMA muxlislari uchun kunning muhim voqealaridan biri hisoblanadi.</p> </article> <article> <h1>Toshkent shahrida voleybol bo‘yicha erkaklar va ayollar o‘rtasida o‘tkazilgan O‘zbekiston Kubogi musobaqasi o‘z yakuniga yetdi</h1> <p>Fri, 16 Oct 2026 00:24:38 +0500</p> <p>Toshkent shahrida voleybol bo‘yicha erkaklar va ayollar o‘rtasida o‘tkazilgan O‘zbekiston Kubogi musobaqasi o‘z yakuniga yetdi.Musobaqa davomida jamoalar kubok uchun murosasiz bahslarda ishtirok etib, o‘z mahorati va jamoaviy hamjihatligini namoyon etdilar. Yakunda g‘olib va sovrindor jamoalarni taqdirlash marosimi bo‘lib o‘tdiAYOLLAR BOʻYICHA: 1-o‘rin — Xorazm viloyatining UrDU sport klubi 2-o‘rin — Andijon viloyatining ADPI sport klubi 3-o‘rin — Buxoro viloyatining BuxDU sport klubiERKAKLAR O‘RTASIDA: 1-o‘rin — Buxoro viloyatining BuxDU sport klubi 2-o‘rin — Ichki ishlar vazirligi Akademiyasining IIV Akademiya sport klubi 3-o‘rin — Ichki ishlar vazirligi Humo VC sport klubi Musobaqa yakunida g‘olib va sovrindor jamoalar munosib taqdirlanib, ularga kuboklar medal va estalik sovgʻalar topshirildiMusobaqada qatnashgan barcha jamoalarga kelgusi bahslarda omad va yangi zafarlar tilaymiz! </p> </article> <article> <h1>Ilya Sibirtsev Ostona kubogida bronza medalini qo'lga kiritdi va Ostonada chempion bo'ldi</h1> <p>Fri, 16 Oct 2026 00:21:09 +0500</p> <p>Ilya Sibirtsev Ostona kubogida bronza medalini qo'lga kiritdi va Ostonada chempion bo'ldi.</p><p>Qozog'iston poytaxtida qisqa masofali suzish kubogining uchinchi bosqichi boshlandi, unda o'zbekistonlik Ilya Sibirtsev 1500 metrga erkin usulda suzishda bronza medalini qo'lga kiritdi.</p><p>Sportchimiz 14:43.97 natija bilan uchinchi o'rinni egalladi va O'zbekistonning qisqa masofali yangi rekordini o'rnatdi.</p><p>1500 metrga erkin usulda suzish</p><p>1-o'rin – Lukas Xenvo (Belgiya) – 14:33.14</p><p>2-o'rin – Oliver Papai (Vengriya) – 14:40.55</p><p>3-o'rin – Ilya Sibirtsev (O'zbekiston) – 14:43.97</p><p>O'zbekiston suv sporti federatsiyasi Ilya Sibirtsevni medali va yangi milliy rekordi, shuningdek, xalqaro maydondagi muvaffaqiyatlari bilan tabriklaydi.</p> </article> <article> <h1>O‘zbekiston regbi-7 terma jamoalari Asia Rugby Emirates Sevens Series final bosqichiga yo‘l oldi</h1> <p>Fri, 16 Oct 2026 00:13:20 +0500</p> <p>O‘zbekiston regbi-7 terma jamoalari Asia Rugby Emirates Sevens Series final bosqichiga yo‘l oldi.</p><p>Bugun, 15-oktabr kuni O‘zbekiston milliy erkaklar va ayollar terma jamoalari Osiyo chempionatining hal qiluvchi — ikkinchi turiga jo‘nab ketdi. Birinchi bosqich yakunlariga ko‘ra, ayollar jamoamiz 8-o‘rinni, erkaklar jamoamiz esa 11-o‘rinni egallab turibdi.Sportchilarimizga omad va Osiyo reytingida yanada yuqori natijalarni tilaymiz! </p> </article> <article> <h1>Javohir Sindarov klassik shaxmat bo‘yicha live jahon reytingida 3-o‘ringa ko‘tarildi</h1> <p>Fri, 16 Oct 2026 00:06:16 +0500</p> <p>O‘zbekiston shaxmati tarixida ilk bor hamyurtimiz klassik shaxmat bo‘yicha live jahon reytingida 3-o‘ringa ko‘tarildi.AQSh chempionatida Fabiano Karuananing Endi Vudvordga mag‘lub bo‘lishidan so‘ng, Javohir Sindarov 2782 reyting bilan dunyoning 3-raqamli shaxmatchisiga aylandi. Undan faqat Magnus Karlsen (2823) va Hikaru Nakamura (2792) oldinda.Nodirbek Abdusattorov esa 2780 reyting bilan 5-o‘rinda.Dunyoning eng kuchli besh shaxmatchisidan ikkitasi — O‘zbekiston vakili. </p> </article> </main></body></html>