Komiljon Tojiddinov faoliyatini «Mash’al»da davom ettiradi</h1> <article> <h1>Komiljon Tojiddinov faoliyatini «Mash’al»da davom ettiradi</h1> <p>Sat, 18 Jul 2026 23:20:04 +0500</p> <p>«Mash’al» futbol klubi yarim himoyachi Komiljon Tojiddinov bilan shartnoma imzolaganini mamnuniyat bilan e’lon qiladi.</p><p>1999 yil 19 avgust kuni tug‘ilgan Komil Tojiddinov tayanch yarim himoyachisi sifatida harakat qiladi. Shuningdek, u markaziy hamda o‘ng yarim himoya chizig‘ida ham samarali o‘yin namoyish eta oladi.Komil Tojiddinov o‘zining mehnatsevarligi, maydon markazidagi ishonchli harakatlari va jamoaviy o‘yini bilan ajralib turadi. Uning tajribasi «Mash’al»ning mavsum davomidagi maqsadlariga erishishida muhim omillardan biri bo‘lishiga ishonamiz.«Mash’al» futbol klubi Komil Tojiddinovni jamoamiz safiga qo‘shilgani bilan samimiy qutlaydi va unga muboraklik libosida muvaffaqiyatli o‘yinlar, yorqin g‘alabalar hamda omad tilaydi!",-deb yoziladi klub rasmiy sahifasida.</p> </article> <article> <h1>«Chelsi» Morgan Rojers transferi bo‘yicha «Aston Villa» bilan og‘zaki kelishuvga erishdi</h1> <p>Sat, 18 Jul 2026 23:16:05 +0500</p> <p>«Chelsi» Morgan Rojers transferi bo‘yicha «Aston Villa» bilan og‘zaki kelishuvga erishdi. Bu haqda jurnalist va taniqli insayder Fabritsio Romano xabar berdi.</p><p>Manbalarga ko‘ra, Birminghem klubi londonliklarning 117 million funt sterling (taxminan 137 million yevro) miqdoridagi taklifini qabul qilgan.</p><p>Aytilishicha, Rojers «Chelsi» bilan 6 yillik shartnoma imzolaydi. Bitimda yana bir mavsumga uzaytirish bandi ham mavjud. Yarimhimoyachi dushanba kuni tibbiy ko‘rikdan o‘tadi.</p><p>2025/26 yilgi mavsumda Rojers «Aston Villa» safida barcha musobaqalarda 55 ta bahsda maydonga tushib, 14 ta gol va 12 ta assist qayd etdi.</p><p>Eslatib o‘tamiz, Trasnfermarkt portali 22 yoshli ingliz futbolchisining transfer qiymatini 90 million yevro deb baholamoqda.</p> </article> <article> <h1>Superliga. «Qizilqum» «Dinamo»ga yutqazdi</h1> <p>Sat, 18 Jul 2026 22:14:00 +0500</p> <p>Superliga 12-turining co‘nggi ikki bellashuvi yakuniga yetdi. «Dinamo» (14, 11-o‘rin) mehmonda «Qizilqum» (13, 13-o‘rin) bilan kuch sinashdi. Unda samarqandliklar muhim uch ochkoni qo‘lga kiritdi.</p><p>Superliga. 12-turQizilqum – Dinamo 1:2Gollar: Firdavs Abdurahmonov, 22 (0:1), Anvar Hojimirzayev, 29 (0:2), Haris Haydarevich, 55 avtogol (1:2)Qizilqum – Farhod Rahmatov, Ilhomjon Vahobov, Shaxzodbek Rahmatullayev, Islom Kenjaboyev (Elbek Otaqulov, 74), Luka Ratkovich, Nikola Kumburovich, Abbosbek Abdug‘afforov ( Maykon Duglas,61), Jambuli Jigauri (Shahzod Turopov, 74), Grigol Chabradze (Fayzullobek Jumanqo‘ziyev,61), G‘iyosjon Rizaqulov, Diyor Rahmatilloyev.Dinamo – Edem Nemanov, Mixail Stefan, Sanjar Qodirqulov (Salim Mustafayev, 58), Azizbek Amonov (Behruzbek Oblaqulov, 66), Anvarjon Hojimirzayev, Raul Jeparov (Nurillo To‘xtasinov, 76), Jaloliddin Jumaboyev, Jahongir Abdusalomov (Oybek O‘rmonjonov,58), Marko Stanoyevich, Haris Haydarevich, Firdavs Abdurahmonov (Amadu Dumbuya, 76)</p> </article> <article> <h1>Superliga. «Surxon» mehmonda «Andijon»ni mag'lub qildi</h1> <p>Sat, 18 Jul 2026 22:09:57 +0500</p> <p>Superliga 12-turining so‘nggi ikki bellashuvi yakuniga yetdi. «Surxon» (15, 10-o‘rin) mehmonda «Andijon»ni (16, 9-o‘rin) bilan o‘ynab, 2:1 hisobida g‘alaba qozondi.</p><p>Superliga. Andijon – Surxon 1:2Gollar: Richard Fraydey, 64 (0:1), Usmonali Ismonaliyev, 73 (1:1), Sarvar Abduhamidov, 77 (1:2)Andijon – Eldor Adhamov, Mahmudjon Mahamadjonov, Odilbek Abdumajidov, Nemanya Chalasan, Dragan Cheran (Humoyunmirzo Iminov, 46), Aleksandre Andronikashvili, Doniyor Abdumannopov (Bekzod Sulaymonov, 46), Muhammadkarim Toirov, Po‘latxo‘ja Xoldorxonov, Imeda Ashortia, Usmonali Ismonaliyev.Surxon – Davron Merganov (Otabek Boymurodov, 9), Behruz Shukurullayev, Behzod Shamsiyev, Behruz Shaydulov, Doston Tursunov, Tohirjon Ashuboyev (Boburjon Rahimjonov, 55), Sarvar Abduhamidov, Diyor Ramazonov, Humoyun Sherbotayev, Farruhjon Qodirov (Mirmaqsud Mirusmonov, 46), Richard Fraydey.</p> </article> <article> <h1>Futzal. «Nurafshon» PFK yangi logotipini taqdim etdi</h1> <p>Sat, 18 Jul 2026 22:03:50 +0500</p> <p>2026/2027-yilgi futzal mavsumidan boshlab mamlakat chempionatlarining ko'p karra sovrindori Buxoroning sobiq “Oil Star” jamoasi yangi nom — “Nurafshon” PFK sifatida musobaqalarda ishtirok etadi.Yangi mavsumga tayyorgarlikni allaqachon boshlab yuborgan buxoroliklar klubning yangilangan brend konsepsiyasini tasdiqdan o'tkazishmoqda. Xususan, “Nurafshon” futzal klubining rasmiy logotipi tasdiqlandi va bu haqda O‘zbekiston futzal federatsiyasiga ma'lum qilindi.Hurmatli kuzatuvchilar, tez orada "Nurafshon" PFK seleksiya faoliyati hamda jamoada ro'y berayotgan o'zgarishlarga oid ko‘plab muhim va qiziqarli yangiliklarni e`tiboringizga havola etamiz. </p> </article> <article> <h1>Zinedin Zidan Fransiya terma jamoasini qachondan boshqarishi ma'lum bo‘ldi</h1> <p>Sat, 18 Jul 2026 19:50:59 +0500</p> <p>Fransiyaning nufuzli L'Equipe nashri xabariga ko‘ra, afsonaviy futbolchi va murabbiy Zinedin Zidan rasman 1-sentabrdan Fransiya terma jamoasi bosh murabbiyi sifatida ish boshlaydi. </p><p>Ma'lum qilinishicha, aynan shu sanadan boshlab Zidan terma jamoa bilan ilk yig‘inni o‘tkazadi va JCH-2026 yakunida lavozimini tark etayotgan Didye Deshamning o‘rnini egallaydi. </p><p>Desham 2012-yildan buyon Fransiya terma jamoasini boshqarib kelmoqda. Uning qo‘l ostida fransuzlar 2018-yilgi Jahon chempionatida g‘olib, 2022-yilgi mundial kumush medali sohibi va Yevro-2016 finalchisi bo‘lishdi. JCH-2026 uchinchi o‘rin uchun bahsi uning terma jamoa boshidagi so‘nggi uchrashuvi bo‘ladi. </p><p>Zidan esa murabbiylik faoliyatida hozirgacha faqat **"Real Madrid"**ni boshqargan va klub bilan 3 marta ketma-ket UEFA Chempionlar ligasi, 2 marta La Liga, shuningdek, bir qator boshqa sovrinlarni qo‘lga kiritgan. Endilikda u ilk bor milliy terma jamoada faoliyat olib boradi. </p> </article> <article> <h1>Superliga. «Andijon» — «Surxo». Tarkiblar ma’lum</h1> <p>Sat, 18 Jul 2026 19:38:36 +0500</p> <p>Superliga 12-turidan o‘rin olgan “Andijon” — “Surxon” uchrashuvi asosiy tarkiblari e’lon qilindi.</p><p>“Andijon”: Eldor Adhamov, Mahmudjon Mahamajonov, Odilbek Abdumajidov, Nemanja Chalasan, Dragan Cheran, Aleksandre Andronikashvili, Doniyor Abdumannopov, Muhammadkarim Toirov, Po‘lathoja Xoldorxonov, Imeda Ashortiya, Usmonali Ismonaliyev.</p><p>“Surxon”: Davron Merganov, Behruz Shukurullaev, Behzod Shamsiyev, Behruz Shaydulov, Doston Tursunov, Tohirjon Ashuboyev, Sarvar Abduhamidov, Diyor Ramazonov, Humoyun Sherbotayev, Farruhjon Qodirov, Richard Friday.</p> </article> <article> <h1>Superliga. «Qizilqum» — «Dinamo». Asosiy tarkiblar e'lon qilindi</h1> <p>Sat, 18 Jul 2026 19:34:46 +0500</p> <p>Superliga 12-turidan o'rin olgan "Qizilqum" — "Dinamo" uchrashuvi asosiy tarkiblari e'lon qilindi.</p><p>"Qizilqum": Farhod Rahmatov, Abbosbek Abdugafforov, Grigol Chabradze, Ilhomjon Vahobov, G'iyosjon Rizaqulov, Nikola Kumburovich, Islom Kenjaboev, Shahzod Rahmatullaev, Diyor Rahmatilloev, Jambuli Jigauri, Luka Ratkovich.</p><p>"Dinamo": Edem Nemanov, Mixail Shtefan, Jaloliddin Jumaboev, Marko Stanoevich, Raul Jeparov, Xaris Haydarevich, Anvarjon Hojimirzaev, Sanjar Qodirqulov, Azizbek Amonov, Firdavs Abdurahmonov, Jahongirbek Abdusalomov.</p> </article> <article> <h1>Gomes: «Iraola bilan ishlashni sabrsizlik bilan kutyapmiz»</h1> <p>Sat, 18 Jul 2026 19:02:15 +0500</p> <p>«Liverpul» himoyachisi Jozef Gomes jamoaning yangi bosh murabbiyi Andoni Iraola haqidagi ilk taassurotlari bilan o‘rtoqlashdi.</p><p>«Juda yaxshi. U haqiqatan ham juda yaxshi inson sifatida taassurot qoldirmoqda. Uning "Bornmut"da qilgan ishlari va jamoani qanday o‘yin namoyish etishga olib chiqqanini ko‘rish juda ta’sirli edi.</p><p>O‘ylaymanki, barchamiz u bilan ishlashni sabrsizlik bilan kutyapmiz va uning kelganidan xursandmiz. Biz yangi mavsumni boshlash uchun chanqoqmiz va katta ishtiyoq bilan tayyorgarlik ko‘ryapmiz», — dedi Gomes «Liverpul» matbuot xizmatiga.</p><p>Eslatib o‘tamiz, Andoni Iraola joriy yozda «Liverpul» bosh murabbiyi etib tayinlangan.</p><p>Uning boshchiligida «Bornmut» o‘tgan mavsum Angliya Premer-ligasini 6-o‘rinda yakunlab, Yevropa ligasi yo‘llanmasini qo‘lga kiritgan edi.</p> </article> <article> <h1>PSJ Barkolani 150 mln yevroga sotishga tayyor</h1> <p>Sat, 18 Jul 2026 18:15:31 +0500</p> <p>“PSJ” klubi vinger Bredli Barkola uchun transfer narx belgiladi. Bu haqda L'Equipe nashri xabar berdi.</p><p>Parijliklar ushbu yozda sotishga oshiqmayapti, ammo 150 mln yevro miqdoridagi taklif vaziyatni o'zgartirishi mumkin.</p><p>Manbaning xabariga ko'ra, 23 yoshli Barkolaga Angliyaning “Liverpul” va “Arsenal” klublari qiziqish bildirmoqda. Biroq PSJning tutgan o'rnidan kelib chiqilsa, futbolchi kelajagi borasidagi savol yozning oxirigacha ochiq qolishi mumkin.</p><p>O'tgan mavsum Barkola klub safida 49 ta o'yinda maydonga tushib, 13 ta gol urdi va 7 ta golli uzatma yetkazib berdi. Futbolchining amaldagi shartnomasi 2028 yil yozigacha mo'ljallangan.</p><p>Transfermarkt portali Bredlining aktual transfer narxini 70 mln yevroga baholamoqda.</p> </article> <article> <h1>Tomas Tuxel: «Bu Angliya uchun so‘nggi 60 yildagi eng yaxshi natijaga erishish imkoniyati»</h1> <p>Sat, 18 Jul 2026 16:51:12 +0500</p> <p>Angliya terma jamoasi bosh murabbiyi Tomas Tuxel Jahon chempionati–2026 uchinchi o‘rin uchun Fransiyaga qarshi bahs oldidan o‘z fikrlari bilan o‘rtoqlashdi.</p><p>«Bu Angliya uchun so‘nggi 60 yildagi eng yaxshi natijani qayd etish imkoniyati. Biz dunyoning eng kuchli jamoalaridan biriga, ehtimol yarim finalgacha eng yaxshi o‘yin namoyish etgan terma jamoaga qarshi maydonga tushamiz.</p><p>G‘oliblik ruhiyatini xohlagan payt yoqib, xohlagan payt o‘chirib bo‘lmaydi. Endi biz qanday jamoa ekanligimizni va butun turnir davomida namoyish etgan xarakterimizni yana bir bor ko‘rsatish vaqti keldi», — dedi Tuxel FIFA rasmiy saytiga bergan intervyusida.</p><p>Eslatib o‘tamiz, Angliya yarim finalda Argentinga 1:2 hisobida mag‘lub bo‘lgan va hal qiluvchi gollarni uchrashuv so‘nggi daqiqalarida o‘tkazib yuborgan.</p><p>Angliya terma jamoasi so‘nggi bor 1966 yilda Jahon chempionati sovrindorlari qatoridan joy olgan. O‘shanda inglizlar o‘z maydonida o‘tgan mundialda chempionlikni qo‘lga kiritgan edi.</p> </article> <article> <h1>Jon Stounz: «Bronza uchun bahs — o‘zimizni oqlash imkoniyati»</h1> <p>Sat, 18 Jul 2026 16:42:47 +0500</p> <p>Angliya terma jamoasi himoyachisi Jon Stounz Jahon chempionati–2026 yarim finalidagi mag‘lubiyatdan keyin hissiyotlarini baham ko‘rdi va uchinchi o‘rin uchun bo‘ladigan bahs haqida fikr bildirdi.</p><p>«Bunday mag‘lubiyatni darhol qabul qilish yoki hazm qilish juda qiyin. Hozir biz og‘ir holatdamiz. O‘ylaymanki, hissiyotlar bosilgandan keyin hammasi ancha tushunarli bo‘ladi.</p><p>Ertangi o‘yin esa tezda o‘zimizni qo‘lga olish va bronza medallarini qo‘lga kiritish uchun yaxshi imkoniyat», — dedi Stounz FIFA rasmiy saytiga bergan intervyusida.</p><p>29 yoshli himoyachi Jahon chempionati–2026da Angliya terma jamoasi safida 5 ta uchrashuvda ishtirok etdi, ammo gol yoki golli uzatma bilan ajralib tura olmadi.</p><p>Eslatib o‘tamiz, Angliya va Fransiya o‘rtasidagi uchinchi o‘rin uchun bahs 19 iyul kuni bo‘lib o‘tadi.</p> </article> <article> <h1>«Tottenxem» Romero uchun narx belgiladi</h1> <p>Sat, 18 Jul 2026 16:16:27 +0500</p> <p>"Tottenxem" markaziy himoyachisi Kristian Romero yozgi transfer oynasida jamoadan ketishi mumkin. Bu haqda TEAMtalk xabar bermoqda.</p><p>Manbaga ko‘ra, "shporlar" 28 yoshli argentinalik futbolchini sotishga tayyor va undan 59 million yevro ishlab olmoqchi.</p><p>Shu bilan birga, futbolchining jarohatlarga moyilligi sababli klub uni 47 million yevro atrofidagi mablag‘ evaziga ham qo‘yib yuborishi mumkinligi istisno etilmayapti. Romeroga "Inter", "Real", "Barselona" va "Atletiko" klublari qiziqish bildirmoqda.</p><p>O‘tgan mavsumda Romero barcha turnirlarda 32 ta uchrashuvda maydonga tushib, 6 ta gol urdi va 4 ta golli uzatmaga mualliflik qildi.</p><p>Romero London klubi bilan amaldagi shartnomasi 2029 yilgacha mo‘ljallangan.</p> </article> <article> <h1>«Real» Vinisius oldiga qat’iy shart qo‘ydi</h1> <p>Sat, 18 Jul 2026 15:47:43 +0500</p> <p>Madridning «Real» klubi hujumchi Vinisius Junior oldiga tanlov qo‘ydi: u yoki klub bilan shartnomasini uzaytiradi, yoki yozgi transfer oynasida sotiladi. Bu haqda jurnalist Romen Molina xabar berdi.</p><p>Manbaga ko‘ra, 26 yoshli braziliyalik futbolchining ehtimoliy transferini moliyaviy jihatdan amalga oshira oladigan yagona klub — «Manchester United» hisoblanadi. Agar Vinisius «Real»ni tark etishga qaror qilsa, ayni paytda aynan manchesterliklar uning faoliyatini davom ettirishi mumkin bo‘lgan eng real variant sifatida ko‘rilmoqda.</p><p>2025/2026 yilgi mavsumda Vinisius Junior barcha musobaqalarda 59 ta uchrashuvda ishtirok etib, 23 ta gol urdi va 11 ta golli uzatmani amalga oshirdi.</p><p>Ayni paytda futbolchining «Real» bilan amaldagi shartnomasi 2027 yil yozigacha mo‘ljallangan.</p> </article> <article> <h1>Raul Jeparov «Dinamo» sharafini himoya qiladi</h1> <p>Sat, 18 Jul 2026 15:19:20 +0500</p> <p>Superligada mavsumning ikkinchi qismi arafasida «Dinamo» jamoasi seleksiya jarayonini davom ettirmoqda.Yozgi transfer oynasida «Dinamo» PFK mamlakatimizning eng iqtidorli yoshlari orasidan biri Raul Jeparovni o‘z safiga qo‘shib oldi. 19 yoshli yarimhimoyachi «Bunyodkor» klubidan mavsum yakunigacha ijaraga olindi.</p><p>Jeparov jamoa safida 18-raqam ostida harakat qiladi. U «Dinamo»ning Qirg‘izistondagi yig‘inida qatnashib, murabbiylar shtabida iliq taassurot qoldirgach, tarkibga qo‘shib olindi.</p> </article> </main></body></html>