Manbaga ko‘ra, futbolchi Tojikiston klubi bilan kelishuv asosida xayrlashgan. 33 yoshli futbolchi mavsum avvalida jamoa safiga kelib qo‘shilgandi.

Ortda qolgan vaqt davomida Safarov 11 ta o‘yinda maydonga tushib, 1 ta gol urdi va 1 ta assistni o‘z hisobiga yozib qo‘ygan. Futbolchining yangi jamoasini tez orada bilib olamiz.

24 yoshli futbolchi Qoʻchqor-Otaning “Neftchi” klubi bilan shartnoma imzoladi. Futbolchi bunga qadar “Muras United” jamoasida toʻp surib kelgan.

Bu klubda Dmitriy An boshqarmoqda. Jamoada Sobit Sindarov, Sardor Xursandov kabi oʻzbekistonlik futbolchilar oʻynamoqda.

Sports24.uz xabar berishicha, 24 yoshli futbolchi Samarqandning "Dinamo" klubi bilan kelishuvga erishgan. Futbolchi tez orada jamoa tomonidan rasman e'lon qilinadi.

Stefan "Dinamo" bilan bir yarim yillik shartnoma imzoladi. U markaziy himoyada o'ynaydi. Katta ehtimol bilan u jamoani tark etishi kutilayotgan Jahongir O'rozovning o'rnini egallaydi.

Manbaga ko‘ra, futbolchi G‘uzorning “Sho‘rtan” jamoasiga qaytgan va ikkinchi davrani ular safida boshlashi kutilmoqda.

29 yoshli futbolchi bunga qadar Hindistonning "Bengaluru" klubida o‘ynagan hamda jamoani yaqinda tark etgandi. O‘tgani vaqt mobaynida Qo‘ziev klub safida 13 ta bahsda maydonga tushishga ulgurgan.

Qo‘ziev Hindistonga yo‘l olishidan avvalroq “Mash'al”, “Neftchi”, “Sho‘rtan” va Malayziyaning “Kuching” jamoalari safida o‘ynagandi.

Angliya milliy jamoasi JCH yarim finalida Argentinaga qarshi tarixiy uchrashuv oldidan Lionel Messini zararsizlantirish deyarli «imkonsiz» vazifa ekani haqida ogohlantirildi.

«Inter Mayami» yulduzi faoliyatida ilk bor «Uch sherlar»ga qarshi maydonga tushishga tayyorlanmoqda. Ushbu bahs g‘olibi Jahon chempionati finaliga yo‘l oladi.

Argentina afsonasi hamon to‘xtatib bo‘lmas darajada

Sakkiz karra «Oltin to‘p» sohibining Argentina milliysidagi sobiq jamoadoshi Federiko Fernandes Tomas Tuxel shogirdlari uchun jiddiy ogohlantirish berdi.

Angliya lagerida taktik tayyorgarlik davom etayotganiga qaramay, Fernandesning fikricha, so‘nggi 20 yillik futbol tarixi Messini qandaydir maxsus reja orqali to‘xtatishga urinishlar ko‘pincha muvaffaqiyatsizlik bilan yakunlanishini ko‘rsatgan.

Turnirning eng yaxshi to‘purari bilan yuzma-yuz kelish haqida gapirar ekan, Fernandes talkSPORT nashriga shunday dedi:

— Uni to‘xtatib bo‘lmaydi. Bu savol so‘nggi 20 yil davomida berib kelinmoqda. Lionel har doim to‘pni qabul qilish yo‘lini topadi: ba’zida orqaroqqa tushadi, ba’zida qanotga yaqinroq harakat qiladi. Vaziyat yaratish uchun unga faqat yaxshi uzatma va to‘pni nazorat qilish kifoya. Hatto unga alohida futbolchi biriktirsangiz ham, foydasi bo‘lmasligi mumkin. Yillar davomida hamma unga qarshi har qanaqa usulni sinab ko‘rgan. Men esa mashg‘ulotlarda Messini qo‘riqlashga majbur bo‘lmaslik uchun murabbiydan doim bizni bir jamoaga qo‘yishni so‘rardim.

Tuxel Holandga qarshi o‘yindagi rejaga tayanmoqda

«Nyukasl»ning sobiq himoyachisidan kelgan bu ogohlantirish jiddiy bo‘lsa-da, Tomas Tuxel o‘z taktik sxemasi natija berishiga ishonmoqda.

Nemis mutaxassisi Angliyaning avvalgi bosqichdagi himoyaviy o‘yinidan ruhlangan. O‘sha uchrashuvda inglizlar yana bir jahon yulduzining ta’sirini sezilarli darajada cheklashga muvaffaq bo‘lishganini bilasiz.

— Lionel Messining har safar buni uddalashi aql bovar qilmas darajada fantastik. U buni turli yo‘llar bilan amalga oshiradi. Messi bo‘sh zonalarni topadi, kerakli lahzani sezadi. Eng muhimi, butun jamoa uning g‘oyasiga ishonadi. Biz Lionelning atrofida dadil harakat qilishimiz va unga beriladigan yordamni to‘xtatishimiz kerak. U Erling Holanddan butunlay boshqa tipdagi futbolchi, ammo biz Erlingga qarshi yaxshi o‘ynadik. Endi bu safar ham yo‘lini topamiz, — dedi Tuxel.

Keyn faqat Messiga e’tibor qaratish xato bo‘lishini aytdi

Messi ushbu turnirda hozirgacha 8 ta gol urgan bo‘lsa-da, Angliya sardori Harri Keyn faqat sobiq «Barselona» va PSJ yulduziga e’tibor qaratish inglizlar uchun xato bo‘lishini ta’kidladi.

— U deyarli 20 yildan beri dunyoning eng yaxshi futbolchilaridan biri, balki eng yaxshisi bo‘lib kelmoqda. Uning qanchalik xavfli ekanini hamma biladi. Ammo biz Messiga emas, Argentinaga qarshi o‘ynaymiz. Biz kuchli jamoaga, ajoyib futbolchilardan tashkil topgan yaxlit tarkibga qarshi maydonga tushamiz. O‘yin atrofidagi e’tibor Messi va boshqa yirik nomlar bilan bog‘lanishi tabiiy, lekin biz bu bundan ham kattaroq narsa ekanini yaxshi bilamiz, — dedi Keyn.

Bugun Toshkent vaqti bilan 23:55 da boshlanadigan ushbu bahsda qaysi jamoaning imkoniyati yuqoriroq? Messi ketma-ket ikkinchi chempionlik uchun bir qadam oldinga tashlaydimi, yoki inglizlar oltmish yildan keyin nihoyat yana mundial g'olibligini qo'lga kiritish yo'lida finalga yo'l oladimi? Kun o‘yini | 15 iyul23:55. Angliya — Argentina

Asosiy jamoa futbolchilari «mitti sehrgar»dan hayratda qolishgan

«Nyuells Old Boyz»ning sobiq futbolchisi, keyinchalik futbolchilik faoliyatini yakunlab, rassomlik bilan shug‘ullana boshlagan Matias Fondato yosh Messi atrofidagi g‘ayrioddiy muhitni esladi.

Fondato Messidan bir necha yosh katta bo‘lishiga qaramay, u va asosiy jamoaning boshqa futbolchilari klub akademiyasida raqiblarini birin-ketin mag‘lub etayotgan iqtidorli bola haqida yaxshi bilishgan.

— Hamma jamoalarni tor-mor qilayotgan «mitti sehrgar» haqida gapirardi. O‘sha paytda men asosiy jamoaga endigina qo‘shilayotgandim. Mehmonxonaga ketishdan oldin butun asosiy jamoa uning o‘yinlarini tomosha qilish uchun qolardi. Dushdan chiqqanimizdan keyin avtobus jo‘nab ketgunicha biroz vaqtimiz bo‘lardi va biz uning uchrashuvlarini ko‘rishga borardik. Uning o‘yinini tomosha qilish aql bovar qilmas darajada edi. Hozirgi Messi bilan deyarli bir xil edi, faqat o‘shanda u to‘qqiz yoshda edi, — dedi Fondato talkSPORT nashriga.

«87-yillar mashinasi» va Maradonaga qiyoslar

Messi to‘p tepgan yoshlar jamoasi mashhur «87-yillar mashinasi» nomi bilan tanilgan. Ushbu jamoa uch yil davomida birorta ham uchrashuvda mag‘lub bo‘lmagan.

Messi juda yosh bo‘lishiga qaramay, mahalliy muxlislar uni Diego Maradonaga qiyoslay boshlashgandi. Bunga Messining 1993-yilda Maradonaning «Nyuells Old Boyz» safidagi debyut uchrashuvini stadiondan tomosha qilgani ham sabab bo‘lgan.

To‘qqiz yoshida Messi Marselo Biyelsa stadionida muxlislar qarshisida to‘p bilan turli harakatlarni bajarib, ularni hayratga solardi. Tribunalar esa uning ismini aytib hayqirardi.

— Eng asosiy jihat uning bo‘yi edi. U juda kichkina edi, ammo o‘z tengqurlariga qarshi o‘ynaganda kattalardek fikrlayotgandek ko‘rinardi. Balki o‘sha paytda uning kelajakda hozirgi darajasiga yetishini aytish qiyin bo‘lgandir. Biroq uning shu yoshdagi boshqa bolalardan mutlaqo farq qilishi yaqqol ko‘rinib turardi, — dedi Fondato.

Vaqtga bo‘ysunmaydigan meros

Messi Ispaniyaga tarixiy transferini amalga oshirishidan oldin «Nyuells Old Boyz»ning asosiy jamoasi safida birorta ham rasmiy uchrashuv o‘tkazmagan. Shunga qaramay, uning Argentinadagi ta’siri hamon saqlanib qolgan.

Yoshlar jamoasidagi o‘yinlaridan o‘nlab yillar o‘tgan bo‘lsa-da, Messi jahon futbolida yuqori saviyada o‘ynashda davom etmoqda. Uning sobiq jamoadoshlaridan biri Pedri ham argentinalik futbolchining ajoyib sport formasi va uzoq yillik barqarorligini alohida e’tirof etgan.

Fondato uchun Messining 2022-yilgi Jahon chempionatida kubokni boshi uzra ko‘tarishi Rosarioda boshlangan hikoyaning mantiqiy yakuni bo‘ldi.

— Bir paytlar Argentinada ayrim odamlar: «U Jahon chempionatida g‘olib bo‘la olmayapti, hech qachon bunga erishmaydi», deb norozilik bildirishardi. U Jahon chempionligini qo‘lga kiritganidan keyin ham shuncha yil davomida bir xil yuqori saviyada o‘ynashda davom etayotgani aql bovar qilmaydi. Men futbol ichida bo‘lgan inson sifatida uning imkoniyatlariga hech qachon shubha qilmaganman, — dedi Fondato.

Messi Argentina sardori sifatida bugun yana bir tarixiy voqeani amalga oshirdi. Bu safar Jahon chempionati 2026 nimchorakfinalida «mitti sehrgar» va uning jamoasi kambek amalga oshira oldi. Lionel hammasiga loyiqmi? Lotin Amerika vakillari bu safargi mundialda qayergacha yetib bora oladi?

Braziliya hujum chizig‘iga “RB Leypsig”ning sobiq forvardi Mateus Kun’ya yetakchilik qiladi. Norvegiya hujumining asosiy kuchi esa Erling Holand hisoblanadi. Har ikki futbolchining faoliyatida “Red Bull” tizimi muhim o‘rin tutgan.

Kun’ya “RB Leypsig” safida 52 ta uchrashuvda maydonga tushib, 9 ta gol urgan. Holand esa Yevropa futbolida aynan “Red Bull Zalsburg” jamoasidagi yorqin o‘yinlari orqali tanilgan. Norvegiyalik hujumchi Avstriya klubi safida 27 ta uchrashuvda 29 ta gol urgan.

“Leypsig”ni tark etganidan so‘ng Kun’ya Braziliyaning yetakchi hujumchilaridan biriga aylandi. Uning “Gerta” safidagi muvaffaqiyatli davri faoliyatidagi muhim bosqichlardan biri bo‘ldi.

Holandning yuksalishi esa yanada shiddatli kechdi. U avval Dortmundning “Borussiya”si, keyinchalik esa “Manchester Siti” safida sermahsul o‘yin namoyish etib, dunyoning eng kuchli hujumchilaridan biri maqomini mustahkamladi.

Norvegiya terma jamoasining yana bir nechta futbolchisi ham “Red Bull” tizimi bilan bog‘liq. Aleksander Syorlot, Or’yan Nyuland va Antonio Nusa turli davrlarda “RB Leypsig” sharafini himoya qilgan. Ular orasida Nusa Germaniya klubida eng muhim faoliyat davrini o‘tkazmoqda.

Yulian Ryerson esa 2025/26-yilgi mavsumda Dortmundning “Borussiya”si safida ajoyib o‘yin namoyish etdi. Endi uning Braziliyaga qarshi bahsda qanday harakat qilishi katta qiziqish uyg‘otmoqda.

Braziliya ushbu uchrashuvning asosiy favoriti sifatida maydonga tushadi. Biroq Norvegiya “Red Bull” tizimidan chiqqan futbolchilari yordamida sensatsiya qayd etib, Jahon chempionatidagi yurishini davom ettirishga umid qilmoqda.

Braziliya ishqibozlari azaliy raqiblari Argentinaga hazilomuz murojaat yo‘llab, futbol tarixidagi eng mashhur statistik faktlardan birini yana bir bor eslatib qo‘yishdi.

JCH-2026 vaqtida bir guruh braziliyalik muxlis GOAL nashrining FanZone loyihasida ishtirok etdi. Ulardan Argentina terma jamoasi muxlislariga biror gap aytish so‘ralganda, braziliyaliklar eski, ammo hamon ta’sirli hazildan foydalanishdi.

«Katta beshlik»

GOAL muxbiri Argentinaga qanday xabar yo‘llashlarini so‘raganida, muxlislar javobni uzoq o‘ylashmadi.

— Argentinaga katta “besh” tashlaymiz, chunki bizda beshta Jahon chempionligi bor, bilasiz-ku? — dedi muxlislardan biri kulib.

Bunday hazillar Braziliya va Argentina o‘rtasidagi raqobatning bir qismiga aylangan. Statistikaga asoslangan bu kinoyaga qarshi bahslashish ham oson emas.

Braziliya Jahon chempionatlari tarixidagi eng sovrindor terma jamoa bo‘lib qolmoqda. “Selesao” 1958-yildan 2002-yilgacha bo‘lgan davrda besh marta jahon chempioni bo‘lgan.

Argentina hisobida esa uchta chempionlik bor. “Albiseleste” so‘nggi bor 2022-yilda Qatarda Lionel Messi boshchiligida Jahon chempionati kubogini qo‘lga kiritgan.

Muxbiri braziliyaliklardan Argentina nechta Jahon chempionligiga ega ekanini so‘raganida, ular bu savolga ham hazil bilan javob qaytarishdi.

— Ularda nechta? — deb so‘radi muxbir.

— Bilmayman, o‘zlaridan so‘rang, — dedi muxlislardan biri va yana kulgi boshlandi.

Bu shunchaki quvnoq suhbat bo‘lsa-da, uning ortida katta futbol tarixi bor. Braziliya va Argentina o‘rtasidagi qarama-qarshilik jahon futbolidagi eng keskin va mashhur raqobatlardan biri hisoblanadi.

Har ikki terma jamoa ham JCH-2026ga chempionliklar sonini yana bittaga oshirish maqsadida kelgan.

2022 yilgi Jahon chempionatini o‘tkazib yuborgan Janubiy Amerika vakillari bu safar musobaqaga favoritlardan biri sifatida kelmoqda. Biroq Lorenzo mundialdagi ilk ishtirokini o‘tkazayotgan O‘zbekiston terma jamoasini past baholash katta xato bo‘lishini aytdi.

«Jahon chempionati bizga shuni ko‘rsatmoqdaki, bu yerda kichik jamoalar yo‘q va hech kimni mensimaslik kerak emas», — dedi Lorenzo Azteka stadionida bo‘lib o‘tgan matbuot anjumanida.

«O‘zbekiston kuchli jamoalarga qarshi juda yaxshi natijalar qayd etgan. Ularning ajoyib murabbiyi bor, tarkibida esa yuqori saviyadagi to‘rt-besh nafar futbolchi mavjud. Eng muhimi, bu jamoa juda tartibli va qanday o‘ynashni aniq biladi.»

Kolumbiya Meksikaga muvaffaqiyatli saralash bosqichidan so‘ng yuqori kayfiyatda yetib keldi. Jamoa tarkibida «Bavariya» hujumchisi Luis Dias hamda tajribali pleymeyker Xames Rodriges yetakchilik qilmoqda.

Lorenzo so‘nggi yillarda jismoniy holati bilan bog‘liq muammolarga duch kelgan Kolumbiya sardori Xames Rodriges o‘yin oldidan yaxshi holatda ekanini ta’kidladi.

«Xamesning ahvoli yaxshi. U jismoniy tomondan tobora yaxshilanib bormoqda.

Uning iste’dodi va futbol sifati shundayki, boshqalar kabi ko‘p yugurmasa ham, o‘yinga aniqlik olib kiradi va hal qiluvchi vaziyatlarda muhim qarorlar qabul qiladi», — dedi murabbiy.

Argentinalik mutaxassis Kolumbiya terma jamoasi turnirning eng kuchli jamoalari namoyish etayotgan yuqori tempga moslasha olmasligi haqidagi fikrlarni ham rad etdi.

«Biz bunday darajada o‘ynay olishimizni allaqachon ko‘rsatganmiz», — dedi u yaqinda Xorvatiya va Fransiyaga qarshi o‘tkazilgan uchrashuvlarni eslab.

«Yaxshi futbol o‘ynash faqat ko‘p yugurish degani emas. Ba’zida biz intensivlik bilan sifatli futbolni adashtirib yuboramiz»

Azteka stadionida bo‘lib o‘tadigan uchrashuvda 65 mingdan ortiq kolumbiyalik muxlislar jamoani qo‘llab-quvvatlashi kutilmoqda. So‘nggi kunlarda Mexiko ko‘chalarida Kolumbiya muxlislarining sariq liboslari tez-tez ko‘zga tashlanmoqda.

Lorenzo muxlislarga minnatdorchilik bildirib, jamoa sakkiz yillik tanaffusdan so‘ng Jahon chempionatiga qaytgan mamlakat uchun munosib o‘yin namoyish etishga harakat qilishini aytdi.

«Kolumbiya — bu quvonch demakdir.

Biz yaxshi futbol ko‘rsatishni va insonlarga tabassum qilish uchun sabab berishni istaymiz», — deya yakunladi Nestor Lorenzo.

Italiya terma jamoasi Jahon chempionatida to‘rt marta g‘olib chiqqan (1934, 1938, 1982 va 2006 yillarda). Bu natija “Azzurrilar”ni futbol tarixidagi eng muvaffaqiyatli milliy jamoalardan biriga aylantiradi. Biroq aynan qaysi avlod eng buyuk bo‘lgan degan savol hamon bahsli bo‘lib qolmoqda va har bir davrga alohida nazar tashlashni talab qiladi.

Ayniqsa uch avlod alohida e’tiborga loyiq: 1982 yilgi jamoa, yirik turnirlarda eng kerakli paytda cho‘qqiga chiqish nimani anglatishini namoyish etgan tarkib; 1994 yilgi jamoa, Braziliyani tarixdagi eng dramatik finallardan birida oxirigacha qiynagan avlod; va barcha qiyinchiliklarga qaramay chempion bo‘lgan 2006 yilgi jamoa.

1982 yil: Hech kim kutmagan chempion

Enso Bearzot boshchiligidagi Italiya terma jamoasi Ispaniyadagi turnirga katta bosim ostida yo‘l olgan edi. Jamoa guruh bosqichidan birorta ham g‘alabasiz chiqdi: Polsha, Peru va Kamerun bilan durang o‘ynadi. Italiya matbuoti jamoani keskin tanqid qilayotgan, hujumchi Paolo Rossi esa hali birorta ham gol ura olmagandi. Vaziyat deyarli inqiroz darajasiga yetgan edi.

Ammo keyingi voqealar hammasini o‘zgartirdi. Rossi ko‘pchilik tomonidan Jahon chempionatida g‘olib bo‘la olmagan eng kuchli jamoalardan biri sifatida e’tirof etiladigan Braziliyaga qarshi o‘yinda xet-trik qayd etdi. 1982 yil 5 iyul kuni Barselonadagi Sarrià stadionida bo‘lib o‘tgan ushbu bahs Italiya futboli tarixidagi eng buyuk uchrashuvlardan biri hisoblanadi. Italiya 3:2 hisobida g‘alaba qozondi va Rossi atigi 90 daqiqa ichida tanqid ostidagi futbolchidan milliy qahramonga aylandi.

Rossidan tashqari, tarkibda yuqori darajadagi futbolchilar yetarli edi. Dino Zoff ikki o‘n yillik davomida jahon futbolining eng yuqori cho‘qqisida bo‘lgan darvozabondek ishonch bilan o‘ynadi. Himoya chizig‘i intizomli va yorib o‘tish juda qiyin edi.

1982 yilgi jamoani buyuk qiladigan jihatlardan biri uning ruhiy kuchidir. Bu futbolchilar ulkan bosim ostida o‘ynashdi, o‘z matbuotining tanqidlariga duch kelishdi, ammo shunga qaramay chempionlikni qo‘lga kiritishdi. Aynan mana shunday ruhiy bardoshlilik, puxta taktika va individual mahorat buyuk jamoalarni oddiy yaxshi jamoalardan ajratib turadi.

1994 yil: Himoyaviy futbolning haqiqiy namoyishi

Arrigo Sakki 1994 yil AQShda o‘tgan Jahon chempionatiga mutlaqo boshqacha falsafa bilan keldi. Agar 1982 yilgi Italiya pragmatik va qarshi hujumlarga tayangan bo‘lsa, Sakkining jamoasi pressing, to‘g‘ri joylashuv va jamoaviy harakatlarga asoslangan edi.

Tarkibda o‘sha davrning eng kuchli himoyachilari bor edi: Franko Barezi, Paolo Maldini va Alessandro Kostakurta. Ularning barchasi 1980-yillar oxiri va 1990-yillar boshida Yevropa futbolida hukmronlik qilgan “Milan” jamoasining mahsuli edi.

Italiyaning final sari yo‘li oson kechmadi. Roberto Baggio bir necha bor jamoani qutqarishga majbur bo‘ldi. Ayniqsa Nigeriyaga qarshi 1/8 final bahsida u asosiy vaqt oxirlarida hisobni tenglashtirib, qo‘shimcha daqiqalarda g‘alaba golini urdi. Eng og‘ir vaziyatlarda natija topish qobiliyati aynan shu jamoaning asosiy xususiyatiga aylandi.

1994 yil 17 iyul kuni Pasadenadagi “Rose Bowl” stadionida bo‘lib o‘tgan final Jahon chempionatlari tarixidagi eng esda qolarli voqealardan biri bo‘lib qoldi. Italiya Braziliya bilan 120 daqiqa davomida keskin va ehtiyotkor o‘yin namoyish etdi. Uchrashuv 0:0 hisobida yakunlandi.

Penaltilar seriyasida esa drama eng yuqori nuqtasiga chiqdi. Birinchi bo‘lib zarba bergan Franko Barezi penaltini aniq amalga oshira olmadi.

Italiya uchun turnir davomida deyarli yakka o‘zi kurashgan Roberto Baggio so‘nggi zarbani tepishi kerak edi. U gol urganida Italiya umidini saqlab qolardi. Ammo u uddalay olmadi. To‘p darvoza ustidan o‘tib ketdi va Braziliya jahon chempioniga aylandi. Baggioning boshini egib turgan surati futbol tarixidagi eng mashhur tasvirlardan biriga aylangan.

2006 yil: Barcha qiyinchiliklarga qaramay chempionlar

Marchello Lippi boshchiligidagi Italiya terma jamoasi Germaniyada o‘tgan 2006 yilgi Jahon chempionatiga eng noqulay sharoitlardan birida keldi. Turnir boshlanishidan bir necha hafta oldin Italiya futbolini larzaga keltirgan “Kalchopoli” mojarosi yuzaga kelgan edi.

“Yuventus”, “Milan” va “Fiorentina” futbolchilari mamlakat futbol tizimi korrupsiya va o‘yin natijalarini kelishish bo‘yicha tergov ostida bo‘lgan paytda terma jamoani himoya qilayotgan edi. Bosim nihoyatda katta edi.

Shunga qaramay, Italiya texnik va taktik jihatdan ajoyib turnir o‘tkazdi. Fabio Kannavaro boshchiligidagi himoya chizig‘i deyarli mukammal harakat qildi.

Andrea Pirlo markazda o‘yinni favqulodda xotirjamlik bilan boshqardi. Hujumda esa Luka Toni kuchli va bevosita uslubi bilan ajralib turdi. Fransiyaga qarshi final 1:1 hisobida yakunlanib, penaltilarga qadar davom etdi. Italiya eng muhim pallada sovuqqonligini saqlab qoldi va chempionlikni qo‘lga kiritdi.

Uch avlodni taqqoslash

Bu uch jamoani taqqoslashda eng to‘g‘ri javob shuki, ularning har biri o‘z davri uchun yaratilgan edi. 1982 yilgi futbol 1994 yilgi futbolga o‘xshamasdi, 2006 yil esa yana boshqa davr edi. Taktikalar rivojlandi, futbolchilarga qo‘yiladigan jismoniy talablar o‘zgardi va raqobat darajasi ham sezilarli ravishda oshdi.

1982 yilgi jamoa, ehtimol, eng dramatik tarixni yaratgan. Tanqid ostidagi jamoaning jahon chempioniga aylanishi futbol tarixida kam uchraydigan voqealardan biridir.

2006 yilgi jamoa esa taktik nuqtayi nazardan eng mukammal tarkib bo‘lishi mumkin. Ularning himoyadagi ko‘rsatkichlari ajoyib edi. O‘yinni boshqarish, bosimga bardosh berish va imkoniyatlardan foydalanish borasida ular butun turnir davomida yuqori saviyani namoyish etishdi. Fabio Kannavaroning o‘ziyoq markaziy himoyachi roliga bo‘lgan qarashlarni o‘zgartira oldi.

1994 yilgi jamoa esa bu taqqoslashda biroz boshqacharoq o‘rin tutadi. Ular chempion bo‘la olishmadi va bu eng buyuk jamoa unvoni uchun muhim omil hisoblanadi. Biroq o‘sha tarkibdagi futbolchilarning sifati inkor etib bo‘lmaydigan darajada yuqori edi. Futbol sifati va A Seriyaning umumiy darajasini hisobga oladigan bo‘lsak, 1994 yil Italiya futbolining eng yuqori cho‘qqisi bo‘lishi mumkin.

Zamonaviy Italiya futboli bu avlodlardan nimani o‘rganishi kerak?

2006 yildagi chempionlikdan so‘ng Italiya terma jamoasining xalqaro natijalari keskin pasayib ketdi. Ketma-ket uchta Jahon chempionatini o‘tkazib yuborish oddiy muvaffaqiyatsizlik emas. Bu muammo murabbiy yoki futbolchilar avlodidan ham chuqurroq ekanini ko‘rsatadi.

Italiyada yosh futbolchilarni tayyorlash tizimi murabbiylar ta’limi va iste’dodlarni rivojlantirishga muntazam sarmoya kiritgan davlatlardan ortda qolib ketdi. A Seriya klublari va milliy terma jamoa o‘rtasidagi munosabatlar ham murakkablashdi, chunki klublar uchun Chempionlar ligasi va boshqa tijoriy maqsadlar ko‘proq ustuvor ahamiyat kasb eta boshladi.

1982, 1994 va 2006 yilgi jamoalarga nazar tashlaganda, bugungi kun uchun muhim bo‘lgan bir necha jihatlar ko‘zga tashlanadi. Ularning barchasida aniq o‘yin uslubi va futbolchilar to‘liq tushungan umumiy falsafa mavjud edi. Har uchala jamoada ham eng yuqori darajadagi klub futbolida tajriba orttirgan yetakchilar bor edi. Eng muhimi, ularning barchasi individual iste’dodlardan ko‘ra, mustahkam va ishonchli himoya tizimi ustiga qurilgan edi.

Bugungi Italiya futboli uchun bu fazilatlar hali ham erishib bo‘ladigan maqsadlardir. Biroq buning uchun akademiyalar, liga tizimi, murabbiylar maktabi va terma jamoa boshqaruvida ongli va uzoq muddatli qarorlar qabul qilinishi kerak.

Tarix mavjud. Endi savol shuki, bugungi futbol rahbarlari va murabbiylari undan to‘g‘ri foydalana oladilarmi?

Sobiq «Liverpul» vingeri Sadio Mane hamda «Bavariya» afsonasi Kumanning gollari «An Nasr»ni oldinga olib chiqdi. Uchrashuvning yakuniy nuqtasini esa Krishtianuning ajoyib dubli qo‘ydi. Jesus boshqaruvidagi jamoa mavsumni eng yaqin ta’qibchi «Al Hilol»dan ikki ochko oldinda yakunladi.

Ronaldo mavsum ohirida yana porladiMavsumning hal qiluvchi o‘yinida «An Nasr» har doimgidek yorqin futbol ko‘rsata olmadi, biroq 35-daqiqada Manening bosh bilan urgan goli jamoani tanaffusga ustun holatda olib chiqdi. Ikkinchi bo‘lim boshida esa Kuman muhim zarba berdi. Fransiyalik vinger jarima maydoni yonida chiroyli «devor usuli» kombinatsiyasini amalga oshirib, to‘pni uzoq burchakka joylab qo‘ydi.Oradan ko‘p o‘tmay, «Damak» Morlaye Syllaning penaltidan urgan goli evaziga hisobni qisqartirdi. Ammo so‘nggi so‘zni yana Krishtianu aytdi. 41 yoshli hujumchining chap qanotdan, deyarli yon chiziq yaqinidan pastlab yo‘llagan jarima zarbasi barcha futbolchilar orasidan o‘tib darvozaga kirib bordi va stadiondagi muxlislarni telbalarcha quvonchga soldi.Portugaliyalik yulduz o‘yin oxirida yana bir gol urib, 4:1 hisobidagi ishonchli g‘alabani ta’minladi. Shu tariqa, «Al-Hilol»ning o‘sha oqshom «Al Fayha» ustidan 1:0 hisobidagi g‘alabasi hech qanday ahamiyat kasb etmadi.

«Al Nasr» finaldagi mag‘lubiyatdan keyin o'ziga keldiChempionlik uchun «An Nasr»ga faqat g‘alaba kerak edi. Jamoa o‘yinga katta bosim ostida chiqdi, chunki ular o‘tgan hafta Osiyo chempionlar ligasi 2 finalida «Gamba Osaka»ga 0:1 hisobida mag‘lub bo‘lgandi. Shunga qaramay, Ronaldo va uning jamoadoshlari bosimni yengib o‘tishga muvaffaq bo‘lishdi va klubga 2019-yildan beri ilk bor Saudiya Proligasi chempionligini olib kelishdi.Krishtianuning besh yillik sovrinsiz seriyasi tugadiBu muvaffaqiyat Ronaldo uchun ham alohida ahamiyatga ega bo‘ldi. U nihoyat Saudiya Arabistonidagi ilk yirik sovrinini qo‘lga kiritdi. Portugaliyalik superyulduz 2023-yil yanvarida «An Nasr»ga ko‘chib o‘tganidan beri faqat rasmiy maqomga ega bo‘lmagan Arab klub chempionlar kubogi turnirida g‘olib chiqqandi.Umuman olganda esa, Ronalduning klub miqyosidagi yirik sovrinsiz davri 2021-yildan beri davom etayotgandi. Uning oxirgi katta sovrini Yuventus safida qo‘lga kiritilgan Italiya kubogi edi.

Keyingi maqsad — Jahon chempionati«An Nasr» safida mavsum davomida 28 ta gol urgan Ronaldo endi o‘zining ajoyib formasini mundialda ham davom ettirishni istaydi. Besh karra «Oltin to‘p» sohibi Portugaliya milliy jamoasining 2026 yilgi Jahon chempionati uchun qaydnomasiga kiritildi.Shimoliy Amerikada bo‘lib o‘tadigan mundialda Krishtianu faoliyatidagi eng katta yetishmayotgan sovrin — Jahon kubogini qo‘lga kiritishni maqsad qilgan. Roberto Martinez boshqaruvidagi Portugaliya guruh bosqichini 17-iyun kuni Kongo milliy jamoasiga qarshi boshlaydi. Keyingi bahslarda ular O'zbekiston va Kolumbiya milliy jamoalari bilan kuch sinashadi.

Jamoa sardori Harri Keyn, APL chempioni Deklan Rays yoki Jordan Pikford kabi futbolchilar inglizlarning ishongan tayanchi bo'lishi aniq. Biroq APL va xorijdagi angliyalik to'p teparlarning yaxshi saviyasi sababli so'nggi daqiqqalarda mundial uchun chaqiruv olishni umid qilib yashamoqda. «Milan»da o'ynayotgan Ruben Loftus-Chikdan boshlab Saudiya Arabistonida to'p tepayotgan Ivan Touni yoki «Arsenal»dagi Maks Daumangacha milliy jamoa libosini kiyishi mumkin bo'lganlar qatorida. Sports24.uz Angliyaning bir necha kunlardan keyin Meksika, AQSh va Kanadada o'tadigan Jahon chempionati uchun chaqiruv olishi mumkin bo'lgan futbolchilarni ko'rib chiqadi.

Tuxel avvalgi turnirlarning doimiy ishtirokchisi bo'lgan Lyuk Shouning xizmatlaridan foydalanmoqchi emasdek. Himoyachining so'nggi o'yini Yevro-2024 finalida bo'lgan va bahorda e'lon qilingan yakuniy tarkibga ham kiritilmadi. Lekin shunga qaramasdan Tuxel Shouni ro'yxatdan chiqarish qiyin qaror deb atadi. «Manchester Yunayted»ning Maykl Karrik bilan mavsum so'nggidagi jonlanishi fonida Shou o‘zining katta turnirlardagi tajribasi sabab Luis Hall, Niko O’Rayli va jarohatdan tiklanishga ulgura olishi noma’lum bo‘lgan Tino Livramentodan ustun kelishi mumkin.Saudiya Pro Ligasi to‘purarlar jadvalida hatto Krishtianu Ronaldudan ham yuqorida turgan Ivan Touni Harri Keynning o‘rinbosari sifatida Angliyada kuchli raqobat yo‘qligidan foydalanib qolishi mumkin. Dominik Solanke jarohatdan qiynalmoqda, Dominik Kalvert-Lyuinning ikkinchi davradagi formasi esa barqaror emas. Faqat Olli Uotkins asosiy zaxira hujumchisi bo‘lish uchun jiddiy da’vogarlik qilmoqda.Touni Saudiyaga ko‘chib o‘tganidan keyin ham Angliya tarkibiga chaqirilgan va yozdagi turnirda ishtirok etish umididan voz kechgani yo‘q.

Mavsum boshida jag‘idan operatsiya qilinib, sakkiz hafta maydondan uzoqda qolgan Ruben Loftus-Chikning Jahon chempionatiga borish imkoniyatlari deyarli yo‘qqa chiqqandek edi.Ammo uning foydasiga ishlashi mumkin bo‘lgan muhim omil — Tomas Tuxelning o‘zi. Nemis murabbiyi uni «Chelsi»da boshqargan va o‘tgan yili Angliya milliy jamoasiga chaqirib unga o'ynash uchun imkon bergan.Jiddiy jarohatiga qaramay, Loftus-Chik bu mavsum A Seriyada 3 gol va 1 assist qayd etdi hamda juda kech bo‘lsa ham tarkib uchun kurashishi mumkin.Mavsumning katta qismida Mayls Lyuis-Skellining «Arsenal»dagi faoliyati yakunlanayotgandek ko‘ringandi, Angliya terma jamoasi haqida-ku gapirmasa ham bo‘lardi.Ammo u yaxshi qaytish qila oldi. Ayniqsa «Atletiko Madrid»ga qarshi Chempionlar ligasi yarimfinal javob o‘yinida asosiy tarkibda tushgani Maylsning imkoniyatlarini oshirdi.«Arsenal» akademiyasida aynan markaziy yarimhimoyachi sifatida shakllangan futbolchi yarimhimoyada xotirjamligi bilan ajralib turmoqda. Shu bilan birga u chap qanot himoyachisi sifatida ham «Arsenal» va Angliya safida yaxshi o‘yinlar ko‘rsatgan. Balki Tuxel uni rad etishi qiyin bo‘lishi mumkin.So‘nggi yillarda Angliya o'smirlar va yoshlar jamoalarining muhim a’zosi bo‘lgan 20 yoshli Archi Grey «Tottenhem»ning muvaffaqiyatsiz mavsumidan obro‘si oshib chiqqan kam sonli futbolchilardan biri.U himoyaning turli nuqtalarida va o‘zining asosiy pozitsiyasi — yarimhimoyada o‘ynab, yoshiga nisbatan ancha yetuk va xotirjam futbol namoyish etdi.Grey mavsum davomida 2 gol va 2 assist qayd etdi hamda APL va Chempionlar ligasida «Tottenhem»ning asosiy futbolchilaridan biri bo‘ldi. Ammo klubning yomon natijalari unga zarar qilishi mumkin.«U juda yosh, ammo ulkan salohiyatga ega. Menimcha, u klubning kelajagi va kelajakdagi sardori bo‘lishi mumkin», — dedi De Zerbi Grey haqida.

Agar Tomas Tuxel Sven-Goran Eriksson uslubidan foydalanmoqchi bo‘lsa, Maks Dauman aynan u xohlagan variyant hisoblanadi. Eriksson 2006-yilgi Jahon Chempionatiga 17 yoshli Teo Uolkotni chaqirgandi. O‘sha paytda hujumchi hali Premyer Ligada biror daqiqa ham o‘ynamagan edi va chaqiruv haqida haydovchilik nazariyasi imtihonidan keyin bilib olgan.Dauman esa undan ham bir yosh kichik bo‘lsa-da, Premyer Ligada allaqachon rekord o‘rnatgan. U APLda eng yosh gol urgan futbolchi hisoblanadi. Dauman bu mavsum «Arsenal» safida ligada besh marta maydonga tushdi va «Everton»ga qarshi o‘yindagi goli bilan muxlislarni hayratda qoldirdi.U Tuxel uchun eng kutilmagan tanlov bo‘lishi mumkin. Germaniyalik mutaxassis yosh iqtidor egasini mundialga olib ketishi mumkinligini rad etmadi.«Bu yosh futbolchilar haqida albatta bilamiz. Siz ko‘rgandek biz ham ularni kuzatyapmiz. Hozircha u «Arsenal»da o‘z daqiqalari uchun kurashayotgan yaxshi holatda. Balki Jahon Chempionati uchun ham chaqirishimiz mumkin», — degan edi Tuxel mart oyida.«Ammo hozir uni chaqirib, ortiqcha bosim va shov-shuv yaratishga hojat yo‘q. Biz barcha variantlarni ko‘rib chiqyapmiz»Premyer Ligada Morgan Gibbs-Uayt bilan birga mavsum davomida 13 gol urgan Denni Uelbek Angliyaning yakuniy tarkibiga kirishi ehtimoldan uzoqdek.Mart oyidagi o‘rtoqlik uchrashuvlari oldidan uni chaqirish bo‘yicha talablar bo‘lgan, ammo Tuxel uni tanlamadi. Shundan beri esa u ligada atigi yana bitta gol urdi.35 yoshli hujumchi Angliya safida oxirgi bor 2018-yilda o‘ynagan. Ammo hujumchi pozitsiyasida yana bir-ikki joy bo‘sh qolishi mumkinligi sabab Uelbek yana bir bor terma jamoaga qaytishi mumkin.So‘nggi ikki yirik turnirda Angliya tarkibida bo‘lgan Konor Gallager keyingi yillarda terma jamoadan uzoqlashib ketdi.Ammo Roberto De Zerbi boshqaruvidagi «Tottenhem»ning tiklanishi unga ayni muddao bo‘lishi mumkin. Gallager italiyalik murabbiy uslubiga juda mos tushmoqda va «taqachilar» o'yini yaxshilanishida muhim rol o‘ynamoqda.Uning energiyaga boy box-to-box uslubi Tuxelga ham yoqishi mumkin. Yarim himoyachi yanvardagi debyutidan beri “Tottenhem”da to‘pni qaytarib olish bo‘yicha yetakchi hisoblanadi.Gallager Tuxelning «Chelsi»sida katta rol o‘ynamagan bo‘lsa-da, uning futbol uslubi nemis murabbiy sistemasiga juda mos keladi va yozgi turnirda foydali variant bo‘lishi mumkin.«Chelsi» safida bu mavsum deyarli barcha o‘yinlarda qatnashgan Trevo Chalobaning mavsum oxiridagi holati uning uchun qimmatga tushishi mumkin.Uning Angliya safidagi yagona o‘yini aynan Tuxel qo‘l ostida bo‘lgan. «Chelsi»dagi yorqin mavsumi ham Tuxel davriga to‘g‘ri keladi.Bu mavsum u «Chelsi»da eng ko‘p to‘p uzoqlashtirgan futbolchi bo‘lib turibdi hamda Premyer Ligada to‘p bilan oldinga yurish bo‘yicha Virjil van Deyk va Jan Pol van Xekkedan keyin uchinchi o‘rinda.Angliya markaziy himoyachilari orasidagi jarohatlar sabab Chaloba Tuxel uchun jiddiy variantga aylanishi mumkin.Yana bir sobiq «Chelsi» himoyachisi Fikayo Tomori ham Tuxelning Jahon Chempionati oldidan e’lon qilgan so‘nggi uy tarkibida bor edi.«Milan»da Loftus-Chik bilan birga o‘ynayotgan Tomori bu mavsum A Seriyada 31 ta o‘yin o‘tkazdi va jamoada eng ko‘p blok qo‘ygan futbolchi hisoblanadi — 22 ta. Qiziq tomoni, oldinga uzatmalar bo‘yicha u Luka Modrichdan keyin ikkinchi o‘rinda — 442 ta.

Jon Stouns va Levi Kolvill kabi futbolchilar uzoq muddatli jarohatlardan tiklanayotganini hisobga olsak, Tomori Shimoliy Amerikada o‘tadigan turnirda o‘zining 6 ta milliy jamoa o‘yiniga yana qo‘shimcha qilishi mumkin.Arne Slot qo‘l ostidagi «Liverpul»da bu mavsum asosiy tarkibdan joy ololmagan Kertis Jonsning Angliyaning 26 kishilik tarkibiga kirishi qiyin ko‘rinadi.Ammo u Tuxel qo‘l ostida o‘ynagan — o‘tgan yili Senegalga qarshi o‘rtoqlik o‘yinida yarim soat maydonda bo‘lgan.«Liverpul»ning Jonsdan eng katta noroziligi — uning ba’zida to‘p bilan juda sekin harakat qilishi. Biroq uning 91.6 foizlik aniq uzatmalari Premyer Ligadagi oltinchi eng yaxshi natija hisoblanadi.Agar Tuxelga zaxiradan tushib, to‘p nazoratini ushlab turadigan va o‘yinni tinchlantira oladigan futbolchi kerak bo‘lsa, Jons aynan o‘sha variant bo‘lishi mumkin.

Vaqt oz qoldi, hammasini Tuxelning o'zi hal qiladi va uning qarorini vaqt ko'rsatadi.

22 yillik sog‘inch yakunlandi:Ushbu tarixiy chempionlik «Arsenal»ning 22 yillik chempionliksiz davriga rasman yakun yasadi.Jamoa oxirgi marta 2003/04-yilgi mavsumda Arsen Venger boshqaruvida chempion bo‘lgan edi. O‘sha afsonaviy «Invincibles» (mag'lub bo'lmaslar) jamoasi mavsumni birorta ham mag‘lubiyatsiz yakunlagan.Shundan beri bir necha avlod «Arsenal» muxlislari o‘sha oltin davrning qaytishini orzu qilib yashadi. Endi esa Arteta loyihasi klub tarixida yangi shonli sahifa yozishga muvaffaq bo‘ldi.Biroq bu muvaffaqiyat oson kelmadi. So‘nggi uch mavsum davomida «Arsenal» bir necha bor chempionlik uchun kurashdi, ammo yakunda «Manchester Siti» va «Liverpul» ustunligi sabab to'pchilar armon bilan ortda qolib ketgandi.

So‘nggi tur dramasiz yakun:Chempionlikni muddatidan oldin hal qilgan «Arsenal» so‘nggi turdagi keskin bosimdan qutuldi. “Manchester Siti”ning mehmondagi kutilmagan ochko yo‘qotishi natijasida ular 78 ochkoda qoldi, «Arsenal» esa 82 ochko bilan matematik jihatdan chempionlikni rasmiylashtirdi.«Bernli» ustidan qiyin va asabiy g‘alabadan keyin mavsumning so‘nggi o‘yini endi haqiqiy bayram tusini oladi. Yakshanba kuni «Krystal Pelas» maydoniga safar «Arsenal» uchun tantanali chempionlik yurishiga aylanadi.

Endi maqsad — Chempionlar LigasiAPL qo‘lga kiritilgach, futbol olami endi bir savolni bermoqda: bu «Arsenal» tarkibi tarixiy «dubl»ni amalga oshira oladimi?Arteta mustahkam jamoa qurdi. Yarim himoyada Deklan Rays yetakchilik qilmoqda, himoya esa Yevropaning eng kuchli hujumlarini ham to‘xtata oladigan darajada mustahkam ko‘rinmoqda.

Endi «kanonirlar» Yevropaning eng oliy cho‘qqisiga chiqishdan bir qadam uzoqda turibdi. Ular 30-may kuni PSJ jamoasiga qarshi UEFA Chempionlar ligasi finalda maydonga tushadi.Agar «Arsenal» Chempionlar ligasi kubogini ham qo‘lga kiritsa, bu jamoa futbol tarixidagi eng buyuk davrlardan biri sifatida yodda qoladi.

Sports24.uz xabariga ko‘ra, klubning urugvaylik himoyachisi Mauro Brazil muddatidan avval jamoa bilan xayrlashgan. Futbolchi o‘z vaqtida maosh ololmagani sababli jamoada o‘ynamaslikka qaror qilgan. Buni bosh murabbiy Vadim Abramov ham "Andijon"ga qarshi o‘tgan Superliga 10-tur bahsidan so‘ng ta’kidlab o‘tdi.

Brazil mavsum oldidan “sherlar” safiga qo‘shilgandi. U Superliga doirasida 2 ta o‘yinda maydonga tushgan.