«El Sackico» yana qaytmoqda: Maykl Kerrik Roberto De Dzerbidan ko‘ra ko‘proq bosim ostida</h1> <article> <h1>«El Sackico» yana qaytmoqda: Maykl Kerrik Roberto De Dzerbidan ko‘ra ko‘proq bosim ostida</h1> <p>Sat, 10 Oct 2026 10:17:40 +0500</p> <p>«Manchester Yunayted» va «Tottenhem» bosh murabbiylari og‘ir bosim ostida to‘qnash keladi. O‘tgan mavsumni Premyer-ligada uchinchi o‘rinda yakunlagan «qizil iblislar» bu safar xato qilmasligi kerak bo'ladi.</p><p>2021-yil 30-oktabr kuni Ole-Gunnar Sulsher va Nunu Eshpiritu Santu «Manchester Yunayted» hamda «Tottenhem» o‘rtasidagi Premyer-liga uchrashuvi oldidan jiddiy bosim ostida edi. «Yunayted» o‘z maydonida «Liverpul»dan 0:5 hisobida qaqshatqich mag‘lubiyatga uchragan, g‘alabasiz seriyasi esa to‘rtta o‘yinga yetgandi. «Tottenhem» ham so‘nggi olti uchrashuvning to‘rttasida mag‘lub bo‘lgandi. O‘yin boshlanishidan avval londonliklar raqibidan atigi bir ochko oldinda edi.</p><p>Shu sababli uchrashuvga «El Sackico» nomi berildi. Bu atama «El Klasiko» nomiga ishora bo‘lib, mag‘lubiyatga uchragan jamoa bosh murabbiyi iste’foga chiqarilishi mumkinligini anglatardi. O‘sha paytda muxlislar va ekspertlar murabbiylardan biri tez orada ishdan ketishini taxmin qilishgandi. Ularning taxmini to‘g‘ri chiqdi.</p><p>«Manchester Yunayted» safarda 3:0 hisobida g‘alaba qozondi. Krishtianu Ronaldu, Edinson Kavani va Markus Reshfordning gollari Sulsherga biroz yengil nafas olish imkonini berdi. Aksincha, Nunu o‘z muxlislari tomonidan tinimsiz hushtakbozlikka uchradi. «Tottenhem» esa darvozaga birorta ham aniq zarba bera olmadi.</p><p>Oradan atigi ikki kun o‘tib, portugaliyalik mutaxassis iste’foga chiqarildi. Natijalar uchun ma’lum darajada bahona topish mumkin edi, ammo jamoaning maydondagi sifatsiz o‘yini o‘zgarish zarurligini ko‘rsatib qo‘ygandi.</p><p>Shanba kuni «Old Trafford»da yana bir «El Sackico» bo‘lib o‘tishi mumkin. Bu safar Maykl Kerrik boshchiligidagi «Manchester Yunayted» Roberto De Dzerbi boshqarayotgan «Tottenhem»ni qabul qiladi.</p><p>Ayni paytda «Yunayted» raqibidan uch ochko oldinda, londonliklar esa 2026/27-yilgi mavsumda hali birorta ham g‘alabaga erishmagan. De Dzerbi jamoasi beshta uchrashuvda atigi ikki marta gol urdi. Bu holat Nununing samarasiz hujum qilgan jamoasini yodga soladi.</p><p>Biroq bir jihat aniq: Kerrikning vaziyati italiyalik murabbiynikidan ancha og‘ir. Mavsum oldidan chempionlik uchun kurashishi kutilgan «Manchester Yunayted» hozir 12-o‘rinda bormoqda. Jamoaning yana bir bor muvaffaqiyatsizlikka uchrashini oqlash qiyin bo‘ladi. Agar Kerrik ham Sulsher singari ruhlantiruvchi g‘alabani taqdim eta olmasa, uning kelajagi jiddiy savol ostida qoladi.</p>photo: gettyimagesKerrikning imkoniyatlari cheklangan<p>Kerrik Ruben Amorim davridagi parokandalikdan so‘ng «Manchester Yunayted»ning o‘ziga bo‘lgan ishonchini tiklashda katta ish qildi. U jamoani Premyer-ligada uchinchi o‘ringa olib chiqdi. O‘tgan mavsumning so‘nggi 17 turida «Yunayted» boshqa barcha jamoalardan ko‘proq ochko jamg‘ardi.</p><p>22-may kuni INEOS rahbariyati Kerrik bilan ikki yillik doimiy shartnoma imzoladi. Kelishuvda uni yana bir yilga uzaytirish imkoniyati ham bor edi. «Old Trafford»da qisqa muddatga bo‘lsa-da, optimizm qaytdi.</p><p>Ammo ser Jim Retkliff va uning hamkorlari yozgi transferlar davrida jamoani kuchaytirish borasida raqiblardan ortda qolishdi. «Manchester Yunayted» barcha musobaqalarda 67 tagacha uchrashuv o‘tkazishi mumkin edi. Bu Yevropa musobaqalarida qatnashmagan to‘liq mavsumga nisbatan 27 ta o‘yin ko‘p demakdir. Bunday taqvimga tayyor bo‘lish uchun tarkibni sezilarli darajada kuchaytirish talab etilardi.</p><p>Karlos Baleba, Yuriy Tilemans va Andrey Santos transferlari uchun jami 163 million funt (216 million dollar) sarflandi. Biroq ularning hech biri jamoani tark etayotgan Kazemiroga xos o‘yin profilini to‘liq almashtira olmadi. Himoya va hujumning markaziy qismi kabi muhim pozitsiyalar ham yetarlicha kuchaytirilmadi.</p><p>Natijada Kerrik rahbariyat qarorlari sababli imkoniyatlari cheklangan murabbiyga aylandi. «Yunayted»ning yana ortga ketayotgani ham klubdagi noto‘g‘ri qarorlar bilan bog‘liq.</p><p>Mavsumning ilk turida «Yunayted» Premyer-ligaga qaytgan «Hall Siti»dan mag‘lub bo‘ldi. Keyin «Ipsvich Taun» «Old Trafford»da taslim etildi, ammo uchrashuvda hakamlik bilan bog‘liq bahsli vaziyatlar ham kuzatildi.</p><p>Shundan so‘ng Kerrik jamoasi safarda «Everton» va «Fulhem» bilan durang o‘ynadi. Shuningdek, o‘z maydonida o‘n kishi bo‘lib qolgan «Manchester Siti»ga 0:1 hisobida yutqazdi.</p><p>Chempionlar ligasidagi debyutant «Sabah» ustidan 4:0 hisobidagi yirik g‘alaba ham vaziyatni yaxshilay olmadi. «Yunayted» Angliya Liga kubogi uchinchi bosqichida «Brayton»ga 2:3 hisobida imkoniyatni boy berdi. Jamoa ikki gollik ustunlikni saqlab qola olmadi va 1976-yildan beri ilk bor o‘z maydonida ushbu musobaqada mag‘lub bo‘ldi.</p><p>Kerrik uchun asal oyi yakunlandi. U endi himoyadagi bo‘shliqlarni yopishi va hujum chizig‘iga ko‘proq tezlik hamda shiddat olib kirishi kerak. Aks holda, vaziyat yanada murakkablashishi mumkin.</p>photo: gettyimages«Mo‘rt va beqaror»<p>Roberto De Dzerbi boshchiligidagi «Tottenhem»da ham yangi murabbiy kelganidan keyingi ijobiy kayfiyat uzoq davom etmadi. Italiyalik mutaxassis mart oyi oxirida jamoani qabul qilib oldi. O‘sha paytda londonliklar xavfli hududdan atigi bir ochko yuqorida edi va 2026-yilda Premyer-ligada faqat bir marta g‘alaba qozongandi.</p><p>De Dzerbi jamoani barqarorlashtirishga muvaffaq bo‘ldi. «Tottenhem» mavsumning so‘nggi yetti uchrashuvida 11 ochko to‘pladi. Yakuniy turda «Everton» ustidan 1:0 hisobidagi g‘alaba jamoaning Premyer-ligadagi o‘rnini saqlab qolishini ta’minladi.</p><p>«Tottenhem» De Dzerbi bilan besh yillik shartnoma imzoladi va yozgi transferlar davrida uni jiddiy qo‘llab-quvvatladi. Klub yangi futbolchilar uchun jami 334 million funt (442 million dollar) sarfladi. Ular orasida jamoa tarixidagi eng qimmat transfer Sandro Tonali, Mateus Fernandesh, Savio hamda De Dzerbining «Brayton»dagi sobiq shogirdi Yan-Pol van Heke bor.</p><p>Bunday katta xarajatlardan keyin muxlislar jamoa o‘yinida sezilarli o‘sishni kutishga haqli edi. Ammo hozircha ularning umidlari oqlanmadi. «Tottenhem» beshta turdan keyin ikki ochko bilan Premyer-liga jadvalining eng quyi pog‘onasida bormoqda. Jamoa dastlabki to‘rtta uchrashuvda birorta ham gol ura olmadi.</p><p>Terma jamoalar o‘yinlari uchun tanaffus oldidan «Aston Villa»ga qarshi o‘z maydonidagi 2:3 hisobidagi mag‘lubiyat londonliklarning himoya va hujumdagi kamchiliklarini yana bir bor ochib berdi. De Zerbi ham vaziyatni yashirishga urinmadi.</p><p>— Buni tushuntirish qiyin. Murabbiy sifatida faoliyatim davomida 14 yil ichida biznikidek mo‘rt va beqaror jamoani ko‘rmaganman, — dedi italiyalik mutaxassis.</p><p>Albatta, «Tottenhem» bunday natijalar bilan uzoq davom eta olmaydi. De Zerbi futbolchilarning ruhiy holatini yaxshilashi va jamoani izga solishi kerak. Shunga qaramay, londonliklarning vaziyati «Manchester Yunayted»nikichalik umidsiz ko‘rinmayapti.</p><p>«Old Trafford»da g‘alaba qozona olmaslik De Zerbi uchun darhol iste’fo xavfini tug‘dirmaydi. Kerrik esa qanday natija qayd etilishidan qat’i nazar, o‘z lavozimini saqlab qolish uchun kurashayotgandek taassurot uyg‘otmoqda.</p>photo: gettyimages«Qayta qurish» vaqti keldi<p>De Zerbi «Tottenhem» bilan uzoq muddatli loyiha uchun shartnoma imzoladi. So‘nggi ikki mavsumda Premyer-ligani 17-o‘rinda yakunlagan jamoaning birdaniga yuqori pog‘onalarga ko‘tarilishi oson emas.</p><p>Yangi futbolchilar bir-biriga moslashib, De Zerbi talab qilayotgan o‘yin uslubi shakllansa, «Tottenhem»ning natijalari yaxshilanishi mumkin. Mavsumni kuchli o‘ntalikda yakunlashning o‘zi oldinga tashlangan qadam bo‘ladi. Agar jamoa Konferensiyalar ligasiga yo‘llanma olishga ham muvaffaq bo‘lsa, italiyalik mutaxassis birinchi to‘liq mavsumini muvaffaqiyatli o‘tkazgan hisoblanadi.</p><p>Kerrik esa «Old Trafford»da ancha yuqori talablar ostida ishlamoqda. «Manchester Yunayted» yana kuchli beshlikka kira olmasa yoki sovrin qo‘lga kiritmasa, bu klub uchun katta muvaffaqiyatsizlik bo‘ladi.</p><p>INEOS 2028-yilgacha, klubning 150 yilligi munosabati bilan, Premyer-liga chempionligini qo‘lga kiritishni maqsad qilgan. Demak, aynan shu mavsumda kelajakdagi muvaffaqiyat uchun mustahkam poydevor yaratilishi kerak.</p><p>Hozirgacha ko‘rilgan o‘yinlarga qaraganda, «qizil iblislar» belgilangan maqsadlardan ancha uzoqda. Kerrikning yagona umidi yanvargacha lavozimida qolish va qishki transferlar davrida tarkibni kuchaytirishni talab qilish bo‘lishi mumkin. Biroq jamoaning hozirgi holatida bu bosqichgacha yetib borishning o‘zi ham oson emas.</p><p>«Manchester Yunayted» hujumda katta salohiyatga ega bo‘lsa-da, jamoaning umumiy muvozanati buzilgan. Klub afsonasi Gari Nevil «Fulhem» bilan 1:1 hisobidagi durangdan so‘ng Sky Sports efirida aynan shu muammoga e’tibor qaratdi.</p><p>— Kerrik barcha hujumkor futbolchilarni birgalikda maydonga tushira olishini istardim, ammo bu unga himoyada juda qimmatga tushishi mumkin. Muammo faqat himoyachilar yoki to‘rt nafar himoyachidan iborat chiziqda emas. Brayan Mbeumo va Markus Reshford juda yuqorida, qanotlarda o‘ynayapti va markazga yetarlicha qaytmayapti. Yarimhimoyada Tilemans va Kobi Maynu bor, ammo ularning o‘yini bir maromda. Ehtimol, Baleba ham shu hududga qo‘shilar. Bruno Fernandesh va Mateus Kunya ham ko‘proq erkin harakat qiladi.</p><p>— Jamoada to‘p bilan yaxshi o‘ynaydigan, ammo to‘psiz harakatlanishda qiynaladigan besh-olti nafar futbolchi bor. Ularning ko‘plab gollar urib, bir-ikki gol o‘tkazib yuborgan holda g‘alaba qozonishi ajoyib bo‘lardi. Lekin himoyani qayta ko‘rib chiqish shart. Maydonda juda ko‘p futbolchi yetarli faollik ko‘rsatmayapti, — dedi Nevil.</p><p>Kerrik o‘yinni nazorat qila oladigan jamoa yaratishga urinmoqda, biroq buning uchun shiddat yetishmayapti. «Tottenhem»da esa De Zerbi yuqori pressing va raqib maydonining oldingi qismida to‘pni faol qaytarib olishni talab qilmoqda.</p><p>Bu tizim hozircha to‘liq samara bermayotgan bo‘lsa-da, londonliklar qanday futbol o‘ynashni istayotganini biladi. «Manchester Yunayted» esa hanuz individual mahorat va ayrim futbolchilarning alohida harakatlariga tayanmoqda.</p>photo: gettyimages«Old Trafford»da bosim kuchaymoqda<p>Shanba kungi g‘alabaning o‘zi ham «Manchester Yunayted»dagi barcha muammolarni bartaraf eta olmaydi. 2021-yilda Sulsher «Tottenhem»ni 3:0 hisobida mag‘lub etganidan keyin ham uzoq vaqt lavozimida qololmadi.</p><p>O‘sha g‘alabadan uch hafta o‘tib, «Yunayted» norvegiyalik mutaxassis bilan xayrlashdi. Ungacha jamoa Chempionlar ligasida «Atalanta» bilan 2:2 hisobida durang o‘ynadi, «Manchester Siti»ga 0:2 hisobida yutqazdi va «Uotford»dan 1:4 hisobida mag‘lub bo‘ldi.</p><p>Kerrikni esa yanada og‘ir taqvim kutmoqda. «Tottenhem» bilan uchrashuvdan keyin «Yunayted» Chempionlar ligasida «Atletiko Madrid» va «Komo»ga qarshi safarda o‘ynaydi. Premyer-ligada esa mag‘lubiyat nimaligini bilmayotgan «Lids Yunayted» bilan to‘qnash keladi. Bundan tashqari, jamoa «Bornmut»ni qabul qilib, oyni «Chelsi» maydonidagi uchrashuv bilan yakunlaydi.</p><p>Shu sababli Kerrik noyabr boshlanmasidan oldin ham lavozimini tark etishi mumkin.</p><p>«Old Trafford»da vaziyat inqiroz darajasiga yetgan. «Tottenhem» uchun esa bosim unchalik yuqori emas: londonliklar faqat Premyer-ligaga e’tibor qaratmoqda. De Zerbi jamoani o‘zgartirish uchun vaqt olishi mumkin, futbolchilar orasidagi kayfiyat ham nisbatan ijobiy.</p><p>Italiya terma jamoasi safida bo‘lgan Sandro Tonali jamoaning hozirgi holatini quyidagicha izohladi:</p><p>— Natijalar nuqtayi nazaridan vaziyat salbiy, ammo futbolimiz borasida ijobiy fikrdaman. Biz zavq bilan o‘ynayapmiz va vaziyatlar yaratmoqdamiz. Futbolda gol ura olmasangiz, mag‘lub bo‘lasiz. Biz tushkunlikka tushganimiz yo‘q, hali ham kuchlimiz va oldinga intilyapmiz. Jamoamiz juda kuchli ekanini bilamiz.</p><p>«Manchester Yunayted» futbolchilarida esa bunday xotirjamlik sezilmayapti. To‘p ularga kelganida ham xavotir va taranglik ko‘zga tashlanadi. Hatto jamoa sardori, tavakkal qilishdan cho‘chimaydigan Bruno Fernandesh ham odatdagidan ko‘proq shoshilayotgandek ko‘rinmoqda.</p><p>Shunga qaramay, «Yunayted» uchun umid bor. To‘pig‘idagi jarohatdan tiklangan Baleba «Tottenhem»ga qarshi uchrashuvda debyut qilishi mumkin. Uzoq vaqt davomida surunkali bel jarohati sabab safdan chiqqan Matteys de Lit ham maydonga qaytishga yaqin.</p><p>Ularning qaytishi yarim himoyadagi jismoniy kurash va himoyadagi muammolarni kamaytirishi mumkin.</p><p>Shuningdek, chov sohasidagi jarohat tufayli mavsum boshini o‘tkazib yuborgan Amad Diallo ham o‘ng qanotdagi o‘rni uchun kurashga qaytishi kutilmoqda. Bu Mbeumoga o‘ziga qulay bo‘lgan hududlarda harakatlanish, Kunyaga esa tabiiy bo‘lmagan markaziy hujumchi rolidan chap qanotga qaytish imkonini beradi.</p><p>Kerrik shu paytgacha jamoasini omma oldida keskin tanqid qilmagan. Balki u ushbu futbolchilarning qaytishi vaziyatni o‘zgartirishiga umid qilayotgandir. Biroq murabbiyning bunday ahvolga tushib qolishi adolatsiz: «Manchester Yunayted» asosiy futbolchilar yo‘qligida ham raqobatbardosh bo‘lib qolish uchun yetarlicha keng tarkibga ega bo‘lishi kerak edi.</p><p>Hozircha esa barqarorlikka erishish qiyin ko‘rinmoqda. Kerrikka jamoani o‘z qarashlari asosida shakllantirish imkoniyati berilmayapti. Aksincha, unga hanuz vaqtinchalik murabbiydek munosabatda bo‘linmoqda. «Tottenhem»da esa De Zerbi uzoq muddatli loyiha doirasida ishlash imkoniyatiga ega.</p><p>Shanba kungi uchrashuv natijasi qanday bo‘lishidan qat’i nazar, Kerrik bundan ko‘ra ko‘proq qo‘llab-quvvatlashga loyiq.</p> </article> <article> <h1>Xayr, GOAT. Lionel Messining Argentina safidagi eng unutilmas 12 lahzasi</h1> <p>Thu, 08 Oct 2026 21:54:40 +0500</p> <p>Lionel Messi Argentina terma jamoasidagi faoliyatini yakunladi. Afsonaviy 10-raqamning Benin bilan o‘tkazgan so‘nggi uchrashuvidan so‘ng sports24.uz uning «Ko'k va oqlar» safidagi eng yorqin va unutilmas lahzalarini saraladi.</p><p>Lionel Messi xalqaro maydon bilan xayrlashdi.</p><p>Buenos-Ayresdagi afsonaviy «Monumental» stadionida o‘tgan hissiyotlarga boy kechada Argentina milliy jamoasi o‘zining eng buyuk futbolchilaridan biri bilan xayrlashdi. Messi Beninga qarshi o‘rtoqlik uchrashuvida milliy jamoadagi so‘nggi o‘yinini o‘tkazdi.</p><p>Afsonaviy futbolchi bu tarixiy uchrashuvni ham o‘ziga xos tarzda yakunladi: gol urdi va yana ikki golga assist berdi.</p><p>Ko‘pchilik Messi 2022-yilda Qatarda bo‘lib o‘tgan Jahon chempionatida Argentina bilan bosh sovrinni qo‘lga kiritganidan so‘ng terma jamoadagi faoliyatini yakunlaydi, deb o‘ylagandi.</p><p>Ammo u qolishga qaror qildi. Bundan futbol muxlislari faqat xursand bo‘lishi mumkin.</p><p>Messi 39 yoshida Shimoliy Amerikada o‘tgan navbatdagi Jahon chempionatida ham vaqt unga ta’sir qilmasligini namoyish etdi. Tarkibi avvalgidek kuchli bo‘lmagan Argentina milliy jamoasini finalgacha olib borgan Messi turnirni 8 ta gol va 4 ta assist bilan yakunladi.</p><p>Endi u xalqaro faoliyatiga rasman nuqta qo‘ydi. Shu munosabat bilan Messining Argentina libosidagi eng unutilmas 12 lahzasini yodga olamiz.</p>photo: gettyimages12. Dastlabki chiqishidayoq katta taassurot<p>Messi «Barselona»dagi ilk to‘liq mavsumining so‘nggi oylarini jarohat sabab o‘tkazib yuborgan bo‘lsa-da, 2006-yilgi Jahon chempionatida Argentinamilliy jamoasi tarkibiga kiritildi.</p><p>Butun dunyo futbol muxlislari Germaniyada o‘tkazilayotgan mundialda yosh Messi o‘zini qanday namoyon qilishini intiqlik bilan kutardi.</p><p>U Argentina milliy jamoasining Kot-d’Ivuarga qarshi ilk uchrashuvini zaxira o‘rindig‘ida o‘tkazdi. Ammo Serbiya va Chernogoriyaga qarshi ikkinchi tur uchrashuvining so‘nggi daqiqalarida maydonga tushib, darhol o‘zini ko‘rsatdi.</p><p>Bor-yo‘g‘i 16 daqiqalik ajoyib o‘yin davomida Messi bir gol urdi va yana bir golga assist berdi.</p><p>Tribunada esa argentinalik afsona Diyego Maradona yosh futbolchining harakatlarini kuzatib turardi.</p><p>«U shunchaki yaxshi futbolchi emas. U o‘zgacha», — degandi Maradona o‘sha paytda.</p>photo: gettyimages11. 2014-yilgi guruh bosqichidagi ajoyib o‘yin<p>Messi Jahon chempionatidagi debyutidan keyin ikkinchi golini urish uchun hayratlanarli tarzda sakkiz yil kutdi.</p><p>2010-yilda Janubiy Afrikada o‘tgan mundial Messi va Maradona boshchiligidagi Argentina uchun muvaffaqiyatsiz yakunlangan. Jamoa chorak finalda Germaniyaga 0:4 hisobida yutqazgan, shundan so‘ng Maradona terma jamoadagi lavozimini tark etgandi.</p><p>Shu sababli 2014-yilda Braziliyada o‘tgan Jahon chempionatida Messi zimmasidagi bosim juda katta edi.</p><p>U esa turnirni ajoyib boshladi.</p><p>Bosniya va Gersegovinaga qarshi 2:1 hisobidagi g‘alabada Messi Argentinaning ikkinchi golini urdi. Keyingi turda esa Eron darvozasiga uchrashuvning so‘nggi soniyalarida ajoyib gol kiritib, jamoasiga g‘alaba keltirdi.</p><p>Guruh bosqichidagi so‘nggi uchrashuvda Nigeriyaga qarshi yana ikki bor gol urdi. Ulardan biri jarima zarbasidan kiritilgan ajoyib gol edi.</p>photo: gettyimages10. Faoliyatidagi 1000-o‘yin<p>2022-yilgi Jahon chempionatining Avstraliyaga qarshi nimchorakfinal uchrashuvi Messi uchun professional faoliyatidagi 1000-o‘yin bo‘ldi.</p><p>Tabiiyki, u bunday muhim sanani ajoyib o‘yin bilan nishonladi.</p><p>Messi jarima maydoni ichidan juda aniq zarba bilan hisobni ochdi va Argentina 2:1 hisobida g‘alaba qozondi.</p><p>«Uni tomosha qilishning o‘zi o‘zgacha. Maydonda u go‘yo haqiqiy odamga o‘xshamaydi, xuddi mum haykalga o‘xshaydi. Uning qanchalik kuchli ekanini tushunish va o‘yinni qanday ko‘rishini kuzatish — aql bovar qilmas holat», — degandi Avstraliya yarim himoyachisi Kianu Bakkus.</p>9. Braziliyaga qarshi Messi shousi<p>2012-yil iyunida AQShning Ist-Ratford shahrida Argentina va Braziliya o‘rtasida o‘tkazilgan uchrashuv o‘rtoqlik maqomida bo‘lgan bo‘lsa-da, Messi uchun nihoyatda muhim edi.</p><p>Chunki raqib — Argentinaning azaliy raqibi Braziliya edi.</p><p>Messi uchta gol urib, Argentina 4:3 hisobida g‘alaba qozonishiga yordam berdi.</p><p>«Braziliyani mag‘lub etish har doim yoqimli. Uchta golimdan juda xursandman», — degandi Messi uchrashuvdan so‘ng.</p><p>Uning dastlabki ikki goli ham chiroyli bo‘lgan. Ammo uchrashuv taqdirini hal qilgan uchinchi gol alohida e’tiborga loyiq edi.</p><p>Messi yarimhimoya chizig‘ida to‘pni qabul qilib, oldinga intildi va jarima maydoni tashqarisidan Braziliya darvozasining yuqori burchagiga hech kim qaytara olmaydigan zarba yo‘lladi.</p><p>«Dunyoda Messiga qarshi yechim topgan hech kim yo‘q. Unga to‘rtta imkoniyat berdik va u uchta gol urdi. Ayrim futbolchilarga umuman bo‘sh joy berib bo‘lmaydi», — degandi Braziliya bosh murabbiyi Mano Menezes.</p><p>Argentina ustozi Alexandro Sabelya esa qisqa va mazmunli fikr bildirgandi:</p><p>«Leo argentinalik ekanidan omadlimiz»</p>photo: gettyimages8. Gvardiolni «aylantirib» tashlagan Messi<p>Yoshxo Gvardiol 2022-yilgi Jahon chempionatida o‘zini dunyoning eng yaxshi yosh himoyachilaridan biri sifatida namoyon qildi.</p><p>«Manchester Siti» uning Xorvatiya terma jamoasi bilan mundialda yarimfinalgacha yetib borishidagi o‘yinidan shu qadar taassurotlandiki, keyingi yozda himoyachi uchun 77 million funt to‘ladi.</p><p>Ammo hatto 20 yoshli Gvardiol ham Qatarda Messiga qarshi chora topa olmadi.</p><p>Messi avval penaltidan hisobni ochdi. Keyinchalik esa Gvardiolni bir necha bor aldab, o‘ng qanot bo‘ylab oldinga o‘tdi va Xulian Alvaresga ikkinchi golni urish uchun ajoyib imkoniyat yaratib berdi.</p><p>Xorvatiya sardori Luka Modrich ham Messining Lusaildagi «buyukligi»ni e’tirof etdi.</p><p>Gvardiol esa Messi tomonidan aldanganidan afsuslanmasligini aytdi.</p><p>«Unga qarshi o‘ynaganimdan xursandman, garchi mag‘lub bo‘lgan bo‘lsak ham. Farzandlarimga 90 daqiqa davomida Messini qo‘riqlaganimni aytishim mumkin», — degandi himoyachi.</p>photo: gettyimages7. Lusail jangi<p>Argentina va Niderlandiya o‘rtasidagi 2022-yilgi Jahon chempionati chorakfinali futbol ishqibozlari xotirasida, avvalo, Messining Nahuel Molinaga bergan ajoyib uzatmasi bilan qolgan.</p><p>Bu shunday pas ediki, ehtimol boshqa hech bir futbolchi uni ko‘rmagan bo‘lardi. Eng muhimi, Messi uni ajoyib tarzda amalga oshirdi.</p><p>Ammo argentinalik muxlislarning katta qismi uchun «Lusail jangi» deyilganda birinchi navbatda Messining o‘yin tugaganidan keyingi intervyusi yodga tushadi.</p><p>U Vout Vegorstga qarata:</p><p>«Sen nimaga qarayapsan, ahmoq? Nimaga qarayapsan? Ket bu yerdan!» — degandi.</p><p>Keyinchalik Messi Vegorst va Niderlandiyaning boshqa futbolchilari hamda murabbiylar shtabiga nisbatan o‘zini tutganidan afsusda ekanini tan oldi.</p><p>Uchrashuv davomida rekord darajadagi 17 ta sariq kartochka ko‘rsatilgan edi.</p><p>Ammo o‘sha paytda argentinalik muxlislar Messining bu qizg‘in xarakterini katta zavq bilan qabul qilishdi.</p><p>Ko‘pchilik argentinaliklar, jumladan Ernan Krespo ham avvalroq Messi Maradonadagi «yovuzlik» yoki qattiqqo‘llik yetishmagani sabab sardorlik uchun mos emasligini ta’kidlab kelgan edi.</p><p>Niderlandiyaga qarshi bahsda esa Messi o‘z xarakterining boshqa tomonini namoyish etdi.</p><p>«Hammasi tabiiy ravishda yuz berdi. Men shunchaki shunday munosabat bildirdim. O‘sha futbolchi bilan bog‘liq voqealar va boshqa tarang vaziyatlar ham bo‘lgandi. O‘yin endigina tugagan, hammasi hali juda yangi edi. Men bu holat bilan esda qolishni istamayman, ammo ba’zida shunday voqealar sodir bo‘ladi», — degandi Messi 2023-yilda.</p>photo: gettyimages6. Misrga qarshi aql bovar qilmas kambek<p>2026-yilgi Jahon chempionatining Misrga qarshi nimchorak final uchrashuvi tugashiga 11 daqiqa qolganida ko‘pchilik Messining Argentina milliy jamoasiga qaytish qarorini muhokama qila boshlagandi.</p><p>Argentina 0:2 hisobida ortda borayotgan, Messi esa birinchi bo‘limda penaltidan foydalana olmagan edi.</p><p>Ammo u taslim bo‘lmadi.</p><p>Messi o‘ng qanotdan jarima maydoniga ajoyib uzatma yo‘lladi va Kristian Romero bosh bilan hisobni qisqartirdi.</p><p>Oradan atigi to‘rt daqiqa o‘tib, sobiq «Barselona» hujumchisi qaytgan to‘pni kuchli zarba bilan darvozaga yo‘llab, hisobni tenglashtirdi.</p><p>Shu tariqa Messi Jahon chempionatlari tarixida ketma-ket oltita pley-off uchrashuvida gol urgan ilk futbolchi bo‘ldi.</p><p>Keyin Enso Fernandes jarima vaqtida Lautaro Martinesning ajoyib uzatmasidan so‘ng g‘alaba golini urdi.</p><p>Argentina ajoyib kambekni amalga oshirdi. Uchrashuv yakunida Messi, Lionel Skaloni va jamoaning deyarli barcha futbolchilari ko‘z yoshlarini tiya olishmadi.</p><p>«Men Leo futbolni aynan shunday lahzalar uchun o‘ynashiga ishonaman. Faoliyatining ushbu bosqichida u bunday hissiyotlarni boshdan kechirayotgani juda qiyin tushuntiriladigan holat. Bu unutilmas lahza, eng buyuk lahzalardan biri», — dedi Skaloni.</p>photo: gettyimages5. «Xudoning sovg‘asi»<p>Argentina bilan ketma-ket uchta finalda mag‘lub bo‘lgan Messi 2016-yilgi Amerika Kubogi finalida Chiliga penaltilar seriyasida yutqazganidan so‘ng xalqaro faoliyatini yakunlashini e’lon qilgandi.</p><p>Biroq argentinalik muxlislarning uni qaytishga chaqirishi, hatto o‘sha paytdagi mamlakat prezidenti Maurisio Makrining Messini «Xudoning sovg‘asi» deb atagani natijasida hujumchi qarorini o‘zgartirdi.</p><p>Bu Argentina uchun juda muhim qaror bo‘ldi.</p><p>2017-yil 10-oktabr kuni Ekvadorga qarshi JCh saralash uchrashuvida Argentina mundialga chiqish uchun g‘alaba qozonishi shart edi. Uchrashuvning dastlabki daqiqalarida Ekvador hisobni ochdi.</p><p>Ammo Messi bosimga ham, Kito shahrining baland tog‘li hududidagi og‘ir sharoitga ham e’tibor bermadi.</p><p>U xet-trik qayd etib, deyarli bir o‘zi Argentinani 2018-yilgi Jahon chempionatiga olib chiqdi.</p><p>«Xudoga shukr, maqsadimizga erishdik», — degandi Messi uchrashuvdan so‘ng.</p><p>O‘sha kuni butun Argentina Messidan minnatdor edi.</p>4. 2022-yilgi mundialni qayta boshlagan gol<p>Argentina Qatardagi Jahon chempionatiga katta ishonch bilan kelgandi. Jamoa Janubiy Amerika chempioni sifatida mundialga yetib kelgan va qatorasiga 36 ta o‘yinda mag‘lub bo‘lmagandi.</p><p>Ammo turnirning ilk uchrashuvida Argentina tarixdagi eng katta sensatsiyalardan biriga duch keldi.</p><p>Messi penaltidan hisobni ochgan bo‘lsa-da, Saudiya Arabistoni ikkinchi bo‘limda ikkita gol urib, 2:1 hisobida g‘alaba qozondi.</p><p>Shundan so‘ng Meksikaga qarshi ikkinchi tur uchrashuvi Argentina uchun hal qiluvchi ahamiyat kasb etdi. Yana bir mag‘lubiyat jamoaning guruh bosqichidayoq turnirni tark etishiga olib kelishi mumkin edi.</p><p>Ammo yana Messi maydonga chiqdi.</p><p>Uchrashuvning 64-daqiqasida Anxel Di Mariyaning uzoqdan bergan uzatmasini Messi jarima maydoni tashqarisida qabul qildi va hech ikkilanmay, pastdan kuchli zarba yo‘llab, Meksika darvozasini ishg‘ol qildi.</p><p>Argentina keyinchalik 2:0 hisobida g‘alaba qozondi.</p><p>«Bugun Argentina uchun yangi Jahon chempionati boshlandi», — dedi Messi uchrashuvdan so‘ng.</p><p>U haq edi. Argentina eng katta sharmandalik xavfidan chiqib, yakunda turnirning bosh sovrinini qo‘lga kiritdi.</p>photo: gettyimages3. Hammasini o‘zgartirgan g‘alaba<p>2021-yilgi Amerika Kubogi finalida Messi Braziliyaga qarshi o‘yinda o‘zining eng yaxshi uchrashuvlaridan birini o‘tkazmagan bo‘lishi mumkin.</p><p>Ammo buning ahamiyati yo‘q edi.</p><p>Chunki Argentina finalgacha yetib kelishida Messi katta rol o‘ynagandi. U turnir davomida jamoaning 12 ta golining 9 tasida bevosita ishtirok etdi va 5 ta gol urdi.</p><p>Finalda Argentina Braziliyani 1:0 hisobida mag‘lub etdi.</p><p>Messi gol urmagan bo‘lsa-da, bu uning faoliyatidagi eng muhim g‘alabalardan biri bo‘ldi.</p><p>Chunki u nihoyat Argentina bilan katta xalqaro sovrinni qo‘lga kiritdi.</p><p>Final hushtagi yangraganida Messi Marakana maydonida ko‘z yoshlarini tiya olmadi va maysaga cho‘kib qoldi.</p><p>«Ko‘p marta mendan tortib olingan orzuga erishganim uchun xotirjamman. Bu xuddi tushdek edi. Ajoyib lahza. Bu sodir bo‘lganiga ishonolmadim», — dedi Messi uch oy o‘tib.</p><p>Argentinaning 28 yillik Amerika Kubogi chempionligi sog‘inchiga nuqta qo‘yilishi keyinchalik yanada katta ahamiyat kasb etdi.</p><p>Anxel Di Mariyaning g‘alaba goli Argentina futboli tarixidagi eng muvaffaqiyatli davrning boshlanish nuqtasiga aylandi.</p>2. 39 yoshida Angliyani taslim qilgan Messi<p>Messi 2026-yilgi Jahon chempionatiga kelguniga qadar Maradona bilan deyarli barcha jihatlarda tenglashib ulgurgan, ayrim ko‘rsatkichlarda esa undan ham o‘zib ketgandi.</p><p>Ammo uning amalga oshirmagan bir maqsadi bor edi: Argentina bilan Angliyani Jahon chempionatida mag‘lub etish.</p><p>15-iyul kuni bu maqsad ham amalga oshdi.</p><p>Uchrashuvning asosiy vaqti tugashiga besh daqiqa qolganida Argentina tobora himoyaga yotib olgan Angliyaga qarshi 0:1 hisobida ortda borayotgan edi.</p><p>Amaldagi chempionlar raqib himoyasini yorib o‘tishda qiynalishdi. Hatto imkoniyat topilgan vaziyatlarda ham darvoza to‘sinlari Argentina uchun to‘siq bo‘ldi.</p><p>Ammo Argentina burchak to‘pi orqali Angliya himoyasini chalg‘itdi. Messi o‘ziga bir nechta himoyachini tortib, Enso Fernandesga jarima maydoni tashqarisidan zarba berish uchun bo‘sh joy yaratdi.</p><p>Fernandes kuchli zarba bilan hisobni tenglashtirdi.</p><p>Shundan keyin Angliya yanada chuqurroq himoyalana boshladi. Ammo Messi olti metrli jarima maydonida bir nechta ikki metrlik himoyachilar orasidan Lautaro Martinesni topa oldi.</p><p>Uning aniq uzatmasidan so‘ng hujumchi bosh bilan gol urdi va Argentina finalga chiqdi.</p><p>39 yoshli Messi yana bir bor ikki jamoa o‘rtasidagi asosiy farq bo‘lib chiqdi.</p><p>«Biz bu farqni Jud Bellingem yoki Harri Keyn yaratadi, deb o‘ylagandik. Ammo u — shuning uchun ham qirol, barcha davrlarning eng buyuk futbolchisi. Uning qilayotganlari aql bovar qilmas darajada», — dedi Mikah Richards BBC efirida.</p><p>Messining mundialdagi qahramonliklari uning oilasidagi og‘ir vaziyat fonida yanada ta’sirli bo‘ldi.</p><p>Uning otasi Xorxe turnir vaqtida og‘ir kasal edi va Argentina Ispaniyaga finalda mag‘lub bo‘lganidan ko‘p o‘tmay vafot etdi.</p><p>Messi otasiga bag‘ishlagan ochiq maktubida shunday yozdi:</p><p>«Har bir o‘yin tugagach, sendan keladigan xabarni kutardim va uni sog‘inardim. O‘shanda vaziyat qanchalik jiddiy ekanini tushundim. Shunga qaramay, imkon qadar uzoqqa borish haqida o‘ylashda davom etdim. Senga vaqt berish va o‘yinni tomosha qilishing uchun imkon yaratishni xohlardim. Uni yutib, sovrinni senga olib borishni va yangisini ko‘rsatishni istagandim. Ammo uddalay olmadim. Oyoqlarim boshqa bora olmadi. Bu safar tanamga qarshi kurashishga harakat qildim, ammo uddalay olmadim»</p><p>Argentina finalgacha yetib kelganining o‘zi ham Messining buyukligini yana bir bor namoyish etdi.</p>photo: gettyimages1. Taqdir amalga oshdi<p>Messi faoliyatining eng buyuk lahzasi.</p><p>Jahon chempionati tarixidagi eng dramatik finallardan birida Argentina Fransiya bilan 3:3 hisobida durang o‘ynadi. Penaltilar seriyasida esa Gonsalo Montiel hal qiluvchi zarbani aniq amalga oshirdi.</p><p>Shu lahza bilan Messi futbol tarixidagi eng buyuk futbolchi maqomini yanada mustahkamladi.</p><p>1986-yilda Diyego Maradonadan keyin hech bir futbolchi Jahon chempionatida Messidek ustunlik bilan o‘ynay olmagan edi.</p><p>Messi Qatardagi mundialning o‘zi ishtirok etgan har bir pley-off uchrashuvida «Eng yaxshi futbolchi» sovrinini qo‘lga kiritdi.</p><p>Finaldagi ikki goli uning Jahon chempionatlaridagi umumiy gol va golli uzatmalar sonini 21 taga yetkazdi. Bu ko‘rsatkich bilan u Braziliya afsonasi Pele rekordidan ham o‘zib ketdi.</p><p>Messi, shuningdek, Jahon chempionatining «Oltin to‘p»ini ikki marta qo‘lga kiritgan tarixdagi yagona futbolchiga aylandi.</p><p>Eng hayratlanarlisi esa — u bularning barchasini 35 yoshida amalga oshirdi.</p><p>Bu hatto Maradonada ham kuzatilmagan darajadagi uzoq yillar davom etgan yuqori saviyaning yorqin isboti edi.</p><p>«Lionel Messini qariyb yigirma yil davomida kuzatish men uchun katta sharaf bo‘ldi. Birin-ketin sehrli, hayratlanarli va zavq bag‘ishlovchi futbol lahzalari. U futbol xudolarining bizga bergan sovg‘asi», — deb yozgandi Angliya futboli afsonasi Lineker.</p><p>Endi esa Messi Argentina milliy jamoasi bilan xayrlashdi. Uning merosi esa nafaqat qo‘lga kiritilgan sovrinlar, balki mag‘lubiyatlardan keyin qayta turish, bosim ostida jamoani ortidan ergashtirish va millionlab muxlislarga unutilmas lahzalar taqdim etish qobiliyati bilan ham o‘lchanadi.</p> </article> <article> <h1>Krishtianu Ronaldu: «Murabbiy menga bergan va’dasining ustidan chiqmadi»</h1> <p>Wed, 07 Oct 2026 00:21:16 +0500</p> <p>Krishtianu Ronaldu Jorje Jezush bilan yuzaga kelgan mojaro haqida o‘z fikrlarini davom ettirib, quyidagilarni yozib qoldirdi.</p><p>«Murabbiy menga bergan va’dasining ustidan chiqmadi. O‘yin yakunida men faqat g‘alaba bilan hammasining tugashini va yolg‘iz qolishni istadim. Shuning uchun muxlislar bilan salomlashishga bormadim. Bu — to‘liq mening xatoim edi va bunday bo‘lmasligi kerak. O‘sha yerda bizni juda kuchli qo‘llab-quvvatlagan muxlislardan uzr so‘rayman.</p><p>48 soat o‘tib, men, murabbiy va avgust oyidagi suhbatlarimizda unga hamroh bo‘lgan Simau Koutinyu o‘rtasida suhbat bo‘lib o‘tdi. Bu juda jiddiy, ochiq va hech qanday niqobsiz kechgan muloqot edi.</p><p>Biz bu «ish»ni yopishning yagona yo‘li bor, degan fikrga keldik: murabbiy menga yopiq eshiklar ortida aytgan gaplarini Simau Koutinyu huzurida, ammo bu safar matbuot anjumanida ham takrorlashi kerak edi.</p><p>Kelishuv oddiy edi: murabbiy matbuot anjumanini aynan shu masaladan boshlaydi va haqiqatni aytib, mavzuga nuqta qo‘yadi. U men undan biror daqiqa o‘ynashni so‘ramaganimni, bu yig‘in uchun rejani aynan murabbiyning o‘zi taklif qilganini va unga hech kim aralashmaganini aytishi kerak edi. Shuningdek, meni maydonga tushirmay turib, isinishga chiqargani xato bo‘lganini va agar bunday vaziyat yana takrorlansa, u bunday qilmasligini bildirishi kerak edi.</p><p>Men Daniyaga qarshi o‘ynamasligim, «Dragau»dagi uchrashuvda esa maydonga tushishim kerak edi. Bularning barchasi doimo Simau Koutinyu huzurida muhokama qilindi.Keyin murabbiyning iltimosiga ko‘ra, u, Simau Koutinyu va Tiago Kraveyru o‘rtasida videokonferensiya orqali uchrashuv o‘tkazildi. Unda biz avval muhokama qilgan masalalar yana bir bor umumlashtirildi.</p><p>Qisqa hujjat tayyorlandi. Uni shaxsan o‘zim ma’qulladim va mening xabardorligim bilan, murabbiyning iltimosiga ko‘ra, unga yetkazildi.</p><p>Matbuot anjumanida esa nima bo‘lganini hamma biladi: u yerdagi munosabat bizning uchrashuvimizdagi gaplarga mutlaqo o‘xshamadi. Men o‘zimga nisbatan haqqoniy deb hisoblamaydigan iboralar va tajovuzkor ohangni eshitdim. «Men xohlayman, qila olaman va men buyuraman» degan kayfiyatdagi munosabatni u shaxsiy suhbatimizda, hatto bir kun avval ham, zarracha namoyon qilmagan edi.</p><p>Kelishuvda u quyidagilarni aytishini ma’qullagandim:</p><p>1. Krishtianu uchun joriy mavsumda milliy terma jamoada amal qiladigan rejani shaxsan o‘zim taklif qildim.</p><p>2. U milliy terma jamoa bilan qanchalik yashashini va uni qanchalik yaxshi ko‘rishini, butun dunyodagi nufuzi qanchalik katta ekanini bilaman. Ayniqsa, 24 yil davomida terma jamoaga ko‘rsatgan og‘irligi va ijobiy ta’siri juda katta.</p><p>3. Men Krishtianuga taklif qilgan reja qabul qilindi.</p><p>4. U hech qachon mening qarorlarimni shubha ostiga qo‘ymadi. U namuna bo‘ladigan darajada sadoqatli va professional bo‘ldi.</p><p>5. Norvegiyaga qarshi o‘yin men unga tuzgan rejaning bir qismi emas edi. Ammo birinchi uchrashuvdan keyin uning jismoniy holati tiklanganini his qildim va undan foydalanishim mumkinligini aytdim. Krishtianu bunga rozi bo‘ldi.</p><p>6. Pele yoki Maradona darajasidagi futbolchini isinish uchun maydonga chiqarib, keyin o‘yinga tushirmaganim — mening xatom. Agar bugungi kunga qaytish imkonim bo‘lganida, bunday qilmagan bo‘lardim.</p><p>7. Masalaga nuqta qo‘yish uchun aytaman: men Krishtianuni milliy terma jamoada xohlayman. Aslida, shunchaki xohlamayman — uni juda-juda xohlayman. Yaxshiyamki, u ham menga ishonadi. U «Al-Nasr»da ham menga ishongan, bu yerda ham ishonch bildiryapti.</p><p>8. Muxlislar bilan salomlashmagani haqida. Biz bu haqda allaqachon gaplashganmiz. Milliy terma jamoa safida 230 dan ortiq o‘yin o‘tkazgan insonga Portugaliyani sevish haqida men dars bermayman. Bu — bir lahzalik xafalik edi va u hech narsani o‘zgartirmaydi. Axir u muxlislarga eng ko‘p avtograf beradi, eng ko‘p selfiga tushadi va ularga eng ko‘p mehr ko‘rsatadigan futbolchi. Mavjud bo‘lmagan muammoni o‘ylab topmaylik.</p><p>Demak, bu kelishilgan va aytilishi kerak bo‘lgan gaplarning birortasida ham murabbiy mendan uzr so‘rashi kerakligi haqida gap yo‘q edi.Bu uning menga bergan va’dasining ikkinchi marta buzilishi edi»</p><p>«Yana bir bor va’dasi buzilishini kutib o‘tirmasdan, yig‘inni tark etishga qaror qildim. Men uchun insonlar o‘rtasidagi munosabatlarda haqiqat hamon eng muhim narsa. Qanchalik og‘riqli bo‘lmasin, menga haqiqatni aytishsin.</p><p>Aslida, o‘sha matbuot anjumani bo‘lib o‘tgan kuni ertalab Portugaliya Futbol Federatsiyasi prezidenti va murabbiy bilan suhbatlashganman — ular buni, albatta, tasdiqlashlari mumkin. O‘sha suhbatda yana bir bor aytdim: agar ular meni u yerda xohlashmasa, buni menga ochiq aytishsin. Menga nisbatan samimiy bo‘lishlari kifoya edi. Men buni qabul qilardim va biz birgalikda, men orzu qilayotganimizdek, chiroyli bir yakun tayyorlashimizga va hech kimning ko‘nglida xafalik qolmasligiga va’da berdim.</p><p>Bu voqea xuddi kechagidek yodimda. Ular bir ovozdan: «Yo‘q», deb javob berishdi. Ya’ni, mening joyim milliy terma jamoada ekanini aytishdi.Qariyb 25 yillik faoliyatim davomida hech qachon, biror marta ham murabbiy yoki milliy terma jamoa bosh murabbiyining texnik yoki taktik qarorlariga aralashmaganman.</p><p>Ular mendan nima qilishni so‘rasalar, yaxshi yoki yomon — qabul qilaman. Qarorni hurmat qilaman. Ammo menga berilgan va’da buzilsa, o‘z joyim u yerda emasligini his qilaman.</p><p>Shuningdek, yig‘inni tark etganim uchun terma jamoadagi sheriklarimdan ham uzr so‘rashim kerak.</p><p>Murabbiyning so‘ziga bo‘lgan ishonch mutlaqo buzilganiga qaramay, bu suhbatlarga guvoh bo‘lganlar buni tasdiqlashi mumkin, men bunday qilmasligim kerak edi. Buning uchun mas’uliyat faqat mening zimmamda. Portugaliya xalqidan yana bir bor uzr so‘rayman. Ammo men uchun insonning bergan va’dasiga xiyonat qilish juda katta ahamiyatga ega. Shu paytdan boshlab qolishim butun jamoaning ishiga faqat zarar keltirishini his qildim.</p><p>Shuning uchun doimo aytganimni qildim: agar o‘zimni foydali his qilmasam, yuklarimni yig‘ishtiraman va ketaman.Mening bu harakatim uchun qanday chora ko‘rilishi va qanday jazo berilishi Portugaliya Futbol Federatsiyasi tomonidan baholanishi kerak. Menimcha, jazo tayinlashda men uchun hech qanday yengillashtiruvchi holat bo‘lmasligi lozim. Men oddiy futbolchi emasman — jamoa sardoriman. Bu esa jazoni og‘irlashtiruvchi holat hisoblanadi.</p><p>Men allaqachon uzr so‘radim. Ammo har qanday xatti-harakat oqibatsiz qolmasligini yaxshi tushunaman. Men kabi futbol ichida bo‘lgan har qanday inson shuni biladiki, har kimning maqomi qanday bo‘lishidan qat’i nazar, qoidalar hamma uchun bir xil.</p><p>Bu mavzu bo‘yicha xayrlashuv o‘yinlari haqida juda ko‘p gaplar eshitdim. Go‘yo menga munosib tarzda xayrlashish imkoniyati berilishi kerak emish va Federatsiya ham menga shunday imkoniyat yaratishni istar emish.Men hayotda, ko‘pincha och qolib, yeyishga hech narsam bo‘lmagan paytlarda bir narsani o‘rgandim: hech kim hech kimga hech narsani tekinga bermaydi.</p><p>Barcha muxlislarimga, albatta, ayniqsa barcha portugallarga va’da beraman: bizda bir yoki bir nechta xayrlashuv o‘yini bo‘ladi. Buning uchun hali vaqt bor.</p><p>Ammo milliy terma jamoa haqida o‘ylaganimda, xayolimga eng avvalo raqobat keladi. Men otamning vafoti haqidagi xabarni olgan kunim ham xuddi shunday o‘ylaganman.</p><p>Men o‘sha paytda milliy terma jamoa yig‘inida edim va ertasi kuni bo‘lib o‘tishi kerak bo‘lgan o‘yin oxirigacha yig‘inda qolishga qaror qildim. Men mamlakat uchun hech bir klub uchun qilmaydigan ishimni qildim.Shuning uchun, agar jismoniy holatim yaxshi bo‘lsa, klubim safida o‘ynab, umid qilamanki, gollar urib yurgan bo‘lsam va menga berilishi mumkin bo‘lgan diskvalifikatsiya jazosini o‘tab bo‘lgan bo‘lsam, milliy terma jamoa uchun maydonga tushishga, raqobatlashishga va g‘alaba qozonishga, xuddi bugungacha bo‘lganidek, doimo tayyor bo‘laman. Bor haqiqat shu»,-dedi futbolchi.</p> </article> <article> <h1>Zinedin Zidan Fransiyaning mashhur Klerfonten «moda namoyishi»ga chek qo‘ydi</h1> <p>Mon, 05 Oct 2026 21:00:00 +0500</p> Zinedin Zidan Fransiyaning mashhur Klerfonten «moda namoyishi»ga chek qo‘ydi<p>Fransiya milliy jamoasining yangi bosh murabbiyi futbolchilarning milliy jamoa yig‘iniga kelishi paytidagi kiyinishlari atrofida yuzaga keladigan shov-shuvli an’anaga barham berdi. Endi «Uch ranglilar» futbolchilarining Klerfontenga kelishini jurnalistlar avvalgidek tasvirga ola olmaydi.</p>photo: gettyimages<p>Xalqaro tanaffus boshlanishi bilan Fransiya milliy jamoasi Parij chekkasidagi Klerfonten bazasiga yig‘ilardi. Har safar futbolchilarning kelishi o‘ziga xos moda namoyishiga aylanib, avtoturargoh fotomuxbirlar uchun haqiqiy «podium» vazifasini bajarardi.</p><p>Futbolchilar mashinalaridan tushib, kameralar qarshisida suratga tushar, mashhur dizaynerlar brendlarining qimmatbaho kiyimlarida o‘z uslublarini namoyish etishardi.</p><p>Kimdir nafis va klassik ko‘rinishga ega bo‘lsa, boshqalari noodatiy va hatto g‘alati obrazlarni tanlardi. Ularning aksariyati nihoyatda qimmat bo‘lgan bu kiyimlari tufayli Fransiya milliy jamoasining yig‘inga kelishi ijtimoiy tarmoqlarda tez-tez muhokama qilinardi.</p><p>Futbolchilarning o‘zlari ham bu an’anaga faol qo‘shilib, maydondan tashqaridagi shaxsiy uslublarini namoyish etishdan zavqlanishardi.</p><p>Biroq Klerfontendagi «moda podiumi» endi tarixda qoldi. Fransiya milliy jamoasining yangi bosh murabbiyi Zinedin Zidan bu futbol madaniyatining o‘ziga xos qismiga aylangan an’anaga keskin nuqta qo‘ydi.</p>Zidan qat’iy qoidalar joriy qilmoqdaphoto: gettyimages<p>Didye Desham yozda milliy jamoadan ketganidan so‘ng uning o‘rnini egallagan Zidan dastlabki kunlardanoq o‘z talablarini joriy qila boshladi.</p><p>Fransiya va «Real Madrid» afsonasi asosiy e’tiborni maydondagi ishga qaratmoqchi. Shu sababli u ommaviy axborot vositalari uchun ham bir qator cheklovlar o‘rnatdi.</p><p>Jumladan, Zidan xalqaro tanaffus boshida futbolchilarning Klerfontenga kelishini jurnalistlar tomonidan tasvirga olishni taqiqladi. Endilikda futbolchilarning yig‘inga kelishi haqidagi suratlar faqat Fransiya futbol federatsiyasining rasmiy kanallari orqali e’lon qilinadi.</p><p>Ispaniyaning AS nashri yozishicha, bu qaror futbolchilarni himoya qilish va ularning kiyimlari atrofida keraksiz shov-shuv yuzaga kelishining oldini olish maqsadida qabul qilingan.</p><p>Zidan Fransiya milliy jamoasining ilk tarkibini e’lon qilgan matbuot anjumanida ham televizion kameralar bo‘lishini istamadi. Anjuman Fransiya futbol federatsiyasining rasmiy kanallari orqali namoyish etildi.</p><p>Shunga qaramay, jurnalistlarga ayrim mashg‘ulotlarni kuzatish hamda maxsus aralash zonada futbolchilardan intervyu olishga ruxsat berildi. Bu jihatdan Zidan davridagi tartib Desham davridagidan farq qiladi.</p><p>Futbolchilarning o‘ziga ham yangi qoidalar ta’sir ko‘rsatmoqda. L’Équipe xabariga ko‘ra, Zidan Klerfonten bazasiga xususiy sartaroshlarning kirishini ham taqiqlagan.</p><p>Murabbiy milliy jamoa bazasini tashqi ta’sirlardan himoyalangan hududga aylantirib, futbolchilarning e’tiborini faqat milliy jamoa va futbolga qaratmoqchi.</p>Klerfontendagi «moda podiumi» qachon boshlangan?photo: gettyimages<p>Futbolchilarning Klerfontenga kelishda eng yaxshi kiyimlarini kiyib, fotomuxbirlar qarshisida suratga tushishi yangi an’ana emas.</p><p>Arxivlarga nazar tashlasak, Fransiya futbolchilari milliy jamoa bazasiga kelganida eng yaxshi liboslarini namoyish etib, ularni kutib turgan jurnalistlarga suratga tushib kelayotganiga 15 yildan oshganini ko‘rish mumkin.</p><p>Bu an’ana Loran Blanning 2010-yilda Fransiya milliy jamoasi bosh murabbiyligiga kelgan davrga borib taqaladi.</p><p>O‘sha davrdagi suratlarda Samir Nasrining Jeyms Din tasviri tushirilgan futbolka va ikkita Louis Vuitton sumkasi bilan, Loik Remining kamarli ikki qator tugmali plashda, Floran Maludaning esa charm kurtka va Chrome Hearts bosh kiyimida Klerfontenga kelganini ko‘rish mumkin.</p><p>Ular kameralar qarshisida jilmayib, qo‘l silkitishardi. Futbolchilar qisqa vaqtga bo‘lsa-da, mashg‘ulot yoki o‘yin liboslarida emas, balki hashamatli brendlar kiyimlarida namoyon bo‘lishardi.</p><p>Ular bu an’ananing dastlabki vakillari bo‘ldi. Shundan keyin Fransiya milliy jamoasi futbolchilarining yig‘inga kelish suratlari xalqaro futbol taqvimining muntazam va ko‘p muhokama qilinadigan voqealaridan biriga aylandi.</p>«Futbolchilar tobora ko‘proq ta’sir o‘tkazuvchi shaxslarga aylanmoqda»photo: goal.com<p>Vaqt o‘tishi bilan futbolchilarning yig‘inga kelishini suratga olish uchun nafaqat gazeta va sport nashrlari, balki eng yirik moda jurnallari ham akkreditatsiya olishga harakat qila boshladi.</p><p>«Bu biz uchun juda muhim lahza. Bu yaxshi samara bermoqda, chunki futbolchilar ommaviy madaniyatda tanilgan shaxslardir», — degan GQ France jurnalining uslub bo‘limi rahbari Adrien Kommunye Fashion Network nashriga bergan intervyusida.</p><p>Parijdagi Palais Galliera muzeyining «Fashion in Motion» ko‘rgazmasi kuratori Mari-Lor Gyutton esa futbolchilarning jamiyatga ta’siri tobora kuchayib borayotganini ta’kidlagan.</p><p>«Futbolchilar tobora ko‘proq ta’sir o‘tkazuvchi shaxslarga aylanmoqda. Ular kiyadigan hashamatli liboslar ularni tomosha qiladigan barcha insonlar uchun hamyonbop bo‘lmasligi mumkin. Ammo bunday futbolchilar odamlarga ilhom berishi va ularni boshqacha kiyinishga, narxi nisbatan arzonroq brendlarning o‘xshash mahsulotlarini tanlashga undashi mumkin», — degan Gyutton.</p><p>«Barselona» va Fransiya milliy jamoasi himoyachisi Jyul Kunde esa bu jarayondan zavq olishini yashirmagan.</p><p>«Bu juda katta shov-shuv uyg‘otmoqda. Men buni ijtimoiy tarmoqlarda ko‘raman, hatto asosiy ommaviy axborot vositalari ham bunga e’tibor qaratmoqda. Bu yaxshi. Futbolchilar o‘rtasida ham do‘stona raqobat bor. Men bundan zavqlanaman, kiyimlarimda o‘zimni yaxshi his qilaman», — degan Kunde.</p>G‘alati obrazlardan noodatiy uslublargachaphoto: gettyimages<p>Zidanning taqiqi Klerfonten avtoturargohida yillar davomida namoyish etilgan eng yaxshi va eng noodatiy obrazlarni yodga olish uchun ayni muddao.</p><p>Albatta, 2010-yillarning boshidan buyon moda olami ancha o‘zgardi. Bugungi nuqtayi nazardan qaraganda, o‘sha davrda futbolchilar tanlagan ayrim kiyimlar unchalik ham muvaffaqiyatli ko‘rinmaydi.</p><p>Shunga qaramay, so‘nggi yillarda ayrim futbolchilar o‘z kiyinish uslubiga jiddiy yondashib, buni ijodiy maydonga aylantirishdi. Natijada chiroyli obrazlar bilan birga, noto‘g‘ri tanlovlari sabab e’tiborga tushgan holatlar ham ko‘p bo‘ldi.</p><p>Kundening Klerfontenga kelishi har bir xalqaro tanaffusda alohida qiziqish bilan kutilardi.</p><p>2024-yil mart oyida u noodatiy obrazda paydo bo‘ldi: sariq rangdagi bosh kiyim va «fleece» ustidan «Louis Vuitton»ning bir xil uslubdagi jinsi kurtkasi va shimini kiygan. Uning obrazini juda noodatiy «Ugg Moon Boots» etiklari to‘ldirib turardi.</p><p>Keyinroq o‘sha yili Kunde o‘zini oqladi, deyish mumkin. U GQ jurnalida alohida maqolaga sabab bo‘lgan obrazda ko‘rinish berdi. Jurnal bu uslubni «Parijcha, zamonaviy blokkor uslubidagi obraz» deya ta’rifladi. Unda «vintage adidas» Fransiya milliy jamoasi sport kurtkasi, keng qora shim va «Copa Mundial» krossovkalari bor edi.</p><p>«Liverpul» sobiq futbolchisi Ibragima Konate ham milliy jamoa yig‘iniga kelganda o‘ziga xos kiyinishni yoqtiradigan fransiyalik futbolchilardan.</p><p>Markaziy himoyachi 2024-yil oktabrida mashinasidan «Kenzo» kostyumida tushib kelganida ijtimoiy tarmoqlarda tezda tarqaldi. Kostyum ustidan u yuzini to‘liq yopib turgan yashil rangdagi noodatiy to‘rli hudini kiygan edi.</p><p>Keyinchalik Konate hazillashib, Kunde bilan raqobatlashishga harakat qilganini aytdi.</p>Kiyimlar ortiqcha chalg‘ituvchi omilga aylandimi?photo: gettyimages<p>Futbolchilarning noodatiy kiyimlaridan tashqari, ularning nihoyatda qimmat ekani ham Zidan nima sababdan Klerfontendagi media shov-shuviga chek qo‘yganini tushuntirishi mumkin.</p><p>Fransiyaning @clothes.rap ijtimoiy tarmoq sahifasi 2024-yildan buyon futbolchilarning kiyimlarini tahlil qilib, ularning umumiy qiymatini hisoblab kelmoqda.</p><p>Ko‘pincha futbolchilarning kiyimlari o‘n minglab yevroga baholanadi. Qimmatbaho soatlar ham qo‘shilganda, umumiy qiymat hatto yuz minglab yevroga yetadi.</p><p>Masalan, Kundening 2024-yildagi «blokkor» uslubidagi obrazi soatsiz 11 660 yevro deb baholangan.</p><p>2025-yil sentabrida esa uning Klerfontenga kelish obrazining bir qismi 160 ming yevrolik «Audemars Piguet» soati bo‘lgan.</p><p>Futbolchilar oddiyroq kiyinishga harakat qilganda ham xarajatlar juda katta bo‘lishi mumkin.</p><p>Kilyan Mbappening o‘tgan yilgi obrazlaridan biri Dior ko‘ylagi va shimlari, Dior futbolkasi, Nike krossovkalari hamda Hublot soatidan iborat bo‘lgan. Uning umumiy qiymati 50 ming yevrodan oshgan.</p><p>Benjamin Pavarning 2025-yil mart oyidagi «Bottega Veneta» kiyimlari esa soatsiz 11 690 yevro deb baholangan.</p><p>Bunday astronomik summalar Zidan nima uchun futbolchilarning Klerfontenga kelishini kameralar qarshisidagi shouga aylantirishni istamayotganini ma’lum darajada tushuntiradi.</p>Klerfontendagi «moda namoyishi» tarixga aylandiphoto: gettyimages<p>Zidanning qarori mantiqan tushunarli. Murabbiy Fransiya milliy jamoasidagi asosiy e’tibor futbol, mashg‘ulot va natijalarga qaratilishini istamoqda.</p><p>Endi futbolchilarning Klerfontenga kelishi avvalgidek ommaviy axborot vositalarining katta shousiga aylanmaydi. Biroq bu futbolchilar o‘z uslubidan butunlay voz kechadi degani emas. Ular istasa, milliy jamoaning ichki media loyihalari doirasida o‘z obrazlarini namoyish etishda davom etishlari mumkin.</p><p>Shunday qilib, Fransiya milliy jamoasining Klerfontendagi mashhur «moda podiumi» o‘z nihoyasiga yetdi.</p><p>Ammo so‘nggi 15 yil davomida yaratilgan suratlar, noodatiy obrazlar va futbolchilar o‘rtasidagi do‘stona moda raqobati Fransiya futboli tarixidagi o‘ziga xos davr sifatida xotirada qoladi.</p><p>Nima deb o'ylaysiz, Zidan to'g'ri ish qildimi? O'zbekiston milliy jamoasi futbolchilari ham turli hil moda kiyimlarida kelishsa qiziqroq bo'larmidi, yoki bu holat miliiy jamoa mashg'ulotlariga salbiy ta'sir ko'rsatgan bo'larmidi? Fikringizni izohlarda qoldiring. </p> </article> <article> <h1>Ronalduning Portugaliya terma jamoasidagi mojarolari: Keyrushdan Jezusgacha</h1> <p>Sat, 03 Oct 2026 18:40:03 +0500</p> <p>Krishtianu Ronalduning Portugaliya terma jamoasidagi tarixi faqat gollar, rekordlar va sovrinlardan iborat emas.</p><p>Milliy jamoadagi 23 yil davomida sardor bir nechta murabbiylar bilan ishladi va bir necha bor shov-shuvli mojarolar markazida bo‘ldi. Bular orasida sardorlik bog‘ichini maydonga tashlab yuborishdan tortib, mashhur «Karlos Keyrushdan so‘rang» iborasigacha bo‘lgan voqealar bor.</p><p>Navbatdagi bahsli holat seshanba kuni Malmyoda sodir bo‘ldi. Ronaldu Norvegiyaga qarshi o‘yinni to‘liq zaxira o‘rindig‘ida o‘tkazganidan bir necha kun o‘tib, terma jamoaning umumiy mashg‘ulotida ishtirok etmadi.</p><p>Bungacha Krishtianu Portugaliyaning rasmiy o‘yinida ishlatilmagan zaxira futbolchisi sifatida oxirgi marta 2008 yil 15 iyun kuni — Yevro-2008 doirasida Shveysariyaga qarshi uchrashuvda qolgan edi. O‘shandan beri 6678 kun o‘tdi.</p><p>Oslodagi o‘yindan keyin final hakam hushtagi chalinishi bilan hujumchi darhol kiyinish xonasiga yo‘l oldi va g‘alabani nishonlayotgan sheriklariga qo‘shilmadi.</p><p>«Karlos Keyrushdan so‘rang»</p><p>Ronalduning Luis Felipe Skolari bilan 2003 yildan 2008 yilgacha bo‘lgan hamkorligi nisbatan tinch kechgan. Uning o‘rniga kelgan Karlos Keyrush esa jamoa yetakchisi bilan xuddi shunday munosabat o‘rnata olmadi.</p><p>Tanglikning dastlabki belgilari 2009 yil 12 avgust kuni paydo bo‘ldi. O‘sha kuni Ronaldu gripp sabab Lixtenshteynga qarshi o‘rtoqlik uchrashuvini o‘tkazib yubordi.</p><p>Asosiy mojaro esa bir yildan so‘ng Janubiy Afrikadagi Jahon chempionatida yuz berdi.</p><p>Ispaniyaga qarshi 1/8 final uchrashuvi vaqtida telekameralar Krishtianuning bosh murabbiy qarorlaridan norozi bo‘lganini qayd etdi. Portugaliya 0:1 hisobida mag‘lub bo‘ldi va 63-daqiqada David Vilya urgan goldan keyin turnirni tark etdi.Jurnalistlar Ronaldudan mag‘lubiyat sabablarini tushuntirishni so‘rashganda, u qisqa javob berdi:</p><p>«Karlos Keyrushdan so‘rang».</p><p>2010 yil sentyabr oyida Keyrush terma jamoani tark etdi. Uning o‘rniga kelgan Paulu Bentu keyinchalik Ronaldu bilan munosabatlari vaqt o‘tishi bilan yomonlashganini tan olgan.</p><p>«Agar mendan munosabatlarimiz boshidagidek qoldimi, deb so‘rasangiz, yo‘q, deb javob beraman. Iyerarxiya bo‘lishi kerak va unga hurmat bilan munosabatda bo‘lish lozim», — degan Bentu.</p><p>Yevro-2016 oldidan ko‘lga tashlangan mikrofon</p><p>Keyingi shov-shuvli voqea Fernandu Santush boshchiligida sodir bo‘ldi.</p><p>2016 yil 22 iyun kuni, Vengriyaga qarshi hal qiluvchi guruh bosqichi uchrashuviga bir necha soat qolganida, CMTV jurnalisti Ronaldudan g‘alabaga ishonayotgan-ishonmayotganini so‘radi.</p><p>Sardor jurnalistning qo‘lidagi mikrofonni tortib oldi va uni ko‘lga uloqtirdi. Bu voqea tezda Yevropa ommaviy axborot vositalarida tarqaldi. Ispaniyaning Marca nashri Krishtianu «portlab ketgani»ni yozgan bo‘lsa, Euronews futbolchi «o‘zini yo‘qotgani» haqida xabar berdi.</p><p>Shunga qaramay, Portugaliya Vengriya bilan 3:3 hisobida durang o‘ynadi, guruhdan chiqdi va keyinchalik o‘z tarixida birinchi marta Yevropa chempionatida g‘olib bo‘ldi.</p><p>Uch oy ichida ikki marta sardorlik bog‘ichi tashlandi</p><p>Yevro-2016 va 2019 yilgi Millatlar ligasidagi g‘alabalar Ronaldu va Fernandu Santush o‘rtasidagi munosabatlarni mustahkamladi.Biroq 2021 yilda sardor ikki marta namoyishkorona tarzda sardorlik bog‘ichini yechib tashladi.</p><p>Birinchi holat 27 mart kuni Jahon chempionati saralashi doirasida Serbiyaga qarshi o‘yinda sodir bo‘ldi. Uchrashuv yakuniga yaqin Ronaldu darvozabondan o‘tib ketgan holda zarba berdi, ammo to‘p darvozadan chiqarib yuborildi. Hakamlar golni qayd etmadi.</p><p>Shundan so‘ng Krishtianu norozilik bildirgani uchun sariq kartochka oldi. Maydonni tark etayotganda u sardorlik bog‘ichini yechib, maysa ustiga tashladi.</p><p>Oradan uch oy o‘tib, voqea yana takrorlandi. 27 iyun kuni Portugaliya Yevro-2020 1/8 finalida Belgiyaga 0:1 hisobida mag‘lub bo‘ldi. Ronaldu tribunalar tomon yo‘l olayotganda asabiy holatda sardorlik bog‘ichini yerga tushirdi va keyin uni tepib yubordi. Uni terma jamoa xodimi olib qo‘yishiga to‘g‘ri keldi.</p><p>Jahon chempionatida Santush bilan mojaro2022 yilgi Jahon chempionatida Portugaliya pley-off yo‘llanmasini muddatidan oldin qo‘lga kiritdi.</p><p>Janubiy Koreyaga qarshi guruhdagi so‘nggi uchrashuvda Santush Ronalduni 66-daqiqada maydondan oldi. Sardorga bu qaror ochiq-oydin yoqmadi.Keyingi Shveysariyaga qarshi uchrashuvda Krishtianu zaxirada qoldi. Uning o‘rniga asosiy tarkibda maydonga tushgan Gonsalu Ramush xet-trik qayd etdi, Portugaliya esa raqibini 6:1 hisobida tor-mor keltirdi.</p><p>Ronaldu Marokashga qarshi chorak finalda ham zaxirada qoldi va faqat ikkinchi bo‘limda maydonga tushdi. Portugaliya mag‘lub bo‘ldi va bu uchrashuv Santush uchun milliy jamoa boshqaruvidagi so‘nggi o‘yinga aylandi.Keyinchalik murabbiy Shveysariyaga qarshi bahs kuni ertalab Ronalduga o‘z qarorini tushuntirganini aytdi.</p><p>«Biz juda yaqin munosabatlarga ega edik, ammo o‘sha davr ularga jiddiy zarba berdi. O‘yin kuni ertalab unga asosiy tarkibda tushmasligini aytganimda va sabablarni tushuntirganimda, u meni noto‘g‘ri tushundi. Uning reaksiyasini tushunamanmi? Ha, tushunaman», — degan Santush A Bola nashriga bergan intervyusida.</p><p>Terma jamoadagi birinchi qizil kartochka</p><p>Roberto Martines bosh murabbiy etib tayinlanganidan keyin Ronalduning murabbiy bilan munosabatlari qariyb ikki yil davomida tinch kechdi.Yangi mojaro 2025 yil 13 noyabr kuni sodir bo‘ldi.</p><p>Irlandiyaga qarshi uchrashuvda Krishtianu raqib futbolchisiga zarba bergani uchun qizil kartochka oldi. Portugaliya 0:2 hisobida mag‘lub bo‘lib, 2026 yilgi Jahon chempionatiga chiqishni muddatidan oldin rasmiylashtirish imkoniyatini boy berdi.</p><p>Diskvalifikatsiya tufayli hujumchi Armanistonga qarshi keyingi o‘yinni o‘tkazib yubordi. Sardorisiz portugallar «Dragau» stadionida raqibini 9:1 hisobida yirik mag‘lubiyatga uchratdi.</p><p>Jezush bilan hammasi tinch boshlangan edi</p><p>40 yoshli Ronalduning 2026 yilgi Jahon chempionatidagi ishtiroki yangi tanqidlar to‘lqinini yuzaga keltirdi.</p><p>Biroq Jorge Jezush bosh murabbiy etib tayinlanganidan keyin sardor va terma jamoa o‘rtasidagi munosabatlarda yanada xotirjam davr boshlangandek edi. Ronaldu avvalgi mavsumda ham ushbu mutaxassis qo‘l ostida ishlagan.Norvegiyaga qarshi o‘yin va undan keyin Malmyodagi mashg‘ulotda ishtirok etmaslik esa yana savollarni yuzaga keltirdi.</p><p>Terma jamoa vakillari kapitan individual dastur asosida ishlash uchun mehmonxonaga qaytganini tushuntirishdi. Ularning aytishicha, mehmonxonadagi trenajyor zali stadiondagi zalga qaraganda yaxshiroq jihozlangan.</p> </article> <article> <h1>Sindarovmi yoki Gukesh? Jahon chempionati oldidan kim favorit?</h1> <p>Thu, 01 Oct 2026 00:01:00 +0500</p> <p>Sindarovmi yoki Gukesh? Jahon chempionati oldidan kim favorit?Gukesh — Javohir Sindarov o‘rtasidagi 2026-yilgi Jahon chempionati matchi oldidan grossmeysterlar, shaxmat vakillari va kontent yaratuvchilarning 18 ta fikri jamlandi.Ularning tasnifiga ko‘ra:10 kishi — Javohir Sindorovni favorit deb biladi6 kishi — imkoniyatlarni deyarli teng deb baholaydi2 kishi — Gukeshni ustun ko‘radiMagnus Karlsen Sindarov g‘alaba qozonishini kutayotganini aytib, uning o‘yinini har tomonlama mukammalroq deb baholagan.Ian Nepomniachtchi imkoniyatlarni 65:35, Vladislav Artemiev esa 60:40 nisbatida Javohir foydasiga baholagan.Hikaru Nakamura esa Gukeshni tanlagan. Uning fikricha, amaldagi jahon chempioni bosimni yenga olsa, ko‘pchilik kutmagan natijani ko‘rsatishi mumkin.</p>photo: Chess Uzbekistan<p>Gukesh va Sindarov o‘rtasidagi Jahon chempionati matchi 22-noyabrdan 12-dekabrgacha Jenevada bo‘lib o‘tadi. Birinchi klassik partiya 24-noyabrga belgilangan.Sizningcha, Jenevada kim jahon chempioni bo‘ladi — Sindorovmi yoki Gukesh?</p> </article> <article> <h1>TerDU oʻyinlar uchun pul topa olmayapti</h1> <p>Wed, 23 Sep 2026 13:45:00 +0500</p> <p>Proliga ishtirokchisi TerDU klubi moliyaviy muammolar sabab oʻyinlarga ham pul topa olmayapti.</p><p>Kun kecha jamoa Proliga 20-tur doirasida “Gʻazalkent”ga qarshi Toshkentda oʻzaro toʻqnash keldi. Unda poytaxtliklar 4:1 hisobidagi ishonchli gʻalabaga erishdi.Maʼlum boʻlishicha, klub safardagi bahsiga ham pul topishga qiynalgan.</p><p>Natijada “Gʻazalkent” rahbariyati jamoaning kelib-ketishi uchun 10 million soʻm miqdorida yordam puli bergan. Qolaversa, futbolchilarning ovqatlanishlariga ham koʻmaklashgan.</p><p>TerDU hozirda moliyaviy muammolar sabab oʻyinchilarga ham maosh bera olmayapti. Proliga turnir jadvalida soʻnggi oʻrinni egallagan. Qolaversa, jamoaning keyingi taqdiri ham nomaʼlum boʻlib qolmoqda.</p> </article> <article> <h1>Maykl Jordan: «Hayotim davomida qayta-qayta muvaffaqiyatsizlikka uchradim. Aynan shuning uchun ham muvaffaqiyatga erishdim»</h1> <p>Tue, 22 Sep 2026 08:51:16 +0500</p> <p>1997-yilda Nike kompaniyasining tarixiy reklama roligida «Chikago Buls» afsonasi o‘zining chempionliklari haqida emas, balki faoliyatidagi mag‘lubiyatlar va xatolar haqida gapirgan edi. Oradan bir yil o‘tib esa u «Buls» safidagi faoliyatini NBA tarixidagi eng mashhur zarbalardan biri bilan yakunladi.</p><p>Maykl Jordan beshinchi NBA chempionligini qo‘lga kiritganidan so‘ng ham o‘zining muvaffaqiyatlari haqida gapirishni emas, mag‘lubiyatlarini eslashni tanladi.</p><p>1997-yilda «Chikago Buls» afsonasi Nike kompaniyasining «Failure» («Muvaffaqiyatsizlik») reklama roligida suratga tushdi. Unda Jordan buyuk basketbolchi bo‘lish yo‘lidagi xatolari, omadsiz zarbalari va mag‘lubiyatlarini yodga oldi.</p><p>Uning faoliyatida muvaffaqiyatsizliklar ham chempionliklar kabi muhim o‘rin tutgan edi.</p>Jordan ham ilk chempionligini kutishga majbur bo‘lgan<p>«Chikago Buls»ning chempionlik sari yo‘li ham oson kechmagan.</p><p>1988, 1989 va 1990-yillarda ketma-ket uch mavsum davomida «Buls» pley-offda «Detroyt Pistons»ga imkoniyatni boy berdi. Jordan va uning jamoadoshlari nihoyat 1991-yilda bu to‘siqdan o‘tib, klub tarixidagi ilk NBA chempionligini qo‘lga kiritishdi.</p><p>Nike reklamasida ishtirok etgan vaqtga kelib, Jordan allaqachon 5 ta NBA chempionligi va 5 ta muntazam mavsum MVP sovrinini qo‘lga kiritgan edi.</p><p>Biroq reklama kampaniyasi uning faoliyatining boshqa tomonini ko‘rsatishni maqsad qilgan. Unda Jordan kiritilmagan zarbalar, yutqazilgan uchrashuvlar va jamoasiga g‘alaba keltira olmagan vaziyatlar haqida gapirdi.</p><p>Jordan uchun muvaffaqiyat aynan mana shu mag‘lubiyatlardan keyin shakllangan edi.</p>photo: gettyimagesBir yil o‘tib, Chikagodagi faoliyatini yakunlagan zarba<p>«Failure» — «Muvaffaqiyatsizlik» iborasi oradan bir yil o‘tib yanada o‘ziga xos ma’no kasb etdi.</p><p>1998-yilgi NBA finalida «Chikago Buls» yana «Yuta Jazz»ga qarshi maydonga chiqdi. Bu aynan bir yil avvalgi finalda ham Jordan va uning jamoadoshlari mag‘lub etgan raqib edi.</p><p>1998-yil 14-iyun kuni final seriyasining oltinchi uchrashuvida «Chikago Buls» 85:86 hisobida ortda borayotgan edi.</p><p>Jordan «Yuta Jazz» hujumchisi Karl Melounning to‘pini olib qo‘ydi. Keyingi hujumda esa u Brayan Rasselni ortda qoldirib, uchrashuv tugashiga 5,2 soniya qolganida o‘rta masofadan aniq zarba berdi.</p><p>Hisob 87:86 — «Buls» foydasiga.</p><p>«Yuta Jazz» qolgan vaqtda javob qaytara olmadi va «Chikago Buls» oltinchi NBA chempionligini qo‘lga kiritdi.</p><p>Bu zarba Jordan «Buls» futbolkasi ostida amalga oshirgan so‘nggisi bo‘ldi.</p>Muvaffaqiyatsizlikdan afsonaviy merosgacha<p>Uchrashuvdan so‘ng Jordan yana faoliyatini yakunlashga qaror qildi. Biroq u 2001-yilda NBAga qaytib, «Vashington Vizards» safida yana ikki mavsum o‘ynadi.</p><p>Jordan «Chikago Buls»dagi faoliyatini 6 ta NBA chempionligi, 6 ta final MVP sovrini va 5 ta muntazam mavsum MVP mukofoti bilan yakunladi.</p><p>Shu tariqa, 1997-yilda uning muvaffaqiyatsizliklariga bag‘ishlangan Nike reklamasi oradan bir yil o‘tib basketbol tarixidagi eng mashhur lahzalardan biri bilan chambarchas bog‘landi.</p><p>Jordan o‘z faoliyati davomida nafaqat chempionliklarni, balki mag‘lubiyatlarni ham boshdan kechirdi. Aynan shu yo‘l uni basketbol tarixidagi eng buyuk sportchilardan biriga aylantirgan merosning muhim qismiga aylandi.</p><p>«Men hayotim davomida qayta-qayta muvaffaqiyatsizlikka uchraganman. Aynan shuning uchun ham muvaffaqiyatga erishganman»</p> </article> <article> <h1>Kerrikning «Manchester Yunayted»dagi vazifasi nega imkonsizdek ko‘rinmoqda?</h1> <p>Mon, 21 Sep 2026 22:41:10 +0500</p> <p>Maykl Kerrik «Manchester Yunayted»da muvaffaqiyatsizlikka uchrayotgandek ko‘rinmoqda. Biroq klubdagi muammolar faqat bosh murabbiyga bog‘liq emas — yozgi transfer siyosati uning imkoniyatlarini keskin cheklab qo‘ydi.</p><p>Maykl Kerrik yozda «Manchester Yunayted» bosh murabbiyi sifatida ikki yillik shartnomaga ega bo‘ldi. Kelishuvda uni yana bir mavsumga uzaytirish imkoniyati ham bor. Bu qaror Kerrikning Ruben Amorim davridagi muvaffaqiyatsiz 14 oylik boshqaruvdan keyin jamoani qutqarib, mavsumni uchinchi o‘rinda yakunlagani va Chempionlar ligasiga yo‘llanmani ta’minlagani ortidan qabul qilindi.</p><p>Ammo klub Kerrikka orzu qilgan lavozimini bergach, uning qo‘llarini transfer bozorida bog‘lab qo‘ydi. Murabbiyning asosiy transfer maqsadlarining birortasi amalga oshmadi, tarkibdagi muhim bo‘shliqlar esa to‘ldirilmay qoldi.</p><p>Bu bugungi «Manchester Yunayted»ning achchiq haqiqatini ko‘rsatadi. «Glazerlar» oilasi egaligi va Jim Retkliffning klubdagi ulushi davrida yillar davomida yo‘l qo‘yilgan xatolar natijasida jamoa go‘yo tomidan suv o‘tayotgan, quvurlari buzilgan va devorlariga namlik tushgan uyga o‘xshab qolgan. Klub esa bu muammolarni hal qilish o‘rniga, go‘yo uyning ustidan yangi bo‘yoq surtish bilan cheklanmoqda.</p>Kerrik uchun vazifa juda og‘ir<p>Kerrik «Manchester Yunayted» safida 12 yil davomida to‘p tepib, klub bilan barcha asosiy sovrinlarni kamida bir martadan qo‘lga kiritgan. U «Old Trafford»da Ser Aleks Fergyuson davridagi oltin yillarni ham, Devid Moyes, Lui van Gal va Joze Mourino boshqaruvida boshlangan tanazzulni ham bevosita ko‘rgan.</p><p>45 yoshli mutaxassis klubdagi yaxshi va yomon davrlarni boshidan kechirgan bo‘lsa-da, u avvalgi murabbiylarning hech biriga o‘xshamagan darajada katta muammoga duch kelgan.</p><p>Yakshanba kuni «Fulhem»ga qarshi bahsda 89-daqiqada Mateus Kunyaning goli «Manchester Yunayted»ga 1:1 hisobidagi durangni taqdim etdi. Natijada jamoa xalqaro tanaffusga besh o‘yinda atigi besh ochko bilan chiqib ketdi. Bu klubning Premyer-ligadagi eng yomon startlaridan biri bo‘ldi.</p><p>Tabiiyki, bosim Kerrikka nisbatan tobora kuchaymoqda.</p><p>Kerrik murabbiylik faoliyatida hali uch yilga ham yetmagan tajribaga ega. U «Midlsbro» bilan Angliya chempionshipida ishlagan. Shu sababli «Manchester Yunayted» kabi nihoyatda talabchan klubni boshqarish uchun uning tajribasi yetarliligi borasida savollar paydo bo‘lishi tabiiy.</p><p>Biroq o‘tgan mavsum jamoani uchinchi o‘ringa olib chiqqani unga doimiy bosh murabbiy bo‘lish imkoniyatini berdi.</p>photo: gettyimagesTransfer bozoridagi muvaffaqiyatsizliklar<p>Kerrik yozgi transfer siyosatidan jiddiy zarar ko‘rdi. Murabbiy klubning «bozorda moliyaviy jihatdan oqilona qarorlar qabul qilish» haqidagi rasmiy pozitsiyasini diplomatik tarzda qo‘llab-quvvatlab kelmoqda.</p><p>Ammo natijada uning qo‘lida muvaffaqiyat uchun yetarlicha kuchli bo‘lmagan tarkib qoldi.</p><p>Kazemiro «Inter Mayami»ga erkin agent sifatida ketdi. Manuel Ugarte esa jarohat olgan va klub darajasidagi talablarga javob bermaydi, degan qarashlar mavjud.</p><p>Shu sababli Kerrik yarim himoyani qayta qurish uchun «Nottingem Forest»dan Elliot Anderson va «Vest Hem»dan Mateus Fernandesni asosiy nishon sifatida ko‘rgan.</p><p>Ammo Anderson £116 million evaziga «Manchester Siti»ga o‘tdi. Fernandes esa £85 millionlik transfer doirasida «Tottenhem»ni tanladi.</p><p>«Manchester Yunayted» shuningdek, «Nyukasl» yarim himoyachilari Sandro Tonali va Bruno Gimaraeshning transferini ham ko‘rib chiqdi. Biroq ularning narxi yuqoriligi sababli bu variantlardan tezda voz kechildi. Tonali £92,5 million evaziga «Tottenhem»ga, Gimaraesh esa £75 millionga «Arsenal»ga o‘tdi.</p>Klub boshqa variantlarni tanladi<p>«Yunayted» yakunda «Aston Villa» futbolchisi Yuriy Tilemansning £35 millionlik tovon pulini to‘ladi. Shuningdek, «Chelsi»dan Andre Santos £48 million evaziga olib kelindi. Santos o‘tgan mavsum Premyer-ligada bor-yo‘g‘i 13 uchrashuvni asosiy tarkibda boshlagan edi.</p><p>O‘tgan oy esa «Brayton»dan Karlos Baleba £65 million evaziga transfer qilindi. Biroq Kamerun terma jamoasi futbolchisi jarohat bilan kelgani sababli hali «Manchester Yunayted» safida maydonga tushgani yo‘q.</p><p>Kerrik chap qanot himoyachisi pozitsiyasini ham kuchaytirishni xohlagan. Ammo 31 yoshli Lyuk Shouga munosib zaxira yoki uning uzoq muddatli o‘rnini bosadigan futbolchi ham olib kelinmadi.</p><p>Shu tariqa Tilemans, Santos va Baleba transferlariga jami £150 million sarflandi. Bu «Manchester Yunayted»ning yozgi transfer oynasidagi barcha xarajatlari bo‘ldi.</p><p>Taqqoslash uchun, «Tottenhem» £315 million, «Chelsi» £348 million, «Manchester Siti» esa £451 million sarfladi. «Liverpul» (£227 million) va «Arsenal» (£195 million) ham «Yunayted»dan ko‘proq mablag‘ ishlatdi. Hatto Premyer-ligaga yangi chiqqan «Ipsvich» (£190 million) va «Hall Siti» (£151 million) ham bu borada «Manchester Yunayted»dan ortda qolmadi.</p><p>Demak, Kerrik klubni Chempionlar ligasiga olib chiqqanidan so‘ng, «Manchester Yunayted»ning transfer byudjeti «katta oltilik»dagi barcha raqiblarinikidan kamroq bo‘ldi. Qolaversa, ikki yangi ishtirokchi klub ham undan ko‘proq mablag‘ sarfladi.</p>«Yunayted» moliyaviy barqarorlikni tiklamoqchi<p>Klub rahbariyatining pozitsiyasiga ko‘ra, Retkliff boshchiligidagi yangi tizim «Manchester Yunayted»ni «Glazerlar» davridagi yillar davomida davom etgan ortiqcha xarajatlardan keyin moliyaviy jihatdan barqaror holatga qaytarishga urinmoqda.</p><p>«Glazerlar» tejamkorlik bilan bog‘liq obro‘ga ega bo‘lishiga qaramay, futbolchilarning transferlari va maoshlariga juda katta mablag‘ sarflangan.</p><p>So‘nggi 10 yil davomida «Manchester Yunayted» futbolchilarga transfer to‘lovlari va maoshlar uchun jami £1,8 milliarddan ortiq mablag‘ sarflagan. Bu davrda faqat «Chelsi» va «Manchester Siti» ko‘proq xarajat qilgan.</p><p>Devid De Xea, Aleksis Sanches, Jeydon Sancho, Kazemiro va Markus Reshford kabi futbolchilarga juda katta maoshlar to‘langan. Hozir esa ushbu darajadagi maoshni olayotgan futbolchilardan faqat Reshford qolgan — u haftasiga £325 ming ishlab topadi.</p><p>«Glazerlar» davridagi boshqaruvdagi muammolar va Retklif joriy qilayotgan xarajatlarni qisqartirish siyosati natijasida Kerrik tarkibni keskin yangilashga muhtoj holatda qoldi.</p>photo: gettyimagesTarkibdagi muammolar juda ko‘p<p>Joriy mavsumda «Manchester Yunayted» asosiy tarkibining o‘rtacha yoshi 28,3 yoshni tashkil qilmoqda. Bu ko‘rsatkich bo‘yicha undan faqat «Aston Villa» yuqorida — 28,8 yosh.</p><p>Bundan tashqari, tarkibda bir qator jiddiy muammolar mavjud.</p><p>Lyuk Shou va Diogo Dalotning pozitsiyalarida ularga munosib raqobat yarata oladigan futbolchilar yo‘q.</p><p>Markaziy himoyada esa tajribali va sog‘lom holatda bo‘lgan atigi ikki futbolchi — Garri Maguayr va Lisandro Martines bor.</p><p>Yarim himoyada tezlik va ijodkorlik yetishmaydi.</p><p>Hujum chizig‘ida esa Markus Reshfordning «Aston Villa» va «Barselona»dagi 18 oylik ijara davridan so‘ng qaytishi ham jamoa tarkibidagi muvozanatga ta’sir ko‘rsatdi. Reshford joriy mavsumning dastlabki besh uchrashuvida gol ham, assist ham qayd eta olmadi.</p>Murabbiy almashsa ham muammolar qoladi<p>Eng muhimi, agar Kerrik ertagayoq iste’foga chiqarilib, uning o‘rniga tajribali mutaxassis yoki Premyer-ligada o‘zini ko‘rsatgan yosh murabbiy, masalan, «Brayton»dan Fabian Hyurzyeler yoki «Brentford»dan Kit Endryus tayinlansa ham, «Manchester Yunayted»dagi asosiy muammolar yo‘qolmaydi.</p><p>Chunki masala faqat murabbiyda emas.</p><p>Jamoada yetarli sifatga ega bo‘lmagan pozitsiyalar mavjud, tarkibni kuchaytirish uchun esa klub tomonidan zarur darajada sarmoya kiritilmayapti.</p><p>Shu sababli Kerrikning «Manchester Yunayted»dagi vazifasi tobora murakkablashmoqda. Murabbiydan natija talab qilinmoqda, biroq uning ixtiyoridagi tarkib jamoa oldiga qo‘yilgan maqsadlarga javob berishi uchun yetarlicha kuchaytirilmagan.</p><p>«Manchester Yunayted»dagi muammolarni faqat bosh murabbiy almashinuvi orqali hal qilish qiyin ko‘rinadi. Klub oldida tarkibni yangilash, transfer siyosatini qayta ko‘rib chiqish va uzoq muddatli strategiyani shakllantirish kabi kattaroq vazifalar turibdi.</p> </article> <article> <h1>Rene Higuita: Pablo Eskobar bilan do‘stlashgan va odam o‘g‘irlash voqeasidan so‘ng 9 oy qamoqda o‘tirgan afsonaviy darvozabon</h1> <p>Mon, 21 Sep 2026 11:58:58 +0500</p> <p>«Aqldan ozgan», inqilobchi va dahoning o‘zi. Kolumbiya futbolining afsonaviy darvozaboni Rene Higuitaning hayoti futbol maydonidagidek g‘ayrioddiy va xavfli voqealarga boy bo‘lgan.</p><p>Rene Higuita haqida gap ketganda, futbol muxlislarining ko‘z oldiga birinchi navbatda uning 1995-yilda «Uembli» stadionida Angliyaga qarshi amalga oshirgan mashhur «Chayon zarbasi» keladi.</p><p>Boshqalar esa uni Kolumbiya futbolining oltin davrining eng yorqin timsollaridan biri sifatida eslaydi. Yana kimdir Higuitani mamlakat tarixidagi eng mashhur narkobaronlardan biri Pablo Eskobar bilan ochiq aloqada bo‘lgan futbolchi sifatida biladi.</p><p>Higuita esa o‘zini «mukammal darajada nomukammal inson» deb ta’riflagan.</p><p>Uning sobiq jamoadoshi Karlos Valderrama esa shunday degan:</p><p>«Ha, u aqldan ozgan. U jinni, lekin yaxshi jinni»</p><p>Higuita 40 dan ortiq gol urgan, darvozabonlar haqidagi tasavvurni o‘zgartirgan, futbol qoidalariga ta’sir ko‘rsatgan va hatto Pablo Eskobar bilan bog‘liq odam o‘g‘irlash ishida vositachi bo‘lgan.</p><p>Uning hayoti futbol tarixida o‘xshashi kam uchraydigan hikoyalardan biridir.</p>Oltin davrdagi noyob darvozabonphoto: gettyimages<p>Rene Higuita yoshligida onasidan ayrilgan va uni buvisi tarbiyalagan. U Medellin ko‘chalarida futbol o‘ynab ulg‘aydi.</p><p>Qizig‘i shundaki, Higuita dastlab hujumchi bo‘lishni istagan.</p><p>Mahalliy turnirlardan birida maktab jamoasining darvozaboni jarohat olgach, Higuita darvozani qo‘riqlashga majbur bo‘ldi. Jamoasi musobaqada g‘olib chiqdi va shundan keyin u darvozabonlikka jiddiy kirishdi.</p><p>Ammo hujumchilik instinkti uning qonida qolib ketdi.</p><p>Higuita professional faoliyatini «Millonarios»da boshladi. U yerda asosiy tarkib futbolchisiga aylana olmagan bo‘lsa-da, o‘tkazgan bir nechta uchrashuvi «Atletiko Nasional» skautlarining e’tiborini tortdi.</p><p>1986-yilda Medellin klubi uni zaxira darvozabon sifatida o‘z safiga qo‘shib oldi.</p><p>Ammo uning «Atletiko Nasional»dagi debyuti kutilmagan tarzda yuz berdi.</p><p>Higuita ikkinchi bo‘lim boshlanishida zaxira o‘rindig‘ida o‘tirgandi. Shu payt qovurilgan cho‘chqa go‘shtining hidi uni o‘ziga tortib, u stadionning boshqa qismiga chiqib ketdi.</p><p>Ayni vaqtda asosiy darvozabon qizil kartochka oldi va zaxira posbonni izlash boshlandi.</p><p>«Stadion diktori: «Xose Rene Higuita, zudlik bilan «Atletiko Nacional» zaxira o‘rindig‘iga keling», deganini eshitdim. Men yugurib chiqdim. Murabbiy Anibal Ruis menga: «Higuita, sening boshingga nima bo‘ldi? Maydonga tush» dedi», — deb eslagan edi u.</p><p>Higuita maydonga tushib, qisqa vaqt ichida yaxshi o‘yin ko‘rsatdi. Keyinchalik asosiy darvozabon klubni tark etgach, u jamoaning birinchi raqamli posboniga aylandi.</p><p>Bo‘yi atigi 175 santimetr atrofida bo‘lgan Higuita an’anaviy darvozabonlarga o‘xshamasdi. U jarima maydonidan uzoqqa chiqib, hujumchilarga qarshi kurashardi, to‘pni olib, raqib futbolchilarini aldab o‘tardi va hujumlarga qo‘shilardi.</p><p>U hatto raqib jarima maydonigacha yetib borib, hujumchilarga yordam berardi.</p><p>Penaltilarni qaytarishi bilan mashhur bo‘lishning o‘zi yetmagandek, Higuita ularni o‘zi ham tepardi. U jarima zarbalaridan ham gol urgan.</p><p>Tez orada stadionlar «El Loko» — «Jinni» laqabini olgan darvozabonni ko‘rish uchun muxlislar bilan to‘la boshladi.</p><p>Valderrama bu haqda:</p><p>«Odamlar uning o‘yin uslubiga qarab, o‘ziga bino qo‘ygan deb o‘ylashardi. Yo‘q, u shunchaki shunday edi», — degan.</p>«Atletiko Nasional» va Libertadoresdagi tarixiy g‘alabaphoto: gettyimages<p>Higuitaning faoliyatidagi eng katta muvaffaqiyatlardan biri 1989-yilda yuz berdi.</p><p>«Atletiko Nasional» Libertadores kubogi finalida Paragvayning «Olimpia» klubiga qarshi bahs olib bordi.</p><p>Birinchi uchrashuvda kolumbiyaliklar 0:2 hisobida mag‘lub bo‘lishdi. Javob uchrashuvida esa «Atletiko Nasional» ikki gol urib, umumiy hisobni tenglashtirdi va g‘olib penaltilar seriyasida aniqlanadigan bo‘ldi.</p><p>Aynan shu yerda Higuita haqiqiy qahramonga aylandi.</p><p>U «Olimpia»ning birinchi penaltisini qaytardi. Seriya davomida navbat Higuitaga kelganida esa darvozabonning o‘zi beshinchi penaltini aniq amalga oshirdi.</p><p>Seriya keskin tus oldi. Higuita yana bir nechta zarbani qaytardi, biroq jamoadoshlari ham imkoniyatlarni boy berishdi.</p><p>Oxir-oqibat Leonel Alvares hal qiluvchi penaltini golga aylantirib, «Atletiko Nasional»ga 5:4 hisobidagi g‘alabani taqdim etdi.</p><p>Shu tariqa «Atletiko Nasional» Libertadores kubogini qo‘lga kiritgan tarixdagi ilk Kolumbiya klubiga aylandi.</p><p>O‘sha yilning oxirida kolumbiyaliklar qit’alararo kubokda Yevropa chempioni «Milan»ga qarshi maydonga tushdi.</p><p>Higuita boshchiligidagi «Atletiko Nasional» tarkibi Marko van Basten, Karlo Anchelotti, Frank Raykard, Paolo Maldini va Franko Barezi kabi yulduzlarga qarshi 118-daqiqagacha munosib qarshilik ko‘rsatdi.</p><p>Ammo Alberiko Evani qo‘shimcha vaqtning so‘nggi daqiqalarida «Milan»ga g‘alaba golini olib keldi.</p>Jahon chempionatidagi xato<p>1990-yilgi Jahon chempionati Kolumbiya uchun katta voqea edi. Jamoa mundialda ikkinchi marta qatnashayotgan va 28 yillik tanaffusdan so‘ng turnirga yo‘llanma olgandi.</p><p>Higuita esa terma jamoaning asosiy futbolchilaridan biri edi.</p><p>Kolumbiya guruh bosqichini BAA ustidan 2:0 hisobidagi g‘alaba bilan boshladi. Keyin Yugoslaviyaga 0:1 hisobida yutqazdi va keyingi bosqichga chiqish uchun GFRga qarshi bahsda ochko kerak edi.</p><p>Higuita o‘zining odatiy jasur uslubidan voz kechmadi va kuchli raqibga qarshi ham darvozadan uzoqqa chiqib o‘ynadi. Kolumbiya so‘nggi daqiqalarda hisobni tenglashtirib, keyingi bosqichga yo‘l oldi.</p><p>Ammo Kamerunga qarshi 1/8 final uchrashuvida uning tavakkalga asoslangan uslubi salbiy oqibatga olib keldi.</p><p>Asosiy vaqt 0:0 hisobida yakunlandi. Qo‘shimcha bo‘limda Rojer Milla Higuitani dog‘da qoldirib, Kamerunni oldinga olib chiqdi.</p><p>Oradan ikki daqiqa o‘tib, Higuita to‘p bilan Kolumbiya yarim maydonining yuqori qismida paydo bo‘ldi. U to‘pni jamoadoshiga uzatmoqchi bo‘ldi, biroq uzatma noaniq chiqdi.</p><p>Milla to‘pni egallab, darvozaga qarab yugurdi. Higuita vaziyatni tuzatishga urindi, ammo hujumchi uni aldab o‘tib, ikkinchi golni urdi.</p><p>Kolumbiya mundialni tark etdi.</p><p>Shunga qaramay, terma jamoa mamlakatga qaytgach, futbolchilarni minglab muxlislar qahramonlardek kutib oldi.</p>Pablo Eskobar bilan aloqalarphoto: gettyimages<p>Higuitaning hayotidagi eng bahsli sahifalardan biri Pablo Eskobar bilan aloqalari bo‘lgan.</p><p>1980-yillarning oxirida «Atletiko Nasional» Janubiy Amerika futbolining kuchli jamoalaridan biriga aylandi. Klub Medellin shahrining futbol ramziga aylanayotgan bir paytda narkokartellar mamlakat futboliga katta ta’sir ko‘rsatardi.</p><p>Pablo Eskobar ham «Atletiko Nasional» bilan yaqin aloqada bo‘lgan.</p><p>1988-yilda hakam Armando Peres o‘zlarini bir nechta klublar nomidan ish yuritayotgan guruh vakillari deb tanishtirgan shaxslar tomonidan o‘g‘irlab ketildi. U 20 soat davomida asirlikda saqlandi.</p><p>1989-yilda esa «Atletiko Nasional» Libertadores kubogini qo‘lga kiritganidan olti oy o‘tib, hakam Alvaro Ortega otib o‘ldirildi.</p><p>Bu voqea Kolumbiya futboli uchun og‘ir oqibatlarga olib keldi va mamlakat chempionati mavsumi yakunlanmasdan bekor qilindi.</p><p>Higuitaning Eskobar bilan munosabatlari esa 1990-yillar boshida jamoatchilik e’tiboriga tushdi.</p><p>1991-yilda darvozabon Eskobarning «La Katedral» deb nomlangan shaxsiy qamoqxonasiga tashrif buyurdi. U yerdan chiqayotganida jurnalist undan Eskobar bilan do‘stmi, deb so‘radi.</p><p>«Ha. Buning g‘alati joyi yo‘q. Men hech kimdan qarzdor emasman. Jurnalistlar sarlavhalarni yaratadi. Mamlakatimiz obro‘sini ham sizlar yaxshi yoki yomon tomonga o‘zgartirasizlar», — degan Higuita.</p><p>U Eskobar bilan tanishuvi haqida keyinchalik Netflix’ning «Higuita: The Way of the Scorpion» hujjatli filmida ham gapirgan.</p><p>Higuita har doim jinoiy faoliyatga aloqador bo‘lganini rad etib kelgan.</p>Odam o‘g‘irlash voqeasiphoto: gettyimages<p>1993-yil may oyida Medellinda Marcela ismli o‘smir qiz o‘g‘irlab ketildi.</p><p>Uning so‘zlariga ko‘ra, ikki mototsikldagi odam avtomobilni to‘xtatib, haydovchini mashinadan tushirishgan va qizni noma’lum joyga olib ketishgan.</p><p>Marsela bir oy davomida bir xonada qamalib saqlangan.</p><p>«Har kuni menga biror yomon narsa qilishlaridan qo‘rqardim. Meni zo‘rlashlaridan yoki tirik qolmasligimdan qo‘rqardim», — deb eslagan u.</p><p>O‘g‘irlashdan ko‘p o‘tmay, «Atletiko Nasional» prezidenti Higuitaga murojaat qildi.</p><p>«Klubning ashaddiy muxlisi muammoga duch keldi», — deyishdi unga.</p><p>Higuita nima uchun bu ishga aloqador bo‘lishi kerakligini so‘raganida, unga shunday javob berildi:</p><p>«Sen taniqli va hurmatga ega odamsan. Qizga hech narsa bo‘lmasligi uchun vositachi bo‘lasan»</p><p>Higuita rozi bo‘ldi.</p><p>Keyinchalik ma’lum bo‘lishicha, o‘g‘irlab ketilgan qiz Pablo Eskobar bilan aloqador bo‘lgan Luis Karlos Molina Yepesning qizi edi.</p><p>Molina «Atletiko Nasional»ning yirik investorlaridan biri va Medellin karteli bilan aloqador shaxs sifatida tanilgan.</p><p>O‘g‘irlab ketuvchilar qizni ozod qilish uchun 3 million dollar talab qilishgan.</p><p>Higuita muzokaralarda vositachi bo‘lishga rozi bo‘ldi va to‘lov jarayonida ishtirok etdi.</p>Qutqaruvchi qamoqqa tushdi<p>Higuita to‘lov uchun pulni olib, voqealar rivojini kutdi.</p><p>Oxir-oqibat, qizni ozod qilish jarayonida u bevosita ishtirok etdi.</p><p>Marcela bir oy davomida qamalgan xonadan chiqarilib, avtomobilga o‘tqazildi va universitet yaqinida tushirildi.</p><p>Aynan shu yerda Higuita uni olib ketishi kerak edi.</p><p>Darvozabon avtomobildan tushganida, talabalar uni o‘rab olib, dastxat so‘ray boshlashdi. Marsela ham uning oldiga kelganida, Higuita dastlab uning kimligini tushunmadi.</p><p>Vaziyatni anglagach, qizni mashinasiga o‘tqazib, ota-onasining uyiga olib ketdi.</p><p>«U ham qo‘rqayotgan edi. Menimcha, ikkimiz ham qo‘rqardik. U meni uyga xavfsiz yetkazish uchun hamma narsani qildi. Yo‘l-yo‘lakay qizil chiroqlardan o‘tdik, hatto yo‘l chetidan haydadik», — deb eslagan Marsela.</p><p>Qiz uyiga qaytarilgach, oilasi Higuitaga minnatdorchilik bildirdi. Uning so‘zlariga ko‘ra, qizning otasi unga taxminan 50 ming dollar bergan. Higuita pulni olishni bir necha bor rad etgan, biroq oila uni qabul qilishga ko‘ndirgan.</p><p>Shundan keyin uning muammolari boshlandi.</p><p>Higuita prokuraturaga chaqirildi. U voqea haqida tushuntirish berib, uyiga qaytishini kutgandi.</p><p>Ammo darvozabon keyingi to‘qqiz oyini qamoqda o‘tkazdi.</p><p>Prokuratura uning odam o‘g‘irlash jarayonidagi vositachilikdan moliyaviy foyda ko‘rganini va o‘sha yili kuchga kirgan qonunni buzganini ta’kidladi.</p><p>Higuita esa pul ishlash niyatida bo‘lmaganini, faqat qizning hayotini saqlab qolish uchun o‘zini xavf ostiga qo‘yganini aytdi.</p><p>Keyinchalik unga qo‘yilgan ayblovlar bekor qilindi.</p><p>Biroq politsiya undan Pablo Eskobarning qayerda yashiringanini bilishga harakat qildi.</p><p>«Ular menga: «Pabloni topshirsang, qamoqqa tushmaysan», deyishdi. Keyin meni haqorat qilishni va bosim o‘tkazishni boshlashdi», — deb eslagan Higuita.</p><p>Uning qamoqqa olinishi Kolumbiyada katta shov-shuvga sabab bo‘ldi. Marsela esa o‘z qutqaruvchisini televizorda jinoyatchilar bilan bog‘liq shaxs sifatida ko‘rganidan hayratda qoldi.</p><p>Higuitaning qamoqda o‘tkazgan davri uning oilasiga ham og‘ir ta’sir ko‘rsatdi.</p>«Chayon zarbasi»dan ham kattaroq hikoyaphoto: gettyimages<p>Higuita qamoqda bo‘lgan paytda Kolumbiya terma jamoasi tarixiy natijalarni qayd etdi.</p><p>1993-yil sentabr oyida Kolumbiya Buenos-Ayresda Argentinani 5:0 hisobida mag‘lub etib, 1994-yilgi Jahon chempionatiga yo‘llanma oldi.</p><p>Uchrashuvdan so‘ng futbolchilar kiyinish xonasida Higuitaning nomini hayqirishdi. Jamoadoshlari uning ozod etilishini talab qilib, g‘alabani qamoqda bo‘lgan darvozabonga bag‘ishlashdi.</p><p>Pablo Eskobar 1993-yil dekabrida Kolumbiya kuch tuzilmalari tomonidan o‘ldirildi.</p><p>Ko‘p o‘tmay Higuita ham ayblovlarsiz ozod qilindi va yana Kolumbiya terma jamoasiga qaytdi.</p><p>Keyinchalik u reklama roligi suratga olinayotgan paytda «Chayon zarbasi» g‘oyasini o‘ylab topdi. Ikki yil davomida jamoadoshlari unga baland to‘plar uzatib, u oyoqlarini yuqoriga ko‘tarib qaytarib yurdi.</p><p>Nihoyat, 1995-yilda «Uembli»da Angliyaga qarshi o‘rtoqlik uchrashuvida Higuita futbol tarixidagi eng mashhur seyvlaridan birini amalga oshirdi.</p><p>U orqaga egilib, oyoqlarini boshining ustidan olib o‘tgan holda to‘pni qaytardi.</p><p>Bu lahza Higuitaning faoliyatidagi eng mashhur kadrga aylandi.</p><p>Ammo uning hayoti faqat «Chayon zarbasi»dan iborat emas edi.</p><p>Rene Higuita — darvozabonlik chegaralarini o‘zgartirgan, futbol maydonida tavakkal qilishdan qo‘rqmagan va hayotida futbol tarixidagi eng noodatiy voqealarni boshdan kechirgan futbolchi.</p><p>Uning hikoyasi Kolumbiya futbolining oltin davri, Pablo Eskobar davri va o‘sha yillardagi mamlakat hayotining murakkab manzarasi bilan chambarchas bog‘liq.</p><p>Shu sababli Higuita futbol tarixida nafaqat o‘zining noodatiy seyv va gollari, balki hayot yo‘li bilan ham alohida iz qoldirgan afsonalardan biri bo‘lib qoladi.</p> </article> <article> <h1>«Real Madrid»da ularga joy yo‘q: derbidan so‘ng Mourino va futbolchilar tanqid ostida</h1> <p>Mon, 21 Sep 2026 09:00:00 +0500</p> <p>Madrid derbisidagi mag‘lubiyatdan so‘ng Ispaniya matbuotida «Real Madrid»ning o‘yini va Joze Mourinoning qarorlari keskin muhokama qilinmoqda.</p><p>«Real Madrid» Ispaniya chempionatining 7-turida «Atletiko Madrid»ga 1:2 hisobida mag‘lub bo‘ldi. Yakshanba oqshomida bo‘lib o‘tgan Madrid derbisi «Qirollik klubi»ning o‘yinidagi qator muammolarni yana bir bor yuzaga chiqardi.</p><p>Ispaniyalik tahlilchilar jamoaning texnik va taktik jihatdan qiyinchiliklarga duch kelayotganini ta’kidlashdi. Mag‘lubiyatdan so‘ng «Real Madrid» turnir jadvalida to‘rtinchi o‘ringa tushib ketdi va peshqadam «Barselona»dan olti ochkoga ortda qoldi.</p><p>Uchrashuvdan keyin Mourino futbolchilarining harakatlaridan hafsalasi pir bo‘lmaganini, ular bor kuchini ishga solganini aytdi. Portugaliyalik mutaxassis asosiy e’tiborni hakamlik qarorlariga qaratdi.</p><p>Biroq Ispaniya televideniyesi va radiosidagi tahlilchilar vaziyatga boshqacha baho berdi. Ular asosiy muammo jamoaning o‘z o‘yinida ekanini ta’kidlashdi.</p>«Real Madrid»da ularga joy yo‘q»<p>«El Chiringuito» dasturida Fran Garrido «Real Madrid»ning derbidagi o‘yinini keskin tanqid qildi. Uning fikricha, jamoa maydonda aniq reja va o‘ziga bo‘lgan ishonchni namoyish eta olmadi.</p><p>Garrido, shuningdek, jamoada yana bir marta almashtirish imkoniyati bo‘lganiga qaramay, Karlos Espay nega maydonga tushirilmaganini savol ostiga oldi.</p><p>U «Atletiko»ning ikkinchi golida «Real Madrid» himoyachilarining joylashuvini ham keskin tanqid qildi.</p><p>«Real Madrid»da ayrim futbolchilarga joy yo‘q. Ikkinchi golda esa ularning barchasi noto‘g‘ri pozitsiyada edi. Bu jamoaning himoyadagi holati juda yomon», — dedi Garrido.</p><p>U, shuningdek, mavsumning dastlabki yetti turidayoq «Barselona» bilan oradagi farq olti ochkoga yetganini «Real Madrid» uchun xavotirli holat sifatida baholadi.</p>photo: gettyimagesTanqid faqat derbi bilan cheklanmayapti<p>«Cadena SER» radiosida fikr bildirgan Alvaro Benito esa «Real Madrid»dagi muammolarni faqat bitta uchrashuv bilan bog‘lash noto‘g‘ri ekanini ta’kidladi.</p><p>Uning fikricha, jamoada bir necha mavsumdan beri takrorlanayotgan kamchiliklar mavjud.</p><p>«Agar biz ikki yilga yaqin vaqt davomida maydonda aynan bir xil muammolarni ko‘rayotgan bo‘lsak, demak, muammo ancha chuqur. Futbolchilar o‘zgaradi, ammo ssenariy o‘sha-o‘sha», — dedi Benito.</p><p>Tomas Ronssero esa «Real Madrid»ning Madrid derbilaridagi so‘nggi muvaffaqiyatsizliklariga e’tibor qaratdi. Uning fikricha, jamoa uchrashuvlar murakkablashgan paytda kerakli reaksiyani ko‘rsata olmayapti.</p><p>«Mourino bizning so‘nggi umidimiz edi. Agar bu umid ham oqlanmasa, demak, bu muammo ikki yildan beri davom etmoqda», — dedi Ronssero.</p>Vinisius va Mbappe ham tanqid qilindi<p>Tanqidlar jamoa tarkibini tanlash va ayrim yulduzlarning o‘yiniga ham qaratildi.</p><p>Ayniqsa, Din Havsen qizil kartochka olganidan keyin 54-daqiqada almashtirilgan Vinisius Juniorning o‘yindan olinishi muhokamalarga sabab bo‘ldi.</p><p>Ronssero Yan Diomandega asosiy tarkibda imkoniyat berish, Vinisiusni esa zaxirada qoldirish kerakligini ta’kidladi. U jamoada individual yulduzlikka emas, umumiy manfaatga e’tibor qaratish lozimligini aytdi.</p><p>«Men bizning egoimizdan voz kechishimizni istayman. Yulduz — Bellingem», — dedi Ronssero.</p><p>Kilian Mbappening o‘yini ham e’tibordan chetda qolmadi. «SER» radiosida fikr bildirgan Xavi Herrais fransiyalik hujumchining derbidagi harakatlarini tanqid qildi.</p><p>«Mbappening o‘yinini tushuna olmayapman. U hech bo‘lmaganda yugurishi kerak edi», — dedi Herrais.</p>photo: gettyimages«Real Madrid»da vaziyat jiddiy muhokama qilinmoqda<p>«Atletiko Madrid»ga qarshi uchrashuvdagi mag‘lubiyat «Real Madrid» uchun shunchaki uch ochko yo‘qotish bilan cheklanib qolmadi.</p><p>Derbidan keyin Ispaniya futbol ekspertlari jamoaning taktikasi, Mourinoning qarorlari, tarkib tanlovi va ayrim yetakchi futbolchilarning o‘yinini keng muhokama qila boshladi.</p><p>Mavsumning dastlabki yetti turidan so‘ng «Real Madrid» «Barselona»dan olti ochko ortda qolmoqda. Endi Mourino jamoasi uchun navbatdagi uchrashuvlarda natija bilan bir qatorda o‘yin sifatini ham yaxshilash muhim vazifaga aylanadi.</p> </article> <article> <h1>Rasmiy bayonot. «Barselona» yana bir yulduzidan ayrildi: himoyachi bir necha hafta maydonga tushmaydi</h1> <p>Sun, 20 Sep 2026 18:16:17 +0500</p> <p>Andreas Kristensenning jarohati «Barselona» uchun navbatdagi jiddiy yo‘qotish bo‘ldi.</p><p>«Barselona» himoyachisi Andreas Kristensen yana jarohat oldi. Daniyalik futbolchining chap oyog‘i son mushagining to‘g‘ri mushagida (rectus femoris) shikastlanish aniqlangan. Shu sababli u yaqin haftalarda maydonga tusha olmaydi.</p><p>«Barselona» yakshanba kuni Kristensenning jarohati bo‘yicha rasmiy tibbiy xulosani e’lon qildi. 30 yoshli futbolchi jarohatni shanba kuni «Sevilya»ga qarshi uchrashuvda olgan.</p><p>Kristensen ertalab tibbiy ko‘riklardan o‘tkazildi. Tekshiruvlar uning chap son mushagida jarohat borligini tasdiqladi.</p><p>Klub bayonotida qayd etilishicha, futbolchi «kelgusi haftalarda jamoaga yordam bera olmaydi. Uning safga qaytish muddati jarohatning tiklanish jarayoniga bog‘liq bo‘ladi»</p>Kristensen uchrashuvni davom ettira olmadi<p>Kristensen «Sevilya»ga qarshi uchrashuvni asosiy tarkibda boshladi. Bungacha u «Rasing»ga qarshi bahsda ham ilk daqiqalardan maydonga tushgandi.</p><p>Daniyalik himoyachi Andalusiya klubiga qarshi o‘yinda braziliyalik Rafinyaning hisobni ochishiga sababchi bo‘lgan hujumda ishtirok etdi.</p><p>Biroq Kristensen uchrashuvni oxirigacha davom ettira olmadi.</p><p>Jarohat 58-daqiqada Ruben Vargas bilan to‘qnashuv vaqtida yuz berdi. Daniyalik futbolchi darhol chap oyog‘ida muammo borligini sezdi va zudlik bilan tibbiy xodimlarni chaqirdi.</p><p>Uchrashuvni davom ettirishning imkoni bo‘lmagani sababli Kristensen maydonni oqsoqlangan holda tark etdi.</p><p>Zaxira o‘rindig‘iga o‘tirganidan so‘ng esa u ko‘z yoshlarini tiya olmadi. Futbolchining navbatdagi jarohati uning mavsum davomida ritmga kirishiga yana bir bor to‘sqinlik qildi.</p>Jarohatlar Kristensenni tinch qo‘ymayapti<p>Kristensenning «Barselona»dagi faoliyati so‘nggi yillarda jarohatlar bilan bog‘liq muammolar sabab tez-tez uzilishlarga olib kelmoqda.</p><p>Ushbu jarohatlar futbolchining jamoaga muntazam yordam berishiga xalaqit bermoqda. Shunga qaramay, klub o‘tgan yilning iyulida u bilan shartnomani 2028-yilgacha uzaytirgandi.</p><p>2025/26-yilgi mavsumda Kristensen xochsimon bog‘lamidagi jarohat sabab «Barselona» va Daniya terma jamoasi safida jami 32 ta uchrashuvni o‘tkazib yubordi. Bundan tashqari, mushaklaridagi og‘riq sabab yana uchta bahsda ishtirok eta olmadi.</p><p>2024/25-yilgi mavsumda ham vaziyat deyarli shunday kechgan. Axilles payidagi muammo tufayli himoyachi 37 ta uchrashuvni o‘tkazib yuborgan. Mushaklaridagi og‘riq esa uni yana 16 ta bahsdan chetda qoldirgan.</p><p>Endi Kristensenning chap son mushagidagi yangi jarohati uning Hansi Flik boshqaruvidagi «Barselona» tarkibidan yana bir necha haftaga chetda qolishiga sabab bo‘ladi.</p><p>Uning maydonga qachon qaytishi esa tiklanish jarayoniga bog‘liq.</p> </article> <article> <h1>Futboldagi eng ta’sirli uyga qaytishlar: Santi Kasorladan Karlos Tevezgacha</h1> <p>Sat, 19 Sep 2026 14:52:19 +0500</p> <p>Futbolda faoliyatining so‘nggi yillarini aynan katta bo‘lgan, futbol sirlarini o‘rgangan yoki muxlisi bo‘lgan klubida o‘tkazish ko‘plab futbolchilar uchun alohida ahamiyatga ega. Bunday qaytishlar nafaqat sportdagi natijalar, balki nostalgiya, sadoqat va faoliyatni chiroyli yakunlash bilan ham bog‘liq.</p><p>Faoliyatining oxiriga yaqinlashgan futbolchilar oldida odatda bir nechta yo‘l qoladi. Kimdir katta maosh evaziga boshqa chempionat yoki quyi divizionga yo‘l oladi, yana kimdir esa o‘z shahriga, tarbiya topgan klubiga qaytib, muxlislariga yana bir bor quvonch ulashishni istaydi.</p><p>Bunday transferlar ko‘pincha moliyaviy manfaatdan ko‘ra hissiy bog‘liqlik va sadoqat bilan izohlanadi. Masalan, Ander Errera 15 yillik tanaffusdan so‘ng «Real Saragosa»ga qaytib, butun maoshini klub fondiga berishga qaror qilgan.</p><p>2025-yilda Anxel Di Mariya ham «Rosario Sentral»ga erkin agent sifatida qaytdi. Argentinalik futbolchi jamoaning 1987-yildan beri ilk bor mamlakat chempionligini qo‘lga kiritishida muhim rol o‘ynadi.</p><p>Quyida faoliyatining so‘nggi bosqichini o‘zining bolalik klublarida o‘tkazgan yetti nafar mashhur futbolchi haqida so‘z yuritamiz.</p>Rui Kosta — «Benfika»<p>Rui Kosta o‘z avlodining eng mahoratli yarim himoyachilaridan biri bo‘lgan. U maydonda nafis harakatlari, ajoyib texnikasi va istalgan nuqtadan aniq pas bera olishi bilan ajralib turardi.</p><p>Portugaliyalik futbolchi 2001–2006-yillar davomida «Milan» safida to‘p tepib, Italiya chempionligi va UEFA Chempionlar ligasida g‘alaba qozondi. O‘sha davrdagi «rossoneri» tarkibida Paolo Maldini, Andrea Pirlo, Kaka va Andrey Shevchenko kabi yulduzlar ham bor edi.</p><p>Ammo Rui Kostaning futbolchilik shaxsiyati aynan «Benfika»da shakllangan. 1994-yilda klubni tark etib, «Fiorentina»ga yo‘l olganida u bir kun kelib yana Lissabonga qaytishga va’da bergandi.</p><p>U va’dasida turdi. 2006-yil may oyida «Milan» bilan shartnomasini bekor qilib, «Benfika»ga qaytdi.</p><p>Rui Kostaning qaytishi nafaqat nostalgiya bilan bog‘liq edi. U og‘ir davrni boshdan kechirayotgan klubga yordam berishni ham istardi. «Benfika» 2005/06-yilgi mavsumni chempionatdagi uchinchi o‘rin bilan yakunlagan va jamoada avvalgi birlik yo‘qolgandi.</p>photo: gettyimages<p>Rui Kostaning ilk mavsumi jarohatlar sabab to‘liq muvaffaqiyatli kechmadi. Shunga qaramay, uning tajribasi kiyinish xonasiga yangi ruh olib kirdi. «Benfika» UEFA kubogida chorakfinalgacha yetib bordi.</p><p>Keyingi mavsumda Rui Kosta to‘liq tiklanib, klubning 2007-yildagi eng yaxshi futbolchisi deb topildi.</p><p>U «Benfika» safida barcha musobaqalarda 48 ta uchrashuv o‘tkazib, 7 ta gol urdi. Shulardan biri Chempionlar ligasi saralashida «Kopengagen» darvozasiga kiritilgan edi.</p><p>2007-yilgi so‘nggi o‘yinida «Benfika» «Vitoriya Setubal»ni 3:0 hisobida mag‘lub etdi. Rui Kosta muxlislarning olqishlari ostida professional faoliyatini yakunladi.</p><p>«Bugun mening to‘qqiz yoshimda boshlagan faoliyatim yakunlanmoqda» Men faoliyatimni orzu qilgan joyim — «Benfika»da tugatayotganimdan juda baxtiyorman», — degan edi u.</p><p>Keyinchalik Rui Kosta klubning sport direktori bo‘ldi. 2021-yilda esa «Benfika» prezidenti etib saylandi va hozirgacha ushbu lavozimda faoliyat yuritmoqda.</p>Diego Milito — «Rasing»<p>Diego Milito Yevropada faoliyatini ancha kechroq yuqori darajaga olib chiqqan futbolchilardan biri edi.</p><p>U «Jenoa» va «Real Saragosa»dagi muvaffaqiyatli o‘yinlari orqali o‘z nomini tanitdi. Ammo uning faoliyatidagi eng katta burilish 30 yoshida, Joze Mourinyo uni «Inter»ga olib kelganida yuz berdi.</p><p>Milito 2009/10-yilgi mavsumda «Inter»ning tarixiy trebliga erishishida asosiy futbolchilardan biri bo‘ldi. Ayniqsa, Chempionlar ligasi finalida «Bavariya»ga qarshi ikkita gol urib, jamoasiga bosh sovrinni olib berdi.</p>photo: gettyimages<p>San-Sirodagi yana to‘rt yillik faoliyatdan so‘ng argentinalik hujumchi o‘zining ilk professional klubi — «Rasing»ga qaytdi.</p><p>Milito ikkinchi debyutidayoq gol urdi va keyinchalik jamoani Argentina chempionligiga olib chiqdi. «Rasing» 13 yillik chempionlik sog‘inchiga barham berdi.</p><p>35 yoshli Milito mavsum davomida 17 ta o‘yinda 9 ta golga bevosita hissa qo‘shdi.</p><p>«Men bunga ishonolmayapman. Bu orzuning cho‘qqisi. Go‘yo osmonni qo‘llarim bilan ushlab turgandekman», — degan edi Milito hal qiluvchi bahsdan so‘ng.</p><p>U 2016-yilda faoliyatini yakunladi va keyinchalik «Rasing»da texnik direktor sifatida ham ishladi.</p>Dirk Kuyt — «Feynord»<p>Dirk Kuyt «Liverpul»dagi olti yillik faoliyati davomida muxlislarning sevimlisiga aylangan. Uning kuchli tomoni tinimsiz mehnati va muhim uchrashuvlarda gol urishi edi.</p><p>Niderlandiya milliy jamoasi safida 104 ta o‘yinda 24 ta gol urgan Kuyt faoliyatining eng yorqin sahifalaridan birini «Feynord»da yozdi.</p><p>U klubdagi ilk faoliyati davomida 70 ta gol urgan. 2015-yilda «Fenerbahche»dan «Feynord»ga qaytgach esa yana 38 ta gol qo‘shdi.</p>photo: gettyimages<p>2015/16-yilgi mavsumda Kuyt 23 ta gol urib, jamoaga Niderlandiya kubogini qo‘lga kiritishda yordam berdi.</p><p>Keyingi mavsumda 36 yoshli futbolchi yana muhim rol o‘ynadi. «Feynord» 18 yillik tanaffusdan so‘ng Erediviziya chempionligini qo‘lga kiritdi. Kuyt mavsumning so‘nggi turida «Herakles» darvozasiga xet-trik qayd etdi.</p><p>«Men ikki yil avval qaytganimda chempion bo‘lishimiz mumkinligini aytgandim. Hamma esa ustimdan kulgandi. Men Chempionlar ligasi va Jahon chempionati finalida o‘ynaganman, mashhur klublarda to‘p tepganman. Ammo bu faoliyatimdagi eng yaxshi lahza», — dedi Kuyt.</p><p>Chempionlikdan uch kun o‘tib, Kuyt butsalarini mixga ilib, murabbiylik faoliyatini boshladi.</p>Robin van Persi — «Feynord»<p>Robin van Persi ham «Feynord» tarbiyalanuvchisi bo‘lib, keyinchalik Angliya Premer-ligasining eng xavfli hujumchilaridan biriga aylandi.</p><p>U «Arsenal» safida porladi va 2012/13-yilgi mavsumda «Manchester Yunayted» bilan Angliya chempionligini qo‘lga kiritdi.</p><p>Keyinchalik faoliyatini «Fenerbahche»da davom ettirgan Van Persi 2018-yil yanvarida shartnomasini bekor qilib, 34 yoshida «Feynord»ga qaytdi.</p>photo: gettyimages<p>U dastlabki 14 uchrashuvda 7 ta gol urdi. «AZ Alkmar»ga qarshi Niderlandiya kubogi finalida esa chiroyli uslubdagi zarba bilan gol urib, jamoasining 3:0 hisobidagi g‘alabasiga hissa qo‘shdi.</p><p>2018/19-yilgi mavsumda Van Persi jamoa sardori etib tayinlandi va bu uning professional futbolchi sifatidagi so‘nggi mavsumi bo‘ldi.</p><p>U barcha musobaqalarda 18 ta gol urdi. «Ayaks»ga qarshi 6:2 hisobidagi g‘alabada ikki marta gol urib, Erediviziyaning eng keksa dubl mualliflaridan biriga aylandi.</p><p>«Men futboldan zavq olishni yo‘qotgandim. Faoliyatimni zavqsiz yakunlashni istamasdim. «Feynord»da esa bu zavq yana qaytdi», — degan edi Van Persi.</p><p>2025-yilda u yana «Feynord»ga qaytdi, bu safar bosh murabbiy sifatida. U jamoani Erediviziyada ikkinchi o‘ringa olib chiqdi va Chempionlar ligasiga yo‘llanma oldi.</p>Karlos Tevez — «Boka Xuniors»<p>Karlos Tevez Yevropada «Manchester Yunayted», «Manchester Siti» va «Yuventus» safidagi muvaffaqiyatli faoliyati orqali dunyoning eng kuchli hujumchilaridan biriga aylandi.</p><p>Ammo argentinalik futbolchining qalbi doimo «Boka Xuniors»ga tegishli bo‘lib qoldi.</p><p>Tevez 2005-yilda «Boka»ni tark etdi. Oradan 10 yil o‘tib, klubga qaytdi va 2018-yilda yana bir bor jamoa bilan shartnoma imzoladi.</p><p>Uning uchinchi va so‘nggi davri eng samaralilaridan biri bo‘ldi. Tevez uch yil davomida to‘rtta sovrinni qo‘lga kiritdi, jumladan, ikki marta Argentina chempionligini nishonladi.</p>photo: gettyimages<p>112 ta uchrashuvda 45 ta golga bevosita hissa qo‘shgan Tevezning eng yorqin lahzalaridan biri 2019/20-yilgi mavsumning so‘nggi turida yuz berdi.</p><p>«Boka» chempionlik uchun «River Pleyt» bilan kurashayotgan edi. Tevez «Gimnasiya i Esgrima»ga qarshi uchrashuvda uzoq masofadan hal qiluvchi golni urdi. «River» esa o‘z o‘yinida durang qayd etgani sabab «Boka» chempionlikni qo‘lga kiritdi.</p><p>Tevez 2021-yil iyunida professional faoliyatini yakunladi.</p><p>«Odamlar mening qonim qizil emas, ko‘k va sariq ekanini bilishadi», — degan edi u «Boka» ranglarini nazarda tutib.</p>Marselo — «Fluminense»<p>Marselo 2005-yilda «Fluminense»dan «Real Madrid»ga ko‘chib o‘tdi va Madrid klubining tarixidagi eng sovrindor futbolchilardan biriga aylandi.</p><p>U «Real Madrid» safida 25 ta sovrin qo‘lga kiritdi. 2022-yilda klubni erkin agent sifatida tark etganidan so‘ng qisqa muddat «Olimpiakos»da o‘ynadi.</p><p>Keyin esa bolalik klubiga qaytish vaqti keldi.</p><p>Marseloning «Fluminense»ga qaytishini 30 mingdan ortiq muxlis stadionda kutib oldi.</p><p>«Bu hayotimdagi eng yaxshi lahza. Men uyga qaytdim. Barchangizga rahmat. Ishonchim komil, ajoyib yil bo‘ladi», — dedi Marselo.</p><p>Uning so‘zlari tez orada haqiqatga aylandi.</p>photo: gettyimages<p>Braziliya chempionati finalida «Fluminense» «Flamengo»ni 4:1 hisobida mag‘lub etdi va o'sha uchrashuvda Marselo ajoyib individual harakatdan so‘ng gol urdi.</p><p>Shuningdek, u «Fluminense»ning Libertadores kubogi finaligacha bo‘lgan yurishida muhim rol o‘ynadi.</p><p>Marakana stadionidagi finalda «Fluminense» «Boka Xuniors»ni qo‘shimcha vaqtda 2:1 hisobida mag‘lub etdi. Shu tariqa Marselo ham Libertadores, ham Chempionlar ligasini qo‘lga kiritgan futbolchilar qatoridan joy oldi.</p><p>Finaldan so‘ng u ko‘z yoshlarini tiya olmadi.</p><p>«Real Madrid» tushunadi. Bu klub darajasidagi faoliyatimdagi eng muhim sovrin. Chunki aynan «Fluminense» meni tarbiyalagan”, — dedi Marselo.</p><p>Keyinchalik «Fluminense» futbolchining sharafiga o‘z mashg‘ulot bazasini uning nomi bilan atadi.</p><p>Marselo 2025-yil fevralida professional faoliyatini rasman yakunladi.</p>Santi Kasorla — «Real Oviedo»<p>Santi Kasorla «Real Oviedo» akademiyasida yetti yil tahsil oldi. Biroq klub moliyaviy inqirozga yuz tutgani sababli u o‘smirlik davridayoq jamoani tark etishga majbur bo‘ldi.</p><p>Kasorla professional faoliyatini «Vilyarreal»da boshladi. Keyinchalik «Rekreativo», «Malaga», yana «Vilyarreal» va «As Sadd» klublarida to‘p tepdi.</p><p>Ispaniya milliy jamoasi bilan esa 2008 va 2012-yillarda Yevropa chempionligini qo‘lga kiritdi.</p><p>2012-yilda «Arsenal» Kasorlani safiga qo‘shib oldi. Ispaniyalik futbolchi London klubida muxlislarning sevimlisiga aylandi va ikki marta Angliya kubogini qo‘lga kiritdi.</p><p>Qatardagi «As Sadd» safida yana oltita sovrin yutgan Kasorla 38 yoshida, 2023-yil avgustida «Real Oviedo»ga qaytdi.</p><p>U klubga qaytganidan so‘ng imkon qadar kam maosh olishga rozi bo‘ldi. Xabarlarga ko‘ra, uning mavsumlik maoshi atigi 91 ming yevroni tashkil qilgan. Bundan tashqari, futbolchi futbolkalarining sotilishidan tushgan mablag‘ning 10 foizini akademiyaga yo‘naltirishni so‘ragan.</p><p>Kasorlaning asosiy maqsadi aniq edi: «Real Oviedo»ni 24 yillik tanaffusdan so‘ng yana La Ligaga olib chiqish.</p><p>2024/25-yilgi mavsumda bu maqsad amalga oshdi.</p>photo: gettyimages<p>«Real Oviedo» Segunda Divizionini uchinchi o‘rinda yakunlab, pley-offga chiqdi. Yarimfinalda «Almeriya» mag‘lub etildi.</p><p>Javob uchrashuvida zaxiradan maydonga tushgan Kasorla jarima zarbasidan g‘alaba golini urdi.</p><p>Finalda esa «Mirandes»ga qarshi bahsda u penaltini aniq amalga oshirdi. «Oviedo» 3:2 hisobida g‘alaba qozonib, La Ligaga qaytdi.</p><p>Kasorlaning shartnomasi yakunlangan bo‘lsa-da, 40 yoshli futbolchi «Real Oviedo» bilan yana bir yilga shartnoma imzoladi.</p><p>Afsuski, jamoa yangi mavsumda La Ligani so‘nggi o‘rinda yakunlab, darhol Segunda Divizioniga qaytdi. Kasorla esa asosan zaxiradan maydonga tushib, jamoasiga yordam berishga harakat qildi.</p><p>Shunga qaramay, uning faoliyat yakuni o‘zi uchun alohida ahamiyat kasb etdi. Kasorla professional futbol bilan xayrlashar ekan, ijtimoiy tarmoqdagi sahifasida shunday yozdi:</p><p>«Endi hammasi yakunlanayotgan, butsalar mixga ilinayotgan va shovqin sukunatga aylanayotgan bir paytda hammasi o‘z o‘rniga tushadi. Chunki yakun istalgan joyda emas, aynan uyda bo‘ldi»</p><p>Kasorlaning hikoyasi futbolchining bolalik klubiga qaytishi qanday qilib butun faoliyatning eng ta’sirli sahifasiga aylanishi mumkinligini yana bir bor ko‘rsatdi.</p> </article> <article> <h1>Shohrux Xolmatov faoliyatini Maldiv orollarida davom ettiradi</h1> <p>Sat, 12 Sep 2026 19:11:07 +0500</p> <p>O‘zbekistonlik tajribali himoyachi Shohruxbek Xolmatov faoliyatini Maldiv orollarida davom ettiradi. </p><p>Sports24.uz xabar berishicha, 33 yoshli futbolchi «Viktoriya» bilan shartnoma imzoladi.</p><p>Xolmatovning so‘nggi klubi — Indoneziyaning «Persiba»si hisoblanadi. Shuningdek, himoyachi «Yangiyer» safida o‘ynagan. Keyinchalik Bangladeshda «Rahmatganj MFS», «Bashundhara Kingz» va «Sheyx Jamol» jamoalari sharafini himoya qildi. </p><p>2025 yil yanvar oyida Xolmatov Kambodjaning «Kirivong Sok Sen Chey» klubiga o‘tdi. O‘sha yil sentyabr oyida esa Indoneziyaning «Persiba Balikpapan» jamoasi bilan shartnoma imzoladi.</p> </article> <article> <h1>«Komo» qanday qilib 10 yildan kam vaqt ichida 1 million yevrolik klubdan 1 milliard yevrolik loyihaga aylandi?</h1> <p>Sat, 12 Sep 2026 09:23:28 +0500</p> <p>«Komo» qanday qilib 10 yildan kam vaqt ichida 1 million yevrolik klubdan 1 milliard yevrolik loyihaga aylandi?</p><p>Kichik italyan klubi qanday qilib quyi diviziondan Chempionlar ligasigacha yetib keldi? Sesk Fabregas boshchiligidagi «Komo»ning muvaffaqiyat siri nimada?</p><p>«Komo» so‘nggi yillarda Italiya futbolidagi eng qiziqarli loyihalardan biriga aylandi. Bir necha yil avval klubning qiymati 1 million yevroga ham yetmagan bo‘lsa, bugun u Chempionlar ligasida ishtirok etmoqda va kelajakda 1 milliard yevrolik klubga aylanishni maqsad qilgan.</p><p>«Komo» o‘zining ijtimoiy tarmoqlardagi sahifasida «Eng go‘zal manzilda eng chiroyli futbol» shioridan foydalanadi. Bu, bir qarashda, katta da’vodek tuyulishi mumkin. Biroq klub joylashgan hudud va jamoaning so‘nggi yillardagi futboli bu shiorni oqlayotgandek.</p><p>«Komo» stadioni — 13 ming tomoshabinga mo‘ljallangan «Juzeppe Sinigalya» arenasi — zamonaviylik bo‘yicha Italiyadagi eng yaxshi stadionlardan emas. Qariyb 100 yillik stadion hali ham o‘z yoshini ko‘rsatib turadi. Ammo uning joylashuvi mutlaqo noyob.</p><p>Arena mashhur Komo ko‘li qirg‘og‘ida joylashgan. Bu hudud nafaqat Italiyaning, balki butun dunyoning eng mashhur sayyohlik maskanlaridan biri hisoblanadi.</p><p>Endi esa aynan shu kichik shaharcha jamoasi Yevropaning eng nufuzli turniri — Chempionlar ligasida o‘z debyutini nishonlamoqda.</p>Hammasi 2019 yilda boshlandi<p>Komo tarixidagi katta burilish 2019 yilda yuz berdi. O‘sha paytda Indoneziyaning «Djarum Group» kompaniyasi klubni sotib oldi.</p><p>Qizig‘i shundaki, klub dastlab investorlarning asosiy maqsadi bo‘lmagan. Komo aslida futbol haqidagi hujjatli film loyihasi uchun lokatsiya izlash jarayonida e’tiborga tushgan.</p><p>«Djarum Group» vakili Mirvan Suvarso va uning hamkasblari Italiyada futbolga oid hujjatli film suratga olishni rejalashtirgan edi. Milan atrofidagi hududlarni o‘rganish davomida ular Komoga duch kelishdi.</p><p>O‘sha paytda «Komo» endigina Seriya «C1» darajasiga qaytgan, klub infratuzilmasi esa juda og‘ir ahvolda edi.</p><p>Jamoaning stadioni ta’mirtalab, mashg‘ulot bazasi doimiy emas, akademiya esa klubdan tashqarida boshqarilardi. Bundan tashqari, Komo tarixida ikki marta bankrotlik holati kuzatilgan, o‘yinlarga o‘rtacha 800 nafarga yaqin muxlis tashrif buyurardi.</p><p>Ammo yangi egalar aynan mana shu muammolarning ortida katta imkoniyatni ko‘rishdi.</p>photo: gettyimagesDenis Uayzning roli<p>Pul muammo emasdi. «Djarum Group» egalaridan Budi va Bambang Xartono aka-ukalari dunyoning eng badavlat insonlari qatoriga kiradi.</p><p>Asosiy masala esa mavjud mablag‘ni qanday to‘g‘ri sarflash edi.</p><p>Shu sababli klub rahbariyati futbol boshqaruvida katta tajribaga ega bo‘lgan sobiq Angliya va «Chelsi» yarim himoyachisi Denis Uayzga murojaat qildi.</p><p>Uayz dastlab maslahatchi sifatida ishladi, keyinchalik esa klub bosh direktori va prezidenti lavozimlarida faoliyat yuritdi.</p><p>Uning vazifasi juda oddiy, ammo murakkab edi: «Komo»ni noldan qurish.</p><p>«Klubning o‘z mashg‘ulot bazasi ham yo‘q edi. Ular yilma-yil ijaraga olinadigan maydondan foydalanishardi. Muxlislar soni atigi 800 atrofida edi»,- deya keyinchalik Uayz o‘sha davrni eslagan.</p><p>U klub akademiyasini qayta tashkil etdi, infratuzilmani yaxshiladi, muxlislar bilan aloqalarni kuchaytirdi va transferlarda katta mablag‘ sarflamasdan samarali ishlashga harakat qildi.</p><p>Bir vaqtning o‘zida «Komo»da 14 nafargacha ijaraga olingan futbolchi bo‘lgan.</p><p>Ammo bu vaqtinchalik bosqich edi. Klub asta-sekin o‘sishni boshladi.</p>photo: gettyimagesSesk Fabregasning kelishi<p>2021 yilga kelib «Komo» yana Seriya «B»ga qaytdi. Bu klub uchun katta qadam edi.</p><p>Oradan bir yil o‘tib esa loyiha yanada katta e’tiborga tushdi.</p><p>2022 yil yozida jahon chempioni Sesk Fabregas «Komo»ga futbolchi sifatida qo‘shildi. Bundan tashqari, ispaniyalik sobiq futbolchi klub aksiyadorlaridan biriga ham aylandi.</p><p>Fabregasning «Komo»ni tanlashida Denis Uayz muhim rol o‘ynadi.</p><p>«Men pul haqida o‘ylamadim. Meni hayajonlantiradigan loyihaga qo‘shilishni istadim. Bu klubning kelajagi borligiga ishonaman»,- degan edi Fabregas.</p><p>Uayz, Suvarso va Fabregasning maqsadi bir xil edi: «Komo»ni imkon qadar yuqoriga olib chiqish.</p><p>2024 yilda bu reja amalga oshdi. «Komo» 20 yildan ortiq vaqt ichida ilk bor Seriya «A»ga qaytdi.</p>photo: gettyimagesFabregas — klubning asosiy figurasi<p>Fabregas dastlab murabbiylar shtabida yordamchi sifatida ko‘rsatilgan bo‘lsa-da, amalda jamoaning futbol falsafasini shakllantirishda asosiy rolni bajara boshladi.</p><p>2024 yil yozida Denis Uayz klubni tark etganida, u «Komo»ning endilikda Fabregas yo‘nalishidan borishini aytdi.</p><p>Fabregas va Suvarso esa hamon bir xil qarashlarga ega edi.</p><p>«Bizning qarashlarimiz va maqsadimiz bir xil — imkon qadar yuqoriga ko‘tarilish. Hozir biz hali ham kichik klubmiz, ammo kelajak uchun juda katta ambitsiyalarimiz bor», degan Fabregas.</p><p>Klub rahbariyatining Fabregasga bergan asosiy topshirig‘i ham aniq edi: hujumkor va tomoshabop futbol o‘ynash.</p><p>Bu yerda maqsad faqat g‘alaba qozonish emasdi. Komo futbol orqali o‘z brendini ham rivojlantirmoqchi edi.</p>«Pul sarflab, qiymat yaratish»<p>«Komo» Seriya «A»ga chiqishi bilan transfer bozorida faol harakat qila boshladi.</p><p>Klubning xarajatlari daromadidan sezilarli darajada yuqori bo‘ldi. Seriya «B»dagi so‘nggi mavsumda «Komo»ning operatsion xarajatlari 52 million yevroni tashkil etgan bo‘lsa, operatsion daromad atigi 10 million yevro atrofida edi.</p><p>Seriya «A»ga chiqqach esa transfer xarajatlari yanada oshdi.</p><p>Bir mavsumda klubning sof transfer balansi minus 93 million yevrodan oshdi. Keyingi mavsumda esa bu ko‘rsatkich qariyb minus 109 million yevroga yetdi.</p><p>Strategiya oddiy edi: bugun katta mablag‘ sarflash, ertaga klub qiymatini oshirish.</p><p>Bu strategiya hozircha o‘zini oqlamoqda.</p><p>Fabregas boshchiligidagi «Komo» Seriya «A»ning ilk mavsumidayoq kutilmagan natija qayd etdi va chempionatni to‘rtinchi o‘rinda yakunladi.</p><p>Bu natija klub rahbariyatining o‘zini ham hayratda qoldirdi.</p>photo: gettyimagesFutboldan tashqaridagi katta biznes<p>«Komo» loyihasining eng muhim jihati shundaki, klub o‘zini faqat futbol jamoasi sifatida ko‘rmayapti.</p><p>Ular Komo ko‘lining dunyodagi nufuzidan foydalanishga harakat qilmoqda.</p><p>«Football Benchmark» vakili Antonio Di Channi ta’kidlaganidek, klub so‘nggi uch mavsumda qariyb 200 million yevro zarar ko‘rgan bo‘lsa-da, bu davrda u Seriya «A»ga chiqdi va Chempionlar ligasiga yo‘llanma oldi.</p><p>Stadion ham bosqichma-bosqich yangilanmoqda. Uning sig‘imi kelajakda 15–17 ming tomoshabinga yetkazilishi rejalashtirilgan.</p><p>Biroq asosiy daromad manbalaridan biri stadionning o‘zi emas, balki Komo brendi va turizm bo‘lishi mumkin.</p><p>Komo shahriga yiliga millionlab sayyohlar tashrif buyuradi. Klub esa ushbu oqimni o‘z auditoriyasiga aylantirmoqchi.</p><p>Masalan, klubning «The Club on the Lake» nomli xususiy a’zolik klubi ham mavjud. Uning yillik a’zolik badali 4 500 yevroni tashkil etadi.</p><p>Klub shuningdek litsenziyalash biznesini faol rivojlantirmoqda.</p>photo: gettyimagesGollivud yulduzlari ham «Komo»ni tanlamoqda<p>«Komo» stadionida so‘nggi 18 oy davomida bir qator mashhur aktyorlar ko‘rinish berdi.</p><p>Ular orasida Xyu Grant, Maykl Fassbender, Adrien Brodi, Kira Naytli, Keyt Bekinseyl, Jeff Goldblum, Benedikt Kamberbetch va Xyu Jekman kabi yulduzlar bor.</p><p>Klub prezidenti Mirvan Suvarso esa ularning tashriflari maxsus PR kampaniyasi emasligini ta’kidlagan.</p><p>Uning so‘zlariga ko‘ra, mashhurlar «Komo»ga o‘z xohishlari bilan kelishmoqda.</p><p>Bu esa klubning oddiy futbol jamoasidan xalqaro hayot tarzi brendiga aylanish yo‘lida ekanini ko‘rsatadi.</p>«Futbolning bosh direktori» — Fabregas<p>«Komo» loyihasida Fabregasning o‘rni alohida.</p><p>Klubning boshqa mashhur aksiyadorlari orasida Teri Anri ham bor. Rafael Varan esa klub direktorlar kengashida faoliyat yuritadi.</p><p>Ammo loyihaning asosiy futbol yuzi — Fabregas.</p><p>Suvarso uni «futbolning bosh direktori» deb ataydi.</p><p>Klub rahbariyatining fikricha, Fabregas nafaqat bosh murabbiy sifatida, balki klubning umumiy futbol falsafasini yaratishda ham muhim rol o‘ynaydi.</p><p>Komo uchun bu falsafa — hujumkor, zamonaviy va tomoshabop futbol.</p><p>Buning yana bir sababi bor: klub futbol orqali sayyohlarni ham jalb qilmoqchi.</p><p>Suvarsoning aytishicha, u «Komo»ni ma’lum ma’noda Disneyning biznes modeliga o‘xshatadi.</p><p>«Disney uchun Disneylend — ko‘ngilochar biznesning asosiy qismi. Biz uchun esa futbol klubi va stadiondagi «matchday» tajribasi xuddi shunday rol o‘ynaydi»,- deya tushuntirgan u.</p>photo: gettyimagesXalqaro bozorga chiqish<p>«Komo» qisqa vaqt ichida xalqaro auditoriyani ham shakllantira boshladi.</p><p>Klub Seriya «B»da o‘ynagan paytidayoq 122 ta mamlakatga chiptalar sotgan.</p><p>Klubning elektron savdosida xorijiy xaridorlarning ulushi ham oshmoqda. Ma’lumotlarga ko‘ra, o‘tgan mavsumda «e-commerce» savdosining 20 foizi xorijdan kelgan bo‘lsa, AQSHning o‘zi joriy mavsumdagi savdolarning 12 foizini tashkil qilgan.</p><p>Bundan tashqari, klub Komo shahrida o‘z do‘konlari sonini ko‘paytirdi.</p><p>Bir necha yil avval shaharda klubning umuman do‘koni bo‘lmagan bo‘lsa, hozir to‘rtta do‘kon va viloyat bo‘ylab 485 ta savdo nuqtasi mavjud.</p><p>Bu kichik futbol klubining tobora yirik xalqaro brendga aylanayotganidan dalolat beradi.</p>1 milliard yevrolik baho — real maqsadmi?<p>«Komo» prezidenti Mirvan Suvarso klub kelajakda 1 milliard yevrodan yuqori qiymatga ega bo‘lishi mumkinligini aytgan.</p><p>Biroq mutaxassislar bu maqsadga hali ancha borligini ta’kidlashmoqda.</p><p>«Football Benchmark» ma’lumotlariga ko‘ra, 2024/25 yilgi mavsumda «Komo»ning daromadi taxminan 50 million yevroni tashkil etgan.</p><p>Chempionlar ligasidagi ishtirok esa klubga qo‘shimcha o‘nlab million yevro daromad keltirishi mumkin. Natijada joriy mavsumdagi umumiy daromad 100 million yevroga yaqinlashishi ehtimoli bor.</p><p>Ammo 1 milliard yevrolik bahoga chiqish uchun faqat Chempionlar ligasining bir mavsumidagi muvaffaqiyat yetarli emas.</p><p>Komo Seriya «A»da barqaror jamoaga aylanishi, muntazam ravishda Yevropa musobaqalariga yo‘llanma olishi va yuqori o‘rinlar uchun kurashishi kerak.</p><p>Shuningdek, klubning transfer siyosati ham muhim ahamiyat kasb etadi.</p><p>Bugungi kunda «Komo» futbolchilarining umumiy bozor qiymati 584,2 million yevroga baholanmoqda. Bir yil avval esa bu ko‘rsatkich 288 million yevro atrofida edi.</p><p>Bu juda katta o‘sish.</p>photo: gettyimages«Komo»ni qanday kelajak kutmoqda?<p>«Komo» hali 1 milliard yevrolik klubga aylangan emas.</p><p>Ammo so‘nggi bir necha yil ichida amalga oshirilgan ishlar uning qanchalik tez o‘sganini ko‘rsatib turibdi.</p><p>2019 yilda qiymati 1 million yevroga ham yetmagan, Seriya «C»da ishtirok etayotgan va 800 nafarga yaqin muxlis oldida o‘ynayotgan klub bugun Seriya «A»ning eng qiziqarli jamoalaridan biriga aylandi.</p><p>Uning boshqaruvida dunyo futbolining taniqli nomlari bor. Jamoani esa jahon chempioni Sesk Fabregas boshqarmoqda.</p><p>Klubning stadioni ta’mirlanmoqda, akademiyasi rivojlantirilmoqda, merchandising tizimi kengaymoqda, xalqaro bozorga chiqish kuchaymoqda va eng muhimi — Komo ko‘lining noyob brendi futbol bilan birlashtirilmoqda.</p><p>Shu sababli «Komo»ning 1 milliard yevrolik maqsadi bugun juda uzoqdek ko‘rinsa-da, bu mutlaqo imkonsiz emas.</p><p>Agar klub futbol maydonida ham, biznesda ham hozirgi sur’atini saqlab qolsa, «Komo»ning Chempionlar ligasidagi ilk mavsumi uning Yevropa futbolidagi so‘nggi katta chiqishi bo‘lmasligi mumkin.</p>photo: gettyimages<p>Chiroyli futbol, noyob manzil va katta ambitsiyalar — «Komo» hikoyasi endigina boshlanayotgandek...</p> </article> </main></body></html>