2. «Bornmut»«Bornmut» beshta o‘yinda uch marta durang o‘ynab, ikki marta mag‘lub bo‘ldi. Jamoa uch ochko to‘plagan bo‘lsa-da, hali g‘alaba nashidasini surmadi. Duranglar klubga ochko olib kelmoqda, ammo barqaror natija uchun g‘alabalar ham zarur.

3. «Fulhem»Londonliklar dastlabki beshta uchrashuvda ikki durang va uchta mag‘lubiyat qayd etib, ikki ochko bilan cheklandi. Jamoa raqiblariga qarshi kurashda natijani saqlab qolish va himoyadagi xatolarni kamaytirishga muhtoj.

4. «Malaga»«Malaga» dastlabki yettita uchrashuvda uch marta durang o‘ynab, to‘rt marta mag‘lub bo‘ldi. Jamoa uch ochko bilan turnir jadvalining so‘nggi pog‘onalarida qolmoqda. G‘alabasiz seriyani to‘xtatish uchun hujumda samaradorlikni oshirish va himoyadagi kamchiliklarni bartaraf etish muhim bo‘ladi.

5. «Bolonya»Italiya klubi dastlabki beshta uchrashuvda ikki durang va uchta mag‘lubiyat qayd etdi. Jamoa ikki ochko to‘plab, turnir jadvalining quyi qismida qoldi. Bunday startdan keyin birinchi g‘alaba futbolchilarning o‘ziga bo‘lgan ishonchini oshirishda muhim rol o‘ynashi mumkin.

6. «Jenoa»«Jenoa» dastlabki beshta bahsda atigi bir ochko to‘pladi: bir durang va to‘rtta mag‘lubiyat. Jamoa raqiblar darvozasiga uchta gol urgan bo‘lsa, o‘z darvozasidan o‘nta to‘p olib chiqdi. Himoyadagi muammolar natijalarga jiddiy ta’sir ko‘rsatmoqda.

7. «Vene­siya»Italiya chempionatidagi eng qiyin startlardan biri «Venesiya» hissasiga to‘g‘ri keldi. Jamoa dastlabki beshta uchrashuvning barchasida mag‘lub bo‘lib, birorta ham ochko ololmadi. To‘rtta gol urilganiga qaramay, 13 ta gol o‘tkazib yuborilgani himoyada jiddiy muammolar borligini ko‘rsatadi.

8. «Borussiya M»Jamoa dastlabki to‘rtta uchrashuvda ham mag‘lubiyatga uchradi. Olti marta raqib darvozasini ishg‘ol qilgan bo‘lsa-da, o‘z darvozasidan 16 ta gol o‘tkazib yubordi. Nol ochko va −10 gollar farqi klubning mavsumni juda qiyin boshlaganini ko‘rsatmoqda.

9. «Union Berlin»Berlinliklar to‘rtta uchrashuvda bir durang va uchta mag‘lubiyat qayd etdi. Jamoa bir ochko to‘plagan bo‘lsa-da, to‘plar nisbati ancha yomon — 4:17. Himoyadagi xatolarni bartaraf etish va o‘yinni nazorat qilish klub uchun dolzarb vazifa bo‘lib turibdi.

10. «Gavr»Fransiya chempionatida «Gavr» dastlabki beshta o‘yinda ikki durang va uchta mag‘lubiyat qayd etib, ikki ochko to‘pladi. Jamoa to‘rtta gol urgan, yettita gol o‘tkazib yuborgan. Birinchi g‘alabaga erishish uchun hujumdagi imkoniyatlardan samarali foydalanish va himoyani mustahkamlash talab etiladi. G‘alaba qozona olmagan klublarning natijalari bir-biridan farq qiladi. Ayrimlari duranglar orqali ochko to‘playotgan bo‘lsa, boshqalari birorta ochko ham ololmagan.

9. Jadon Sancho — erkin agent

Jadon Sancho hozircha yangi klub topgani yo‘q. «Manchester Yunayted»ni tark etgan 26 yoshli vinger bir nechta klublar bilan muzokaralar o‘tkazgan, ammo hozircha uning yangi manzili aniq emas.

Sancho yanvargacha kutishga tayyor. U Yevropa, Saudiya Arabistoni, AQSh va Yaqin Sharq klublari bilan aloqa o‘rnatgan. Agar munosib taklif paydo bo‘lmasa, futbolchi qishki transfer oynasigacha kutishi mumkin.

Sancho uchun yangi jamoa — faoliyatini qayta tiklash va o‘zini yana yuqori darajada namoyish etish imkoniyati bo‘ladi.

8. Alexandro Balde — «Barselona»

«Barselona» himoyachisi Alexandro Balde «Manchester Yunayted»ning qiziqish doirasida qolmoqda.

Angliya klubi yozda ispaniyalik futbolchini qo‘lga kiritish imkoniyatini o‘rgangan, ammo transfer amalga oshmagan. Biroq Baldening «Barselona»dagi o‘yin amaliyoti va jamoadagi kelajagi qishda yana muhokama qilinishi mumkin.

Ayrim xabarlarga ko‘ra, «Manchester Yunayted» yanvarda yana bir bor urinib ko‘rishi mumkin. Baldening o‘zi esa doimiy ravishda asosiy tarkibda o‘ynashni istamoqda.

7. Kim Min Je — «Bavariya»

«Bavariya» himoyachisi Kim Min Je ham qishki transfer bozorida e’tibor markazida bo‘lishi mumkin.

Janubiy koreyalik futbolchiga «Tottenhem», «Aston Villa» va «Milan» qiziqish bildirmoqda. Shu bilan birga, «Bavariya» uni jamoada saqlab qolish va yangi shartnoma masalasini muhokama qilishni rejalashtirmoqda.Shu sabab Kimning Germaniyadan ketishi hozircha aniq emas. Biroq uning atrofidagi qiziqish qishda yana kuchayishi mumkin.

6. Endrik — «Real»

«Real»ning braziliyalik iqtidor sohibi Endrik qishda ijaraga berilishi mumkin bo‘lgan eng qiziq futbolchilardan biri.

20 yoshli hujumchi Madrid klubida yetarlicha o‘yin amaliyotiga ega bo‘lmayapti. Uning vaziyati sabab «Roma» va «Milan» kabi klublar qiziqish bildirmoqda. «Roma» Endrikni yanvarda ijaraga olish uchun «Real» bilan muzokaralarni qayta boshlagani haqida xabarlar paydo bo‘ldi.

Endrik uchun muntazam o‘yin amaliyoti juda muhim. Shuning uchun qishki ijara uning faoliyatidagi mantiqiy qadamga aylanishi mumkin.

5. Noni Madueke — «Arsenal»

Noni Madueke «Arsenal»da asosiy tarkib uchun jiddiy raqobatga duch kelmoqda.

24 yoshli angliyalik futbolchi joriy mavsumda APLda juda kam maydonga tushdi. Bu holat «Atletiko» va «Yuventus»ning unga bo‘lgan qiziqishini kuchaytirgan. Hozirgi vaziyat saqlanib qolsa, qishda ijara yoki to‘liq transfer varianti paydo bo‘lishi mumkin.

Madueke uchun eng muhim masala — muntazam o‘yin amaliyoti. Shuning uchun yanvar oyi uning kelajagi borasida hal qiluvchi davr bo‘lishi ehtimoldan xoli emas.

4. Federiko Kyeza — «Liverpul»

Federiko Kyezaning «Liverpul»dagi kelajagi ham so‘roq ostida.

Italiyalik futbolchi joriy mavsumda jamoada o‘z o‘rnini topa olmadi va transfer bozorida unga «Inter», «Atalanta» hamda «Latsio» qiziqish bildirmoqda.

Kyeza 2024-yilda «Yuventus»dan «Liverpul»ga o‘tgan edi. Ammo hozir uning Angliyadan Italiyaga qaytishi ehtimoli haqidagi xabarlar ko‘paymoqda.

Agar transfer amalga oshsa, Kyeza uchun A Seriyaga qaytish yangi bosqich boshlanishini anglatadi.

3. Jan-Filipp Mateta — «Kristal Pelas»

Jan-Filipp Mateta qishda transferi amalga oshishi eng real bo‘lgan futbolchilardan biri sifatida tilga olinmoqda.

29 yoshli hujumchining «Kristal Pelas» bilan shartnomasi mavsum oxirida tugaydi. Klub futbolchini erkin agent sifatida yo‘qotib qo‘ymaslik uchun yanvarda unga takliflar kelsa, ularni ko‘rib chiqishi mumkin.

Matetaga Premer-liganing bir qator klublari qiziqish bildirmoqda. «Manchester Yunayted» ham hujum chizig‘ini kuchaytirish uchun fransiyalik futbolchini o‘z variantlari qatorida ko‘rmoqda.

2. Xulian Alvares — «Atletiko»

Xulian Alvaresning «Atletiko»dan ketishi hozircha ko‘proq taxmin darajasida. Ammo argentinalik hujumchi atrofidagi vaziyat qishki transfer oynasida eng katta mavzulardan biriga aylanishi mumkin.

Ayrim transfer prognozlarida «Arsenal» Alvaresni kuzatayotgan klublar qatorida tilga olingan. Agar futbolchining «Atletiko» bilan munosabatlarida muammo paydo bo‘lsa, yanvarda katta transfer oynasi esa odatdagidek klublar uchun mavsum o‘rtasidagi muammolarni hal qilish, futbolchilar uchun esa yan amalga oshishi ehtimoli muhokama qilinmoqda.

Biroq hozircha Alvaresning Madrid klubini qishda tark etishi bo‘yicha aniq kelishuv yo‘q.

1. Eli Junior Krupi — «Bornmut»

«Bornmut» hujumchisi Eli Junior Krupi ham Yevropa grandlarining diqqat markazida.

Yosh fransuz futbolchisiga qiziqish ortib borayotgani sabab yanvarda uning transferi bo‘yicha takliflar paydo bo‘lishi mumkin. «Arsenal» Krupini kuzatayotgan klublardan biri sifatida tilga olinmoqda.

Biroq «Bornmut»ning yosh futbolchini mavsum o‘rtasida qo‘yib yuborishga qanchalik tayyor ekani masalaning asosiy jihati bo‘ladi.

Natijalarning qoniqarsizligi, katta transfer xarajatlari va yuqori maqsadlar fonida bir qator klublar rahbariyati murabbiylarining kelajagini qayta koʻrib chiqishi mumkin.

Ayni paytda eng koʻp muhokama qilinayotgan nomlar — «Tottenhem» bosh murabbiyi Roberto De Dzerbi, «Manchester Yunayted» ustozi Maykl Kerrik, «Fulhem» rahbari Alvaro Arbeloa va «Kristal Pelas» bosh murabbiyi Pyer Saj.

Roberto De Dzerbi — «Tottenhem»

Roberto De Dzerbi uchun Angliyadagi yangi bosqich hozircha rejadagidek kechmayapti. Italiyalik mutaxassis mart oyida «Tottenhem» boshqaruvini qabul qilgan va yozgi transferlar davrida klub tarkibni kuchaytirish uchun katta mablagʻ sarflagan.

Biroq «shporlar» mavsum startida kutilgan natijalarni koʻrsata olmadi. Jamoa dastlabki turlarda gʻalaba qozona olmagani va turnir jadvali quyi qismida qolib ketgani sabab De Dzerbining kelajagi muhokamaga chiqdi.

Ayniqsa, klubning transfer bozorida sarflagan mablagʻi bilan natijalar oʻrtasidagi farq murabbiyga boʻlgan bosimni oshirmoqda. Biroq hozircha «Tottenhem» rahbariyati De Dzerbini isteʼfoga chiqarish boʻyicha aniq qaror qabul qilgani haqida ishonchli xabar yoʻq.

Maykl Kerrik — «Manchester Yunayted»

Kerrik oʻtgan mavsumda «Manchester Yunayted»ni Chempionlar ligasiga qaytarishga muvaffaq boʻlgan edi. Shu sabab unga yangi mavsum oldidan ishonch bildirilgan.Ammo mavsum boshidagi beqaror natijalar vaziyatni oʻzgartirdi. «Yunayted»ning «Manchester Siti»ga magʻlubiyati va «Fulhem» bilan uchrashuvdagi qiyinchiligi murabbiy atrofidagi bosimni kuchaytirdi. Jamoaning Liga kubogida «Brayton»ga qarshi 2:0 hisobidagi ustunlikni boy berib, magʻlub boʻlishi ham tanqidlarni kuchaytirgan.

Eng qizigʻi, xalqaro tanaffusdan keyin «Manchester Yunayted»ni «Tottenhem»ga qarshi muhim uchrashuv kutib turibdi. Shu bois Kerrik uchun yaqin haftalar alohida ahamiyat kasb etishi mumkin.

Alvaro Arbeloa — «Fulhem»«Fulhem» mavsum boshida yangi murabbiyga ishonch bildirdi. Real Madrid tizimida tanilgan Alvaro Arbeloa London klubidagi faoliyatini murakkab boshladi.

Dastlabki turlarda jamoa gʻalaba qozona olmadi va bir nechta uchrashuvda magʻlub boʻldi. Arbeloa jamoaga yangi taktik gʻoyalarni singdirishga harakat qilmoqda, ammo futbolchilarning yangi uslubga moslashishi oson kechmayapti.

Shu bilan birga, «Liverpul»ga qarshi uchrashuvda qayd etilgan 0:0 hisobidagi durang «Fulhem» uchun ijobiy signal boʻldi. Endi Arbeloa uchun asosiy vazifa — jamoani quyi oʻrinlardan olib chiqish va natijalarni barqarorlashtirish.

Frenk Lempard — «Koventri»

«Koventri» Chempionshipda hujumkor futbolda chempionlikni qoʻlga kiritib, APLga katta ishonch bilan kirib kelgandi. Biroq yuqori divizionda vaziyat butunlay boshqacha tus oldi.

Jamoa toʻrt tur davomida raqiblar darvozasini ishgʻol qila olmadi. Bu uchrashuvlarning barchasi magʻlubiyat bilan yakunlandi, gollar nisbati esa 0:10ni tashkil qildi.

Albatta, «Koventri»ning taqvimi ham Lempard jamoasiga yengillik qilmadi. Mavsum boshidayoq «Arsenal» va «Manchester Siti» kabi APL favoritlariga qarshi maydonga tushishga toʻgʻri keldi. Frenk Lempardning murabbiylik faoliyatida yuqori diviziondagi muammolar birinchi marta kuzatilayotgani yoʻq.

U «Chelsi» va «Everton»da ham ishlagan, biroq APLda barqaror natija koʻrsatish unga oson kechmagan. Aksincha, Chempionshipda Lempardning ishi ancha samarali koʻrindi.

Endi «Koventri» bilan u oʻzining APLdagi imkoniyatlarini yana bir bor isbotlashi kerak.

Pyer Saj — «Kristal Pelas»

Pyer Saj ham yangi jamoasida katta bosim bilan ish boshladi. U «Kristal Pelas»ga Oliver Glasnerdan keyin keldi. Avstriyalik mutaxassis klub tarixidagi eng muhim natijalardan birini qayd etib, jamoa bilan sovrinlarni qoʻlga kiritgan edi.

Shu sabab Saj zimmasidagi vazifa oson emas. Fransiyalik mutaxassisning «Pelas»dagi dastlabki natijalari esa turlicha baholanmoqda: jamoa chempionatda barqarorlikni namoyish eta olmayotgan boʻlsa-da, Yevropa ligasidagi yirik gʻalaba murabbiyga biroz nafas rostlash imkonini berdi.

10. Robbi Kin — Irlandiya, 68 gol

Robbi Kin Irlandiya terma jamoasining haqiqiy afsonasi hisoblanadi. U 18 yil davomida milliy jamoa sharafini himoya qildi va 146 ta uchrashuvda 68 ta gol urdi.

Gollaridan keyingi mashhur akrobatik saltolari bilan muxlislar yodida qolgan Kin klublar darajasida ham katta iz qoldirdi. U «Lids», «Tottenhem» va «Liverpul» kabi jamoalarda to‘p tepgan.

9. Gerd Myuller — Germaniya, 68 gol

Gerd Myullerning statistikasi esa yanada hayratlanarli: u Germaniya terma jamoasi safida atigi 62 ta o‘yinda 68 ta gol urgan.

Jahon chempioni va «Oltin to‘p» sohibi bo‘lgan Myuller 1972 yilgi Yevropa chempionati finalida SSSR terma jamoasi darvozasiga ikki marta gol urgan. 1974 yilgi Jahon chempionati finalida esa Niderlandiyaga qarshi hal qiluvchi golni kiritib, Germaniyaga jahon chempionligini olib bergan.

Myuller bo‘yi baland yoki tashqi ko‘rinishi bilan ajralib turmasdi. Ammo jarima maydonidagi sezgirligi va vaziyatni oldindan his qila bilishi uni futbol tarixidagi eng buyuk hujumchilardan biriga aylantirdi.

8. Miroslav Kloze — Germaniya, 71 gol

Kloze Germaniya terma jamoasida 137 ta uchrashuv o‘tkazib, 71 ta gol urgan. U Myullerning rekordini yangilagan va 2014 yilda Germaniya bilan jahon chempioni bo‘lgan.

«Bavariya»ning sobiq hujumchisi terma jamoadagi faoliyati davomida markaziy hujumchi pozitsiyasini yuqori darajada egallab keldi. U gollaridan keyingi saltolari bilan ham mashhur edi.

7. Edin Jeko — Bosniya va Gersegovina, 73 gol

Jeko — Bosniya va Gersegovina futbolining eng buyuk yulduzlaridan biri. U milliy jamoa safida 152 ta o‘yinda 73 ta gol urdi.

Jeko terma jamoasi bilan yirik musobaqalarda ishtirok etgan va bir necha bor jamoasini muhim uchrashuvlarga yetaklagan.

Klublar darajasida esa u «Volfsburg», «Manchester Siti» va Italiyaning bir qator grandlari safida to‘p tepdi. Joriy yozda esa «Shalke»ga ko‘chib o‘tdi.Endi Jeko terma jamoadagi faoliyatini yakunladi.

6. Shandor Kochish — Vengriya, 75 gol

Vengriya futbolining afsonalaridan biri Shandor Kochish 68 ta uchrashuvda 75 ta gol urgan.

U 1954 yilgi Jahon chempionatida 11 ta gol bilan musobaqa to‘purari bo‘lgan. Vengriya finalgacha yetib borgan, ammo hal qiluvchi bahsda Frits Valter boshchiligidagi G‘arbiy Germaniyaga 2:3 hisobida mag‘lub bo‘lgan. Bu uchrashuv futbol tarixiga «Berndagi mo‘jiza» nomi bilan kirgan.

Kochish milliy jamoada 100 ta gol urishga birinchilardan bo‘lib yaqinlashgan futbolchilardan biri edi.

5. Ferents Pushkash — Vengriya, 84 gol

Ferents Pushkash — nafaqat Vengriya, balki jahon futboli tarixidagi eng buyuk hujumchilardan biri.

U Vengriya terma jamoasi safida 89 ta uchrashuvda 84 ta gol urgan. Pushkash 1954 yilgi Jahon chempionati finalida Germaniyaga qarshi maydonga tushgan, ammo vengrlar kutilmagan mag‘lubiyatga uchragan.

Keyinchalik Pushkash «Real»ning buyuk yulduzlaridan biriga aylandi va Alfredo Di Stefano bilan birga madridliklar tarixida alohida o‘rin egalladi. U Ispaniya terma jamoasi safida ham 4 ta o‘yin o‘tkazgan, ammo gol ura olmagan.

4. Harri Keyn — Angliya, 87 gol

Angliya terma jamoasining amaldagi eng sermahsul futbolchisi — Harri Keyn.U 123 ta uchrashuvda 87 ta gol urgan va Ueyn Runiyning avvalgi rekordini yangilagan. Keyn Angliyaning bir necha yirik musobaqalarida jamoa sardori va asosiy hujumchisi bo‘ldi.

«Tottenhem»dagi uzoq yillik faoliyatidan so‘ng Keyn «Bavariya»ga ko‘chib o‘tdi. U klub darajasida ham yuqori natijalar qayd etishda davom etmoqda.

3. Robert Levandovski — Polsha, 92 gol

Polsha terma jamoasi tarixidagi eng yaxshi to‘purar — Robert Levandovski.U milliy jamoa safida 92 ta gol urgan. Levandovski bir necha yil davomida jahon futbolidagi eng kuchli hujumchilardan biri sifatida e’tirof etildi.

«Bavariya» bilan ko‘plab sovrinlarni qo‘lga kiritgan futbolchi keyinchalik «Barselona»ga o‘tdi. Faoliyatining so‘nggi bosqichida esa u AQShning «Chikago Fayr» klubiga ko‘chib o‘tdi.

Levandovski Polsha terma jamoasida hamon muhim figuralardan biri bo‘lib qolmoqda.

2. Romelu Lukaku — Belgiya, 94 gol

Belgiya terma jamoasining eng sermahsul futbolchisi Romelu Lukaku hisobida 94 ta gol bor. U milliy jamoa safida 134 ta uchrashuv o‘tkazgan.

Lukaku yoshligidanoq jismoniy imkoniyatlari bilan tengdoshlaridan ajralib turgan. U «Everton», «Manchester Yunayted», «Chelsi» va boshqa klublarda to‘p tepgan.

Klublar darajasida turli jamoalar safida faoliyat yuritganiga qaramay, Lukakuning Belgiya terma jamoasidagi ko‘rsatkichlari alohida e’tiborga loyiq.

1. Krishtianu Ronaldu — 146 gol

Terma jamoalar tarixidagi eng yaxshi to‘purar — Krishtianu Ronaldu.Portugaliyalik superyulduz milliy jamoa safida 234 ta uchrashuvda 146 ta gol urgan. Bu natija uni nafaqat Yevropa, balki butun jahon terma jamoalari tarixidagi eng sermahsul futbolchiga aylantirgan.

Ronaldu Portugaliya bilan Yevropa chempionatida g‘olib chiqqan va milliy jamoa tarixidagi eng muhim futbolchilardan biriga aylangan.

Uning natijasi hozircha juda katta farq bilan birinchi o‘rinda turibdi. Biroq Kilian Mbappe, Erling Holand va boshqa yosh goleadorlar uning rekordiga yaqinlashish uchun hali ko‘p yillarga ega.

37 yoshdagi yangi sahifa

Obameyang 2026 yil yozida «Marsel»ni tark etib, «Deportivo La-Korunya»ga ko‘chib o‘tdi. Transfer qiymati taxminan 1,5 million yevroni tashkil qildi, shartnoma esa 2028 yilga qadar tuzildi. Shu tariqa gabonlik hujumchi o‘zining professional faoliyatidagi 12-klubiga yo‘l oldi. U Ispaniya chempionatiga «Barselona»dagi qisqa, ammo sermahsul davridan keyin yana qaytdi.

Debyutning o‘ziyoq rekord

Obameyangning «Deportivo»dagi boshlanishi esa haqiqiy afsonaga aylandi.U La Ligadagi dastlabki to‘rtta uchrashuvining har birida gol urdi. Bu «Deportivo» tarixidagi klub rekordi bo‘ldi — Obameyang hatto klubning afsonaviy hujumchisi Bebetoning dastlabki uch o‘yinlik natijasidan ham oshib ketdi. Gardian

Hozirga kelib uning La Ligadagi dastlabki 7 uchrashuvida 5 ta gol va 2 ta assist bor. U 560 daqiqa maydonda bo‘lgan.

«Men hali nafaqaga chiqmayman»

Obameyang 37 yoshida ham futboldan ketish niyati yo‘qligini ochiq aytgan.«Tanam menga futbol o‘ynashni davom ettirishim mumkinligini aytsa, men davom etaman», — degan hujumchi «L'Équipe» nashriga bergan intervyusida.Demak, «Deportivo»dagi ikki yillik shartnoma uning faoliyatidagi so‘nggi sahifa bo‘lishi shart emas.

14 mavsumdan 13 tasida — kamida 10 gol

Obameyangning eng hayratlanarli statistikalaridan biri — uning barqarorligi.U asosiy Yevropa chempionatlaridagi so‘nggi 14 mavsumning 13 tasida kamida 10 ta gol urgan. Bu uning faqat tezligiga emas, gol urish instinktiga ham tayanib kelganini ko‘rsatadi.

Hujumchi Germaniya Bundesligasida 98 ta, Angliya Premer-ligasida 69 ta, Fransiya Liga 1da 68 ta va Ispaniya La Ligasida 11 ta gol urgan. Yevropa musobaqalarida esa uning hisobida Chempionlar ligasida 20 ta va Yevropa Ligasida 34 ta gol bor.

Yevropa Ligasining eng yaxshi to‘purari

Obameyangning «Marsel»dagi birinchi faoliyati ham uning karyerasidagi eng yorqin davrlardan biri bo‘ldi.

2023/24 yilgi mavsumda u barcha turnirlarda 30 ta gol urdi. Shu mavsumda Yevropa Ligasida 10 marta raqiblar darvozasini ishg‘ol qilib, musobaqaning eng yaxshi to‘purari ga aylandi. Keyinchalik «Marsel» uni klub tarixida Yevropa Ligasidagi eng sermahsul futbolchi sifatida e’tirof etdi

«Dortmund»dagi eng yaxshi davr

Obameyangning Yevropa futbolidagi haqiqiy portlashi Dortmundda sodir bo‘lgan.«Borussiya» safida u tezligi, hujumlarni yakunlashdagi mahorati va ochiq maydondagi harakatlari bilan butun Yevropaga tanildi. 2016/17 yilgi mavsumda Germaniya Kubogini qo‘lga kiritdi va musobaqada hal qiluvchi rol o‘ynadi.Uning Dortmunddagi davri «Arsenal» transferi bilan yakunlandi.

«Arsenal»dagi 92 gol

2018 yilda Obameyang «Arsenal»ga ko‘chib o‘tdi va qisqa vaqt ichida London klubining asosiy yulduzlaridan biriga aylandi.U «Arsenal» safida 92 ta gol urdi va 2020 yilda Angliya Kubogini qo‘lga kiritdi. O‘sha finalda «Chelsi»ga qarshi ikki gol urib, jamoasiga sovrinni olib bergan futbolchi aynan Obameyang bo‘ldi.

Uning London klubidagi faoliyati esa kutilmaganda yakunlandi. Keyinchalik futbolchi «Barselona»ga o‘tib, Ispaniyada ham o‘zini yana bir bor ko‘rsatdi.

Gabon futbolining eng katta yulduzi

Obameyang Fransiyada tug‘ilgan. U Fransiya yoshlar terma jamoasida ham o‘ynagan, ammo kattalar darajasida Gabon terma jamoasini tanlagan.

U Gabon safida 2010 yildan 2026 yilgacha to‘p tepdi va milliy jamoada 46 ta rasmiy uchrashuvda 27 ta gol urgani qayd etilgan.

Uning terma jamoadagi faoliyatidagi eng muhim voqealardan biri — 2012 yilda Gabon bilan Afrika Kubogidagi ishtiroki bo‘ldi.

Uning «Betmen» laqabi qayerdan kelgan?

Obameyangning eng mashhur obrazlaridan biri — «Betmen». U gol urganidan keyin niqob taqib nishonlashi bilan tanil «Betmen» obrazini yaxshi ko‘rishi bilan tanilgan. Shu bois uning goldan keyingi nishonlashlari ham yillar davomida muxgan. Bu oddiy nishonlash emas, futbolchining o‘z brendiga aylangan obraz edi.

Obameyang superqahramonlarga qiziqishi, ayniqsa «Betmen» obrazini yaxshi ko‘rishi bilan tanilgan. Shu bois uning goldan keyingi nishonlashlari ham yillar davomida muxlislar xotirasida qoldi.

Aslida, mavsumdagi birinchi rasmiy o‘yin bu taxminlarni tasdiqlagandek bo‘ldi. Biroq chempionatning dastlabki besh turidan keyin vaziyat unchalik oddiy ko‘rinmayapti.

Nega 0:3?

Albatta, «Arsenal»ning «Emirates» stadionidagi yirik mag‘lubiyati Angliya Premyer-ligasining beshinchi turidagi asosiy sensatsiya bo‘ldi. Ammo bu faqat qog‘ozda shunday. Uchrashuv qanday kechganini hisobga olsak, «Brayton» uch ochkoni haqli ravishda qo‘lga kiritganini aytish mumkin. Garchi, ehtimol, hisob bunchalik yirik bo‘lmasligi ham mumkin edi.

«Brayton» qandaydir sababga ko‘ra bunga tayyor bo‘lmagan «Arsenal»ni shunchaki bosim ostida qoldirdi. Fabian Hyurtseler jamoasi APLda jismoniy jihatdan eng kuchli jamoalardan biri hisoblanadi va buni yana bir bor namoyish etdi. Yaxshi jismoniy tayyorgarlik «Brayton»ga deyarli butun o‘yin davomida «Arsenal»ga yuqori va samarali pressing qo‘llash imkonini berdi. Bu esa David Rayyani to‘pni o‘yinga kiritishda xatolarga yo‘l qo‘yishga majbur qildi.

«Arsenal» «Brayton»ning sur’atiga ulgura olmadi va «chaykalar» belgilagan tempga moslasha olmadi. «Kanonirlar» mavsumning sermazmun dastlabki qismidagi yuqori yuklamalardan keyin charchagandek taassurot qoldirdi.

Agar haqiqatan ham shunday bo‘lgan bo‘lsa, bir necha yildan beri «Arsenal»da ishlayotgan Artetaga savollar berish kerak. Boshqa tomondan, jismoniy holat bilan bog‘liq muammo Yevropaning ko‘plab top-klublarida ham yuzaga kelishi ehtimoli yuqori. Chunki har bir jamoada 2026-yilgi Jahon chempionatida ishtirok etgan ko‘plab futbolchilar bor. Turnir faqat iyul oyining ikkinchi yarmida yakunlangani sababli, ayrim futbolchilar yangi mavsumga deyarli tayyorgarliksiz kirishdi.

«Arsenal» parchalanib ketadimi?

Mavsum boshlanishidan oldin «Arsenal» jiddiy jarohat tufayli eng muhim futbolchilaridan biri — markaziy himoyachi Vilyam Salibani yo‘qotdi. Saliba — Gabriel juftligi dunyodagi eng yaxshi, hatto eng kuchli himoya chiziqlaridan biri hisoblanadi.

Bunday yo‘qotish, albatta, izsiz o‘tishi mumkin emas edi. Ammo amalda «Arsenal» kutilganidan ham yaxshiroq uddalamoqda.Biroq «kanonirlar»ning yagona muammosi bu emas. Jarohatlangan futbolchilar orasida boshqalar ham bor. Bundan tashqari, terma jamoalar o‘rtasidagi tanaffus vaqtida yana bir muhim futbolchi — Kay Haverts jarohat oldi. Nemis futbolchisi milliy terma jamoa qarorgohini tark etdi, ammo uning jarohati qanchalik jiddiy ekani hozircha ma’lum emas.

Bundan tashqari, Norvegiya terma jamoasi safida o‘ynagan Martin Edegor ham og‘riqli zarba qabul qildi. Portugaliyaga qarshi uchrashuvdan keyin u sezilarli ravishda oqsoqlanib yurdi va 29-sentabr kuni terma jamoa mashg‘ulotini o‘tkazib yubordi. Uning qachon safga qaytishi ham hozircha noma’lum. Ammo xabarlarga ko‘ra, tiklanish jarayoni ko‘p vaqt talab qilmaydi.

«Arsenal», «Manchester Siti» va… boshqa hech kim yo‘qmi?

«Manchester Siti» ustidan yirik g‘alabadan so‘ng London jamoasi APLning birinchi turida «Koventri» darvozasiga javobsiz uchta gol urdi. Ammo keyin qiyinchiliklar boshlandi.

To‘rt tur davomida «kanonirlar» biror marta ham ikkitadan ortiq gol urmadi. Shu bilan birga, «katta oltilik» vakillaridan faqat «Chelsi»ga qarshi o‘ynadi va unda 2:1 hisobida g‘alaba qozondi. «Arsenal»da hammasi joyida emasligi ko‘rinib turibdi, tarkibdagi muammolar esa vaziyatni yanada og‘irlashtirmoqda.

«Arsenal» uchun «Manchester Siti»ning muvaffaqiyatli starti yanada xavotirli. Superkubokdagi o‘sha yirik mag‘lubiyatdan keyin ko‘pchilik «shaharliklar»ni chempionlik poygasidan chiqarib qo‘ygan edi. Ammo Enso Mareska shogirdlari keyingi yettita uchrashuvning barchasida g‘alaba qozondi, jumladan chempionatda beshta g‘alabaga erishdi.

«Brayton»ga qarshi mag‘lubiyat va «Manchester Siti»ning kuchli startidan keyin «Arsenal» muxlislari, tabiiyki, xavotirga tushishdi. Xavotirlanish uchun asos bor, ammo vahimaga tushishga hojat yo‘q.

Axir «Brayton»ga qarshi mag‘lubiyat bunchalik yirik bo‘lmasligi ham mumkin edi. Chunki uchta golning ikkitasi uzoq masofadan urildi. Agar hisob 0:1 bo‘lganida, o‘yinning manzarasi butunlay boshqacha bo‘lishi mumkin edi.

Avval ta’kidlanganidek, ko‘pchilik «Arsenal» ikkinchi chempionlik unvonini osonlik bilan qo‘lga kiritishini bashorat qilgan edi. Balki shunday bo‘lar. Ammo hozircha turnir jadvali yuqorisida «Manchester Siti» joylashgan. Shunga qaramay, ikki jamoa o‘rtasidagi farq atigi uch ochkoni tashkil etmoqda.

Milliy terma jamoalar o‘rtasidagi tanaffusdan keyingi dastlabki o‘yinlarda «Arsenal» ortda qolishni qisqartirish imkoniyatiga ega. Avvaliga jamoa o‘z maydonida «Lids»ni qabul qiladi, keyin safarda «Nottingem Forest»ga qarshi o‘ynaydi. Shuningdek, Chempionlar ligasida «Lill»ga qarshi uy uchrashuvi ham bor.«Manchester Siti» esa «Liverpul» mehmoni bo‘ladi va keyin o‘z maydonida «Ipsvich» bilan o‘ynaydi. Bu ikki uchrashuv orasida Chempionlar ligasida «PSJ»ga qarshi muhim bahs ham o‘tkaziladi.

Shuning uchun Artetaning hozircha vahimaga tushishiga asos yo‘q. Agar Haverts va Edegor jiddiy sog‘liq muammolaridan qochsa, «Arsenal»ning ishlari yaxshilanishi kerak.

Shuni ham ta’kidlash lozimki, hozircha chempionlik poygasida «kanonirlar»ning yagona raqibi — «Manchester Siti». Biroq «shaharliklar» ham mavsum davomida ko‘plab muammolarga duch kelishi ehtimoli yuqori, chunki Mareska deyarli yangi jamoa barpo etmoqda.

Mavsumning dastlabki qismiga qaraganda, hozircha chempionlikka boshqa jiddiy da’vogarlar ko‘zga tashlanayotgani yo‘q.

Insayder Ekrem Konurning ijtimoiy tarmoqlardagi ma’lumotiga ko‘ra, 35 yoshli futbolchini o‘z safiga qo‘shib olishga bir nechta klub qiziqish bildirmoqda. Ular orasida Madridning «Real» klubi, Istanbulning «Galatasaroy»i, «Milan» va «Inter Mayami» bor.

Van Deyk 2018-yildan buyon «Liverpul» sharafini himoya qilib kelmoqda. Ayni paytda himoyachining bozordagi qiymati 15 million yevroni tashkil etmoqda.

Niderlandiyalik futbolchi joriy mavsumda Angliya Premyer-ligasida 5 ta uchrashuvda maydonga tushdi.

Ayblovlar 2009–2018-yillar oralig‘idagi moliyaviy faoliyat bilan bog‘liq bo‘lib, ular orasida moliyaviy ma’lumotlarni to‘liq va aniq taqdim etmaslik, futbolchilar va murabbiylarga to‘lovlar haqidagi ma’lumotlarni yashirish, UEFA moliyaviy qoidalarini buzish, Premer-liganing foyda va barqarorlik talablariga rioya qilmaslik hamda tergov bilan hamkorlik qilmaslik kabi holatlar bor.

Xo‘sh, agar qaror apellyatsiyadan keyin ham o‘z kuchida qolsa, «Manchester Siti» qanday jazolarga duch kelishi mumkin?

1. Ochkolardan mahrum qilish

Eng asosiy ehtimoliy sanksiyalardan biri — Premer-liga ochkolaridan mahrum qilish.

Qoidalar komissiyaga klubdan avval qo‘lga kiritilgan yoki kelajakda qo‘lga kiritiladigan ochkolarni ayirish imkonini beradi. Shuning uchun jazo faqat keyingi mavsumga emas, muayyan o‘tgan davrga ham taalluqli bo‘lishi mumkin.Hozircha qancha ochko olib tashlanishi haqida rasmiy raqam yo‘q. Ayrim futbol moliyasi mutaxassislari katta miqdordagi — hatto 40–60 ochkolik — jazo ehtimolini tilga olgan, ammo bu faqat ekspertlik bahosi va komissiyaning rasmiy qarori emas.

2. Premer-ligadan chiqarib yuborish

Eng og‘ir variantlardan biri — «Manchester Siti»ni Premer-liga a’zoligidan mahrum qilish.

Liga qoidalari mustaqil komissiyaga klubni musobaqadan chetlatish bo‘yicha vakolat beradi. Bunday qaror amalda «Siti»ning yuqori diviziondagi maqomini yo‘qotishiga olib kelishi mumkin. Biroq bu sanksiya Premer-liga tarixida bunday moliyaviy ish bo‘yicha qo‘llangan odatiy chora emas va klubning qaysi divizionda faoliyatini davom ettirishi alohida masala bo‘ladi.

3. Chempionat uchrashuvlaridan chetlatish

Komissiya klubni ma’lum muddat davomida Premer-liga o‘yinlarida ishtirok etishdan ham mahrum qilishi mumkin.

Bunday jazo ochko ayirishdan farq qiladi: klub belgilangan muddatda umuman chempionat uchrashuvlarida maydonga tusha olmaydi. Qancha muddatga chetlatish mumkinligi esa komissiya qarorining mazmuniga bog‘liq bo‘ladi. Hozircha «Siti»ga aynan shu sanksiya qo‘llanishi haqida rasmiy ma’lumot yo‘q.

4. Katta miqdorda jarima

Moliyaviy jarima ham ehtimoliy jazolar qatorida.Premer-liga qoidalarida bunday holatlar uchun qat’iy belgilangan yagona summa mavjud emas. Shuning uchun komissiya qoidabuzarliklarning ko‘lami va boshqa omillarni hisobga olgan holda jarima miqdorini belgilashi mumkin.

Muhimi, jarima boshqa sanksiyalar bilan birgalikda ham qo‘llanishi mumkin. Masalan, ochkolarni olib tashlash + moliyaviy jarima yoki futbolchilarni ro‘yxatdan o‘tkazish bo‘yicha cheklov bir vaqtning o‘zida berilishi ehtimoldan xoli emas.

5. Yangi futbolchilarni ro‘yxatdan o‘tkazishni cheklash

«Manchester Siti» transfer bozorida ham jiddiy cheklovlarga duch kelishi mumkin.

Komissiya klubning yangi futbolchilarni ro‘yxatdan o‘tkazishini ma’lum muddatga taqiqlash yoki cheklash huquqiga ega. Bu to‘g‘ridan-to‘g‘ri transfer taqiqi bo‘lmasligi ham mumkin, ammo klubning yangi futbolchilarni Premer-liga uchun qaydnomadan o‘tkazish imkoniyatini cheklaydi.

Bunday sanksiya jamoa tarkibini yangilash va kuchaytirish imkoniyatlariga ta’sir qilishi mumkin.

6. O‘tgan chempionliklarni bekor qilish

Eng ko‘p muhokama qilinayotgan masalalardan biri — «Manchester Siti»ning o‘tgan chempionliklaridan mahrum qilinishi.

Ayblovlar qamrab olgan davrda klub APLda uch marta chempion bo‘lgan:

2011/122013/142017/18

Agar komissiya tarixiy natijalarga ta’sir qiluvchi sanksiyani qo‘llashga qaror qilsa, ushbu chempionliklar masalasi ko‘tarilishi mumkin. Biroq hozircha hech qanday chempionlik bekor qilinmagan va bu sanksiyaning qo‘llanishi rasman tasdiqlangan emas. Mutaxassislar ham o‘tgan mavsumlar natijalarini yillar o‘tib o‘zgartirish huquqiy va amaliy jihatdan murakkab ekanini ta’kidlamoqda.

Shuningdek, agar titullar bekor qilinsa, ular kimga berilishi yoki umuman bo‘sh qoldirilishi masalasi ham alohida qarorni talab qiladi.

7. Boshqa klublarga kompensatsiya to‘lash

Ishning yana bir ehtimoliy oqibati — boshqa Premer-liga klublarining kompensatsiya talablari.

Ayrim raqib klublar «Manchester Siti»ning moliyaviy qoidabuzarliklari tufayli o‘zlariga iqtisodiy zarar yetganini da’vo qilishi mumkin. Masalan, klublar Yevropa kuboklariga yo‘llanma, chempionlik yoki ligadagi o‘rin uchun kurashda moliyaviy qoidabuzarliklar ta’sir ko‘rsatganini asoslashga urinishi mumkin.

Bu esa Premer-liganing intizomiy ishidan tashqari alohida huquqiy da’volarga olib kelishi ehtimolini oshiradi. Guardian ham qaror o‘z kuchida qolsa, boshqa klublar tomonidan yangi sud da’volari paydo bo‘lishi mumkinligini yozgan.

8. Qo‘shimcha yoki kombinatsiyalangan sanksiyalar

Premer-liga qoidalari komissiyaga faqat bitta jazoni tanlash bilan cheklanib qolmaslik imkonini beradi. Ya’ni bir nechta sanksiya bir vaqtning o‘zida qo‘llanishi mumkin.

Masalan:

ochkolardan mahrum qilish + katta jarima + transfer chekloviyoki ochkolardan mahrum qilish + chempionliklar masalasini ko‘rib chiqish + boshqa intizomiy choralar.

Qoidalar komissiyaga mavjud sanksiyalardan tashqari «munosib deb topilgan boshqa qaror»ni ham qabul qilish imkonini beradi. Shuning uchun yakuniy jazo bitta chora bilan cheklanmasligi mumkin.

Endi nima bo‘ladi?

Eng muhim jihat — 114 ta ayblov bo‘yicha aybdor deb topilgani haqidagi xabarning o‘zi «Manchester Siti»ga darhol ochko olib tashlanadi yoki klub Premer-ligadan tushirib yuboriladi degani emas. Avvalo sanksiyalar bo‘yicha qaror qabul qilinishi, keyin esa apellyatsiya jarayoni o‘tishi kerak.

«Manchester Siti» va Premer-liganing har ikki tomoni ham qarordan keyin 14 kun ichida apellyatsiya berish huquqiga ega. Apellyatsiya Premer-liganing alohida uch kishilik hay’ati tomonidan ko‘rib chiqiladi. Bu ish bo‘yicha Sport arbitraj sudiga (CAS) murojaat qilish imkoniyati mavjud emasligi xabar qilingan.

Jumladan, «Manchester Yunayted», «Tottenhem» va «Seltik» kabi klublarda vaziyat o‘zgarsa, erkin agent maqomidagi murabbiylardan biriga murojaat qilish ehtimoli muhokama qilinmoqda.

9. Roberto Martines

Ispaniyalik mutaxassisning so‘nggi ish joyi Portugaliya milliy terma jamoasi bo‘ldi. Uning klublar darajasidagi eng yorqin ishlaridan biri «Uigan» bilan Angliya kubogida g‘alaba qozonishi bo‘lgan. Shuningdek, Martines «Everton»da ham bir necha mavsum muvaffaqiyatli ishladi.

Belgiya terma jamoasi bilan 2018-yilgi jahon chempionatida yarim finalga chiqqan murabbiyning hozirgi faoliyatida savollar ko‘paygan bo‘lsa-da, uning tajribasi hali ham katta klublar uchun qiziq bo‘lishi mumkin.

8. Tyago Motta

Italiyalik mutaxassis «Bolonya»dagi muvaffaqiyati orqali Yevropa futbolining e’tiborini qozongan va keyin «Yuventus»ni boshqargan. Turin klubidagi faoliyati kutilganidek kechmagani sababli Motta lavozimidan bo‘shatildi.

Shunga qaramay, uning «Bolonya»da ko‘rsatgan natijalari va zamonaviy futbolga qarashi Mottani hali ham qiziq mutaxassislardan biri sifatida saqlab turibdi.

7. Tomas Frank

Daniyalik murabbiy «Brentford»da bir necha yil davomida barqaror va raqobatbardosh jamoa shakllantirgan edi. Keyin esa «Tottenhem» boshqaruviga keldi, ammo London klubidagi faoliyati uzoq davom etmadi.

Frankning «Brentford»dagi ish tajribasi uni Angliya Premer-ligasidagi boshqa klublar uchun ham qiziq nomga aylantirishi mumkin.

6. Eddi Hau

Eddi Hau hozircha futboldan uzoqroq turishni istaganini bildirgan. Uning «Nyukasl»dagi faoliyati jamoani yangi bosqichga olib chiqish bilan bog‘liq bo‘ldi.

Hau nomi avval «Seltik» bilan ham bog‘langan. U bir paytlar Glazgo klubi bilan muzokaralar o‘tkazgan edi. Shuningdek, uning nomi «Manchester Yunayted» uchun ehtimoliy nomzodlar orasida ham tilga olinmoqda.

5. Yulian Nagelsmann

38 yoshli Nagelsmann Yevropa futbolidagi eng yosh va katta tajribaga ega murabbiylardan biri hisoblanadi. U «RB Leyptsig»ni Chempionlar ligasining yuqori bosqichlariga olib chiqqan, keyin esa «Bavariya»ni boshqargan.

Germaniya terma jamoasidagi faoliyatidan keyin Nagelsmannning klub futboliga qaytishi katta qiziqish uyg‘otishi kutilmoqda. Uning nomi Bundesliga klublari bilan bir qatorda Premer-liga jamoalari bilan ham bog‘lanishi mumkin.

4. Arne Slot

Slotning «Liverpul»dagi davri yakunlanganidan keyin niderlandiyalik mutaxassis ham yangi ish joyisiz qoldi.

U «Feyenoord»dagi muvaffaqiyatidan keyin «Liverpul»ga kelgan va Angliya klubida ham yuqori darajada ishlash imkoniyatini namoyish etgan. Endi uning keyingi manzili qanday bo‘lishi futbol jamoatchiligidagi asosiy savollardan biri bo‘lib turibdi.

3. Didye Desham

Fransiya terma jamoasi bilan katta sovrinlarni qo‘lga kiritgan Desham milliy jamoadagi davrini yakunladi. Biroq 57 yoshli mutaxassisning murabbiylik faoliyati tugagani haqida gapirishga hali erta.

Desham klub futbolida ham «Monako», «Yuventus» va «Marsel» kabi jamoalarda ishlagan. Shuning uchun u yangi klub loyihasi uchun katta tajribaga ega mutaxassis hisoblanadi.

2. Antonio Konte

Konte nomi katta klublar bilan bog‘lanishi odatiy tus olgan murabbiylardan biri. U «Yuventus», «Chelsi», «Inter» va «Napoli» bilan milliy chempionatlarda g‘olib chiqqan.

Italiyalik mutaxassis qisqa vaqt ichida jamoani o‘z talablariga moslashtirishi va natija talab qilishi bilan tanilgan. Shu sababli uning nomi yana «Manchester Yunayted» atrofida paydo bo‘lishi ehtimoldan xoli emas.Ayni paytda «Manchester Yunayted»da Maykl Kerrik atrofida bosim kuchaygani haqida xabarlar tarqaldi. Sports Mole ma’lumotlariga ko‘ra, klub rahbariyati ehtimoliy o‘zgarishlar yuz bergan taqdirda nomzodlarni o‘rganmoqda.

1. Xosep Gvardiola

Ro‘yxatdagi eng katta nom — Xosep Gvardiola. «Manchester Siti» bilan ko‘p yillik hamkorligi davomida ispaniyalik mutaxassis Angliya futbolida katta davr yaratdi.

Gvardiolaning keyingi qadami hozircha noma’lum. Uning nomi har qanday yirik klub yoki milliy terma jamoa bilan bog‘lanishi tabiiy, ammo hozircha uning tez orada yangi klub boshqaruviga qaytishi haqida aniq ma’lumot yo‘q.

«Qaldirg‘ochlar» uchun «Buxoro»ga qarshi bahs nihoyatda muhim edi. Jamoa 21-turdan keyin 19 ochko bilan turnir jadvalining quyi qismida borayotgan, so‘nggi uchrashuvda esa «Nasaf»ga 0:3 hisobida mag‘lub bo‘lgan edi. Shuning uchun o‘z maydonidagi navbatdagi bahsda ijobiy natija qayd etish «Bunyodkor» uchun juda muhim ahamiyat kasb etdi.

Uchrashuv «Bunyodkor»ning faol harakatlari bilan boshlandi. 8-daqiqada Shahzodjon Ne’matjonov mezbonlarni hisobda oldinga olib chiqdi. Hujumchi qulay vaziyatdan unumli foydalanib, jamoasiga erta ustunlikni ta’minladi.Biroq «Buxoro» tezda javob qaytardi. 34-daqiqada Temur Mamasidiqov hisobni tenglashtirdi. Mehmonlar shu tariqa o‘yinga qayta kirishdi va birinchi bo‘lim oxiriga qadar durang natijani saqlab qolish imkoniyatiga ega edi.

Ammo tanaffus arafasida «Bunyodkor» yana bir bor oldinga chiqdi. Birinchi bo‘limga qo‘shib berilgan vaqtning 1-daqiqasida Abdulhamid Ikromov o‘z nomini tabloga yozdirdi — 2:1. Ikkinchi bo‘limda esa hisob o‘zgarmadi va «qaldirg‘ochlar» uch ochkoni o‘z hisobiga yozib qo‘ydi.

Shu tariqa «Bunyodkor»ning Superligadagi uzoq davom etgan g‘alabasiz seriyasiga nuqta qo‘yildi. Bu g‘alaba jamoaga nafaqat uch ochko, balki turnir jadvalida yuqorilash imkoniyatini ham berdi. «Bunyodkor» ochkolari sonini 22 taga yetkazib, 13-o‘ringa ko‘tarilgan.

«Bunyodkor» uchun navbatdagi sinov esa yanada jiddiy bo‘ladi. 23-turda Toshkent klubi shahar derbisida «Paxtakor»ga qarshi maydonga tushadi.

Quyida 2026 yil yozida amalga oshmay qolgan eng qimmat va e’tiborga molik transferlar haqida.

1. Xulian Alvarez — «Real» va «Barselona»ga o‘tmadiMo‘ljallangan klublar: «Real» Madrid / «Barselona»Amaldagi klubi: «Atletiko»Taklif: 150 mln yevrogacha

Yozgi transfer oynasidagi eng katta amalga oshmagan bitimlardan biri Xulian Alvarez bilan bog‘liq bo‘ldi. «Real» Madrid argentinalik hujumchi uchun «Atletiko»ga 150 million yevrolik taklif bilan chiqqan, ammo madridliklar bu taklifni rad etgan. Shu bilan birga, «Barselona» ham Alvarezni tarkibiga qo‘shishga jiddiy qiziqqan. Biroq «Atletiko» futbolchini sotish niyatida emasligini bir necha bor bildirgan. Klub hatto Alvarezning shartnomasidagi 500 million yevrolik tovon puliga ishora qilgan. Natijada 26 yoshli futbolchi «Atletiko»da qoldi.

2. Lamin Kamara — «Chelsi»ga o‘tishi so‘nggi pallada bekor bo‘ldiMo‘ljallangan klub: «Chelsi»Amaldagi klubi: «Monako»Transfer qiymati: 47 mln yevro atrofida

Lamin Kamaraning «Chelsi»ga transferi ham yozning eng shov-shuvli amalga oshmagan bitimlaridan biri bo‘ldi. «Chelsi» senegallik yarim himoyachi uchun 47 million funt to‘lashga kelishgan va futbolchi Londonda tibbiy ko‘rikdan o‘tishi kerak edi. U hatto olti yillik shartnoma imzolashi kutilgan. Biroq transfer oynasi yopilishiga oz vaqt qolganida «Monako» kelishuvdan voz kechdi. Fransiya klubi o‘z qarorini «Chelsi»ga yozma ravishda bildirgan. Bu voqea «Chelsi» uchun ayniqsa muhim edi, chunki londonliklar Enso Fernandesni «Manchester Siti»ga 125 million funtga sotganidan keyin uning o‘rniga Kamarani olib kelishni rejalashtirgan edi.

3. Ederson — «Manchester Yunayted»ga o‘tishidan bir qadam qolgandaMo‘ljallangan klub: «Manchester Yunayted»Amaldagi klubi: «Atalanta»Kelishilgan summa: 45 mln yevro atrofida

Edersonning «Atalanta»dan «Manchester Yunayted»ga transferi deyarli hal bo‘lgan edi. Klublar 45 million yevro atrofida kelishuvga erishgan.Braziliyalik futbolchi hatto tibbiy ko‘rikning birinchi qismidan o‘tgan. Keyin jahon chempionatida ishtirok etish uchun terma jamoa ixtiyoriga jo‘nagan va musobaqadan keyin qo‘shimcha tibbiy tekshiruvlardan o‘tgan. Biroq 10 iyul kuni «Manchester Yunayted» «Atalanta»ga bitimni rasmiylashtirishni davom ettirmasligini ma’lum qildi.

Shu tariqa, transfer bekor bo‘ldi va Ederson Bergamoda qoldi. Keyinchalik u «Atalanta» bilan shartnomasini 2031 yilgacha uzaytirdi.

4. Folarin Balogun — «Everton»ga o‘tishdan bosh tortdiMo‘ljallangan klub: «Everton»Amaldagi klubi: «Monako»Taxminiy summa: 40 mln funt

Folarin Balogunning «Monako»dan «Everton»ga transferi ham transfer oynasining so‘nggi kunida amalga oshmay qoldi. Kelishuv qiymati taxminan 40 million funtga baholangan. Biroq futbolchining tibbiy ko‘rigi jarayonida muammo paydo bo‘lgan va «Everton» shartlarni qayta ko‘rib chiqishga uringan.Bundan tashqari, Balogunning Angliyaga uchishi kechikkan, «Monako» esa zarur hujjatlarni o‘z vaqtida taqdim etishda muammolarga duch kelgan. Hatto transfer oynasi yopilishidan oldin bitim varaqasi topshirilgan bo‘lsa-da, yakunda futbolchining o‘zi «Monako»da qolishga qaror qilgan.

5. Marko Palestra — «Inter»dan «Chelsi»ga o‘tib ketdiMo‘ljallangan klub: «Inter»Amaldagi klubi: «Atalanta»dan «Chelsi»ga«Inter» taklifi: 40 mln yevro+ 5 mln bonus yevro

Marko Palestra bo‘yicha «Inter» «Atalanta»ga 40 million yevro + 5 million yevro bonus taklif qilgan. Milanliklar futbolchining agenti bilan ham uchrashib, unga mavsumiy 2,5 million yevro maosh taklif qilgan.Biroq so‘nggi pallada «Chelsi» transferga aralashdi. London klubi yuqoriroq taklif bilan chiqib, Palestrani qo‘lga kiritdi.

Natijada «Inter»ning rejasi amalga oshmadi, Palestra esa «Chelsi»ga 57 million yevro + 3 million yevro bonus evaziga o‘tdi.

Zion Suzuki — «PSJ» transferni yakunlay olmadiMo‘ljallangan klub: PSJAmaldagi klubi: «Parma»dan «Aston Villa»ga«PSJ» taklifi: 35 mln yevrogacha.

«PSJ» yozda «Parma» darvozaboni Zion Suzukini tarkibiga qo‘shishga jiddiy harakat qildi. Fransiya klubi dastlab 28 million yevro + bonuslar taklif qildi. Bu taklif rad etilgach, PSJ umumiy qiymati 35 million yevrogacha bo‘lgan yangi taklif tayyorladi.

Biroq muzokaralar davomida «Aston Villa» ishga qo‘shildi va 16 avgust kuni «Parma» bilan aynan 35 million yevro, bonuslar bilan birga baholangan kelishuvga erishdi.

Shu tariqa, PSJning Suzukini olish rejasi amalga oshmadi.

7. Luis Enrike — «Roma» transferni yakunlay olmadiMo‘ljallangan klub: «Roma»Amaldagi klubi: «Zenit»Kelishuv: 5 mln yevrolik ijara + 30 mln yevroga sotib olish huquqi

«Roma» Luis Enrikeni «Zenit»dan olib kelishga juda yaqin kelgan. Italiya klubi 5 million yevro to‘lovli ijara va 30 million yevro atrofidagi sotib olish huquqi bo‘yicha kelishuv ustida ishlagan. Klublar va futbolchining o‘zi bilan ham prinsipial kelishuvga erishilgan.

Biroq yakunda ayrim texnik muammolar tufayli bitim rasmiylashtirilmadi.

1. Abduqodir Husanov — 50 mln yevroKlubi: «Manchester Siti»Pozitsiyasi: markaziy himoyachiTug‘ilgan yili: 2004 yilTerma jamoada: 28 ta o‘yin

Abduqodir Husanov O‘zbekiston terma jamoasining eng qimmat futbolchisi bo‘lib qolmoqda. Transfermarkt uning bozor qiymatini 50 million yevro deb baholamoqda.

Yosh himoyachining qiymati Yevropaning eng kuchli ligalaridan biri — Angliya Premyer-ligasida «Manchester Siti» safida o‘ynayotgani bilan ham bog‘liq. Husanov O‘zbekiston futbolining xorijdagi eng qimmat aktiviga aylangan.

2. Eldor Shomurodov — 7 mln yevroKlubi: «Istanbul Bashakshehir»Pozitsiyasi: markaziy hujumchiTug‘ilgan sanasi: 1995 yilTerma jamoada: 93 o‘yin, 44 gol

O‘zbekiston milliy jamoasi sardori va tarixdagi eng sermahsul futbolchilardan biri Eldor Shomurodov reytingda ikkinchi o‘rinda. Uning bozor qiymati 7 million yevroni tashkil etmoqda.

Shomurodov terma jamoa safida 44 ta gol urgani bilan O‘zbekiston futbolining asosiy yulduzlaridan biri hisoblanadi. 2026 yilgi Jahon chempionatida ham u terma jamoaning asosiy hujum kuchlaridan biri bo‘ldi. FIFAning JCh-2026 rasmiy tarkib ro‘yxatida Shomurodov 93 ta o‘yin va 44 ta gol bilan qayd etilgan.

3. Abbosbek Fayzullayev — 7 mln yevroKlubi: «Istanbul Bashakshehir»Pozitsiyasi: o‘ng qanot hujumchisiTug‘ilgan sanasi: 2003 yilTerma jamoada: 33 ta o‘yin, 9 gol

Abbosbek Fayzullayev ham 7 million yevrolik bahoga ega. Shu tariqa u Shomurodov bilan birgalikda O‘zbekistonning Husanovdan keyingi eng qimmat futbolchilaridan biri hisoblanadi.

Fayzullayevning asosiy ustunligi — qanotdagi tezligi, texnik mahorati va bir necha pozitsiyada harakat qila olishi. U 2025 yil yozida SSKAdan «Istanbul Bashakshehir»ga o‘tgan va hozir Turkiya chempionatida faoliyatini davom ettirmoqda.

4. Azizjon G‘aniyev — 2 mln yevroKlubi: «Al Bataeh»Pozitsiyasi: markaziy yarim himoyachiTug‘ilgan sanasi: 1998 yil

G‘aniyevning Transfermarkt’dagi bozor qiymati 2 million yevro. U BAA chempionatida «Al-Bataeh» safida harakat qiladi. U markaziy yarim himoyada to‘p nazorati, paslar va himoya hamda hujum o‘rtasidagi bog‘lovchi vazifasini bajarishi bilan ajralib turadi.

5. Oston O‘runov — 2 mln yevroKlubi: «Persepolis»Pozitsiyasi: chap qanot hujumchisiTug‘ilgan sanasi: 2000 yilTerma jamoada: 45 o‘yin, 10 gol

Oston O‘runov ham 2 million yevrolik bahoga ega. U Eronning «Persepolis» klubida to‘p suradi. O‘runov terma jamoada qanotdagi tezligi va raqiblarni yakkama-yakka vaziyatlarda aldash qobiliyati bilan muhim futbolchilardan biri hisoblanadi.

6. Otabek Shukurov — 1,5 mln yevroKlubi: jamoasizPozitsiyasi: markaziy yarim himoyachiTug‘ilgan sanasi: 1996 yil

Tajribali yarim himoyachining bozor qiymati 1,5 million yevro. Shukurov O‘zbekiston terma jamoasining eng ko‘p o‘yin o‘tkazgan futbolchilaridan biri bo‘lib, FIFA ma’lumotlarida uning 90 ta xalqaro uchrashuvi va 10 ta goli qayd etilgan. Hozirda futbolchi jamoasiz.

7. Abduvohid Nematov — 1,5 mln yevroKlubi: «Nasaf»Pozitsiyasi: darvozabonTug‘ilgan sanasi: 2001 yil

Abduvohid Nematov 1,5 million yevro bilan O‘zbekistondagi eng qimmat darvozabon hisoblanadi. Transfermarkt uning qiymatini aynan shu miqdorda baholagan. Nematov yosh bo‘lishiga qaramay, milliy jamoa darvozasida ham muntazam ravishda imkoniyat olib kelmoqda.

8. Akmal Mozgovoy — 1,4 mln yevroKlubi: «Paxtakor»Pozitsiyasi: markaziy yarim himoyachiTug‘ilgan sanasi: 1999 yil

Mozgovoyning bozor qiymati 1,4 million yevroga teng. U markazda harakat qiladigan universal futbolchi bo‘lib, milliy terma jamoaning yarim himoyasida raqobatni kuchaytirib kelmoqda.

9. Xojiakbar Alijonov — 1,3 mln yevroKlubi: «Paxtakor»Pozitsiyasi: o‘ng qanot himoyachisiTug‘ilgan sanasi: 19 aprel 1997 yil

Alijonovning bozor qiymati 1,3 million yevro. U o‘ng qanotda himoya vazifalarini bajarish bilan birga, hujumlarga qo‘shilishi bilan ham foydali. Allaqachon terma jamoada o‘z o‘rnini topgan. Alijonov O‘zbekiston terma jamoasi safida 52 ta xalqaro uchrashuv va 3 ta gol bilan qayd etilgan.

Sherzod Nasrullayev — 1,2 mln yevroKlubi: «Paxtakor»Pozitsiyasi: chap qanot himoyachisiTug‘ilgan sanasi: 23 iyul 1998 yil

Top-10ni 1,2 million yevrolik bozor qiymatiga ega Sherzod Nasrullayev yakunlaydi.

Futbolchi milliy jamoada chap qanot himoyasida o‘ynaydi. Sherzod O‘zbekiston terma jamoasi safida 40 ta uchrashuv o‘tkazgan va 2 ta gol urgan.

Eng ko‘pi “Parvoz” va “Eshata” jamoalarida. Har ikkala jamoada 5 nafardan futbolchi o‘ynamoqda.

Quyida ular bilan tanishamiz.

Sardor: Mirkomil Lokaev, Vohid Oqbo‘taev, Asilbek Norboev.Istaravshan: Abdujalil Manazarov, Jahongir Safarov, Bobur Qosimov.Parvoz: Muhriddin Ahmedov, Ismoil Oxunjonov, Bekjon Jo‘raboev, To‘lqin Ergashev, Bahodir Abduvaliyev.CSKA: A’zam Aliyev, Islombek Isoqjonov,Eshata: Izzatulla Tursunov, Sergey Proxorov, Bekzod Saidov, Sanjar Rihsiboev, Samandar Qodirov.