Xoakin Bakli: Men Maxachev uchun haqiqiy qo‘rqinchli tusga aylangan bo‘lardim

Boshqa sport turlari 19 may 2025 da 05:46

Bakradze Iman

Redaktor

UFC’ning yarim o‘rta vazn (77 kg gacha) toifasida jang qilayotgan amerikalik jangchi Xoakin Bakli rossiyalik Islom Maxachev bilan ehtimoliy to‘qnashuv haqida fikr bildirdi.

«Islom yarim o‘rta vaznga o‘tmoqda va endi bu diviziondagi hamma unga qarshi jang qilishni orzu qilmoqda. Bu — eng “mazali bo‘lak”. Men Islom bilan ilgari uchrashmaganman, lekin jang oldidan u men haqimda juda ko‘p ma’lumotga ega bo‘ladi. Men uning eng yomon tushi bo‘lardim, chunki men u eng ko‘p qo‘rqadigan narsalarni amalga oshira olaman.

Della Maddalenada ko‘plab kamchiliklar bor va Islom ulardan foydalana oladi», — dedi Bakli Parry Punch nashriga bergan intervyusida.