Xabib jamoasidan — o‘zbekistonlik chempionga chaqiruv Abdurahmon Alimagomedov Xotambek Boynazarovni jangga chorladi
Yarim o‘rta vazn toifasida harakat qilayotgan rossiyalik aralash jang san’ati ustasi Abdurahmon Alimagomedov UAE Warriors ligasi chempioni, o‘zbekistonlik Xotambek Boynazarovni jangga chorladi.
“UAE Warriors’da bir ajoyib yigit bor. Uning harakatlarida Nurmagomedov maktabiga xos uslub bor. Men Eagle FC’da birinchi raqamli da’vogar edim, keyin jiddiy raqib ustidan g‘alaba qozonib, UAE Warriors’ga o‘tdim.
Xotambek Boynazarov! Kel, kimning kurashi kuchliroq ekanini aniqlaylik. Shunchaki oktagonga chiqqin. Men senga tartibsizlikni qanday qilib ko‘rsatish mumkinligini bildiraman. Kattalar — Xabib va Islam — bu borada biror maslahat berar ekan?”, — dedi Alimagomedov murojaatida.
Ayni paytgacha Xotambek Boynazarov ushbu chaqiruvga javob qaytargani yo‘q.