Voleybol. 2026-yil voleybol mavsumi yirik musobaqa bilan boshlanadi
Joriy yilning 22–29-yanvar kunlari erkaklar o‘rtasida O‘zbekiston chempionati — Oliy liga, 1-tur bahslari bo‘lib o‘tadi. Ushbu musobaqa 2026-yilgi voleybol mavsumining ilk va eng muhim turniri sifatida alohida ahamiyat kasb etadi. Musobaqa o‘yinlari Olimpiya shaharchasi jamoaviy sport turlari zali hamda “Jar” sport-sog‘lomlashtirish markazida o‘tkaziladi.
Musobaqa quyidagicha bo'lib o'tadi:
- 21-yanvar kuni jamoalar o‘rtasida qur’a tashlash marosimi bo‘ladi,
- 22-yanvardan esa rasmiy uchrashuvlar start oladi.
- 24-yanvar kuni Olimpiya shaharchasida chempionatning tantanali ochilish marosimi tashkil etiladi. Unda Osiyo voleybol konfederatsiyasi (AVC) Prezidenti Ramon Suzaraning rasmiy tashrifi kutilmoqda. Mazkur tashrif musobaqaning nufuzi va xalqaro miqyosdagi ahamiyatini yanada oshiradi.
Joriy mavsumda ilk marotaba bahslar “challenge” tizimi yordamida o‘tkazilib, turnir davomida haqqoniylik va shaffoflikni yuksak saviyada ta’minlanadi.
