UFC'da debyutidan bir hafta oldin afg'onlik MMA jangchisi hibsga olindi

Afg'onlik jangchi Ahmad Hasanzoda (12-3), UFC'da debyut qilmoqchi edi, ammo AQSH politsiyasi tomonidan hibsga olindi. Xabarlarga ko'ra, u 14 yoshga to'lmagan bolaga nisbatan haqoratomuz yoki fahsh harakatlar sodir etganlikda ayblanmoqda.

Ahmad Sakramento okrugi qamoqda saqlanmoqda. Sud majlisi seshanba, 22 aprel kuni bo'lib o'tadi. Kafolat puli 400 ming dollar etib belgilangan. 28 yoshli Hasanzoda shu hafta oxirida UFC turnirida Evan Elderga qarshi jang qilishi kerak edi.

UFC vakillari MMA Fighting nashriga ma'lum qilishicha, yuzaga kelgan vaziyat tufayli afg'onlik jangchi bilan shartnoma bekor qilindi.

Bakradze Iman

Redaktor