Topuriya faoliyati davomida duch kelgan eng qiyin raqibi kimligini aytdi
Yengil vazn toifasida UFC chempioni, 29 yoshli Iliya Topuriya MMAdagi faoliyati davomida duch kelgan eng qiyin raqibi kimligini ma’lum qildi.
Sportskeeda portalining xabar berishicha, gruziyalik jangchi bu borada Aleksandr Volkanovskini alohida e’tirof etgan. Topuriyaning ta’kidlashicha, Volkanovski juda aqlli jangchi va u oktagonda qanday harakat qilishni yaxshi biladi. Shuningdek, «Matador» raqibining jang paytidagi hisob-kitoblarini yuqori baholagan.
Ma’lumot o‘rnida, asli kelib chiqishi gruziyalik bo‘lgan sportchi professional MMAdagi debyutini 2025 yilning aprel oyida o‘tkazgan edi.
Shimoliy Amerika ligasidagi faoliyatini esa 2020 yilning oktabridan boshlagan. Iliya Topuriyaning rekordi hozirda 17 ta g‘alabani tashkil etadi va shulardan faqatgina ikkitasi hakamlar qarori bilan qo‘lga kiritilgan.
