Tbilisi Grand Slam 2025 turniri yakunlandi, endi navbat xalqaro o’quv-yig’in mashg’ulotiga!

Boshqa sport turlari 28 mar 2025 da 08:02

Ibrohim Jalolov

Redaktor

21-23-mart kunlari Gruziyaning Tbilisi shahrida “Katta dubulg’a” turkumiga kiruvchi turnir bo’lib o’tdi. Musobaqada vakillarimiz 1ta oltin va 2ta bronza medali bilan umumjamoa hisobida 4-o’rinni qo’lga kiritdi.

Ayni kunlarda esa musobaqa ishtirokchilari o’rtasida xalqaro o’quv- mashg’ulot yig’ini bo’lib o’tmoqda. 30-martgacha davom etadigan ushbu yig’inda 14 nafardan iborat erkaklar terma jamoamiz dzyudochilari Germaniya, Turkiya, Gruziya, Chexiya va Rossiya kabi mamlakatlar sportchilari qatorida ishtirok etmoqda.

Eslatib o’tamiz, navbatdagi xalqaro Grand Slam turniri 2-4-may kunlari Tojikiston poytaxti Dushanbe shaxrida bo’lib o’tadi.