Surdlimpiya o‘yinlarida tarixiy natija qayd etildi
Joriy yil 13-26-noyabr kunlari Tokioda bo‘lib o‘tgan XXV Surdlimpiya o‘yinlarida O‘zbekiston milliy terma jamoasi futbol, taekvondo, dzyudo, stol tennisi sport turlari bo'yicha ishtirok etdi.
Oʻzbekiston Respublikasi Prezidentining 2024-yil 8-noyabrdagi PQ-389-son (https://lex.uz/docs/-7215989) qaroriga asosan nogironligi boʻlgan shaxslarning sport bilan muntazam shugʻullanishini tizimli yoʻlga qoʻyish natijasida Surdlimpiya o‘yinlari tarixida eng yaxshi natija, 9 ta medal shundan, 1 ta oltin, 4 ta kumush, 4 ta bronza qo‘lga kiritildi.
Medallar tahlili:
Guzal Eshmirzayeva — oltin
Maftuna Abdiyusupova — kumush
Dilbar Tojiboyeva — kumush
Shaxrizoda Nuriddinova — kumush
Xojiakbar Xakimov — kumush
Shoxruz Abduraxmonov — bronza
Robiya Miraskarova — bronza
Utkir Turdaliyev — bronza
Asad Turdiboyev va Robiya Miraskarova — bronza (juftlik)
Go‘zal Eshmirzayeva taekvondo bo‘yicha bellashuvlarda g‘olib bo‘lib, O‘zbekistonga Surdlimpiya o‘yinlarining birinchi oltin medalini olib keldi.
Eng yaxshi natija 3 ta bronza medali bo‘lib, 2022-yil Braziliyada bo‘lib o‘tgan oldingi Surdlimpiya o‘yinlarida qo‘lga kiritilgan.
