Samarqand shahrida davom etayotgan 46-butunjahon shaxmat olimpiadasida 3-tur uchrashuvlari o‘z nihoyasiga yetdi
Samarqand shahrida davom etayotgan 46-butunjahon shaxmat olimpiadasida 3-tur uchrashuvlari o‘z nihoyasiga yetdi. O‘zbekiston sharafini himoya qilayotgan jamoalar ushbu turda ham qiziqarli va murosasiz partiyalarni o‘tkazdi.
Quyida O‘zbekistonning 6 ta terma jamoasi 3-turda qayd etgan natijalari bilan tanishing:
O‘zbekiston-1 — Avstriya: 3:1
O‘zbekistonning asosiy jamoasi uchinchi turda Avstriya vakillarini mag‘lub etdi. Muhiddin Madaminov va Javohir Sindorov o‘z partiyalarini g‘alaba bilan yakunlagan bo‘lsa, Nodirbek Yoqubboyev va Nodirbek Abdusattorov raqiblari bilan durangga imzo chekdi.
Nodirbek Abdusattorov 0,5:0,5 Kirill Alekseyenko
Javohir Sindorov 1:0 Feliks Bloberger
Nodirbek Yoqubboyev 0,5:0,5 Lukas Dotzer
Muhiddin Madaminov 1:0 Konstantin Peyrer
O‘zbekiston-2 — Germaniya: 1,5:2,5
O‘zbekistonning ikkinchi jamoasi Germaniyaga qarshi bahsda imkoniyatni boy berdi. Jahongir Vohidov dunyoning 6-raqamli shaxmatchisi Vinsent Keymerga mag‘lub bo‘ldi, qolgan partiyalarda durang qayd etildi.
Jahongir Vohidov 0:1 Vinsent Keymer
Abdimalik Abdisalimov 1:0 Matias Blubaum
Muhammadzohid Suyarov 0,5:0,5 Frederik Sveyn
Ortiq Nig‘matov 0,5:0,5 Rasmus Sveyn
O‘zbekiston-3 — Marokash: 3,5:0,5
O‘zbekiston-3 jamoasi bu turda Marokashga ro‘baro‘ keldi. Ushbu bahda uch nafar shaxmatchi raqiblarini taslim qildi, bir nafar ishtirokchi esa durang qayd etdi.
Saidakbar Saydaliyev 1:0 Muhammad Aitmidu
Bahrom Bahrillayev 0,5:0,5 Yassir Haj Xolti
Muhammadali Abdurahmonov 1:0 Nidal Ganui
Muhammadali Abdurahmonov 1:0 Nuriddin Messala
Ayollar o‘rtasidagi bahslar
O‘zbekiston-1 — Indoneziya: 3:1
Ayollar o‘rtasidagi bahslarda O‘zbekistonning asosiy jamoasi Indoneziya terma jamoasini mag‘lub etdi. Umida Omonova va Nilufarxon Imomqo‘ziyeva partiyalarni g‘alaba bilan yakunladi. Afruza Hamdamova va Gulruhbegim Tohirjonova durangga imzo chekdi.
Afruza Hamdamova 0,5:0,5 A. Diajeng Singgih
Gulruhbegim Tohirjonova 0,5:0,5 Laysa Latifa
Umida Omonova 1:0 Shafira Devi Herfesa
Nilufarxon Imomqo‘ziyeva 1:0 Chelsie Sihite
O‘zbekiston-2 — Ispaniya: 1:3
Ikkinchi jamoa a’zolari Ispaniyaga 1:3 hisobida mag‘lub bo‘ldi. Nilufar Yoqubboyeva va Asal Salimova durang qayd etgan bo‘lsa, Marjona Malikova va Madinabonu Xalilova mag‘lub bo‘ldi.
Nilufar Yoqubboyeva 1:0 Ahmad Jud
Marjona Malikova 0:1 Vega Gutierraz
Asal Salimova 0,5:0,5 Monika Ruiz
Madinabonu Xalilova 0:1 Matnadze Bujiashvili
O‘zbekiston-3 — Saudiya Arabistoni: 4:0
Ayollar o‘rtasidagi bahslarda O‘zbekistonning uchinchi jamoasi Saudiya Arabistoni terma jamoasini yirik hisobda mag‘lub etdi. Zilola Aktamova, Maftuna Bobomurodova, Shohina Ahmedova va Ozoda Shahzodova barcha partiyalarni g‘alaba bilan yakunladi.
Zilola Aktamova 1:0 Marta Dalia Alsemairi
Maftuna Bobomurodova 1:0 Mashael Alsanea
Shohina Ahmedova 1:0 Mohammed Abrar
Ozoda Shahzodova 1:0 Abdulrahman Maitha
O‘zbekiston jamoalariga 4-turda quyidagi jamoalar raqiblik qiladi:
Erkaklar
O‘zbekiston 1 - Turkiya
O‘zbekiston 2 - Yangi Zelandiya
O‘zbekiston 3 - Yaman
Ayollar
O‘zbekiston 1 - Argentina
O‘zbekiston 2 - Ispaniya
O‘zbekiston 3 - Qirg‘iziston
Ma’lumot uchun, Samarqand mezbonlik qilayotgan 46-Butunjahon shaxmat olimpiadasida jami 400 ta jamoa qatnashadi: Erkaklar guruhida 208 ta, Ayollar o‘rtasida esa 192 ta jamoa. Musobaqa 16–27 sentyabr kunlari bo‘lib o‘tadi.
