Sablyachi yigitlarimiz Osiyo chempionatida bronza medalini qoʻlga kiritishdi

Boshqa sport turlari 20 iyn 2025 da 07:13

Nasrullo Karimov

Журналист

Indoneziyaning Bali shahrida oʻtkazilayotgan qilichbozlik boʻyicha Osiyo chempionatida Oʻzbekiston terma jamoasi yana bir medalga erishdi. Bu gal sablyachi yigitlarimiz jamoaviy dasturda shohsupaga koʻtarildilar.

Dastlabki bosqichda Makaoni 45:15 magʻlub etgan hamyurtlarimiz chorak finalda Xitoydan 45:43 hisobida ustun kelishdi.

Biroq murosasiz kechgan yarim final jangida Yaponiyaga 44:45 hisobida imkoniyat boy berildi. Uchinchi oʻrin uchun kechgan bellashuvda esa Gonkong 45:39 hisobida magʻlub etildi.